|
سآعدوني ملكت لكن ........!
يابنات اسعمو سالفتي وساعدوني
انا بنت عمري 20 سنه من شهر تقريبا تقدملي واحد الي هو زوجي حاليا وكنت رافضه ماابي اتزوج لكن امي طلبت مني مااخرب فرحتها واهلي بعد شديت على نفسي وقلت يابنت وافقي يمكن تستانسين وفرحي اهلك المهم وافقنا ومن اسبوع وعليها او اسبوعين تقريبا ملكنا اخذ رقمي بنفس يوم الملكه وصار يكلمني بالبدايه كان الوضع عندي عادي بس يابنات مو مرتااااااااااااااااحه ابد معه من ملكت وانا لانوم نفس الناس ولااكل نفس الناس مدري وش صاير لي والله تغيرت حيل حتى اهلي لاحظو صارو يمسكوني واحد واحد قولي لنا تكفين وشفيك انتي ماتبينه ومن هالكلام جسمي كان حلوووو والحين نحففففففففت حييييييييل بشرتي صارت صفرا وجهي صار ضعيف خدودي راحو كل شي اختفى وقلب مدري وش صارلي يابنات اربع وعشرين ساعه ضايقه والله ضايقه قليييييييل انام اكل مااكل مالي نفس ولااجوع ابددد ومن اشوف رقم خطيبي ارد طبيعي بس لما اسكر اغتث بقووووووه وربي حتى حافظته بجوالي غثا عمري >> هم اهله جونا يوم اربع او ثلاث مرات قبل الملكه واخر مره يوم الملكه عمتي جابت اختها معها ( عمتي ام زوجي ) المهم يوم طلعوا الا عمتي تقد على امي وتقولها اختي تقول انتي ماخذه احلا وحده بهن تهبل ومن هالكلام ووو الخ > بنات انا اختكم قولو ليه صار فيني كذا مدري وش فيني والله مدري خصوصا زواجي بعد شهر وجسمي راح والبشره قلبت كنت بيضا والحين وجهي وجسمي اصفر ونحيف حتى عروق يدي ورجولي طلعووووووووو واضحين بالحيل وش اسوي تكفون بنات تكفون ساعدوني مالي الا الله ثم انتم |
ياعمري اولا مبروووووووووك والله يتمم عليكم ويسعدكم
ثانياااا.. من الطبيعي بيجيك هالتغيرلان التفكير مشغوول وبعدين مومن اول يوم وانتي متقبله الرجال يبيلك فتره تتعودين عليه انا لمى انخطبت كان بالعيدولمى جاني الخبرجلست ابكي واتضحلي بعدين ان بكاااي ودموعي ماكان لها داعي وبعدها تعودت على خطيبي وصار جدا عادي ولمى جات مناسبه اهله كانوموجوددين لاحضوالتغير فيني نحفت مرررره تعرفين التفكيروالحاله النفسيه انتي لاتكدرين نفسك عيشي حياتك الدنيا سهالات وعسى ان تكرهوشيءا وهوخيرلكم .. الله يسعدك ويوفقك ان شالله |
السلام عليكم
أنصحك بالآتي: -صلي الإستخارة مرات عديدة -صارحي أمك بمشاعرك -اكثري من الاستغفار و الصلاة علي النبي -اعطي نفسك فرصة, يمكن يتغير احساسك اتجاه الموضوع - حاولي ان تفهمي مشاعرك جيدا |
اقتباس:
ماشاء الله أختنا أعطتك .. الجواب المناسب.. سوي كل الي قالتلك عليه.. إذا مره مو مرتاحة .. أجلو الفرح.. أو حاولي تقرري .. لانه زواج وحترتبطي فيه طول العمر.. بس يا حبيبتي غالباً.. في البداية يكون فيه خوف.. الله يختارلك الخير.. |
حبيبتي الله يبارك لك و يهنيكي إذا زوجك طيب و ملتزم و عال العال فلا داعي لتعذبي نفسك -استعيذي بالله من الشيطان ,لأن إبليس اللعين لا يرضى الحلال و السعادة لإنسان -أولا استخيري و ادعي و فضفضي قلبك لربك وقولي له كل مايخيفك و كل ما تتمنيه في سجدة أو في دعاء و مناجاة قبل الفجر -صلي الصبح و حاولي تنامي لتفيقي مرتاحة و العبي رياضة واضحكي مع أهل بيتك و فرفشي و تغذي منيح و مع كأس شاي خذي ورقة و اكتبي فيها كل ما يخيفك ,هل الزوج أو الزواج و ماذا يخيفك بالضبط ؟ وا كتبي إيجابيته اللي ترتاحين لما تفكرين فيها و كوني عقلانية... - ارجعي لحياتك و كلي جيدا و حطي ماسكات على وجهك و أعيدي الثقة و الحياة لنفسك -و القي بحملك على الله ,هل سيضيعك إن توكلت عليه ,أبدا سيجعل من أمرك كله خير و اسعدي و تقربي لزوجك و تعرفي عليه أكثر و لا تقولي ما أقدر هذا من الشيطان و اطلبي أن يزورك و تجملي و عيشي هالأيام بعسلها و لا تروحيها عليك لمجرد إحساس أنت لا تعرفين ماهيته إذن هو لا شيء من الأساس تقبلي مني تهاني و تحياتي |
مبروك يا عروسه ما قصروا الاخوات
بس اتوقع السبب هو السرعه في كل شي يعني بين عشية و ضحاها صرتي في ذمة شخص ما تعرفي عنه غير اسمه و اشياء بسيطة عنه فإن كان انسان طيب و ما عليه خلاف فأسأل الله ان يؤلف بين قلبيكما و يفرحك بزوجك و مبرووك للمرهـ الثانية |
عليك بالرقية الشرعية في اقرب وقت اختي
واسأل الله لك الشفاء |
يااختي إذا عارفة ان زوجك خوش ريال لاتفرطين وإذا حاسة شعورك مبالغ فيه وماتدري ليش هذا كله
الحل هو الرقيه لعلهم فرحوا بج حييييل وماذكروا الله ولعله سبب نفسي فقط وخوفج من مسألة الزواج داومي على الرقية الشرعية واكثري الاستغفار وإذا حسيت بتغير وتحسن اعرفي انك افضل وان شاء الله يتغير من غثاء عمري <<<<<<<< الى حلم عمري الله يسعدج ويهنيك |
هالمشاعر طبيعيه ,, بس بصراحه مو دايم ..!!
يبيلك يالغلا تصلين استخاره اكثر من مره ,, وتدعين اذا فيه خير يتممه لك ربي واذا العكس يبعده عنك ..! واذا شفتي انك ابد مو مرتاحه بعد الاستخاره والضيقفه ملازمتك انصحك تصارحين اهلك يشوفون لك حل ..~ واتمنى ان امورك تتحسن ويوفقك ربي يارب ..~ |
أختي الكريمة هل هناك سبب واضح لمشاعرك ؟ مثلا خطيبك ممل أو يتكلم بكلام بدري عليه ؟ ... الخ من أسباب أعانك الله |
مشكورين كلكم ع الرد
لا كلامه عادي ومايتجاوز حدوده ابد وكلامه حلو لكن مدري وش فيني |
اقتباس:
إذا حاسه أن خالة العريس عطتك عين خذي من أثرها أو ممكن تعزمهم أمك هي وأم العريس وخذي فناجيلهم وأغسلي جسمك كله وأشربي إذا قدرتي :: العين حق وحالتك شكلها عين بعد كلمة الخالة :: ولاتنسي الرقية وقراءة الورد صباحاً ومساءً وتحصين النفس |
تصدقي نفس المشكله امر فيها وافقت عشان اهلي ماخرب فرحتهم بس باقي ماملكت ادعوا لي التحاليل ماتتطابق مع انه رجال طيب واخلاق بس احس مابيه
|
استهدي بالله و لا تكبري الموضوع مو كل ضيقه نحس فيها عين
اقرئي في الكتب او اسمعي محاضرات الشيخ محمد العريفي عن العين و آثارها و علامتها كذا وحده قبلك دخلت هذا القسم و طرحت نفس المشكلة ( مملكه و مو مرتاحه ) بس مو المعنى انها عين ريما لانك رافضه من البدايه و وافقتي من باب المجاملة فتحتاجي وقت حتى تتعودي عليه |
اقتباس:
لهذه الدرجه وصلت فيك .. ماتبينه مااحد جابرك عليه عفوا اختي صاحبه الموضوع ... ربي يوفقك ويكتب لك الي فيه الخير |
استهدي بالله ولاتحطين في بالك انه عين صحيح ان العين حق لكن وبناء على كلامك هالاشياء اللي فيك بسبب انك رافضه مبدا الزواج قبل ماتعرفين زوجك اساسا ،، نصيحة اخت تعوذي بالله وعيشي هالفتره بكل حلوها تدلعي تغنجي:22: اعملي اللي بدك بس لاتنكدين على روحك صدقيني بتحسفين والله يكتب لك كل مافيه خير يارب .
|
اقتباس:
|
مشكورين ع الردود موفقين يارب
دعواتكم لنا بالخير |
يمكن اخت عمتك الي اهي ام زوجك عطتك عين وحسدتك
|
مبروووك ياقلبي ربي يسعدك ويكتب لك الخير
كوني مع الله دائما |
مثثلي بدآية الخطوبة بككآ وحآلة
آحس عآدِي بس مّ دآمك مملككة وللحين هالشِي غريبة آستخيري آكثر من مررة =) ربي يكتبلك اللي فييههَ الخير |
الله يعديها على خير
دعواتكم > اللهم لك الحمد كما ينبغي لجلال وجهك وعظيم سلطانك |
| الساعة الآن 11:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©