|
كل الكلام اللي قاله موجود فيني
بسم الله الرحمن الرحيم
السلام عليكم ورحمة الله وبركاته انا عمري 26 سنه ولحد الحين ما فيه خطاب خالص بالص :24: براحتهم انا قبل كنت يضيق صدري على هالموضوع بس الحين اقول هم الخسرانين اللي فوتوا وحده مثلي :25: بس قبل كم يوم كنت اتصفح النت وكان فيه واحد كاتب موضوع انه يدور من زمان على بنت بهذه الموصفات ومو لاقي ، كاتب هل يتنازل عن مواصفات اللي في باله او انه يصبر اكثر وسال هل شروطه مبالغ فيها او انها عادية !!؟ المهم كل الكلام اللي قاله موجود فيني فارسلت له اني عندي كل الاشياء اللي ذكرتها :15: بس ما ادري مترددة خايفه من هالطريقة جدا بماذا تنصحوني فيه انا اقول ما ارد عليه احسن وانسى السالفة نهائيا واحيانا اقول يا بنت ما تدري يمكن يكون هذا سبب لزواجك باذن الله بعد كل هذه السنين من الانتظار وخصوصا اني من النوع للي ما انخطب :30: واحيانا اقول انتظري لانه ربك اذا اراد الشي يقل له كن فيكون وبتفاجئين بخطبة عن طريق صح! |
وعليكم السلام
اختي اذا فيك انتي كل مايريده هو ، فهل فيه هو كل ما تريدينه انتي ؟! انتبهي يارعاك الله |
عزيزتي احس بما انتي فيه ولكن نصيحتي لك ابعدي وانسي السالفه فهذه الطرق ربما تكون عواقبها وخيمه قبل الزواج او حتى بعده وهناك طرق افضل مثل الخطابه فحفظك الله ورزقك زوجا صدوقا تقيا نقيا عاجلا غير اجل
|
اقتباس:
جزاك الله خير |
اقتباس:
وانا ما فيني الا العافيه :26: الحمد لله راضية بقسمة الله وكتبته ويقيني التام بان كل شي باجره ما في شي يضيع عند الله سبحانه وتعالي ان شاء الله بطبق كلامك برسله له اعتذر وبعدين بسكر عضويتي بكلمة سر صعبة بحيث ما اتذكرها علشان ما التقي فيه في المنتدى ثاني :11: شكرا عل النصيحة:22: |
استخيري
مافيها شيء اهم شيء انتي تكوووني مقتنعه توكلي على الله واستخيري والله يقدم لك الي فيه الخيير |
اقتباس:
|
مرحبا أختي الكريمه
الامور هذي ماتجي بالطرق الحديثه مثل زواج النت وغيره او زواج من الشات وغيره ,, يعني كان الأولى وبدال ماتحطين في بالك الموضوع هذا , كلمي خطابه وقوليلها كل حاجه والمواصفات اللي تبينه وخلال فتره راح تنهال عليك الخطاطيب ولا تقديمن على أي خطورة إلا بمشورة رب العزه والجلاله استخيري بجل امورك وبإذن الله منتي شايفة شر بعدين عمرك 26 سنه يعني زي عمري بسم الله علي بدري شويه على البحث عن زوج واللاهفه على الزواج,,, الله يوفقك ياخيتي ويسعدك ياااااارب ويرزقك بالزوج الصالح اللي يحترمك ويقدرك ويحبك ويغليك وتكوني قلبه وعمره وحياته ودنيته ,,, |
مدري ليش يوم قريت اسمك حسيت انك بتتزوجين قريب مدري كذا من الله احساس
مواقصد انك بتاخذين هذا الشخص لا بس كذا احساس الله اعلم |
:: |
انصحك تنسين الفكره وتنتظرين الفرج من رب كريم لا يخيب عباده بس احرصي على الدعاء وتحري اوقات الاجابه والله يوفقك ان شاء الله
|
اقتباس:
اهم شي شخص يقدرك ويعرف قيمتك >>> تعقدت من الماشكل للي تقراها:15: |
:d
اقتباس:
|
اقتباس:
وبالمناسبة تعجبني ارائك كثير وتنسيقك للردود:22: اظني قريت انه لا باس من هذه المواقع ومهيب محرمة شرعا لكن الاغلب يدخل للعب للاسف وللنفوس الضعيفة.............................. وانا اساسا ما دخلت موقع زواج لكني مشتركة في منتدى عادي اجتماعي يستقبل مشاكل الاعضاء وهو ما كتب يبحث عن فتاة في النت ولكنه كتب انه اهله لم يستطيعوا ايجاد المواصفات التي طلبها وكتب يسال هل يتنازل عن بعض صفاته او انه يصبر اكثر، وان كانت صفاته معقوله او مبالغ فيها وانا رشحت نفسي له :( عاد الله وحده اعلم بنيته ان كانت سليمه او لاء لكني تراجعت :30: فلماذا ادخل نفسي بمتاهات، والغيت عضويتي حتى:15: املي بالله كبير يا رب يعينا واياكم على طاعته والحمد لله على كل حال |
اقتباس:
الحمد لله |
عزيزتي
الله يوفقك اولا عمرك صغير والطريجح امامك والله في اشياء كتبتيها تأثرت بها وهي ماتعملين من طريقة وبرك اختي انا ناظريني وقمت بكل شيء تتوقعينه والله ماشفت الا المذلة وحاسيت كرهوني في الزواج والله المواقع ياكثر الكذابييين والخطابات ياكثر النصاااابات تخيلي وحدة منهم قال ايش تبى الفين مقدم وقلت ليش قالت عشان ابحث لك وفهمت انها راح تغصب وتزن علي اي احد والمضحك حتى لمااقول للخطابات مواصفات معيينة اتمناها يقوولون لا لازم تتنااااازلين يارب نحمدك ونشكرك ماحددت لنا في الدعاء وجعاته مفتوح وتستجيب رغباتنا وتصدقين لما سجلت غي المنتديات هذه وش كثر جاتني رسائل اللي تنبهك من الشباباللي تحذيرية من الطريقة بس العفاف احس ازينهم ويعني مااحد يأخذ منك معلومة لما يتأكد الشيخ منوه ويرسل هويته الله يرزقنا بدل التطييييح على المواقع والخطابات والله يوفقني واياج بالازواج الصالحين |
اقتباس:
|
اقتباس:
الله يوفقك مع ابن الحلآل المناسب خُلقاً وخلقاً وديناً.. |
الاستخارة و الدعاء هذا ما أنصحك به
|
لا العفاف مسجلين من جميع الجنسيات هو مو مركز موقع في النت
|
الله يرزقك انثى أبكت القمر والأخت فضيله جعل تعبكم في البحث راحه مالها نهايه مع رجال يسعدونكم وفيهم الخير وحقيقه تأثرت بكلامك لمن تقولين الخطابه تقولك تنازلي والله يعطيك بس أدعيه حقيقه أثرتي فيني والله لايحرمك الأجر ومشكوره صاحبه الموضوع وإن شاء الله كلكم تفرحونا قريب في قسم المقبلين على الزواج
|
اقتباس:
وقال ( امن يجيب المضطر إذا دعاءه) روحي ادعي وماساعد وكم واحد قبله بعد بس ربك كريم امكن الله مختار لي واحد افضل من اللي كانوا راح يجيبونه لي آمين كلنا نفرح ببعض:14: قريب يارب |
الله يوفقك ويستر عليك ويسعدك دنيا واخره
تحياتي لك |
مشكورين كلكم على الردود والدعوات
في خطابه تعرف امي من زمان لكن علاقتهم انقطعت وقبل كم يوم سبحان الله مدري وش جابها وعرفت عني والان تبغي صورتي او تبغي تشوفني رايكم ابعث لها صورتي او انسي الموضوع :) لانه كل يوم يمر علي اصعب من الثاني احسني مثل السيارة العطلانه تلفظ اخر انفسها وتبي قريب توقف خخخخخخخخ ما اقدر اصمد اكثر خصوصا انه لي اخت الله يهديها تحب تنفرزني وتستفزني في موضوع تاخري بالزواج |
ما بني على خطا فهو خطا
تضرعي الى الله بان يرزقك من ترضين خلقه ودينه ودعي عنك ما انت فيه اكثري الاستغفار وصلاة الليل وبادن الله سياتيك ما يتمنينه . |
| الساعة الآن 08:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©