|
البنت الثالثه اللي أخطبها والحسابه بتحسب !!!!
بسم الله الرحمن الرحيم
الحمد لله المتفضِّل بالنِّعم ، وكاشف الضرَّاء والنِّقم والصلاة والسلام على النبي الأمين ، وآله وأصحابه أنصار الدين السلام عليكم ورحمة الله وبركاتة { اللهم لك الحمد والشكر كما ينبغي لجلال وجهك وعظيم سلطانك} سبق وكتبت عن ثاني بنت أخطبها واعتقد عرفت سبب رفض أبو البنت مع العلم أني غير مقتنع فيه عموماً هي بنته وحر فيها ,, اليوم جيت بعدما خطبت البنت الثالثه وزي العاده كلمتهم أختي اللي أصغر مني بس ماشاءالله عليها متمرسه بالأمور هذي وهي اللي خطبت لكل أخواني الله يوفقها يارب ويتمم عليها بحملها وتجيب البنوته اللي تتمناها , وبعدما قالتلها أختي عن كل حاجه تخصني من ناحية عملي و الأمور الثانيه , أختي سألت عن العمر طبعاً وصلنا كلام أن عمرها مثل عمري 26 سنه لكن تفاجأنا من كلام أخت ست الحسن والدلال أن عمرها 28 سنه طبعاً انا عندي قناعة كل ماصارة البنت أكبر بالنسبه لي تكون أفضل مشينا اول كذبه قالت لآختي انتظرينا يومين وبكلمك ,, انا بشاورها أولآ قبل لا أشاور أبوي ,,, وبعد اليومين كلمت أختي وقالت والله أن البنت ماتبي تسكن في بريده والسبب ان امها متوفيه وتبي تسكن في الرياض وتقول بعد ماتقدر تسكن في نفس المدينه اللي فيها ابوي تقول انها ماتقدر تتحمل بعد ابوها عنها وهو بنفس المدينه وإذا اخوك يبي ينقل عمله من بريده للرياض ميخالف >> ياعيني على العذر تقل تقول لا بس بطريقة شبه مؤدبه .. من سمعت الكلام قلت في نفسي اشوف منتدى عالم الأسرة والمجتمع أصدق اشوف أفعال البنات اتعجب ,, يعني كثير بنات في هذا المنتدى ومنتيات الزواج اللي استغرب من يشارك فيها تتمنى من يتقدم لها احد والحين انا وغيري من الشباب اللي يبون بكملون نص دينهم ويصونون انفسهم مايلاقي بنت تبي تتزوج ,, يعني أتزوج أجنبيه وارتاح وإلا وش الموضوع بالضبط ردوا علي يابنات ماتبون تتزوجون وإلا وش فيكم ؟؟؟ !!! |
الله يسهل أمري وأمرك، وكلن يرزقه الزوجة التي يتمنى، حقيقة مثل هالقرار من الصعب أني أعطيك رأي فهو يرجع لك ولرؤيتك وتقديرك، وإذا لم يكتب الله هذه البنت فلربما يكون خيراً لك ولها، ولكن فكر بالموضوع وقس هل هو مناسب أن تتزوج منها أو لا ..
تحياتي لك . . على طاري بريدة، كيف بريدة ؟ أنا منها ومغترب عنها لي سنة :( |
الخيرة فيما اختاره الله,,
و البنت رأت أن وضعك لا يناسبها , فهذا قرارها و هي أدرى بقدرتها و نفسيتها على البعد,, لا يعني كثرة طلبات الزواج , او شح الخاطبين أن الرجل يتوقع أن توافق عليه أي فتاة و بكل حالاته .. و لايوجد شاب لا يستطيع أن يجد فتاة تقبل به , البنات كثر و أجد موضوعك ليس خطبة أنما جس نبض و لم يحصل توفيق , و ستجد مرادك في مكان آخر , فلا تستعجل على رزقك,, لما لا تخطب فتاة من المنطقة التي تعمل فيها,, |
عليكم السلام والرحمه..
حياك الله اخي مفسر,, والله الموضوع فيه خيره لك ,تخيل لو تزوجتها ونشبت لك الا تسكن معها بالريااض ووجلست في بيت اهلها و تبدى المشااكل الي لها اول ما لها آخر,, اسئل الله ان يعووضك خير منها ياارب.. وبما انك صاحب الموضوع /طمنآ على والدتك..؟ |
اقتباس:
|
اقتباس:
انا وهي من نفس المدينه بس هي ترغب أن تسكن في مدينه الرياض وانا أهلي وربعي وعملي و كل حاجه تخصي في بريده وش يوديني للرياض ؟؟!! انا ماقلت لازم اي وحده اتقدملها إلا توافق علي بس تعجبي من الرفض الغير مقنع لو فيه أسباب في نفسي او شكلي او اخلاقي او سمعتي بالعكس اوافقها الرأي ولكن تبريرها غريب عموما الله يوفقنا وأياها وكل مسلم |
اقتباس:
البنت من نفس المدينه اللي أسكن فيها ولكن رغبتها الغريبه السكن في مدينة الرياض , الوالده الحمدلله بصحة وعافيه ولنا تقريباً ثلاث أيام مع العلاج وخبرك الأدويه هذي تبيلها وقت على بال مايبين |
أول شئ ، ماني شايفة إنها كذبت عليكم في عمرها ؟
كانت صريحة .. فليه تقول مشيت لهم أول كذبة ؟ ثاني شئ ، هي ذكرت السبب في عدم رغبتها بالسكن في بريدة و لإنها ترعى والدها و أمها متوفية .. فليه تزعل ؟؟؟ |
ان شاء الله تكون فيها خيره لك
غريبه منها على الرغم من ان عمرها كبير مو خايفه من العنوسه ؟؟؟ اذا ماحصلت في بريده شوفو المدن القريبه منكم الله يكتبلك الخير وين ماكان |
... أخـــي ... كلم أمر الله خير ... لاتتضاايق ولا ااااااشــــي .. فـ هـي اختااارت الأنسب لقلبها ... ولكن ألوووم عليها لأنه عذر غير كاافي ... لابد من تيسير امر الزواااج .. ولكن مع الأسف ماايحصل في مجتمعنـــا هو ظلم كبير .. . . لم تعد القيم الراائعة لتفكير الفتااة بفارس احلاامها مووجودة ... وااصبح مع الأسف مجرد شي تكميلي .. لحياتها كاباقي زميلاتها تريد الزواج فقط .. متجاااهلــه مانصت عليه الشريعه .. من الحكمه من الزواج .. اعذرني اطلت عليك بالكلاام ولكن اود قوول هذا منذ زمن لأنني بين معشر الفتياات وجدت ان للاسف الاغلب تفكيرهـ بالزواج بسبب انه اصبح شي مكمل لها ويدخل من ضمن المووضه مع الاسف .. لعوود لك هذا تفكيرهااا ولعله خير .. لك ولها ... اخي .. الكثير من الشبااب .. يخطب اكثر من واحدة ولا مشكلة في هذااا .. . . انا وااثقه ان الزوجة الصالحة بأنتظاااارك ... وتدعو الله بأن يرزقها بك والقدر سيأخذك لهاااا حيث تكوون ... . . لأنك بحثت عن الحلاااال الله ســ يكـــون معـــك .. . . ان شااء الله المووضوع اللي بعد هذا تبشرنا بخطبتك من بنت الحلااال وتكون طاير فيها من الفرحة .. يارب ياكريم ارزقة الزوجة الصالحة المرفووع ذكرها بالسمااء والارض .. عاجلاً غير آجل آآمين |
الله يكووون بعوونك ويرزقك البنت اللي
تتمناها وتسعدك .. |
والله انك يائس بششكل
ياخوي هالــ 3 بنات مو من نصيبك ..! راح تظل تخطب لحد ماتوصل للي ربي كتبها لك .. يبيلك صبر وطولة بال وانت قول لأهلك لايبلغونك الا بعد مايوافقون عليك الناس يعني مثلا يخطبون لك 2 و 3 و4 لحد ماتتم الموافقه ساعتها يبلغونك كذا الامر راح يكون كويس لك .. وماراح تحس انك شخص مرفوض << مع اني ضد هاالتفكير بس اريح لبالك سو هالشي وصدقني بيكون لك احسن الله يوفقك وتلاقي بنت الحلال اللي تسعدك تبي من الزلفي <<< ذكرنالك (: موفق خيووو |
احيانا يكون عند البنت عذر لرفض العريس بس ماتحب تبينه وتبين شيء اخر
احتمال ماتريد اصغر منها ووضعت لك العقدة في المنشار يمكن اسباب اخرى ( وفي السماء رزقكم وماتوعدون ) |
اقتباس:
من ناحية العمر وصلنا عن طريقهم أن العمر 26 سنه ولكن بعدما كلمتهم أختي صار العمر 28 سنه اخاف بعد الزواج يطلع العمر 35 سنه ,, انا وهي من بريده وابوها ساكن في بريده بس تقول اني ماقدر اسكن في مدينه ابوي فيها ولا أقدر اشوفه عشان كذا ترغب بالبعد عنه ,, ياجماعة ترا عمرها 28 سنه موب 20 او 21 عشان تتشرط غريبه ماتسمع عن العنوسه اللي كل مالها تزيد ماتسمع عن الشباب وامتناعهم عن الزواج وكلن له أسبابه ,, |
اقتباس:
وين أدور برا بريده وكل يوم ودني لآهلي وامشور رايج جاي للمدينه اللي بأخذ منها بعدين من قل بنات بريده ماشاءالله الكليات مليانه وكل مارحت مكان تلاقيه مليان من بناتنا الله يحفظهن >> طبعاً اروح للكليه بسبب أختي عشان مايفهم قصدي غلط , |
|
اقتباس:
فعلآ هذا مارأيته طبعاً موب عشاني ولكن حصل لآصدقائي وحتى أخواني وأقاربي بعد استغرب من التفكير الدخيل علينا وصار الزوج وكأنه موضه تتفشخر فيه قدام صاحباتها ماتدري وش الحكمه من الزواج دائماً الأمور هذي ترجع للمدرسه والتأسيس الغلط اللي حاصل في مدارسنا للأسف وكل الجنسين سوا الأولاد او البنات ماعندهم التوجيه السليم ,, والأم تلاقينها ماتقول لبنتها عن الأمور الخاصه في البنت إلا لين تكتشفها البنت نفسها مادري هل هو حياء او غباء او عدم مبالات وكثير من الزواجات فشلت بسبب جهل البنت اثناء العلاقه الخاصه وكثيييييير من الأمور التي للأسف تكون البنت جاهله فيها ولم تجد من يوجهها التوجيه الصحيح سوا من المدرسه او الأم أو حتى الأخت التي تكبرها عمراً ,, *** ياااارب الله يسمع منك لآني صراحة احس حالي منبوذ مع العلم ان الكل يثني عليه والكل يستغرب أني للحين ماتزوجت ,, الله يكتب اللي فيه الخير لي ولباقي الشباب والشابات يارب ياكريم |
اقتباس:
|
اقتباس:
لكن اقتراح جيد بحاول بحاول اسويه يمكن ينجح معااااي ,, لبى الزلفي وأهلها والله والنعم فيهم |
اقتباس:
الله يجزاك خيرر استاذه |
شكرا على ردك على مشاركاتي
|
اقتباس:
او تقول مافيه نصيب او أي كلمة مؤدبه تدل عدم القبول وراح تنقبلها برحابت صدر .. اما ماتبي واحد أصغر منها ,, وصلنا كلام ان عمرها 26 سنه يعني بسني ولمن بعدما كلمناهم وصلنا العمر الصحيح اللي هو 28 سنه ,, |
اقتباس:
|
اقتباس:
اووك اذا كان لازم يستشيرونك فيمن يخطبون لك اجلس مع الاهل وقولهم يرشحون كم وحده لك وانت حدد لاتحدد وحده او ثنين .. عالأقل 3 واتركهم فموضوعهم يبدون في الخطوبه لحد مايوافقون عليك ذيك الساعه يقولون لك ( الفلان ) يقولون حياكم << ومبروكين خخ تسلمن اخوي على ثنائك والله يوفقك |
أخي الكريم أولا الزواج قسمة و نصيب و أول خطوة فيه تكون بارتياح نفسي من استخارة...هي صلت استخارة و ما ارتاحت و من خوفها من ضغط أهلها لأنه مسألة عمرها ما وجدت إلا هذا العذر...لأنها لو قالت مو مرتاحة لا أحد من أهلها سيتفهمها بل سيوبخونها و يتهكمون عليها...و أنت أيضا لو قالت لك أنه مو مرتاحة ,انت كردة فعل طبيعية منكم انتم الشباب لا تستوعبون "كيف يعني مو مرتاحة"...و هذا أكيد و شفته عن تجربة... .إذن لا تظن بها شر و تلقي باللوم عليها و رزقك لم يأتي بعد و لتحسب الحسابة 3 و 4 و10 مادام أن الله سيأجرك على بحثك للحلال بزوجة تفوق توقعاتك إن شاء الله و لا تسمح لتجاربك الصغيرة أن تجعل نظرتك لبنات الناس سوداء...خذ الأمور ببساطة و اجعل إيمانك بالقدر و النصيب أكبر و أعقل و لمعلوماتك, لا تشوف البنات يدعون بالزوج الصالح و تظن أنهن ملهوفات على الزواج...أبدا ,فالواحدة منهن يأتيها عريس و تقعد تصلي استخارة و يخالجها الخوف و التردد و لو ما ارتاحت ترفض و حتى لو كان عمرها يعني كبير...لأنه في الاخر هذا رزق من عند رب العالمين "وعلمت أن رزقي لن يأخذه غيري فاطمئن قلبي " و الله يكتب لك الخير و يهدي بالك و يرزق ما تمنيت |
والله انك صادق تسمع البنات في المنتديات يبغون الستر ولاكن لمن تخطب تلقى رفض وأسباب ماتقنع أقولك سنتين واحناندور لأخويه وكل شيء فيه وشقه ملك لاكن البنات وشروطهم نبغاها تكمل تعليمها ماتبغا زواج والخ.......
والله ماصرت ألوم الرجال اذا طلع بره ...... رأي من واقع مرير والله أشك أخويه جت عنده حاله نفسيه يقول بتقوم الساعه وانا لسه ماتزوجت لاكن الله يعين |
اقتباس:
والله بنات بريده ماهن قليلات على قولتك مهنا كثرهن وبيوتهم متروسه درازن من هالبنات ماشاء الله .. بس يمكن يحبن التشرط مايرضون على اي احد تعرف بكل شي يدققون مثلا يشوفونه سمين دبدوب << يقولو اوه سمين دب مانبيه ربي يعوضنا غير اخاف انك دبي وانا مدري .:22: ان شاء الله تخطب بنت وترضى فيك وتسعدك بس لاتنسى تبشرنا...بالتوفيق |
واضح من كلا مك انك تبغاها جميلة ودايما الجميلة متشرطة
|
على فكرةاخوي خطبناله 14 وحدة
|
ههههههههه شكلك مو حلو تصرفك بطريقتها
او انها واضح من تصرفاتها انسانه كذابه ولاعابه لكن الله يعوضك خير ان شاء الله وانت باقي صغير ان شاء الله ربي يرزقك اطلق انسانه بالكون ماتشوف غيرها بهاذي الدنيا .. |
لا نبي نتزوج من قالك بنسبه لي الحض مدري وش فيه للحين ماحد عبرني لو يجني واحد من الصين والله ما اقول لا بس ماجني احد راضيه وللله الحمد على كل حال
وانت اصبر وربك بيرزقك ان شاء اللله بس انت خل عندك طولت بال |
| الساعة الآن 03:19 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©