|
مشكلتي غلاء المهور
السلام عليكم ورحمة الله وبركاته إخواني وأخواتي أعضاء المنتدى ،لقد سررت كثيراً بالتسجيل في هذا المنتدى الرائع ،لقد قرأت الكثير من المشكلات وكانت أغلبها لفتيات ولكن لي الحق كرجل لو سمحتوا لي أن احكي مشكلتي وإن كانت بسيطة نسبياً ،أنا مطلق ،وعمري 33 سنه ولي طفلة صغيرة منها،المشكلة أن مجتمعنا ينظر للمطلق نظرة سيئة ،مع إن الطلاق لايصير إلا لأسباب وإن كان أبغض الحلال إلى الله تعالى،ولكن هذه ليست هي المشكلة لأني ولله الحمد شخص معروف أصلي وأصوم وأخاف الله عزوجل ويشهد لي الجميع بحسن أخلاقي ،المشكلة في مهور الفتيات عندنا بالجنوب وهي مهور فيها مغالاة بالغة ،وأنا لاأبحث إلا عن شريكة حياتي التي تشاركني الحب والإخلاص والإستقرار،مع العلم بأني موظف حكومي وراتبي ممتاز ولله الحمد ولكن علي قرض من بنك بسبب زواجي الأول،وقد نصحني الكثير من أقاربي وأصدقائي بالزواج من خارج المدينه بسبب غلاء المهور،فما رأيكم في هذه المشكلة وتقبلوا مني فائق التحية والتقدير.
|
وعليك السلام اخي الكريم
اللي اعرفه ان المهور بالجنوب صارت في الحد المعقول حتى اللي مو متوظف يقدريتزوج وبحكم معرفتي لا هل الجنوب المهور عندهم لا تتجاوز30 الف ريال وهذا للبكر اسال الله لك الزوجه الصالحه والله يفرج همك |
ان كنت لاتستطيع على متاجرة بعض الآباء ببناتهم
فتزوج من الخارج , ابحث عن ذات الدين وتوكل على الله .. |
أخي الكريم: لاتُركِّز على غلاء المهور في هذه المرحله بقدر تركيزك على من سيشاركك هذه الحياة...أنت خرجت من تجربه للتو ومن باب أولى أن تدرس اسباب فشل زواجك سواءً كانت مُتعلّقه بك ام بشريكة حياتك ومن ثم تتطرق الى أمور أُخرى كغلاء المهور الخ...لأنك قد تتزوج وماتزال الأسباب ومسببات الفشل -لاقدر الله- موجوده... نعم أخي نظرة المجتمع قاسيه لجميع المطلقين (رجال ونساء) وأكثر قسوه على المرأه من الرجل...فأنا اعلم بأن الإختيار الثاني صعب جدا لأنك ان فشلت في هذا الأمر فإن اصابع الإتهام قد تتجه نحوك حتى في زواجك الأول...وقبل هذا هو ملامتك انت من نفسك قبل الآخرين... أُحيي فيك ادراكك بدونية نظرة المجتمع للمطلّقه للأسف. ولعلي انصحك إن اردت رأيي إبحث عن فتاة مطلّقه صاحبة تجربه تحرص على استمرار العلاقه معك ولها خبره في مجال حل المشاكل الزوجيه وتبعاتها تعلم وتدرك بأن ابسط الأمور قد تتطور الى مالاتُحمد عُقباه... أو بِكرا مقاربه لك بالعُمر مُلِّمه بامور الحياة بعد كُلِّ هذا....يأتي دور المهر وبرأيي انه متفاوت مابين الأُسر ناهيكَ عن منطقه كامله....إبحث وسوف تجد من يُعينك وييسر امورك...هُناك الكثير من تتمنى الستر فقط... ولا تنسى اخي حق ابنتك من النفقه أسأل الله ان ييسر امورك |
اقتباس:
|
اقتباس:
|
اقتباس:
|
والله يا اخي مو غلطانه بس يمكن هذا الشي في قبيلتكم واحب ازيدك من الشعربيت بعض المهور 25 وللبكر
وعن تجربه شخصيه موفق يارب |
اقتباس:
لماااااااااااااااااااااااااااااااااااااااااااااااا اااااااااااااااااااااااااااااااااااااااااذا يا الجانب الآخر تتدعو للزواج من الخارج ورب البيت ورب البيت يوجد ولله الحمد أسر لاتبالغ في المهر أتقو الله ياشباب والله العظيم الآباء مو مثل أول الحمدلله الآباء تغيرت نظرتهم للمال لكن الشاب يبحث عن الجمال والفتاة تكون مغروره بجمالها وتتطلب مهر غالي ثم يصيح الشاب بأعلى صوته المهر غالي!!!!!!!!!!! ولكن اقول من يريد الزواج من الخارج فليتفضل ويبشرنا بزواجه!!!!!!!!!!!! اعذروني على عتابي لكن هذا الواقع |
أخي بندر
بما أنك على خلق ودين فإن الله سيساعدك توكل على الله ولاتقل المهور غاليه أرجووووووووووووووووووووووك المهور الآن مو مثل أول تغيرت نظرة الآباء فقط أنت أبحث عن ذات الدين والخلق فإنها تتطلب المهر اليسير أما إذا كنت تبحث عن الجمال فثق تمام الثقه أنك ستجد مهرا غاليا وإن كنت في الجنوب والأهل يطلبون مهر غالي فأبحث عن أسره أخرى وبإذن الله ستجد من تتطلب مهرا قليلا والله يوفقك يارب |
على رسلك اختي / جروحي كثيرة
ماقصدت من كلمة " الخارج " هو خارج الجنوب الذي يسكن فيه الأخ الفاضل , ولم اقصد خارج الدولة! , لست من انصار الخارج البعيد , |
اقتباس:
حصل خييييييييييييييييييييير |
أخوي بندر أنا من الجنوب وكل بنات عمي وخوالي مهورهم 40ألف شامله كل شي ..أنت دور لك بنت الحلال وأهلها يكونون ناااس طيبين مو نفاخين وحقين شكلياات وعلى فكره أختي تزوجت العام وعمرها18 والحمدلله جمال وتربيه ومهرها 25 ألف وقاااال الوالد :احنا نشتري رجااال مانبغى الفلوس ..فأنت اذا هاذي فعلا صفااتك ومحافظ على الصلاه ..صدقني راااح تلقى لاتستعجل ومو لازم من نفس قبيلتك خل الوالده أو وحده من قرايبكم تدور لك والله يوفقك وتلقى اللي تسعدك
|
عندنا بنجد المهور معقوله نوعاً ما حتى اوقات يرضون بالقليل وهذا نادر
وفيه أباء البنات يساعدون الزوج من غير ماتدري بنته لآنه يبي الستر لبناته ,, المصيبه أخوي بندر أنت وانا وغيرنا من الشباب نقدر نواجه أهالينا ونكلمهم عن رغبتنا للزواج المشكله البنت المسكينه إذا هي جميله بيطالب ابوها بمهر غالي وإذا هي معلمه مازوجها أبوها بسبب طمعه براتبها ولا تقدر تقول لآبوها أبي اتزوج , والله عندنا عقليات غريبه ,, والمشكله إذا طلعت مع شاب ذبحها طيب زوجها وفكها من شرك ,, هذا حالنا للأسف |
والله إنك صادق وبعضهم يضنون على قوله أهل الجنوب دقوه يعرف قيمتها
يعني يخسر يحس طيب هذا انت ماخذ قرض فزواجك الأول وأكيد خسرت ووو والنهايه طلاق ليش مايعرفون العوائل اللي تغالي بالمهر إن ربي لو رايد طلاق والله لو دفع ميه ألف بيصير بيصر عشان كذا تهاونو وأفضل النساء أيسرهن مؤنه تدري احنابعايلتنا غلا مو طبيعي وأبوي العكس زوجني المره الأولى 50 مكفنه يعني يجي ببشته وبس والمره ال2 20 ولاشروط ولاشيء وجماعتنا يقولون رغم إنكم عائله محترمه وجمال وأخلاق وحب أزواجك لك إلا لإن دايم مهرك قليل فعشان كذا يصير الطلاق وأستهانو بقدرك وبرضوه مصره إن قدري مو بالمهر ولاعليه فيهم بس مادري هل الرجل يقدر اللي يخسر ويتنتف فيها معقوله هالعقليات الحمدلله ابوي ماربانا على الماديات والشكليات برغم اننا اسره ولله الحمد ثريه بس كان ينقصنا رجال محترم وأصلآ خلاص كررررهت الزواج مررررره الله يوفقك ياليت نلقى لأخوي ناس تفكيرهم زينا بس الله المستعان |
غريبه 60 الف فااكثر
صحيح سعوديه ولله الحمد وومن الجنوب لكن البكر من 40 الف وعادي والله لو تدفع الللي تقدر عليه والله يساعدونك صدقني طالما ربي يعلم نيتك تتيسر امورك بإذن الله تعالى انت ماعليك الا الدعاء وقل في دعاء اللهم يسر اموري وارزقني الزوجه الصالحه وماشابه من ادعيه المعروفه وفقك الله لكل خير وثبتك الله على طاعته اللهم آمييييييييييين |
| الساعة الآن 12:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©