|
أعاني من أنتقادات زوجي الدائمه لي
السلام عليكم ورحمة الله وبركاته.. قبل لااكتب المشكله اقولكم الظروف الي امر فيه حامل وعندي مشكله بالظهر والبيت ممر لاهل زوجي تجي امه تروح امه يجي ابوه يروح ابوه تجي امه وهكذا اقوم بواجباتهم على اكمل وجه ومو عاجبه دائم ينتقدني مافيه طلعه الابطلعة الروح وبعد معاناه والي هي زيارة اهلي طبعا زوجي ماكان كذا بس اصبح هكذا من توصيات والدته العزيزه:24: وكثر الدق يفك الحديد في الفتره الاخيره تعبانه حيل نفسيا وجسميا نبدا بالمشكله باختصار وهي انه زوجي كان عنده رحلت عمل وانا كان المفروض اروح بيت اهلي ارتاح لين يرجع زوجي بس ماجت الامور على ماتمنى جاء ابوه وجلست بالبيت وقمت على خدمته ورجع زوجي من رحلته وابوه لسا فيه المهم رجعنا للانتقادات اشتغل بيديني ورجولي:30: ومو عاجب وخصوصا اذا كان فيه ابوه دايم الضيوف عندنا المهم ان زوجي وعدني انه يعوضني عشان قعدة ومارحت لهلي راح ابوه ورجعنا لعادة القديمه يجادلنا بطلعه لين مااقول خلاص ماابي اطلع كان عند خوالي عشا والمفروض ان اروح جهزت العشا لزوجي واستعديت للطلعه قعد زوجي من النوم قلت له اني بطلع :30:قالي وش بتستفيدين اذا رحتي قلت له صار لي شهرين مارحت لهم وانا تربيت عندهم بحسبة اهلي ليش مااروح طبعا قعد يناقش لين ماقلت ماابي اطلع خلااص طلع وبعد فتره رجع وتعشا ودق عليه واحد من اصحابه الساعه10:30 قالي يله بتطلعين قلت الوقت متاخر قال اجل لاتزعلين وطلع انا ولعت يعني هو يقول لي انا ماراح اطلع بعدين يطلع اليوم الي بعده قضاه كله نوم اليوم الي بعده نظفت البيت وافطر وقلت له ابي اروح لهلي وكان عنده بعد يومين رحلت عمل طلعت وهو سوالف وضحك بيلطف الجو وبعدين نزلني وماكلم بعد مارجع ولا شي المشكله انه انا دايم اجي على نفسي بس هالمره صعبة علي نفسي كثير وش رايكم من الغلطان اكيد بتقولون انا:21: |
لست مخطئة في شيء ، والخطأ خطأ زوجك
من الأدب ومن الذوق ألا يثقل عليك أهل زوجك خاصة وأنت تمرين بظروف الحمل المرهقة ومن الواجب على زوجك أن يتركك عند أهلك حين يود السفر ويمنحك إجازة من الخدمة ومن تحمل الأعباء لا أن يسافر زوجك ويقيم والده مقامه في الخدمة والرعاية !! نعم الإحسان لأهل الزوج من واجبات الزوجة لكن لا يعني ذلك أن تنقلب الزوجة خادمة لأهل زوجها وضيوفهم !! خدمة والد زوجك والقيام على شئونه هي مسئولية زوجته وبناته لا مسئوليتك أنت لهم عليك حق إرضائهم وحسن مخالقتهم وخدمتهم بما لا يشق عليك وليس لهم أكثر من ذلك عليك أن تجلسي مع زوجك وتختاري الوقت المناسب لتكلميه في هذا الأمر |
لا ياقلبي مانتي غلطانه..إكرام الضيف واجب وانتي اكرمتي ضيوفك.. مع انك تعبانة.. وحامل ..احتسبيها أجر عند الله بس مو معناته كل يوم ضيوف.. ويتقلو عليكي و أيضاً صلة الرحم واجبة.. وزوجك الله يهديه مو مقتنع ذكري زوجك بأحاديث الرسول عليه الصلاة والسلام عن صلة الرحم منها (لايدخل الجنة قاطع) وفيه كثير بس ماني فاكرة النص.. وحاولي تتناقشي معاه.. في الأمور الي مضايقتك بأسلوب لطيف الله يفرج همك ويريح بالك.. |
اتناقش ولا ماتناقش اتكلم ولا مااتكلم ماراح يحس فيني
او بالاصح يمكن يحس داخليا بس ظاهريا مستحيل صدقيني لو يعجبه كان مافيه مشكله لو على حساب نفسي بس مو عاجبه فوق راسي ينتقدني على كل شي انا دايم اسكت واتغاض واتحمل بس خلااااص من جد تعبت احس جاني اكتئاب الحمد لله على كل حال |
طيب ايش رأي أهلك في الموضوع؟؟ ماينفع أحد منهم يلمح.. يدقه بالكلام.. انك تعبانه ومحتاجه راحه.. |
صعبه اقول لاهلي انا احبه بل اعشقه لدرجة لاتوصف
لااريد ان يراه اهلي مقصر دائم اضع الاعذار بقلة زياراتي باني ان متعبه او مالي خلق او او دائم لا ابينه الا باجمل صوره |
مدري احس ماعندك مشكله...
يمكن من المشاكل الي تشيب الراس احس مشكلتك قدامها ماهي مشكله.. .واهل زوجك يوميا عندكم ولا كيف؟ طيب هو كيف اخلاقه..يصلي..مايمد يده. كريم معك...يحبك...مايقصر معك في شي.. بس طلعاتك والانتقادات الي يغثك فيها.. اذا على الطلعات بس...اقنعيه لاتعودينه يماطل.لان الازواج في مسالة الخرجات على حسب التعويد.. البسي عباتك واوقفي عند الباب..قوليله انا جاهزه تراني نازله السياره...هذي الحركه على حسب شخصيةزوجك اذا عصبي ماانصحك فيها.ان كان عصبي تعالي له بالاسلوب الحلو..واذا جادلك وناقشك لاتهونين ابد من الطلعه لان انتي عودتيه اذا ناقشك وماطل هونتي وهو عرف كيف يخليك تبطلين من الخرجه...خليك عند كلمتك ولاتهونين عن الي في خاطرك. |
اقتباس:
لبسك...ام ترتيبك للبيت ونظافته ولا خدمة اهله؟؟ ولاتتعبين نفسك عزيزتي...انتي غيري اسلوبك يمكن انتي طريقة خطا في اقناعه..وبالنسبه للانتقاد لاتسمحيله ابد اذا انتقد قولي انا حابه كذا....او قولي شي احسن من لاشي...يعني سويت كذا احسن من اني مااسوي شي نهائيا.. |
انا مااشوف المووضوع فيه مشكله
|
مرحبا فيك اختي
غريبه بعض الرجاجيل ينتقدون بالدخله والطلعه يعني على باله منزل من السماء مافيه ولا خطأ , انا من ناحية تواجد والد و والدة زوجك الدائم عدك هذي عادة قديمه ان الأباء يتواجدون في بيت أبنائهم , ابوي الله يرحمه ماقد راح لبيت وحده من خواتي يقول مابي أثقل عليهم دامهم مبسوطين ومستانسين ماله داعي اضايقهم واذا اشتاقتلي بنتي تجيني للبيت ,, |
شكرا لكل من اعطاني من وقته ورد علي
هل يجب ان يضربني زوجي حتى تصبح لدي مشكله انا ليست مشكلتي في اهل زوجي فاهله تماما كاهلي ولكن لماذا اساعده على بره باهله وهو لايساعدني على بر اهلي بل يمنعني دائما مااتسأل ولكل من لايرا مشكله في موضوع اقول تخيل او تخيلي انك في مدرسه وكلما اجتهدت وتوقعت ان المدرس او المدرسه سيكافئك على اجتهادك لاتسمع منه ثناء بل انتقاد عملك الن يصيبك الاحباط الن تكتئب وتكره هذا المدرس انا لااكره زوجي ولكن اكره تغيره ان كالمسجونه في المنزل لااخرج ولااحضر مناسابات اهلي الا نادرا ولايوجد سبب صدقا لايوجد سبب لمنعي ليس هذا فقط بل لااخرج لاماكن كثيره.. المشكله انه الوحيد بالعايله الي كذا عنيد وعصبي |
اذا انتفدج مرة ثانية وقفي عن الشغل وزعلي
وقوليله اذا بتنتقد ماراح اشتغل انا زوجي كان بالبداية كله ينتقد من باب المزح قمت خليت البيت ولا غسلت ولا نظفت حس ان فيه فرق من بعدها سكت وعليج بالدعاء ان الله يغض طرف زوجج عن عيوبج وزلاتج |
اقتباس:
و ع فكره هي آسمهآ زوجه وليست جآريه .. عزيزتي سوي حد في هآلموضوع و خصوصآ في مسآله آهلك ضروري تحددي يوم في الآسبوع لهم .. آلمسآله تبغآء وقفه جديه حآزمه |
مشكلتك حلها بايديك...
انتي تقدرين تغيرينه... الرجال بعضهم يجي بالطيب والكلام الحلو والبعض يجي بالقوه والحزم.. شوفي زوجك من اي نوعيه وتعالي له بالاسلوب الي يناسبه..ومثل ماقلتلك...مو كل شي قال لا..سكتي له خصوصا زيارات اهلك المفروض..ماتسمحين له يمنعك..لو اتخذتي موقف من البدايه ماكن تعود على هذا الشي |
اقتباس:
ماهو واجب على الرجل ان يودي زوجته بشكل اسبوعي بيت اهلها هي تزوجت وصاارت صاحبة بيت يعني في الشهر مره او مرتين وترا اذا وقفه حازمه وجديه ماتنفع مع الرجل الي ينفع مع الرجل الاسلوب المحترم |
| الساعة الآن 09:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©