|
انصدمت من تغيره علي بعد الزواج
السلام عليكم !
انا اول مره ادخل اشارك معاكم. يمكن عشان مهمومه ونفسي اتكلم مع حد بعيد عن نطاق العايله والصداقه علشان الموضوع اللي بتكلم فيه ما احب حد من الاهل يعرفه! أنا كنت ف يوم من الايام مطلقه. ما اتفقت مع زوجي الاولاني وانفصلنا وكانت ايام صعبه بس عدت والحمدلله. انا انسانه ناجحه ف حياتي ! الكثيرين يحسدوني! الكثير اللي تقدموا لي ورفضت لاني كنت حريصه جدا ف اختياري. ما بغيت اعيش تجربة القهر والحزن مره ثانيه. زواجي الاولاني حطمني وخلاني افقد ثقتي بنفسي. المهم تزوجت زوجي الثاني بعد تفكير طوووووويل وتردددد طويل. لكنه ضغط علي وقالي بخليكي ف عيوني وعمري ما هتشوفي مني الا كل خير. اهلي ضغطوا علي لانهم شافوه الانسب من بين اللي متقدمين لي. علي فكره زوجي الثاني كانت تربطني فيه صداقة بحكم اننا نشتغل مع بعض. وكانت علاقتنا كاصدقاء واايد حلوه ومميزه ويمكن علشان كذا ما بغيت اتزوجه ف البدايه لاني خفت انصدم فيه ! بس قبل لا نتزوج زوجي خبرني بقصه انه كان على علاقه بوحده من دول المغرب العربي. تعرف عليها زمان وانتشلها من الضياع وساعدها وقدم لها كل شي علشان ترجع بلدها معززه ومكرمه. وخبرني انه شبه متزوجها بس ما دخل عليها . لكنه خلاص يبي يستقر معاي ويتزوج وحده متعلمه ومثقفه يقدر يتباهي بيها قدام الناس وحلف لي انها خلاص انتهت من حياته ع الرغم من انه بعده يحبها بس علاقته فيها ما لها معني. أنا خبرته دام انها علاقه وانتهت انا ما عندي مشكله وطلبت منه ما يجرحها ويساعدها يعطيها فلوس علشان تقدر تكمل حياتها. كنت اتكلم معاه بكل حنيه ومتفهمه مشاعره واحاسيسه. بالعكس كنت اخليه يتكلم ف هالموضوع بكل حريه علشان اقدر اكسبه كصديق قبل عن اكسبه كزوج. واايد قدر لي هالشي لدرجة صار ينسى انه انا زوجته وممكن اغار مهما حاولت ابدي تعاطفي وتفهمي. عالعموم انا قبل لا اتزوجه خبرته انا فقدت ثقتي بنفسي وخبرته اني اكره الجسد اللي انا فيه لاني احسه قبيح. قالي انا اشوفك احلى وحده ف الدنيا وحبيتك عشان روحك الطيبه. أنا عندي بيت وكان طبيعي لما نتزوج اعيش ف بيتي بدل ما نعيش ف شقق وندفع اجارات. المهم انا انصدمت انه تغير بعد الزواج طوالي. كل ليله يسهر ويرجع وجه الصبح. زوجي ما يحب يبوسني ولا يحضني ولا يتغزل فيني. ويقولي هذا اسلوبي. بس ما كان كذا اسلوبك ف الملكه. كان غييييييييييير . صرت احس انه يقرف مني. وكل ما اجي اسوي له حركات يبعدني عنه. كسر خاطري والله وانا اللي شايلته وشايله اهله فوق راسي. هدايا وفلوس وكل اللي اقدر عليه. انا مافي شي ما سويته عشان ارضيه. عطيته حب وحنان وكل يوم البس واكشخ. حتي ما اكلف عليه عشان هوه تحمل مصاريف الزواج. قمت اساعده واعطيه بلا حساب لاني فكرت اني كل ما اعطيه حب هوه بالمقابل بيعطيني نفس الشي. هو طيب ويحاول بعض الاحيان يراضيني يجيب لي هدايا بس بالمقابل يرجع ياخذ مني الفلوس يوم يفلس وما عندي مشكله لاني اريد احافظ عليه وعلى بيتي. الله اراد وحملت من نفس الليله واليوم عندنا بنت مثل العسل. المشكله اني اكتشفت انه ما قطع علاقته بهذيك البنت وواجهته وكل مره يقول اليوم وبكره والشهر الجاي بقطع علاقتي بيها. وهوه يأكد لي ان هالعلاقه ما منها رجا. المشكله اللي تاعبتني انه ما محسسني اني انثى. نفسي يحضني ويبوسني. نفسي ينام جنبي ف السرير مو ف اخر الطرف. لا وساعات يحط مخده بالنص. انا ما قبيحه . بالعكس وجهي حلو ومقبول . يمكن جسمي مو لهذيك الدرجه مغري بس هذا شي ما اقدر اتحكم فيه. وادفع فلوووووس بالهبل عشان احافظ علي شكلي واناقتي بس ولا يعلق ولا يقول كلمه تجبر الخاطر. بالعكس كله ينتقد. انا صرت وااايد اشك فيه لانه زرع الشك بداخي. تلفونه كله مطفي يوم ف البيت. كل ليله يرجع متاخر. علاقته بهذيك ما انتهت. محتاجه حب وحنان. تكلمت معاه بكل عقلانيه وخبرته ايش اللي يزعجني ف علاقتنا بس ما يحاول يتغير. انا بأمانه وصلت لنتيجه وحده انه انا بالنسبه له الدجاجه اللي تبيض الذهب وبس. لكن اني اكون زوجته وحبيبته هذا شي مستحيل. صدقوني ترا الجفاف العاطفي مو سهل خصوصا للي مره بتجربه صعبه قبل . انا احس بقهر لانه وعدني انه يسعدني بس طلع مافي منه. بالعكس قهرني اكثر. افكر انفصل لاني ما سعيده. انا حاسه انه يستنزفني. حاسه اني عايشه على اعصابي وخلاص دخل الشك ف حياتنا وصرت ما اثق باي شي منه. سعيده لان ربنا رزقني ببنت ومستعده اعيش حياتي ليها وما احتاج زوج يقهرني يجرح كبريائي. اعرف طولت عليكم بس بغيت اشرح لكم الوضغ اللي انا فيه. شوروا علي. |
ان شاء الله يفدونك الاعضاء
الله يكون فى عونك امين يارب |
طيب ايش هي مشكلة جسمك ؟ وليش ماتحاولي تحليها في مراكز العناية بالجسم والبشرة طالما عندك فلوس ؟ ترى إنتي محظوظه وحالك افضل من كثير متزوجات لأنك منتي محتاجه تطلبي زوجك فلوس اذا حبيتي تهتمي بجمالك وتعتني بجسمك |
حبيبتي
الله يكون بعونج اخطات خطا فادح في الصرف علي زوجج الله سبحانه يقول في كتابه الرجال قوامون على النساء بنا فضل الله به بعضهم على بعض وبما أنفقوا من أموالهم واجب عليه وحق من حقوقج الشرعية انه ينفق عليج الحين لا تفكرين بالانفصال أبدا حاولي تعالجين مشكلتك اولا ابدي بالتدريج وقف الصرف عليه ووجهي الصرف على نفسج ثانيا لابد ولابد ولابد ان تكون ثقتك بنفسج 1000٪ صدقيني ممكن هذي المغربية ما تكون جميلة ولكن ثقتها بنفسها مخليتها ملكة جمال بعين زوجج تهتمي واعتني بنفسج لإجل نفسج مو عشانه اهمليه شوي خلي يصير عندج شي ثاني يشغل بالج غيره وبين فترة وفترة ذكريه بالله وان اللي يسويه يتعبر إثم عظيم وخيانة والصراحة انتي غلطتي لما دستي على قلبج وخليته يكلمج عنها بهالشي ازلتي حاجز الاحترام بينج وبينه لازم يعرف انج أنثي ولج حق تغارين بس أهمس لج همسه باذنج حاولي تحلين مساءلج بهدوء وبالروية بعيد عن الصراخ والمشاكل الله يوفقج ويسددج لما فيه خير وصلاح لج |
شكرا اختي عفراء
انا اسوي اللي اقدر عليه واراجع عيادات وادفع فلوس بس المشكله انه ما يحاول يتقرب لي لان هذيك بعدها ف حياته علشان كذا ما قادر يشوفني لو ايش ما سويت. |
حبيبتي موهبة الكويت.
شكرا على الرد. كنت افكر اني لما اوقف مع زوجي انه بيقدر هالشي. بيحبني وبكبر ف عيونه. على فكره ابدا ما اصرخ ولا اعلي صوته علي. وحاولت ازرع الثقه بنفسي بس هو كل مره يحطمني باسلوبه معاي |
عندي استفسار * هو و ذيك البنت كيف يعني شبه متزوجين , هل يعني مثل الأزواج بس بدون زواج رسمي وعقد ؟و إذا كده يعني علاقة محرمة و انت كنت تدرين فيها و مع ذلك وافقت ؟ كيف توافقين أصلا أنا أستغرب صراحة * قلتي كان زميلك في العمل ,هل لا زال يشتغل معك , يعني تشوفينه في الشغل ؟ و مين اللي أعلى مركز هو ولّا انت ؟ * بغض النظر عن القسمة والنصيب و ضغط أهلك كما قلت ,ليش وافقت عليه ؟ إيش اللّي ميزه عندك ,,,,لأنه أشوف أنك متنازلة في أشياء كثيرة حتى البيت هو ملكك... لو توضحين حبيبتي عشان نفهم الصورة أكثر |
أختي الفاضلة ، أعانك الله بما ابتلاك وزادك صبرا عليه
أنا أضم صوتي لصوت أختي موهبة الكويت ولكن الاضافة بهيك موضوع الراجل ما يغيظه شي الا اذا زوجته ثقلت عليه ترى لما تكون الزوجة ما وراها غير الاهتمام بزوجها والانفاق عليه وهو مطنشها هاي مصيبة هو يحسك مرمية علية وميتة فيه وما تقدري تعيشي بدونه وبهيك انتي ملزمة تصرفي عليه اتركيه وانشغلي عنه بأي شي ولا تعطيه أي فلوس لكن كمان ما تتعدي واجباته أولها راح يقولك جت من الله ، بطلت تسألني ولا تهتم وبعد كدا راح يبدأ يفكر شو سر تطنيشها ، ولو رجعلك لا ترمي نفسك عليه تاني بالعكس كوني راكزة وثقيلة وتقبلي مروري |
اقتباس:
الله ينولج اللي في بالج ياربي لا تخلينه هو بنزين الثقة يعني استمدي ثقتك من ربج اولا ثم من نفسج بان تتذكرين مزاياج وان الله فضلج علي غيرج فيها ودايما رددي ان جسمج رائع واكثر من رائع لا تحطين كلامته بعين الاعتبار صدقيني الأزواج الخليجيين جذي يحبون ينتقصون من ثقة الوحدة واحنا الله يخلف علينا نصدق لي عودة بإذن الله |
باضيف بعد نقطة الانسان بشكل عام والرجل بشكل خاص يحس في نظرة زوجته لنفسها
يعني اذا كنتي ترين نفسج بصورة ما حتى وان ما قلتي له شفوي هو راح يشوفج بهذي الصورة بعدين لابد تفرضين احترامه عليج يعني حتى انتي انثى ولج احتياجاتج العاطفية والنفسية ولابد عليه ان يوفر لج هذه الاحتياجات الحين اللي فان مات والحل: 1- تزيدين جرعات الثقة لنفسج. 2- تثقلين عليه وتشغلين نفسج بشي ثاني 3- توقفين صرف عليه 4- تفرضين احترامه عليج وكل شي يجي بالهدوء واللين واكثري هالايام من الاستغفار والدعاء وخطي في بالج شغلة ان انتي اولى الناس بزوجج ومحد يأخذه منج لو منو كان الله ييسر امرج* |
انتي الغلطاانه يااختي
لا تحسبين ان الحب يااتي بالفلوووس انتي بمدك له بالفلوووس نزلتي من مقاامك كثير الرجل يحب هو الي يصرف لاكن بتصرفك هذا شااف انك ليس بحااجه له حاوولي ان تقطعي عليه مد الفلوووس وحاوولي ان تكوني واثقه بنفسك حتى لو كنتي متوسطة الجماااال الثقه مطلوووب بحيااتنا كيف بالحيااه الزوجيه |
اقتباس:
هذا ماانصحكي به : - لاتقدمي له شيئا من مال وغيرهـ - حسسيه انك تغيرتي فعلا - لاتسالي عن علاقته بتلك المراهـ - عيشي حياتك كما تريدين انتي وليس كما يريد هو - اهتمي بمظهرك واناقتك وصحتك وبنتك - ان طلب منك مبلغ من المال لاتعطيه لانه سيصرفه على غيرك - حاولي تطلعي من بيتك وتخليه هو يستاجر بيت من ماله حسسيه بالمسؤليه لانه في بيتك لايشعر بذلك ومن الطبيعي ان تهتمي باي شي يحصل في بيتك لانه ملكك انتي بعكس عندما تكونين في بيته هو صحيح تهتمين ولكن هو يهتم اكثر ويحرص على ذلك - اذهبي الى بيت اهلك لفتره كما تريدين حسسيه بفقدانك ! حسسيه بأثر وجودك عندما كنتي معه !!! واخيرا الصبر ثم الصبر ثم الصبر والطلاق اخر الحلول وفقك الله اختي |
ألف شكر لكل اللي ردوا علي.
اريد انقل لكم آخر شي صار. انا اخذت رقمها ورسلت لها رساله يا ريت لو ما تتصلي بزوجي وتزعجيه وردت علي "من زوجك". رديت عليها سوري بالغلط رسلت لك المسج. زوجي عرف. دخل على الغرفه وقام صاريصارخ علي. ليش اتسوي كذا؟ ايش تريدي من هالحركه؟ وبصلته وااايد كانت محترقه. قلت له ايش اللي جابرك تستمر معها وليش خايف ومتوتر . يقول انا بيني وبينها صور وشهود يعني ممكن تروح تشتكي عليها ف السفاره. رديت عليه اي سفاره واي خرابيط. هذيك اختها مرت بنفس التجربه والرجال تركها وما سوت له اي شي. المهم وكالعاده يحب يهددني انه بيتركني. لملم ملابسه وحاجاته كلها وترك البيت. يا الله!!! انا سنه ونص صابره وبالعه جوتي وابكي دم ولا اهتم فيني ولا فكر ف بنته ولا اي شي. وعشان هالانسانه اللي جالسه تستغله زعل عشانها يوم عرفت وخاف على مشاعرها. انا مجروحه منه وما ناويه اتصل واترجاه يرجع مثل كل مره. يكفي انه داسني من اول يوم زواج ويعاملني كأني لوح وابسط حقوقي الزوجيه ما حصلت عليها. |
:)حبيبتي انا مريت*تقريبا بنفس الظرروف* والاستسلام واخر شيء فكرت فيه انت بالنسبة للمغربية مشكلة وانا اراها بالنسبة لك على الهامش حاولي ان تكوني ذكية مع زوجك واتركي المشاعر لوقتها وعيشي للعطاء وما هي الا ابتلاءت وسييسرالله لك المهم لاتترك العاطفة والاحباط يقودنكي واجعلي صبرك على زوجك هدية تقدميها لابنتكي وطريق يوصلك للجنة واعلمي ان الله خلق الانسان في احسن تقويم لا تقفي في وجه العاصفة واجعلي هدفك المحافظة على عائلتك واسترجاع زوجكي وكل الملاحضات التي قدمت لكي حاولي ان تعطيها اعتبار اعطي لتفسك حقها فانتي بلنسبة لزوجك و ان لم يبدو ذالك كاللؤلؤة في بيتكابتسمي من اجل ابنتكي وزوجكي ونفسكي اعانك الله [/RIGHT]
|
اخواني واخواتي "دلعي غير" "عفراء" "موهبة الكويت" "Roba Roba" "حيران بجد" "الوزن الثقيل" "الحائره" "حننان سالي"
مشكورين وما قصرتوا. بس بعض التوضيحات. انا وهو نشتغل بنفس المكان بس مو نفس القسم وانا اعلى منه شهادة ومنصب بس عمري ما حطيت هالشي ف راسي ولا بينت له انه هامني. وافقت اني اتزوجه لانه كان يبكي دم عشان اوافق عليه وحلف انه خلاص انفصل عن هذيك البنت (هوه يقول تزوجها عرفي) يعني ما في عقد مصدق لان قانون البلد عندنا ما يسمح بهالشي. انا مثل ما قلت فكرت ان وقفتي عنده راح تحسسه اني اخته وزوجته وصديقته وسنده.بس ما احس انه يقدر. بالعكس احس اني دائما مقصره معاه. من امس ومن بعد ما اخذ اغراضه ما اتصل ولا سال ما اريد اتصل علشان يعرف ان هالمره غير واخاف ما اتصل يروح وما يرجع واخاف اذا رجع وبشروطه ارجع اعيش انا ف نيران الحسره والغيره. ارجوكم شوروا علي . |
لاتتصلي ولاتسألي فرآقه عيدك ياأختي
مآذآ استفدتي من زوآجك به غير الهم والحزن والتعب والتفكير وهآهو الان ترك البيت من اجل تلك الفتآهـ التي اوهمك بأنه تركهآ الزم ماعليكِ هو نفسك وبنتك اهتمي بهمآ واتركيه , حسسيه بأنك تغيرتي فعلاً اجعليه يشعر بأنه سيفقدك أو فقدك وان فعلاً يحبك سيعود وان لا فالخيرة لكِ اختي |
عزيزتي الحائرهـ
بالفعل ما اخذت من هالزوج الا الالم والحسره وفقدان الثقه بالنفس وبعض اللحظات السعيده فقط. الله يقويني واستحمل واصبر والله يحفظ لي بنتي ملاكي اللي احسها نور عيني وتكفيني من كل شي. يا رب تعوضني خير فيها. |
|
اسمعيني انتي كنتي ناويه ومستعده انك تنفصلي عنه يعني كنتب ناويه تطلعيه من حياتك شو رأيك انك تتعاملي معاه كانك انفصلتي عنه بمعنى كملي حياتك وكانو مو موجود ولا يعنيكي اهتمي بنفسك وببنتك وعيشي حياتك بالطول وبالعرض قصدي انك بهالفتره الي هو فيها بره البيت تتخيلي انه خلاص ماصار بحياتك عشان تقدري تمسكي نفسك وماتتتصلي واكيد بيحس بال فرق الرجال يموتهم التطنيش انتي بس قولي يارب واصبري وإن شاءالله مع بعض خطوه بخطوه ويرجعلك لو الله كاتبلك فيه الخير ... طمنينا عليكي
|
المشكله مو مشكلة جسم ولا شكل..ولا ماكان تقدم لك وطلبك للزواج.
مشكلتك سوء أختيارك... واضح من البدايه انه غلط في غلط ... وتعاملك معه غلط...اهنتي نفسك...قبل لايهينك.. والمصيبه انك انتي الي طلبتي منه مايترك هذيك البنت ويساعدها...لانه كذب عليك و صدقتيه انه علاقته فيها مساعده فقط...واضح انه قلبك طيب بزياده وينضحك عليك بسهوله |
عزيزتي.. لا تتصلي عليه ولا تكلميه.. خليه يرجع بنفسه.. وأنا أتفق مع أخواتي الغاليات.. موهبة الكويت وسيدة الموقف.. سوّي الي عليكي والباقي على الله.. روحي لشيخ معروف..وشوفي ايش يقولك.. وطبقي الخطوات الي قالتها موهبة الكويت.. وإن شاء الله خير.. انتي انسانة ناجحة وطيبة ومثقفة وعندك صفات كثير مميزة ويتمناها أي رجل.. خليكي واثقة من نفسك.. وتكلمي عن نفسك قدامه بأحلى الصفات..ودائما أمدحي نفسك قدامه وكوني قوية.. ولاتنسي الدعاااء.. الله يفرج همك ويريح بالك |
خواتي : سيدة الموقف: شكرا على المشاركه. انا بعمل بالنصيحه مع اني عارفه انه محد مسوي له عمل وانه هو اللي يتصرف كذا حسب رغبته.
: أحلامي بسيطه. : هذا اللي احاول اسويه. اطنشه ولا افكر اتصل بس بجد حاسه بحزن كبير ف داخلي لكني أقاوم واشتغل واروح واجي واحاول ما ابين لحد كسرة الخاطر اللي ف داخلي. ليه الغرور: لا تقسي علي ارجوكي. انا تعاملت معاه من منطق التفهم والعقلانيه. حاجه وانتهت فليش اعطيها اكبر من حجمها. انا ما احب حد ينجرح وخصوصا انه عرفها قبلي. خبرته انهي العلاقه فورا وعطيها حقوقها. واي انسان عنده ضمير وقلب كان بيسوي اللي انا سويته. المشكله هو ما قدر هالشي وعجبته السالفه وتمادى فيها. هذا اليوم الثاني ولا اتصل ولا سال عن بنته وانا نفس الشي ما مسويتله سالفه |
حبيبتي قلبي حنون: ان شا الله ما راح اتصل ولا أسال لان هذي فرصتي انه يرجع لي من نفسه ويحترمني كأنثي او خلاص ينتهي كل شي.
|
اقتباس:
حبيبتي والله حاسه فيكي وقلبي معاكي الله يقويك يارب واحنا معاكي بإذن الله . |
السلام عليكم .
جايتكم وقلبي مكسور. وما أقول غير حسبي الله ونعم الوكيل. أمس راح البيت الصبح ويوم الكل ف الدوامات واخذ الباقي من اغراضه وراح. حسيت بجرح كبير رسلت له رساله اقول فيها " سنه ونص وانته كاسر قلبي وانا ساكته وف الاخر تبيعني ع شي ما يسوى"!!! رد علي يقول اذا تبغيني اطلع من هالورطه ارسلي لها مسج قولي انك اخت فلان وانك رسلتي هالمسج لانكم جالسين تستغلوا اخوي وتضيعوا حياته. وبعدين انا ببين لك أني حاب اتركها!!!!!!!!!!!!!!11 يا سلااااااااااااااااااااااااااااام مو أحسن اتصل فيها واعتذر لها. يعني حط راسها براسي وهيه ولا تسوى شي وحده اشتغفر الله كانت تشتغل ف مكان الواحد حتي يستحي يقول وين المهم رديت عليه قلتله أقولك روح اقرا على نفسك الظاهر مسوين لك عمل وانته ما حاس بنفسك وصكيت تلفوناتي كلها بموت من القهر. حاسه اني ولا شي. داس كرامتي وكياني يا الله صبرني . يا الله صبرني. يا الله صبرني |
الله يفرج همك و يفك كربك
أكثري من الاستغفار ولا تركني للتفكير السلبي بل ادعي الله وكل ما ضاقت فرجت وإن مع العسر يسرا توكلي على الله ولا تضعفي أمامه قوتك في هذا الموقف ستضع حدا لتصرفاته مستقبلا لكن أختي الكريمة هل هذه المرأة على ذمته يعني زوجته ؟؟ اذا كانت زوجته فلماذا يخفيها عن الناس و يخبرك أنت عنها؟؟؟؟ الله يكفيكم شرها عليك بالدعااااااااااااء وقيام الليل وواضبي على البقرة يوميا ففيها خير كبير ربي يرد لك زوجك ويصلحه و يهديه ويريه الحق حقا ويرزقه اتباعه ويريه الباطل باطلا ويرزقه اجتنابه |
أختي الغاليه الثانيه 22
هذي الحرمه يقول انه تزوجها عرفي ف بلدها ! وهوه على حسب زعمه خايف انها تروح تشتكي عليه ف سفارة بلدنا مع اني سألت وتأكدت ان مخاوفه ما لها اي مبرر وموقفه أكد لي انه يحبها وما يصبر عنها والله العظيه جالسه تستغله وهو ما حاس وراضي وعشان كذا هيه ماسكه فيه تصدقي فرحان على عمره يقول انا زمان قاطعت امي سنتين عشان تكلمت معاي ف هالموضوع. انا بديت اقتنع انهم مسوين له عمل لانه ما قادر يشوف الحقيقه الوسخه. حسبي الله ونعم الوكيل |
وأكرر مره ثانيه هو ما يقدر يعلن زواجه بيها للناس لانه يستحي عشانها كانت تشتغل ف شغلانه وسخه والناس عارفه هالشي
|
التزمي بقراءة البقرة يوميا في بيتك وحاولي معه في حال عودته أن يذهب بك لراقي بحجة أنك تشكي بأنكما محسودان ففي حالته الأفضل أن لا تبيني له شكوك في أنه مسحور لأنه سيعاند و سيستنكر هذا الامر فالمسحور لا يعي بأمره أو ممكن أن تسقيه دوما ماءا مرقيا بدون أن يدري و دوم شغلي القرآن في بيتك وخاصة وقت النوم فله تأثير على من يسمعه بإذن الله والدعااااااااااااء يا أختي الكريمة لا تنسيه الله وحده قادر على تغيير أحوالنا استعيني بالله وخلصي زوجك من هذا الشر والله لن يخذلك أبدا فقط استعيني به و ادعيه وألحي واخذي بالاسباب المعينة لك على اصلاح حياتك مع زوجك حااااليا اهتمي بنفسك و غيري من روتين حياتك وجددي في شكلك و ثقي بأنه سيعود ويجدك امرأة أخرى |
عندي أجتماع مهم الحين قدام الرئيس التنفيذي وانا حاسه قلبي معصور
الله يشرح قلبي ويسهل علي ويحلل عقده من لساني |
اقتباس:
والله العظيم قلبي محروق عليكي . استغفري رب كريم وكل شي بكره بيهون وإذا مارجعلك وهو مترجي وندمان وحاس بقيمتك لاترجعي ابداً .. لأنك تستاهلي على وقفتك معاه ومع اهله شي اكبر من كده بكثير ومو ناقص إلا انه يراضيها كمان ومايرجع إلا ماتصلحي موقفك معاه .. هزلت .. شو تريدي فيه هو الخسران وانتي طلعتي من هالأرتباط ببنت وكسبتي امومه ممكن تغنيكي عن الدنيا ومافيها .. صدقيني الدنيا ماتسوى ومافي حد يستاهل انك تبكي عليه إلا إذا هو باكي عليكي كمان انتي لأنك بوسط الأزمه حاسه انك مخنوقه بس بكره لما ربي يعوضك بالي تستاهليه بتضحكي على هالأيام وبتستغربي انك زعلتي عليه او فكرتي فيه طمنينا عليكي |
اختي الغاليه أحلامي بسيطه وأخواتي الغاليات اللي شاركوا معاي.
أنا سويت اللي طلبه مني. رسلت لها رساله وقلتلها انا اخت فلان وانا رسلت لك المسج عشان تبتعدي عن أخوي لان قانون البلد ما يسمح انه يتزوجك وامي وابوي مو راضيين عليكي وكفايه استغلال ليه وخلوه يعيش حياته". يا رب يكون ارتاح الحين وضمن انه ما طلع كذاب قدامها وممكن يراضيها بعدين. وانا طز فيني في نفس الوقت رسلت له نسخه من الرساله ورساله ثانيه اقول فيها "أنا سويت اللي طلبته مني وخبرتها اني اختك والحين اسمح لي اقولك ان قصتي معك أنتهت" "انت ذليتني وجرحتني وخليتني ما اسوى بيسه" " انت ما تستاهلني عشان انا قدري فوق وانته متعود تطالع تحت". اللهم لك الحمد والشكر. ربي انا استخرتك عشرات المرات قبل لا اتزوجه وانته اخترته لي وما اعترض على اختيارك. لعله خير !! ربي صبرني وعوضني خير ف بنتي وساعدني انسى لحظات الالم اللي عيشني فيهم وقر عيني ببنتي حياتي اللي هيه احلى واغلي هديه عندي. يات رب ساعدني احسن تربيتها . يا رب امين يا رب امين يا رب أمين |
اختي الكريمه
انا سجلت مخصوص لكي ارد على موضوعك بعد ان قرأت اخر الاحداث فانا ارى بانك اخطأتي عندما بعدثي لها هذه الرساله لماذا بعثتيها؟ كوني صادقه مع نفسك؟ انتي بعثتيها لكي يرجع لك زوجك نعم انتي مجروحه منه ولكنك لازلتي تريدينه لو انك بعثتي له رساله تقولين فيها اني قررت الانفصال لكااااااااااااان افضل لك ولكرامتك بكثيررررررر واني اعتقد لو انك وقفتيه عند حده من اول مره لكان الان يعمل لك ولمشاعرك الف حساب دعيني اقص عليك السيناريو المنتظر سيرجع ويؤلف قصه انتي تعلمي انها كذب ولكنك تريدينه ولذالك فستصديقنه وسيبقى هو هامل لك ولمشاعرك وهاضم حقوقك لايسعني سوى تمني الخير لك واتمنى ان تعزي نفسك فانتي وحدك القادره على ذالك |
اختي "في عالم آخر"
أشكرك على الرد. يمكن تفسيرك صح بس هذا اللي صار وانا احاول اكون قويه وانساه ويمكن اقدر. ما اريد غير انكم تدعوا لي الله يصبرني . |
اقتباس:
آمييييين يااارب ماعليه حبيبيتي مو لازم تضغطي على حالك ماحد بيحس فيكي غيرك .. وانتي حسيتي انك بترسلي الرساله وارسلتيها خلاص مو مهم المهم المسج الي ارسلتيلا اياه بصرااااحه بالصميم الله يحميلك بنتك يارب ويعوضك فيها خير هو لو فيه خير لك يرجعلك مثل ماتريدي واحسن وإذا مافيه خير خليه يروحلها وتشبع فيه لأنه .. لو انسان يستاهل كان عرف يختار ولين مايرجع لعقله وصوابه ماعليكي فيه لأنه بجد ما ي س ت ا ه ل ك ولاتفكري ولو لحظة انك انتي الغلطانه او ان في شي ناقصك الغلط فيه وفيها خليكي متأكده من هالشي قلبي معاكي |
يا اختى اولا اسأل الله ان يبارك لك فى بنتك ويسعدك على قدر نيتك واخلاصك ما شاء الله علمة نادرة ولكن ثقى فى ان الله لا يضع من هى مثلك بعون الله تعالى ولكن دائما فرحة النجاح تأتى بعد الامتحان وكلما كان هذا الامتحان صعب كلما كانت الفرحة اكبر ويكفى لك من هذا الزواج هذه الطفولة الجميلة حفظها الله عز وجل من كل شر ويجعلها نبت صالح واحمدى الله على هذه النعمة والتى كثير ما يسجد ليل نهار لله لكى ينعم عليه بمثلها اما هذا الزوج فأنا واثق انه سيعود بإذن الله وسيكون نعم الزوج ولكن بشرط ان تصبرى ولا ترضخى له ابدا مرة اخرى الا اذا صلح الله حاله وصرف عنه هذه المرأة |
اللي يخون مره يخون الف مرررره
الله يهديك بس كيف وافقتي عليه من البدايه الله يسهل امورك ويرد لك زوجك |
متابـــــــــــــــــــــــعة ... :11:الرجال خونة بالفطرة إلا من رحم ربي
أعانك الله.. |
اخوي abo maryam
الله يجزيك كل الخير على كلامك الطيب . الأمتحان وايد صعب والحين باديه احس بتعب نفسي وحنين قوي على رغم من كل اللي صار وبدر منه. سامحوني بس احبه ومشتاقه اشوفه على الرغم من كل اللي صار. احاول اضغط على نفسي وما اسال بس والله حاسه روحي بتطلع أختي برونزيه. الله كريم . انا تزوجته وأنا كنت واثقه من إخلاصه لي اللؤلؤه المصونه. شكرا ع المشاركه المهم انا محتاجه رايكم. أمس عمتي (ام زوجي) رسلت لي مسج تطمن عني وعن البنت وتقولي وينك ما مبينه!! انا ما رديت عليها..... قلت خليهم يعرفوا انه ان في شي غلط صاير بيني وبينه. بس ما اعرف اللي سويته صح والا غلط. انا ما اريدهم يعرفوا بالموضوع عشان لو عرفوا شكله بيكون وااايد خايس قدامهم وبعدها ما راح يضل بيننا أي احترام لانه بيلومني انا علي هالشي اذا فرضنا انه بالاخير رجع لي. هوه هالشهر أموره الماليه صعبه وكان عنده التزامات اعرفها ومتابعتها معاه. بس كان عنده مبلغ كاش خلاهم عندي. يوم طلع من البيت ما أخذهم. الحين كاسر خاطري اقول من وين بيصرف !! وين بيسكن!!! أفكر احط له فلوسه ف سيارته لان انا عندي نسخه من المفتاح. يا ترى هل بيقدر لي هالشي والا بيحس انه ضعف مني وبيتمادى!!! عن نفسي اعرف انه ممكن يتأثر بس بيكابر لكن ف داخله بيكون تعبان أنتظر ردكم |
أختي رجاءا لازم تقوين هذه الفترة وخففي من التفكير به بهذه الطريقة
هذا رجل تركج وانتي امرأة لوحدج ولا فكر انتي كيف عايشة تركج عشان انسانة أخرى بدون أي تقدير لاحساسج طيبتج الزاااايدة و عطاءج اللي بدون مقابل هو السبب في تماديه حاولي توازنين في علاقتج معاااه انتظري حتى يعود انتظري حتى يبين لج شي عن وضعج بحياته كفاااااية تنازلات و تضحيات حاليا |
| الساعة الآن 04:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©