|
وظفت بنت خالتي وراح يزعلو زوجات اخواني
السلام عليكم ورحمه الله وبركاته ،،،
اخواني اخواتي اعتذر عن الغيبه لأسباب دوره علميهـ هناك موضوع شوي افكرفيه ورايد ارائكم ،،، اخوي تزوج بنت خالتي وكان عاطل وما زوجوه غير قالو لخالتي حنا نبي البنتين يعني الكبيره لأخوي والصغيره لي .. المهم خالتي وافقت ورحت لخالتي وقت الملكه حصلتها تبكي قلت لها ايش فيه ,,قالت ابكي ياخالتك اخوك مو بوظيف اشلون يبي يصرف على البنت مسحت دموعها وقلت لها يا خاله اخوي وبنتك امانه برقبتي وغير اوظفهم كلهم ،، المهم وظفت اخوي بعد زواجه بشهر عندي ,, واللي صار انه اخواني اثنين كمان متزوجين اعطوني ملفات زوجاتهم قالو يا طلال وظفهم قلت لهم يصير خير ،، خالتي فيه بينها وبين زوجات اخواني حساسيه لأن زواجات اخواني يتباهوا قدام خالتي ويقولون زوجي وداني زوجي اعطاني .... الخ ، وبعدين زوجات اخواني اللي انا اسمعه انهم ما يحترمون خالتي , مع العلم اني ايش كثر احب خالتي وما ارضى احد يزعلها ،،، المهم خالتي قالت يا طلال ابيك توظف زوجت اخوك يعني بنتها قلت لها ابشري ،، رجعت امس وقلت لأمي يا يمه ان شاء الله زوجت اخوي تباشر عملها بعد اسبوع امي قالت طيب زوجت اخوك الكبير قدمت عندك قبلها قلت لها نأخذ على حسب الشهاده العلميه ، قالت خلاص رحت لخاتي وبشرتها لدرجت انها درت اني ناقصه على فلوس من سوالفي وياها الى هي حلفت لأخذا هالمبلغ الله يطول لنا بعمرها ،، الحين انا جالس افكر انه زوجات اخواني الثانيين يقولون اكيد طلال مهتم بالنت لأنه راح يأخذ اختها . واخاف تحصل حساسيه بيني وبين اخواني عشان ما وظفت زوجاتهم مع العلم ان خالتي تقولي يا طلال لا تهتم بأمرهم لأنهم اكثر من مره اهانوني وان والله زعلت لأنهم عملوا حركات بخالتي . يعني لا توظفهم مع العلم اني موظف اخوي بجامعه راقيه وزوجته بوظيفه حلوه وراتب متاز . وكمان بيني وبين اخوي الكبير مشاكل ويبيني اوظف زوجته وانا مبتعد عنه لتفادي المشاكل واخاف لو وظفته زوجته تجيب لي مشاكل بالعمل . والنقطه الأخيره كمان جماعتي اذا دروا اني موظفها راح كل وحده جايبه ملف بنتها ، لأن اخوي اللي وظفته ما معاه شهاد يعني معاه متوسط ،، وكمان بعد ما وظفت اخوي وظفت خالي معاه سادس . . انصحوني ايش اعمل الله يسعدكم ولا يحرمنا منكم .. تحاتي لكم اخوكم طلال |
قول انك مالقيت لها وظيفه وتركت ملفها عند شؤون الموظفين وهم اتصلو بدون علمك
ولا عندك خبر << وخلها كأنها جت صدفه وان حظ خالتك حلو .. ومن هالكلام وبس << طيب انا وظفني مابقول لأحد خخ الله يوفقك خيوو |
اقتباس:
الله يجزاك كل خير هذا حل مناسب ............. وان شاء الله ما بقصر بس انت بأي مدينه ساكن.. تحياتي اخوك طلال |
انا اشوف انك مستحيل تقدر ترضي الكل
لازم تعطي لجهه من الجهات اولويه على الاخرى (يا خالتك يا اخوانك) و لاتخجل من قراراتك اذا انت مقتنع فيها |
هههههههههه
وظفني هههههه امزح .. والله شوف قول انا ماوظفتها قدمت ملفها وجات لها الوظيفه دور لك كذبات الكذب كثير وببلاش.. |
اقتباس:
أختي الكريمة لا والله أنها ليست ببلاش وتكلف الانسان الكثير الكثير يوم القيامة أمام ربه قال النبي صلى الله عليه وسلم : (( إن الصدق يهدي إلى البر وإن البر يهدي إلى الجنة وإن الرجل ليصدق ويتحرى الصدق حتى يكتب عند الله صديقا ، وأن الكذب يهدي إلى الفجور وإن الفجور يهدي إلى النار ولا يزال الرجل يكذب ويتحرى الكذب حتى يكتب عند الله كذابا)) فانتبهي رعاكِ الله فالكذب من أسوأ الأخلاق على الإطلاق والكاذب لا يعاشر |
اخي الكريم ::
اراك منغمس كثيراً بالمجتمع النسائي! , افعل ماتريد مادام هذا الفعل لن يغضب الله اعلم انكْ لن تستطيع ارضاء البشر ولو حرصت , ولو ان احداً سألك عن سبب توضيفك لزوجة اخوك قل لهم لأنها ابنتْ من ساعدتني كثيراً , وانا ارد الدين فقط تمنياتي لك بالتوفيق , |
أنصحك أن لا توضف أي امرأة ليس لأني ضد عمل المرأة
و لكن أرى أن توضف أزواجهن |
طلال موأنت الشاعر اللي قبل فتره سويت شعر وعجبني ولاخانتني الذاكره لإني والله ماانلام صرت أنسى
عالعموم الله يوفقك لاكن لو لقيت المؤهلات تفرق عادي قولهم بصراحه مؤهلات البنت شوي أعلى وأنتو ماقلتولي إلابعدها يعني هي الأولى عشان أختها خطيبتي أأ قصدي عشان بنت خالتي وبس |
ماشالله علييك اخوووي
اذازعلووزوجات اخوانك قول لرجالهم انهم قبلوها لان شهادتهااعلى وانتو عالانتظاريعني عطهم امل ضعيف واذا على الناس الله يعينك حاول انك تلمح لهم انه في اكتفاء والوظايف الحيين ماتقبل الا بشهادات وصدقني ماراح تسلم من وجع الراس وتعرف لمى تتوسط لاي احدماتدري يمكن يترك العمل وانت تتفشل عندالرجال لانك انت المتوسط له والله يجزاااك الف خيير على كل ماتسويه |
انا انصحك لا تدخل في معمعة النساااء
ولا تزعل بزعل غيرك اذا تقدر توظفهم كلهم وظفهم لان هذي فرصه لك واذا تقدر توظف زوجتي بجيب لك ملفها هع هع الله يووفقك ويوفق الجميع |
الله يعينك بس شوف سوي اللي يرضيك انت وطالما مايحترمون خالتك اجل سيبهم ويكفي ازواجهم موظفين
والله يعطيك على قد نيتك |
الأقربون أولى بالمعروف
اهيا بنت خالتك قبل لا تصير زوجة اخوك ؛) مع اني شخصيا اشوف انك توظف الاعلي شهادة والاكثر خبره اولا لانها راح تفيد المجتمع اكثر* |
|
قولهم كل شي قسمة ونصيب مافي داعي للزعل |
انت وظفت بنت خالتك لأن مؤهلها أكثر أهلية لمنصب الشغل و لو زوجات اخوانك مؤهلهن أيضا مرموق قدم ملفهن للمكتب المسؤول عن التوظيف و لو اختارهم فما عليك من معاملتهم لبنت خالتك في الشغل لأنه الشغل شغل و لو وحدة فيهم افتعلت شجار أو سوء معاملة تعاقب حسب المسطرة الداخلية عندكم في الشغل...الشغل مو زي البيت...أنا كنت أشتغل مع أخي و الله ماكان يعرفني في المكتب حتى ما نحكي ف شي غير الشغل و لو وقع لي مشكل لا يساعدني بأكثر مما يساعد به الغير..... بس في البيت هو أقرب لي من كلشي. و نصيحة × انت رجل إذن ابتعد عن سوق النساء ,لا تتدخل فيما بينهن و لا تتأثر بأقاويل هاذي على ذيك....ترتااااااااااااااح بس إذا كنت حساس في مواضيعهن من هالوقت فالله يكون في عونك مع زوجتك المستقبلية.... و إذا ما لقيت حل....أقترح توظفني :30: و أنا أكون وسيط حتى لا يزعل حدا من زوجات إخوتك و لا بنت خالتك....هههههههه أمزح الله المستعان |
اقتباس:
هلا اخوي short_circuit89 نعم مستحيل ان يرضى احد منهم ولاكن الأوليه لبنت خالتي بعيد عن المصالح الدنيويه . هم بالأول يعرفوني زين اذا اتخذت قرار مستحيل اغيره.. تحياتي لك |
اقتباس:
هلا حلم ابشري بوظفك ههه عجبني تفكيرك تصريفه حلوه هههههه تحياتي |
اقتباس:
جزاك الله خير وفعلاً الكذب مو زين بس اللي مساعدني ان زوجت اخوي اعلى شهاده علميه بس انت تعرف سوالف الحريم ،،،، تحياتي |
اقتباس:
مكن اكون منغمس نوعاً ما ,,, والله كثر ما ساعدت حريم ورجال ما احد يدري غير الله ,, ولوجه الله ما ابي شي , ومكن هذا حل . تحياتي |
اقتباس:
عادي عني وظفت حرمه او رجال اهم شي يترزق الله ،، وازواجهم موظفين ,, تحياتي |
اقتباس:
كلام جميل وفيه حلول تحياتي |
اقتباس:
فعلا انا بديت اقنعهم أن الشهادات العاليه يقبلون ،، وكمان صارت معاي انو وظفت ناس ولاكن للأسف فشلونا ,, تحياتي |
اقتباس:
فعلا معمعة النساء وجع راس ,, ان شاء الله بوظفه كلهم ولاكن يصبروا مو على طول ,, خلاص بوظف زوجتك ههه تحياتي |
اقتباس:
انا زعلني اكثر شي انهم ما يحترمون خالتي ،، االله يجزاك خير,, تحياتي |
اقتباس:
نعم الأقربون اولى بالمروف ،، فعلاً راح اوظف الأعلى شهاده ,, تحياتي |
اقتباس:
هههه حاوة الخدمه المدنيه ,, فعلا ً الشاهد الله اني ا شي لوجه الله اسويه ما ابي منهم كبر الذره ’’’ والله يرزقنا على نياتنا ,,, تحياتي |
اقتباس:
لو قلت لهم كل شي قسمه ونصيب ما راح يقنعون لأني اعرفهم زين ،،، تحياتي |
اقتباس:
فعلاً وظفتها لأن مؤهلها عالي .. وبعدين اذا احترموا خالتي والله لوظفهم ,, وفعلاً سوق النساء متعب ن خلاص راح اوظفك بس انتي تصيري بدالي بالواجهه ,,, ههههههههه تحياتي |
اقتباس:
بس كذا تعتبر انت واسطه .. وكلها الاثنين ماتجوز.. لكن دور كذبه بيضاء تخرجك من موقفك المحرج .. بعض المواقف تتطر الي الكذب |
والله بعض المواقف تجبرك بالكذب دور لك مخرج .. قول لهم بصراحه هي شاهداتها اعلى انتم اقل مايقبلو شهادتكم وانتهى اللي تزعل تدق راسها بالجدار وربي لو تقعد ذي تزعل وذي وذي وربي تتعب
ارضاء الناس غايه لاتدرك.. |
إرضاء الناس غاية لاتدرك
|
| الساعة الآن 04:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©