عند اهلها تبي الطلاق
 

جيت من العمل ماحصلت زوجتي كلمتها قالت انها عند اهلها وطالبه الطلاق تقول انها ماتقدر تعيش مع واحد خاين وانا ابيها واحبها وهي ام عيالي قلت يابنت اعقلي قالت كنت عاقله وش فادني عقلي يوم وثقت فيك وبكت وقفلت الخط ادق عليها تقفل بوجهي

ارسلت لها مسج قبل شوي قلت انا مستحيل اطلقك انتي زوجتي وحبيبتي ارجعي وبعوضك عن كل شي وفكري بالعيال ردت لي الحين تقول مابي ارجع لك شوف حياتك مع غيري وانا اشوف حياتي مع غيرك مع اللي يحفظني ويصوني والعيال خلهم معي واحطهم بعيوني قاهرتني الله يصلحها

ان اردت حلا فضع المشكلة بين ايدي الخبراء وسيفيدونك باذن الله وفقك الله وبلغك مناك

اتركها عند اهلها ترتاح وتراجع نفسها ىوتعيد حساباتها بعيد عن البيت وعنك افضل لها
لاتشد معها بالكلام دعها تفضفض وتبوح لك بكل شي حتى لو ضايقك كلامها تحملها واصبر عليها
استوعبها واحتويها حتى لو من بعيد لبعيد بالمسجات وعن طريق الاطفال اذا شفتهم خبرهم عن شوقك لهم ولامهم
لاتستعجل بأي قرار
الخيانه مُرّه علقم لاتُنسى

لا حول ولا قوة الا بالله تطورات مؤلمه
ياشيخ ليتك رحت لمستشار من اول وتعاملت معها ومع نفسك صح عشان ماتطور الحاله
احسك كنت جاف شويتين وهذا عيشها بهم اكبر وزاد جرح خيانتك الي مازال ينزف
الله يعينك حاول تستشير من هم مختصين وخلها هي بيت اهلها شوي عسى يطيب جرحها
وتحن على بيتها ولمة عيالها
وان شاء الله تبشرنا بالاحسن

مادري بس واقع الخيانة مرة صعب على المراءة الله يهدي سركم وترجعوا لبعض

الله يعينك زعلها طول البشرخطاء وخير الخطاؤون التوابون المفروض تسامحك
فلن اضيف على كلام الاخوات سوى الدعاء لك بالتوفيق والسعاده والثبات على طريق الخير
تحياتي

لا زال قلبها مجروح من خيانتك لها،
أتمنى أنها تتجاوز هذا الأمر
الخيانة مرة وصعبة
ولكن عليك بالدعاء وكثرة الاستغفار
للدعاء مفعول كبير إكثر من الدعاء والبكاء لله
وأطلب من الله أن ييسر لك ما فيه صلاح.

الله يكون في عونها ويصلح حالكم يارب

خلها ترتاح وسوى ثورة رسااايل غرام على جواله كل يووم

ورح بيتهم وتقهوا مع عمتك وعمك وغثها غث وارسل هدايا وحركاات واستهبل اشووي عليها خلها تضحك

ولا رح بيتهم كذا وووصوت بصووت عالي اكيد بيتجمعوون عمتك وعمك وبتجي هي بعدين قووول ياعمي وعمتي انا اخطيت على بنتكم خطااء فااادح وانا ندمااان جدا واريد منها السمااح بعدين سو فلم هندي واجبك زمن ذا الحركاات قدام امها وابوها وجيب معك بوكيت ورد سوا حركاات كذا

اذا ماجات على وجهها لك الي تبي لاكن بعد ماتسوي ثرووة رسايل غراميه

هع هع

شدعوا مالي مشاااعر

المشااعر عندي تجي فجااه وتختفي فجاااه

انا صارت لي مشكله مع زوجتي ولاكني اشووفها ارووح بيتهم واجلس واتهااوش مع كم اخوا لها لاكن مع عمتي صاافي لبن اجلس ولاكني شااايف احد

الي مايبين يقووم من المجلس الي انا جاالس فيه اما انا اقوم انسى هع هع

لان مو كل شخص تمشكل مع زوجته يكون سي ولا تقووم عليه الحرب من قبل اخوانها

ترا هذا النوع اقامت حرب بين الزوج واخون الزووجه يزرع حقد بين الزوج وزوجته بسبب اخوانها

لاككن الانساان الذكي من لا يسمع لاخته او بنته كل مشكله وصغيره سوو منها سالفه كبيره خلووو البنت هي الي تحل مشااكلها الحاالها مع زوجها بدوون تدخل اي طرف اخر

وانتم ياامعشر البناات ماشاء الله عليكم يعني المشكله الي صغيره بالاكشن حقكم تخلونها حرب العبووووس وتجبون سوالف ومشااكل قبل سنه او سنتين يعني يمكن الرجاال نسى السالفه وانتم مترصدين عليها وتجبون الجمل بما حمل وش استفتدوا؟ ولا اي شي

خليها عند اهلها فترة
حتى تهدا اعصابها ومع تغير الجو عند اهلها
راح يتغير رايها وتفكيرها

وانت اهتم اكثر فيها حتى تشعر بعدم الفراغ فى حياتها
وان شاء الله ترجعوا لبعضكم فى القريب العاجل

السلام عليكم أخي رجل ولكن

قبل فترة في موضوعك لك سابق حبيت اقولك على حل لاكن ترددت لأنه ممكن يكون خطأ او في غير محله

ذكرت سابقا إن زوجتك تشتكي لك من حسن معاملتك للخادمة عكس معاملتك لها

ليه زوجتك فجأة صارت حساسة من جهة الخادمة ؟

اذا كانت زوجتك متضايقة من تعاملك اللطيف مع الخادمة فحاول التصالح معها من هذا الطريق يعني

لاتتكلم مع الخادمة بدون داعي تجنبها أي شئ تحتاجه أطلبه من الزوجة لا من الخادمة بالعربي اعطي الخادمة الوجه الناشف او على الأقل سفرها اذا تضايقها ... زوجتك اذا شافت إن طريقتك تغيرت في التعامل مع النساء الاجنبيات عنك وانك ماتعطيهم وجه وفي نفس الوقت تعطيها هي التقدير والاهتمام والغلا كله لها هنا تبدأ تكسب ثقتها جرب هذا الحل ... اثبت لها بالافعال انك تغيرت مو بس بالكلام


هذا كان رأيي في الموضوع السابق لاكن الآن أنت ذكرت انها تطلب الطلاق

أنت ماشاء الله تصرفت صح ارسالك للرسالة وتمسكك فيها ممتاز خليك كذا حاول معها وهي راحت تجلس فترة في بيت اهلها وبعد كم يوم بتهدا وتراجع نفسها وشوف اذا لها أخ عاقل كلمه يحاول معها ويقنعها بالرجوع ويهديها

انا ماادري اذا كانت خيانتك لزوجتك عن طريق الجوال او النت او غيره

المهم اذا المرأة الي خنت زوجتك معها مازالت حولكم او قريبة منك زوجتك ماراح تهدا ابدا ابدا انسى تماما انها ترجع طبيعية لازم المرأة الي خنت زوجتك معها تخرج من حياتكم


والله يصلح مابينكم