|
بنات اخاف من الاكل ساعدوني اجتاز هالمحنه
هلا فيكم بنوتات الله ينحف اللي تبي تنحف بعافيه ويسمن اللي تبي تسمن بعافيه
بنات ارجوكم ساعدوني انا بحاله مستعصيه ولا تقولون لي روحي لدكتور نفسي لأن رحت وما نفع بنات ابقول لكم قصتي واللي ما تقدر تساعدني تدعي لي من قلب الله يشفيني انا من سنه اكلت وجبه ثقيله ونمت وقمت واحس كنه شي جالس على صدري حاولت ارجع ما قدرت تخيل لي اني راااح اموت ساعتها من الضيقه اللي بصدري ويالله راحت الضيقه ومن عقبها كرهت الاكل وصرت اذا باكل وجبه رئيسيه اروح بعد كم ساعه احط اصابعي عشان ارجع الاكل وبعدين حملت وزاد الطين بله صرت اتوحم واي شي اكله لو بسكوت ناشف اروح ارجعه كان وزني 62 والحين تخيلوا صار 40 قبل كان جسمي حلو ومربرب والحين صرت عصقوله واحس انه جمالي راح هذا غير تعليقات زوجي اني صرت مو حلوه مع العصقله انا مو هامني اسمن والا انحف انا همي اكل طبيعي لاتقولون شي سهل لأن لي سنه وشهرين وانا على هل الحال رحت لدكتور نفسي وعطاني حبوب بروزاك وقال خلي احد يمنعك تروحين ترجعين بس محد قادر علي ورحت لدكتوره باطنيه واعطتني حبوب تهضم الاكل بسرعه وفيتامين وقالت خلي احد يمنعك وزوجي مو مهتم انه يمنعني يقول انتي مو بزر وتعرفين مصلحة نفسك واهلي مو عندي ساكنين بمنطقه ثانيه وما اقدر اروح لهم حاولت امنع نفسي بس الخوف والخوف والخوف الشديد يخليني اتراجع قبل كنت اخلي الاكل كم ساعه الحين مباشره بعد الاكل اروح ارجعه والله خايفه اجيب لنفسي مرض بالمعده ما ينتعالج والله تعبت تعبت ارجوكم ساعدوني حاولت القى حل ودورت علاج سلوكي بس ماعرفت له والحين من شوي اخذت حبوب التهضيم اللي عطتني الدكتوره واكلت مرق بالدجاج بس قاعده اقاوم وشكلي بفشل كالعاده بنات ساعدوني والله لأدعي لكم من قلب ابي اقهر عدويني واطيب |
ليه ترجعين هل أنتي من نفسك ترجعيه أو أنتي تشعري بالغثيان بعد الاكل ؟؟
الله يعينك ويشفيك |
ايه انا من نفسي ارجعه
عندي خوف شديد من الاكل انه راح يكبس على صدري ويموتني |
الله يعينك يمكن نفسي مدام انتي تخافي
كلي اشوي مو ضروري تشبعين خففي الاكل جربي ولا ترجعيه ولا تفكري بموت اشغلي نفسك وأهم شئ ارقي نفسك بسوره البقره الله يشفيك وترجعي مثل اول واحسن |
احد شافك لمن اكلتي الوجبة الدسمه
اول مابدت الحاله يمكن احد كلن جيعان ومشتهي الاكل وحسدك اقرئي ع ماء زمزم المعوذات والفاتحة واية الكرسي واشربيها لأن 40 كيلو مرة نحيفة وخطير عليك وع البيبي وابدئي بالتدريج لا تاكلين حتى تشبعين وحاولي تاكلين قدام التليفزيون او الكمبيوتر اوحاجة مسلية تنسين معها الأكل استعيذي من الشيطان وكلي ووسعس صدرك والله ماتموتين الا في ساعتك موفقه |
|
الف الف شكرررررررررر لكم والله ارتحت لكلامكم وراح اطبقق كلامكم بالحرف الواحد
وسيدة الموقف/ انتي فعلا حللتي المشكله بس المشكله ما اقدر اروح لأهلي واخاف من المنع مافيه طريقه ثانيه غير المنع ادري انه سؤال غبي بس والله تعبت وابي طريقه تخليني امتنع ويمكن كلامك يفيد معي اني ارسل اشارات للمخ اني لأكلت بصير حلوه مثل قبل وبتصير لي خدود لأني الحين على طول احس بدوخه وتعب لأقل مجهود وضيق نفس |
شروق السعوديه شكرررررررررا لمشاركتك ومرورك العطر
لا محد شافني غير زوجي وعيالي الدراميا / شكررررا لمرورك العطر |
|
اقتباس:
مايحسد الحلال إلا اهله عادي خذي من اثر زوجك وتوضأي به واغتسلي منه بدون مايدري ولا من شاف ولا من دري :24: أتمنى لك الشفاء العاجل |
اقتباس:
تصدقي توني من امس مفكره احط حنا وانتي شجعتيني اكثر وبغيت اسئلك كيف اتواصل مع المستشار |
شروق السعوديه شكرررررررررا لتجاوبك معي وراح اخذ اثر ولا من شاف ولا من درى خخخخخخ
|
:: أكتبي موضوع بأسمه في المنتدى اسمه (رجل الرجال) وهنا مشكلة لأخت ماشاء الله على وشك الشفاء بفضل الله ثم فضله http://www.66n.com/forums/showthread.php?t=222502 :: |
الف شكررررررررر لك سيدة الموقف على تعاونك معي الله يجعلها في ميزان حسناتك ويفرج عنك يارب
ويرزقك من حيث لا تحتسبين |
أختي الكريمة سيدة المواقف
الأخت الكريمة : أحب زوجي جزاكما الله خيراً على حسن الظن وطيب المشاعر, ونسأل الله العلي القدير للجميع حسن القصد والعمل والدعاء والإجابة. ابنتي المريمة أميرة الصحاري أسأل الله العلي القدير أن يرفع عنك ويشافيكِ وسأتواصل معك هنا هذه الليلة بإذن الله بحدود الساعه التاسعة تقريبا للحصول على مفاتيح الموضوع وما سبقه مما مر عليكِ ولن استبق الأحداث هنا فقد نستعرض ما يشوش عليكِ والسبب هين. ونسأل الله لك الأجر والعافية ولجميع المسلمين. |
معليش اخوي رجل الرجال ما اقدر اتواصل معك بالليل زوجي يكون موجود ويرفض استخدم الكمبيوتر بوجوده
هو من النوع الشكاك لأبعد الحدود ممكن العصريات او ليلة الجمعه هذا اللي اقدر اكون متواجده بالمنتدى ولك خالص شكري على تلبية الدعوه ماتتصور فرحتي بوجودك وإن شاء الله يتم علاجي على يديك الله يجزاك الجنه انت وكل من يبي يساعدني |
الآلآلآلآلآلآلآلآلآن تطمنت عليك مادام ابونا الحنون رجل الرجال دخل الموضوع
اتمنى لك الشفاء العاجل:21: |
شكررررررررا شروق السعوديه على مرورك العطر بصفحتي
والله احس ان هذا المنتدى فيه ناس طيبه وتحب الخير ومترابطين ويني عنكم من زمان |
حبيبتى الله يعافيكى ويشفيكى من كل داء...حاولى تقرأى سوره البقره لاكثر من يوم متتاليين واكثرى من الدعاء بعدها..
والله يشفيكى قريبا |
|
ابنتي أميرة الصحاري:
المهم الفائدة وقد اتواجد عصر غدٍ بإذن الله ولم أدخل الموضوع من البداية لأن بعض المواضيع تبدأ بكلمة بنات ابي كذا أو أشعر بكذا أو المشاركة للنساء وهذا لا يشملني احتراماً لرغبة صاحبة الموضوع ومن يرددن عليها. سأضع هنا نموذج لعرض الحالة: 1- معلومات عني : أنا فلانه عمري دراستي أهم صفاتي. 2- نشأت بين والدين الأب كذا وكذا وكذا والأم كذا وكذا وتأثير والدي عليّ كذا وكذا وتأثير أمي كذا. 3- أهم ما حدث لي في طفولتي ومراهقتي ما يلي: كذا وكذا. وشخصيات الدراسة. 4- زوجي : كذا وكذا شخصيته ومثل ما كتبتي عنك. 5- حادثة أكل الطعام (ظروف الحادثة ووقتها) وإن كنتي شاكة بعلاقة سيئة بينك وبين أحد أو هناك من يضمر لك شر أو غيرة. إن لم نتواجد سوياً سأجد هنا ردك وعليه نتابع وأضع لك التمرين المناسب بإذن الله. |
اقتباس:
والله يجعلها في ميزان حسناتك يارب |
متابعة اسال الله لك العافية
|
ابنتي الكريمة:
1- لم تجيبي هل بينك وبين أحد عداوة أو غيرة أو حسد؟ 2- في البداية جسمك هذا أمانة عندك من الله ولا تملكين التصرف فيه إلا بما يحفظه. 3- تأثمين إذا أخليتي بأمانة حفظ جسمك لذلك يعاقب المنتحر بالنار في الآخرة لأنه أهلك نفسه وهو لا يملكها. 4- حفظ بدنك من حق زوجك وأولادك الحاليين والقادمين والإضرار به ينتج أجيال ضعيفة وبيئة للأمراض. 5- سبق جربتي الأكل وما ضرك وأنتِ بنفسك لا تجدين سبب مقنع لكرهك للأكل. 6- يتبادر للذهن من أول وهلة أنكِ أكلت شيء فيه سحر يمنعك من تناول الطعام وهذا يحتاج لمعرفة خلفية علاقاتك وهو في الاجابة على الفقرة (1) ليتم التأكد من هذه الفرضية. 7- أكتبي على لوحة أمامك في مكان تناول الطعام اللهم أشفني من كرهي للطعام. ولوحة على باب الحمام لن أرجع الطعام. 8- قبل الطعام وبدع البسمله إقرئي المعوذات وآية الكرسي مع الحرص على الأذكار والأوراد في اليوم والليلة. 9- سألتك هل للموضوع أساس نفسي أو ارتباط بحادثة كنتي فيها في غاية الضيق؟ أرجو الاجابة. |
أخي رجل الرجال
ألا يكون هناك احتمال ولو 5% ان أحتنا اميرة الصحاري مصابة بالمرض فقدان الشهيه العصبي Anorexia Nervose فقد حاولت ان اقرا كثيرا في هذا الموضوع مع جزيل التقدير الأحترام لك ولاختي كاتبة الموضوع |
اقتباس:
والف الف شكرررررررررر لك ابي الحنون ارجو منك مساعدتي انا حاولت كثير وقلت حرام الاكل يروح وصحتي تتدهور وحاولت اقاوم بس ما قدرت حاولت اكل اشياء بسيطه لكن نفس الشي بنت اختي خوفتني وقالت ترى نهايتك ما راح تاكلين شي وتنحرمين من تذوق الاكل وتقعدين على المغذي بس ومعدتك ممكن يجيها سرطان ووو اقتنع وودي ابطل لكن ما قدرت وانا اعلم ان اول خطوات العلاج الرغبه بالعلاج وانا والله رغبانه بالعلاج بس مو عارفه كيف ابطل ارجوك ساعدني ابي ولك خالص الود والاحترام |
اقتباس:
انا قريت عن هذي الحاله انوركسيا وعن البوليميا لكن لا هذي وهاذيك ما ينطبقون علي انا الحمد لله شهيتي ممتازه بس المشكله خوفي من الاكل |
طيب انتي ماتخافين من الأكل لأنه يسبب المتنه
لكن تحافين من الأكل كسسبب للوفاة طيب الربو مرض يصيب الرئه ماله علاقة ابدا بالأكل عمتي ام زوجي كبيرة في السن 80 سنه تعاني من الربو من عمرها في الأربعينات والله يااختي انها تاكل بشراهه غير طبيعيه حتى وزنها زايد والحمدلله ماجاها شي لازم تقتنعين ان الأكل ابدا موسبب للوفاة بالعكس سبب للجمال والحلاوة والإمتلاء والرويان أختك الكبرى شروق |
اختي شروق انا خوفي انه يسبب لي كتمه بالصدر وضيقه يعني مثلا امس
حاولت اصبر نفسي ورحت مع ولدي لدكتور الاسنان وما كنت افكر بالاكل بس احس كنه احد جالس على صدري ما ارتحت لين رجعت الاكل الكل يقول امتنعي بس محد حاس فيني على بالهم شي سهل انا تعودت ولي سنه ويبوني بيوم وليله اترك هل العاده السيئه ابغا طريقه تخليني اتركها تدريجي |
والله أني حاسه فيك
بس يااختي علاجك في يدك حافظي ع الأذكار واشربي ماء زمزم بكثره حاربي فكرة الخوف من الأكل بفكرة مقابله لها وتكون طبعا ايجابية أذا تيسرت لك عمره فاعتمري وادعي خلف المقام وتوسلي الى الله ان يكشف سر مرضك وان يعيدك الا عافيتك أتمنى لك من كل قلبي العفو والعافية |
شكرررررررا لك اختي شروق السعوديه
للأسف ما اقدر اروح عمره بس راح احاول اتصبر واقنع زوجي يوديني لطبيب نفسي لأنه رافض يوديني |
انا بأنتظار ردك ابي الحنون ( رجل الرجال)
وشاكره لكل من رد او مر على موضوعي حتى لو ما رد |
وينك ابي الحنون انا بأنتظارك
وبأنتظار افكاركم اخواني والله تعبت وجالسه اشجع نفسي بس مو قادره |
غاليتي اميرة الصحااري..
الاستاذ الفاضل/رجل الرجال..له موضوع مثبت بقسم العلاقات الاسرية وهذا هو الراابط.. http://www.66n.com/forums/showthread.php?t=224904 ,,,سئل الله العلي القدير ان يمن عليك بالشفااء العااجل.. |
انشغلت ابنتي وساعوةد لاحقا وقريبا
وبتركيز على موضوعك . فقط احتاج ليوم غد بإذن الله |
اصعب حكايه / شكررررررررر لك على مرورك العطر
ابي الحنون رجل الرجال انا بأنتظارك على احر من الجمر |
ابقولك شي
الحين مرضى الربو ومرضى الرئة ياكلون ويشربون ومانكتموا ولا اثر عليهم كيف انت بيأثر عليك هذا وسواس قهري دايم قولي لنفسك وش دخل الصدر بالمعدة والاكل ماعمر احد اكل وانكتم ومات |
عهد ووعد/ شكررررررررا لمرورك الكريم والعطر اسعدني تواجدك
انا الحين مو خايفه من ضيق التنفس انا خايفه احس بثقل بصدري بسبب الاكل فهمتي علي اليوم اكلت وبغيت ارجع بس ما قدرت اطلع شي وكل اشوي داخله الحمام اكرمكم الله اغصغص ولا يطلع شي مرات اقول تهضم عشان كذا مو طالع معي شي ومرات اقول لالا بروح اغصغص اخاف بعد شوي تجيني ضيقه على صدري مع اني ما اكلت الا مرقوق بدون لحم يعني بس خضار وخبز بر |
بالانتظاررررررررررر
|
الله يشفيك ويرفع عنك
|
| الساعة الآن 08:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©