![]() |
اكتشفت علاقة محرمة ماذا افعل
السلام عليكم ورمة الله وبركاته
مشكلة تؤرقني ولا اعلم ماذا افعل فتاة من محارم زوجي يتيمة الاب وتعيش مع والدتها طبعا زوجي ولي امرها عمرها 18 سنة كنت الاحظ عليها ملابس غير محتشمة ولكني قلت بنفسي ماودي اكبر الموضوع المهم بالصدفة اكتشفت انها مضيفة رجال كثيرين عندها وبعضهم حاط الفاظ وسخه مرة طبعا اغلب المضافين رجال وش اللي مفروض اسويه امها لو اكلمها راح تقلب علي اعرفها ويمكن تسوي شي على بالها تبي تسكتني واتوقع امها دارية اقارب مااثق باحد البنت مااقدر اكلمها لاني مافي اتصال بيني وبينها ابد ولا راح تتقبل مني زوجي هو الخيار الوحيد بما انها من محارمه خايفة اقول له واخرب علاقتهم ببعض وخايفة يسوي لها شي وخايفة لو مااقول له ويدري اني داريه بعد فتره بيعصب علي اكيد راح يزعل لاني مانبهته وخايفه مدري وش اسوي دلوني جزاكم الله خيرا |
لابد لك ان تخبريه حتى لاتكونامانة في عنقك تسالين عنها يوم القيامة
تقبلي مروري |
انصحيها انتي بطرق سهله
خذي ايميلها وارسلي لها تخويف من الله كثفي عليها وكل مره ارسلي لها قصص من النهايات المؤلمه لمآآسي المسنجر وبعدها اذا حسيتي بتغير ولا هدديها على انك شخص مخترق جهازها وحافظ محادثاتها وراح تفضحها وبرضوه اذا مااتعظت واجهيها اذا مانتصحت خلصي نفسك من الموال هذا وقولي لها راح اقول لعمك وانتهى هذا رأيي |
ما اجمل النصيحة في الخفى
فعلا زي ما قالت الاخت في الانتظار انصيحها عبر الايميل وذكريها بالله وبالحفاظ على سمعتها واسمها ولاتنسي تدعي لها بالستر والهداية واذا لم تستطعين كلمي زوجك وخليه ينصحها بالهدوء والهدف من ذالك حتى لاتتمادى في علاقتها وتتطور الله يهديها ويصلحها ويستر عليها |
الواجب عليك اخبار ولي امرها بالموضوع قبل ان يقع الفأس في الرأس
|
عمرها في فتره مراهقه ولابد لها من ينصحها و يوضح لها طريق الصح من الخطاء
بلغي زوجك بالموضوع بصفته ولي امرها لابد انه يعرف بالموضوع بطريقه هاديه حتي لا تحصل مشاكل اكثر لانه لمن يكون عنده خبر بدقق عليها و ينتبه علي تصرفاتها و يبلغها بانه عرف وهيه لمن تدري انه يعرف بتخاف منه و الله يصلحها ويبعد عنها عيال الحرام |
اقتباس:
انا هذا اللي خايفه منه بس شي بنفسي يقول انتي تحبين المشاكل لان زوجي من اول خايفه عليها مرررة ودايم يسال عن اخلاقها واحس لو درى وهاوش او سوا شي بتقدر ماراح تتوب لانها ممكن تسوي بالخفاء لانه مو ساكنه عندنا فمايقدر يتابعها متابعة قوية اقتباس:
وبنفس الوقت لو هو سوا كذا مدري اخاف تتمادى معه بكلمات او شي ويكرهها اكثر ويمكن يسوي لها شي اما انا مهما قالت انا بمسك اعصابي ولا راح اصير زي زوجي وخايفة لو سويتها تكتشف اني انا وذيك الساعة مدري وش تسوي امها يمكن يفهمون اني ابفضحها ويحاولون يسوون لي مشكلة اقتباس:
|
اقتباس:
وخااااااااايفة عليه لانه اصلن يعاني من ضغوط هالايام |
اقتباس:
|
لماذا تشعرين بهذا الكم من الخوف يا اختي... طالما انك تشعرين ان هناك خطأ فلابد ان تتحلي ب 1-الشجاعه 2-اصطياد الفرص المناسبه للنصيحه مع الصبر
اذا كان زوجك انفعالي اي متسرع في ردود افعاله وغير متفهم فانا اايد ان تراسلي الفتاة عبر الايميل وبدون ان ترى ايميلك ولتعرف بشكل واضح انك تعرفينها شخصيا وتماديها ليس في صالحها لاني اعتقد ان النصيحه العابره ليست قوية والله اعلم وفقك الله |
ان كا نت من النوع الذي يتعض و يقبل النصيحة فافعلي والا حاولي تقربي الصورة لزوجك بطريقة لا تتير غظبه حتى يجعل حد لهذه المشكلة في الوقت المناسب
|
عندي لك حل يبغى شجاعه
اعملي ايميل باسم ولد واضيفيها عندك على انك ولد و قولي لها انا و احد من اللي انتي مضيفتهم عندك بس ما راح اعلمك مين انا انا اعرف اسمك وقولي لها اسمها وكل شي عنها خليها تخااف وتترك الطريق ذا طول عمرها و قولي لها انا اعرفك انا واحد اعرفك معرفه شخصيه لو ماتركتي هبالك بفضحك عند الكل وكل مكالماتك معي مسجله وكيفك وبراقبك وا اقدر اعرف كل شي تسوينه طريقة قوية وجريئه بس اتوقع انها تحل المشكله حل جذري |
اختي اذا ماتسمع منك النصيحه
فابحثي عن شخص قريب لقلبها لكي ينصحها ولازم تقوولين للزوجك علشاان يتصرف معها |
اشكركم على الرد جميعا
اخبرت زوجي بالموضوع بعد تفكير طويل خوفا من دخول اشخاص اخرين على صفحتها وخوفا على سمعتها اتصل عليها وتكلم معها وقالت ان ايميلها مخترق وانو مو هي طبعا سكت زوجي وانتهى الموضوع وانا صراحه ماصدقت موضوع الاختراق لاسباب بس بما اني طلعت من الموضوع خلالالالاص احس اني ارتحت الحمدلله بس بيني وبينكم استغربت ردة فعل زوجي الباردة واحس اني زعلت عليه بنفسي مرررة لاني احس انه ماصدق بعد بس يبي يمشي الموضوع |
أختى لو كان الأمر كماتقولين فإن هذه البنت الله يصلح حالها كمانقول هنا عينها واسعة أى أنها لن يهمها مراسلتك ولانصائحك ... بل بالعكس أخاف ان تورطك معها بقصص ..
لاانصحك أبداااااا بمراسلتها ... لكنى أنصحك بان تكلمى زوجك .. وتكلمى معه بعرض المشكلة بالتدريج وليس مرة واحدة ... اخوكمm.s |
ليس مشكلتك انه صدق أم لا ... ولاالبنت صادقة أو لا...
المهم انك قد بلغتى الرسالة ... واغلقى هذا الموضوع للأبد ... |
والله يا أختي
مهما كان خبري زوجك سكوتك ماراح ينفع حاولي تصارحي زوجك بكل شي والله يسهل امورك |
اختي لو حددتي لنا أكثر بعلاقة هذه الفتاة بزوجك لكان افضل
لو افترضنا انها أخت زوجك أولاَ شيء جميل خوفك على هذه الفتاة ، أنتي كبدايه لابد أن تناصحيها وتخبريها بما قد يحدث لها من آثار تلقاء ما تفعله بطريقتك الخاصه وأن تذكريها وتخوفيها بالله عز وجل وبظلمة القبر وبيوم الحساب وبالموت الذي يأتي فجأه وشدة حرمة ما تفعله قد تقولين ربما انها قد لاتسمع لكلامي وان تستمر في ما تقعله بطريقة غير محسوسه ، الحل أن تراقبيها بقدر المستطاع وأن تجلسي معها وتحادثينها بالهاتف كل فتره وفتره وأن تكسبيها كصديقه وتتابعينها في هذا الموضوع وغيره ان كنتي تريدين الأجر . وإن رأيتي الحكمه في زوجك فأخبريه عن ذالك لعله ان يكلمها وان تسمع لكلامه ، بشرط أن تتأكي من حكمة زوجك وأن يتصرف بعقل وان تثقين في ما قد يفعله معها بأن لا يضرها . ومن الأفضل أن تخبري امها ، لأجل أن بيرءي ذمتك أمام الله ، وان تخوفي امها وتشعرينها بخطورة الامر. نسأل الله أن يحميها من هذه المعاصي الهالكه وان ينور عقلها وأن يملاء قلبها بالخوف من الله عز وجل. |
الساعة الآن 01:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©