|
قصة اختي << تكفوون ساعدوني
السلام عليكم ورحمة الله وبركاته .. انا بنت عمري 18 قبل سنه ونص تقريبا كنا انا واختي (( متزوجه وعمرها 26 وعندها بنت 5 سنوات )) كنا طالعين وجت اختي بتدخل دورت المياه وقالت لي خذي جوالي وشنطتي المهم اخذتهم وجلست اتفرج على المسجات الا واقرا مسجات غزليه قوييييييييه او حتى مسج سوالف ومكتوب تحته احبك << طبعا هالمسجات بين الطرفين ولا حتى بان اذا حرمه او رجال قلت معقوله زوجها يرسل مسجات كذا !! << لانها دايم تقول زوجي ما يعطيني وجه بعدين نزلت تحت ولقيت ومسج باسم زوجها قلت اجل من الرقم الاول ؟؟؟؟ المهم قريت لنفس الرقم بصيغة رجال انا طارت عيوني يوم طلعت اختي قلت يالله بارجع البيت معاد اشوف من النوم يوم رجعت ولقيت اختي (( 22 سنه متزوجه )) قلت لها السالفه قالت لا ان شا الله يمكن فاهمه غلط قلت انا يمكن ليش لا وخلااااااااص معاد حكينا بالسالفه ابد وقبل شهرين يمكن مسكت جوال اختي الكبيره والقا مسج مكتوب فيه انتا وينك ؟؟ << ترا محطوط بالمسج حرف الف ويرد عليها يقول انا بودي المدام للبيت وارجع احاكيك بعدين مسج منها مارح تسمعنا صوتك العذاب !! انا طارت عيوني وبعدين طرررت لاختي الي عمرها 22 وقلت لها السالفه وقلت واللله العظيم انها تكلم رجال (( بقولكم شي غريب يمكن تصدقوه ويمكن لا الي هو ان اختي الي تكلم تقولي لا تحطين صور حريم بالبلاك بيري << مع العلم اني احط صور حريم بس والله العظيم متسترات يعني ما احط صور كتف او شي زي كذا قلت لها ليش ما احط صور حريم ؟؟ قالت عشان اذا شافها رجال ما تاخذين ذنبه قلت طيب انا ما عندي رجال باللسته قالت يمكن تسرقها وحده وتحطها ويشوفها اخوها وينفتن وتصيرين السبه انتي ويرجع لك ذنبها )) نرجع للموضوع راحت اختي الي عمرها 22 وصارحت اختي الي تكلم وقال انتي ليش تكلمين وكذا المهم انتها النقاش بان اختي الي تكلم كسرت شريحتها بنفسها وبرضاها وهي مقتنعه وشرت رقم جديد وقالت لاختي والله لا انقطع عنه << طبعا اختي الي تكلم ما تدري اني انا داريه بالموضوع وقالت لي اختي الي عمرها 22 عن السالفه وانبسطت مرررررررررررره وخلاص على اساس انها ما تكلمه لكن !!!! طاح جوال اختي الي تكلم اليوم بيدي ولقيتها للحين ترااااااااااااسله ومسجات حب وغززل من نفس الرقم الاول !!! انا بديت اكرهها وش اسووووووووووووووووووووي ؟؟؟؟ |
السلام عليكم
بحكم انك اطلعت على المسجات واللي كتب وانها تراسله فنقول لها الله يهديها .وعليك بدعوة الى الله بالحكمة واللطف مرارا ثم هي لم تستجب لك لا تضرك ان ضلت .وحسابها على الله |
حبيبتي احييك على اخلاقك الكريمه وخوفك على اختك
ادعي لااختك هذا الدعاء اللهم اغنها بحلالك عن حرامك وبفضلك عمن سواك لازم تتداركون المشكله بكل ذكاء انصحيها وخوفيها بالله وفهميها وشلون تنام وهي تخون نفسها وتخون الامانه واذا مانفع امك لازم تدري واطلعوا منها فالزمن كفيل بفضحها فلن يطول الكتمان الله يهديها ويردها للصواب ويحفظ عليها دينها وعرضها ويقر عيونكم بتوبتها |
انا استحاله اكلمها الان هي شخصيتها علي شخصيت اخت كبيره يعني مستبزرتني تحس اني للحين بزر فكيف بأحاكيها ؟؟
واما بالنسبه لامي ما يصلح اقول لها عشان فيها سسكر << الله يشفيها وابوي ضغط << الله يشفيه على فكره ترا امي وابوي كبار بالسن |
اخشى من ان اختكِ تحبة ؟!
وكيف اتت بالرقم مرة اخرى هل تحفظة ؟ |
اقتباس:
لان اختي لما كلمتها قال تلها ليش تكلمين ؟؟ قالت فضاوه اصلن اختي تحس بفراغ عاطفي لاني لاحظت اذا طلعنا مولات تحاكي البايع بدلع وتضضضضحك بصوت دلع وتنطق الطا تا << من كثر الدلع :d واما بالنسبه للرقم اتوقع انها حافظته بجهازها لانها اليوم شرت جهاز جديد واسمعها تنقل الرقم من جوالها الاول الى جوالها الثاني |
طيب اختك الثانيه اللي عمرها22 تكلمها وتنصحها قبل لايجي يوم ويكشفها زوجها وتنتهي حياتها
الله يفرجها عليكم |
ما فيه حل الا ام 22 :d
|
الله يساعدكم عليها ويستر عليها:(
|
الله يهديها
|
شوفي اذا فعلا تبي تساعديها لازم تواجهينها واذا مابترتدع كلمي واحد من اخوانك
وش يعني تخرب بيتها وانتوا تتفرجوا قولي لها اذا زوجك مو مالي عينك وماتخافين الله فيه اتركيه لاحول ولاقوة إلا بالله |
علاج اختك هو " فعل " شديد يردها الى الصواب
وتقوية علاقتها بالله , لأن اختك مع الأسف لا تخاف الله ولاتستحي منه ولا تستحي حتى من خلقه حتى لو وصل الأمر ان تخبري احد اخوانك فلا مانع! , طبعاً هذا كآخر خيار |
انا من رايي انك انتي لاتكلميها ولا تحسسينها انك عرفتي لانك اصغر منها .. وماراح تتقبل منك
و ح تحس بالاهانه لان اختها الي اصغر منها بكثير تنصحها .. وكمان لاتفضحينها حتى ماتكرهك قولي لاختك الي اكبر منك وتقول لها اتركي الشي هذا عشانك لان ماااحد راح يخسر غيرك ... حتى لو كان زوجها مايعطيها وجه .. امكن بينها وبين نفسها جالسه تنتقم لنفسها قولي لها من ترك شي لله عوضه وابدله الله شي خيرا منه ... ومافي شي يدوم بالظلام وخلي اختك تخوفها وتقولها اكيد ح يجي يوم وتنكشفين وذيك الساعه ماحد خسران غيرك .. بتخسر كل شي مره وحده زوجها .. سمعتها ... كرامتها .... وكمان الرجال الغريب الي تكلمه ح يتخلى عنها ... واتمنى اكون قدمت نصيحه تفيدك .... |
ونسيت حاجه : كمان خلي اختك توصل لها انو مااحد راح يلوم زوجها لو انكشفت او عرف انها تكلم بأي تصرف يتصرف معاها ...
|
أنا لو منك أكلم أحد أخواني
لاتستهيني في الموضوع أختك متزوجة و اللي تسويه كبير كبير وأختك لازم أحد قوي هو يكلمها وتخاف منه أحسن ماتجي اختكم بكرا مطلقه بفضيحة وقتها أهلك كلهم يعرفون امك و ابوك و يمكن لاقدر الله تصير اشياء اعظم يعني اخوك يعرف وتطيح اختك من عينه احسن مو تجي مطلقه و الكل يحتقرها فهمتي علي طمنينا ايش يصير معك |
بكرة إذا انفضحت ، فكري بأمك و أبوك و بأخواتك و نفسك إنت كمان
أمك و أبوك كبار و ما يتحملوا الفضيحة ، و إنت و أخواتك راح تتحملوا نتايج أغلاطها و يتكلموا الناس عنكم من وراكم و إنت ما ترضيها لنفسك و لا لأخواتك علشان كذا ، وحدة ماشاء الله مثلك في رزانتك لازم تعالج المشكلة من بدري ، حتى لو تقولي لأخوك و تخليه يكلم الرجال اللي بيتواصل مع أختك و يهزأه أختك بتخون زوجها ، و اللي يكلمها بيخون زوجته و سكوتك عن الموضوع بيضركم ، و لا تنسى أختك إنها ( أم ) و ما ترضى لطفلها بالفضيحة |
شكرا لكم مره افدتوني
|
لابد تخبرين واحد من اخووانك الي اكبر منك
ولازم تتعااقب على الي سوته لا يمر المووضوع مرور الكراام لان لو مر مرور الكراام ولا احد ردعها سوف ترجع لهذا الطريق مره اخرى حتى تطيح في موقف لا تحسد عليه |
| الساعة الآن 06:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©