|
شاكه ان زوجي حاط كاميرات مراقبه بالبيت وانا مادري
اخواني خواتي
السلام عليكم ورحمه الله وبركاته انا ابتليت بزوج مايصلي وكذاب ومراوغ ولا له امان اشتكيت لكم بانه حاط تجسس بجوالي وبلابتوبي الان صرت شاكه انه حاط كميرات مراقبه بالبيت كيف اتاكد علموني وشاكه انه حاطهم بالحمام النسائي واجهته انكر اهلي ماقدر اقولهم بياخذو موقف منه عايشه بمعتقل ماكلم احد ولا اقدر اعزم احد دلوني مالحل الله يجزاكم خير |
لاحول ولا قوة الا بالله
يبدو انه مريض نفسياً شفاه الله اقترح عليك اختي التقرب لله والدعاء بان يفرج همك فلا اعتقد انك تريدين الانفصال الجئي لله حبيبتي وادعيه يحنن قلب زوجك عليك ويقذف حبك في قلبه ويشفيه مما هو فيه فالله سبحانه وتعالى كما قلت تمااااما يقول للشئ كن فيكون وهو وحده من بيده تفريج همك الله ييسر لك |
الله يعينج اختي
والله الي يشوف مصيبة غيره تهون عليه مصيبته الله يحنن قلب زوجك عليك لاحول ولا قوة الا بالله |
عزيزتى
سمعت بطريقه لكشف كاميرات التجسس فى الحمامات إن شاء الله تفيدك قبل دخولك الحمام تأكدى من وجود شبكة الاتصال فى الموبايل وبعد الدخول تأكدى من ثانى لو فى قدرة للاتصال معناتها مافى كاميرا للتجسس ولو أختفت شبكه الاتصال معناتها حدث تداخل فى الالياف الضوئيه مابين قدرة الاتصال وكاميرا المراقبة هذه أول شىء ثانيا غرفه الحمام ضغيره يعنى تقدرين تسوين كشف بيها شوفى داخل الاجهزة الثابته فيها تحت كل شىء ركزى لاتتركين أى شىء غير تكشفين عليها داخليا وخارجيا وأذا لك اخ مصدر ثقه تقدرين تطلبين منه يجيبلك شخص من الشركة يسوى كشف بيها فى الاخير مثل ماتفضل أحد الاعضاء واضح زوجك مريض والله يكون فى عونك |
ربي يساعدك ويفرجها عليك وان شاءالله مايكون فيه تجسس
|
لاحول ولاقوه الا بالله
الله يفرج همك ياختي |
اقتباس:
اختي هناك فتاوي كثيره 00 تخص الزوج اللذي لا يصلي وانه لا بد من ان يفرق بينكم 00 اسألي شيخ عن ذلك 00 |
طيب ليه يسوي كذا ؟؟!
وكيف شكيتي ان في كاميرات ؟ كان الله في عونك |
فعلاً يا اختي مثل ماقالت الأخت / شقر55ديه
ففوق دين زوجك الضعيف , توجد ضفاته المرضيه التي لاتُطاق ولايُستطاع التعايش معها ولو رزقك الله بأولاد سيضرهم حال ابوهم جداً على زوجك ان يتعالج , اذا لم يُرد ذلك فاستخيري الله واطلبي منه ان يبقيك معه ان كان خيراً لك , وان يفارقك منه ان كان شراً لك |
خليه يركب ان شالله ستديوا
دام انتى واثقه من نفسك ماعليكي بلعكس يمكن يطمأن قلبه |
اقتباس:
يطمأن قلبه ؟؟؟ قالت انها شاكه انه مركب الكاميرا في الحمام النسائي يعني لو جاء عندها حريم واضطروا يدخلوا الحمام وضوء للصلاء او لشئ ثاني يصير هو يتفرج على اعراض الناس ؟ تخيل معي ان زوجتك وحده من صاحبتها الحين وش بيكون رد فعلك ؟ |
ماهي أسباب شكك في و جود الكاميرات ؟؟
|
اقتباس:
صراحة تسرعت بالرد انا كان اهتمامي على مراقبتها لها لا منجد حتى عليها ما يجوز يراقبها بالحمام وش دعوىىىىىى الله يهونها عليكي اختى |
يسالني دائما ان اشكال خواتي ويحاول ان يوصفهم ويطلب انهم يجون كثير ويفرح اذا جو افترضت حسن النيه ونه يحب اهلي يجون بيتي
مره جتني وحده ولما طلعت وصفها صح هذي يمكن امه وصفتها له الله اعلم خبيت شي في مكان صعب وعرف بامره قلت يمكن انه يفتش وراي بس مادري احس قلبي مو مرتاح مازلت شاكه فتشت البيت زين مالقيت شي انا ماحد يجيني ابدا الا خواتي واهلي بس لما يجون دائما يوقف باخر الشارع ويجلس يراقبهم وهما داخلين وطالعين واجهته قلت له انا ماعاد اتحمل تجسسك ونت دائما تتطاول علي وعلى اهلي بالكلام وطالما انا واهلي مو عاجبينك رجعني للبيت اللي اخذتني منه قالي والله اتهمك بشرفك وقول اني لقيت عندها رجال ويضحك مايحترمني ولا يحترم امي خاصه يقول انها وسخه وماعرفت تربي المفروض انك تتبري من امك وتتحسبي الله عليها لانها ظلمتك ونا مخلينك عندي لاني راحمنك احسك مظلومه يكره امي كره وكل شوي ان بشرق بامك وبغرب بها واوريها ويضحك يحب الاستفزاز ابوي يمدحه بانه رجل ومو لله يمدحه فقط لانه يبغى منه مصلحه بالدوله لان الوالد الله يحفظه بمكان حساس مره الوالد قاله كلمه بصالحي قالي بعدين ابوكي زق الله يكرمكم وكذا مره يقول اخوانك رخوم ودلوخ واقدر اعملها فيهم واحد وراء الثاني؟وخواتك اذا اشتهو ايش يسووو؟؟؟اكيد يسوها مع السواق حقكم؟؟صح كلام وسخ كثيرررررر بس صابره والله مره قذف امي قدامي ويضحك ولما حاسبته بعدين قالي ليش انتي قلبك اسود ماتنسين؟؟؟ قلت له الكلام الشين يبقى دين يهددني بولدي انه راح يحرمه مني ونه راح يخليه يكرهني وبيقوله امك وسخه وحقت رجال وكلام وسخ؟؟؟ من يوم ماولدت وهو بس يركض وراي عشان احمل مع اني حملت من ثاني شهر من زواجي ونفس الشي كان مره مستعجل طلع عشان يلوي ذراعي به الان فكر بينه وبين نفسه وعرف ان الولد لامه على قولته صار الان مستعجل على حملي ويبغى بنت يقولي احملي صار الناس يتكلمو وفيه شوشره انه ليش ماحملت مع ان ولدي عمره عشر شهور؟؟؟ ولا يتقضى له ملابس فقط الحليب والحفايظ يضغط علي اني اتقضى له لاني موظفه فسرولي حالته النفسيه رجاء هل هذا انسان طبيعي؟؟؟؟؟؟؟؟؟؟؟؟؟؟؟ |
الحين انتي زعلانه لانه يراقب وحاط كاميرات في البيت
ومنتي زعلانه لانه مايصلي وكذاب ويقذف امك..وتبين نفسر حالته النفسيه...يعني شنو...نقلك حراام مريض استحمليه.. لا عزيزتي زوجك هذا طبيعي ومافيه شي كل المسأله قلة التربيه وضعف الايمان وعدم خوفه من الله ونذالته..وكل عيوب الدنيا فيه...يقدر يغير من نفسه بس هو مايبي.. وخير ان شاء الله ...ليش تعيشين بمعتقل...عشان واحد زي زوجك...يوصف بنات الناس...والله اعلم وش يسوي بعد...وانتي كل همك كاميرات المراقبه..والاشياء الثانيه مفوتتها له يسبك ويسب امك ومايحترمك...وبصراحه مااستبعد ان زوجك يحطهافي البيت...وحتى لو فعلا حاطها انا متأكده ماراح يكون عندك اي ردة فعل... بس اعتقد الكاميرا تكون واضحه لو دورتي زين بتشوفينها.. وكلام زوجك وسسخ جدا...يدل على شخصيته وافعاله....الله لايبلانا...مدري كيف متحملته خصوصا انك موظفه..يعني منتي بحاجته....لاتقولين عشان ابني...الولد معروف لامه والحضانه للام خصوصا اذا الاب مايصلي.. وانتبهي تحملين...انتبهيييييييي...نصيحه لوجه الله..هذا مايصلح يكون أب.. |
هادا انسان مش طبيعي
كيف يهددك انو ممكن يحكي عنك انو لاقيكي مع رجال مانتي شرفوا ؟؟؟؟؟؟؟ طيب انتي شو تعليقك؟ معقول كل هادا وساكتة؟ ليش اهلك ما يعرفوا بلي يصير؟ كان الله في عونك |
سؤال هل الرجال كلهم مثل زوجي يقولي زوجي كل الرجال يسوون نفس اللي اسويه؟؟؟؟
اختي انا مو همي كاميرات المراقبه انا انسانه اخاف الله ولا عندي شي خايفه منه بس هالمشكله طلعت لي قريب من كم اسبوعين فقط بدات اشك بالشي هذا الاعندي مشاكل كثيره معاه وكتبتها بالمنتدى الصلاه حاولت فيه وصار يلفق علي اشياء اذا كلمته بالصلاه عشان فقط يسكتني مثلا يقول اتركي الاغاني والمسلسلات انتي اولا وهو كذاب طبعا... حاولت ابين له ان الصلاه مهمه وعمود الدين ومن تركها فقد كفر ونك راح تحس براحه وطمانينه اذا صليت وربي راح يحاسبك على صلاتك اولا بالقبر وعطيته احاديث وايات بس مو مهتم ابدا يتهرب ويجلس على جنابه بالايام سبه لامي ياما رديت عليه حتى صار لساني وسخ مثله وصرت اعامله بالمثل بعد ماكنت اقوله لا حرام مايجوز والله يهديك بس خلاص خرجني من طوري وصرت مثله ولاحظت انه ينبسط لما ارد بكلام وسخ مثله عليه وعلى اهله يعني مايزعل بلعكس كانه يقول زيدي اكثر؟؟؟ |
كنت منتظره ردود من اخواني وخواتي المهمين مثل رجل الرجال والمسنداني البليغ وابو حكيم و غرينوغيرهم
لاتهملو موضوعي ارجوكم انتظر تفاعلكم والله متضايقه من زوجي كثير وودي اسمع ارائكم الله يحرم وجيهكم واجسادكم عن النار |
يابنت الحلال . بصراحة مصدوومة من الكلام اللي قلتيه
عرض خواتك و عرض أمك بين لسانه بكلمات نابية و أنتي تسكتين و تكتفين بالرد فقط هناك نقطة مهمة و هي احترامه لوالدك اتخذيها في مصلحتك الآن حاولي بطريقة ما اكتشاف أنه ركب كاميرات ابحثي بالنت عن طريقة ما لكشف ذلك و اتلفيها و انظري ما يقول أو يفعل اتخذي بعدها موقف حاسم ,,على حسب ردة فعله و أيضا عندما تجدين الكاميرات احتفظي بها كدليل ضده , خبئيها في بيت أهلك دون أن تخبري أحد إلا إذا صار فيه مستجدات لاتجعليه يلوي ذراعك بأطفالك , هو محتاجك فمثله لن يستطيع تحمل أولاده , أختي بصراحة لا أريد أن أزيدك لكن الكلام اللي قاله كبير .. من اليوم و رايح , قفي أمامه عند أي كلمة يقولها , قفي , انظري له نظرة صارمة , اخبريه بصوت حاسم و بجدية لم يرها لااااا أسمح لك ’, تأدب , ,,و بصوت عال فمثله لا يستحق المداهنة لا تخبريه بشكك بوجود كاميرات , إلا في وقت يهددك أو يستفزك حاليا لاتدعي أحد لمنزلك من النساء , إلا أهله الله ييسر أمرك و يقويك |
فيه نقطه اثارت استغرابي
انو اذا سبيتي وتلفظتي بمثل الفاظه مايزعل <<<بصراحه من هالنقطه احس انه مريض نفسي بعدين يااختي الصلاة هذا بكرا يصير قدوه لعيالك انتي تبين احد يساعدك بتربيتهم هذي حياتك انتي ومالك دخل باهلك ومصالحهم مدام رايح يجيك منها اضرار ؟؟ اعيدي النظر في حياتك وزوجك |
السلام عليكم ورحمة الله.....
زوجك ما يــــصـــــــلي!!!!!!!!! اختي لازم تكلمين شيخ تسأليه حكم البقاء على ذمة رجل لا يصلي قال صلى الله عليه وسلم{العهد الذي بيننا وبينهم الـــصــلاه ,,فمن ـ تــركــهــاـ فقد كفر...} فكيف بمن لا يصلي الله المستعان. طيب ايش شعور اهلك او من يزورك من صديقاتك وتكتشف وجود الكاميرا في الحمام!!! وهل إذا تأكدتي من وجود كاميرا تثقين انه لايتفرج في الصور الموجوده بها او ينشرها !!! ...... لازم تتاكدين وتسألين شيخ {لا تضيعين حياتك} اسالي شيخ ثقه ...معليش ع الإطاله بس اعراض الناس مو لعبه....ايش معنا حمام النساء شاكه ان به كاميرا؟؟؟ |
السلام عليكم
اولا اختي فعل زوجك غير صحيح ولاكن اسالي نفسك اولا لماذا زوجي فعل كل الحركات لان بعض النساء تفعل حركات وامور تجلب الشك والحرص ولاكن هذا ليس بتمرير وانا اعرف رجل اشترى جهاز تسجيل لان حركات زوجته بالجوال تلفت الانتباه لاكن انصحك بالالتجاء الى الله والله يفرج عنك وانصحك وانتي بنت كريمه ان تبعدي عن كل شي يلفت الانتباه مثل الابتوب والجوال والهاتف الثابت الا في الضروره الا ان تعدي الامور على خير وفقك الله لما يحبه ويرضى |
خسئ ان يكون الرجال بمثل اخلاقه , حتى الكافر ليس مثلة لأنه يحترم نفسه ومع انهم كفرة
والأخلاق لاتحتاج الى دين لكي توجد , لأن الأخلاق تأتي من النشأه السليمة للأسف زوجك انسان ( خربان ) ! - لا يُصلي وحكم الدين واضح لتارك اصلاة + اتمنى منك الإتصال على شيخ وشرح حال زوجك له , وتسألينه هل ابقى معه ام لا - خُلق زوجك! ,, خلق زوجك سئ جداً وتأكدي انه ينم عن شخصية غير سوية ومنها تخيلة ان اختك معه!!! لاحول ولا قوة الا بالله - زوجك فعل احد السبع الموبقات! وبكثرة ايضاً وفوق هذا يقول الرجال يفعلونها؟ اتظنين حقاً ان الرجال مثل زوجك ؟! شعر انه اهانني عندما قالها! والذي فعله هو قذف المحصنات الغافلات المؤمنات , وردة فعلك سلبية جداً , كان من الأولى ان يُقص لسانه القذر اختي الكريمة كما اسلفت سابقاً :: اتصلي على شيخ واخبريه بعدم صلاة زوجك + بإضطراباته وانحرافاته + بقذفه لأخواتك ولا اظن ان رجلاً عاقلاً سيقول ابقي معه ملاحظه مهمه :: انتبهي من ان تحملي منه هذه الفترة |
المضحك انه يقولك...كل الرجال يسوون كذا وانتي مصدقته...وجايه هنا تسألين عشان تتاكدين هل كلامه صحيح ولا لا...
طيب انتي وش رايك يعني شايفه انه الرجال كلهم زي زوجك؟؟ الله لايبلانا..بما ابتليتي به.. |
ايش مصبرك عليه لاصلاة لااحترام لأهلك ولااحترام لك لشخصك كزوجة ولا اخلاق ولا اسلوب
ايش هذي المعاملة بصراحة لو انا مااجلس دقيقة لأن هذي الاشكال قذرة فعلا اسلوبة ولسانة بذيء اعوذوا بالله . |
انا اشوف ياانك تجلسي معاه مع النصح والارشاد
او انك تروحي بيت اهلك يشوفوا لك حل معاه لاني اخاف عليك تتأثرين بطباعه وسلوكه |
أسأل الله لنا وله وللجميع الهداية ..
- لايصلي - عشرة سيئه - شكاك - لسان بذيئ - كذاب - مراوغ .........الخ ... كل هذا ولم تحاولي معه ن قبل في إصلاح مايمكن إصلاحه قبل وقوع الفأس بالرأس .. أختي الفاضلة يجب أن يكون موقفكِ أكثر حزما معه .. لعلكِ تبدأين من الآن .. في محاسبته على أي اتهام أو أي كلام يتفوه به تجاهكِ . لاتنظري للمستقبل المظلم وأنه سوف يحرمك من أبنائك .. بل انظري الى أنه ربما يتحسن وضعه الى الأفضل وتعيشا حياة سعيدة . المهم حاسبيه على أي كلام يمس الشرف والعرض والإتهام الباطل .. هدديه بوالده لعله يرتدع .. إن وصل الأمر لمصارحت والديكِ .. فمثل هذا لايمكن السكوت عليه . أسأل الله لكِ العون والسداد . |
يا أختي شكلك تدورين التعاطف فقط مشكلتك ما يبغى لها شئ أبداً لا رأي ولا غيره
اتركيه فوراً هذا إنسان مريض الله لا يبلانا يتكلم عليك وعلى أهلك بهذا الشكل وأنتي ساكته وأنا أجزم أنك لو تركتيه بتحصلين رجال كثير أفضل منه وتقولين أنك موظفة يعني تقدرين تقومين بعيالك الله يوفقك ويرفع عنك هذا البلاء |
|
لاحول ولاقوة الابالله الله يرزقك الصبر وحسن التصرف
|
اقتباس:
|
أعانك الله زوجك شكله عند مرض نفسي وليش يحط ماعنده ثقه فيك انت كم صار لكم متزوجين
و |
| الساعة الآن 07:02 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©