|
أنا أكافح كي لا أفقد انوثتي ! ساعدوني
السلام عليكم ورحمه الله تحية طيبه اعطيكم نبذه مختصره عني وبعدها ادخل باستفساري .... : انا والحمدلله تمت ملكتي قبل سنه تقريباا , وبعد الملكه مااخذ رقمي الا بعد شهر وعن طريق خالته كنت متخوفه بالبدايه من عدم اهتمامه بعدها صار يتواصل معي بطريق الرسائل ( لم يتصل ) ! وفعلت المثل , واهلي تعجبو من الوضع لانه حيآء بغير محله وبعد فتره اتصل ورديت عليه بقراره نفسي فرحت انه اتصل لكن حسيته متلبك بكلامه قلت خجول وانا برضه خجوله لكن الخجل له حدود! : المهم مرت الشهوور وصرنا نتواصل شهريا بالاتصال لكن كلامنآ رسمي(مثل الاصدقاء) ماتكلم عني مامدح شكلي ولا أي شي يتعلق بي ماذكر فيني صفات محببه او جميله ماحسسني انه يميل لي كانثى لدرجه اني فقدت الثقه بنفسي قلت يابنت ممكن ينحرج منك بادري انتي بادرت انا تدريجيا واحسه يتفاعل شي بسيييييط ويررجع زي ماكان ! واذا صارحته اذا هو مرتاح معي او لا يجاوبني ايه مرتاح ! لكن اسلوبه معاي مايبين هالشي احسه بآرد وحتى اذا سالته عن مايحب ويكره يتهرب من الاجابه برد مختصر عقيم بدون معنى ولامضمون ولايعطيني الكلام اللي احب اسمعه !! واحس احيان انه يتجنبني ولايحب التواصل معي (باستمرار ) مثال :- أخذت ايميله وادخل باستمرار لكن انا متأكده يدخل ظهور دون اتصال ولا يتحدث معي ! الا اذا اخبرته برغبتي بالتحدث فيتصل ويحدثني وغيره مستحييل بالرغم انه يعرف اني احب اتواصل معاااه ! واغلب اللي حولي يأكدون انه هذه التصرفات مريبه وغريبه بالنسبه للملكين أنا مرحه وأكره اضيع وقتي بالمشاكل وحنونه ورومنسيه جدا بس هو ماعرفت طبعه للحين ! زواجنا باذن الله بعد اسبوعين ولحد الان ماتكلم بمواضيع تحسسني انه مرتاح لي كزوجه ولا تطرق حتى للمواضيع الخاصه بنا كزوجين ولا حتى لمح أبداا باختصار مافي ميآآنه هل هذا الوضع طبيعي ؟ اخاف انه مخبي علي سر خطير او انه يكون عنده عجز او ليس لديه ميول للنسآء يعني يتزوج لان هذه سنه الحياه !! أتمنى الاقي تفاعل من الرجال لانهم ادرى واعرف ببعضهم ... والله يستر / ساعدوني الله يجزآكم بالخير وادعو لي ولزوجي انه الله يحفظه ويسخره لي والحمدلله على فضله ونعمــه ... بانتظاركم , |
والله صراحه مدري وش اقول لك بس لو انتي حاسه ان ذا شي فوق حد وفوق طاقتك لا تعبين نفسك وقلبك خلاص كلميه جد يعني انتي اتصلي واسئليه قولي له اذا تحس ان تواصلي معاك مزعجك خبرني ولاشنو سبب الي يخليك تتهرب مني
لان هذا شي يضايقني وتاكد ماراح نقدر نستمر اذا كنت انت كذا بدون سبب عطني سبب مقنع يخليك تتعامل معي كذا وشوفي رده فعله بعدها تقدرين تحكمين وعلى رده فعله تعرفين كيف تتصرفين |
شكرا حبيبتي عالرد
انا واجهته بطريقه لبقه بعد ماصبرت وسكت فتره طويله وصارحته حسيته زعل يشوف نفسه طبيعي ماسوا شي يثير استغرابي وقال انا مرتاح الحمدلله معاك بعدها سكت ماعاد عرفت وش اقوله انا اللي اخاف منه يستمر على كذا لبعد الزوآج ولا وش رايك تتوقعين يتغير ؟ ياريت اسمع اراء الرجال تعرفون بعضكم صراحه انا جد تعبت خلااص يعافيك ربي ويوفقك تسلمين |
وعندي كذا اسئله للرجال
وش اللي يخلي الرجال اذا ملك مايعبر عن مشاعره لخطيبته ولا يمدحها وهي بكامل زينتها امامه ! ليش يتجاهلهاا ولا يحسسها بانوثتها ؟ هل مرض او حاله نفسيه او شي خطير او ماذا ؟ احتاج مساعده عاجله لان نفسيتي تعبت من هذا الموضوع واخاف اظن فيه ظن سوء واتهمه بالشذوذ والعياذ بالله |
أنا بقول لك شي بصراحه , انا في بالي إذا خطبت وملكت ماراح اكلمها حتى ليلة الدخلة وراح تكون أول ثلاثه ايام في بداية زواجنا كلها تعارف وسوالف ولكن بطريقه حلوة , لان الفترة بين الملكة والزواج بحاول تكون فترة قصيرة .
مادري هل توافقيني الرأي ؟ |
حزن السعوديه باوافقك الرأي بانه فتره الملكه نصيحه لاتطول عن 3 شهور
إنت او كحد اقصى 6 شهور اذا طالت كثرت المشاكل لكن لازم يكون فيه تعارف خلال هالفتره ومكالمات عشان تعرفون بعض مو تجي ليلة الدخله ماتعرفون بعض الدعوه ماهي اكشط واربح واللي يجي يجي لااا لااا ! انت خليك وااااااثق من نفسك مهمآ كان خلي لك شخصيه واضحه وحلوه وصريحه قدام خطيبتك لانها بتاخذ عنك انطباع بهذه الفتره باسالك سؤال انت فعلا ودك تتزوج كرغبه منك ولا عشان ظغوطات الاهل وكذا سنه الحياه وبس ! اذا كان عشان الاهل وبس وانت بقراره نفسك ماودك لاتظلم بنت النآس والله يوفقك ان شاءالله بزوجه صالحه تقدرك |
صباح الخير حبيبتي
اولا مبروك مقدما على الزواج خطيبك حركاته غريبه من جد لان الفتره هذي من اهم الفترات في حيات المعاريس بعدين انتي زواجك مره مره مره قريب تفائلي بالخير. ممكن يكون هو طبعه خجول .بس تقبلي مروري . |
اختي غياب باذخ أنا تقريبا مثلك بس احسن شويه يعني خطيبي ما اعرف شعوره تجاهي ما قالي ابدا مايتكلم ابدا عن شكلي ولا لبسي و إذا بيتغزل يقول كلام عام يعني انا مستانس اني ملكت أومتى نتزوج<<هذا غزل ترى
وكل سوالفنا عامه مع انه جرئ بس احس عنده خجل من الكلام الرومنسي هل هذا ممكن؟ |
انا اقول احتمال امكن بيئته بيئه جديه مافيها رومانسيه مثل عائلتي انا يعني احب الرومانسيه لكن اهلي عمليين كل شي نظام عسكري ....امكن اهو كذا لاني اتوقع اخوي اذا بيتزوج بيكون مثل خطيبك لان كل شي عند اهلي عيب .الله يكون بعونك الافضل الرجال يجاوبونك
|
أختي لاتتخوفين من الأمر فيمكن يكون اشووف أنه إذا قالك كلام حلو وتغزل فيك يصير مالها طعم عندك بعد الزواااج ترى فيه ناااس تفكيرهم كذا أو بعض الناااس يشوف أن الكلام الرومنسي هالوقت يهز شخصيته قدااامك أقول الله يوفقك ويكتب اللي فيه خير لكم تقبلي تحياتي |
اقتباس:
انا عارفه انها احلى فتره ومااستمتعت فيهاا والعوض من الله ربي يسهلها من عنده انا متوكله على الله ومفوضه امري اليه الحمدلله |
اقتباس:
لانه الطباع مو بسهوله تتغير لكن الله الموفق ربي يسخرلك ويوفقك |
اقتباس:
الله يحنن قلبه ويسخره لي تسلمين ربي يعافيك ويوفقك |
اقتباس:
بالعكس لو حسسني بارتياحه وعبر عن مشاعره لي اقسم بالله انه بيكبر بعييني واحترمه كثيييير لكن ضيع على نفسه وضيعني وضاعت بيننآ احلى ايام موفق وجزيل الشكر |
:22:أولا اسمحي لي أبدي إعجابي بعنوان مشكلتك:22: لأنه موافق جدا لمشكلتك...عندما يتوقف الرجل عن التصرف كرجل فلاا نلوم المرأة إن استفقدت أنوثتها....بس أنت ما عليك إلا الخير إن شاء الله و بحكم تجربتي المماثلة سابقا:d دعيني اشرح لك الرجل إن كان قليل الكلام و لا يبدي أي كلمات إعجاب و لا غزل فهناك احتمال أنه طبعه خجول....يعني مسألة طبع لا غير ...هاذي حلها سهل...الخجل يزول أكيد و الثلج يذوب مع أول مبادرة صغيييييرة منك أما إن بادرت مرارا و لم يتغير شيء...فهذه مسألة بيئة و تربية و تراكم مشاكل أسرية...هاذي يبي لها صبر و مداومة منك و علميه على يديك لأنه المسكين معذور جاهل الله يوفقك |
وفقج الله ورعاك غاليتي
|
,’,’ أختيُ [ غيآب بآذخ ] ب البدآيه أسأل الله لكِ حيآهـ سعيدهـ مليئه ب الأمآن والطمآنينه ., ليس هنآك مآيدعو للخوف ,, طمني قلبكِ وبآلكِ .. المسأله مسألة خجل وطبع لآ أكثثثر .. أتوقع والله أعلم أنه من الشخصيآت التيُ لآيعرف أن يعبر عن مآيحبه ويكرهه ولآيستطيع أن يظهر مشآعرهـ كلآمياََ.. هوآ يحبكِ ومعجب بكِ صدقينيُ .. لأنكِ مآشآء الله تبآرك الرحمنُ مآلمسته من عبآرآتك أتضح لي بأنك شخصيه عآقله وهآدئه .. وهذآ مآيجذب الرجل عآده .. ولكن زوجك هذآ طبعه وهذه شخصيته .. غآمض و خجول ولآيملك أسلوب التعبير والأخذ والعطآء بالحديث .. حآوليُ أن تلجأي لطرق أخرىَ حتى تكسري الحآجز الذي بينكم ., جربي مرهـ أن ترسليُ له على البريد مجموعة أسئله من خوآطركِ وأطلبي منه أن يجيب عليهآ ., كل مآيدور في بآلكِ من أسئله سوآء خآصه بحيآته وشخصيته أو بشخصيتكِ أو بحيآتكم الزوجيه ., حآوليُ أن تكون الأسئله عفويه ., وبهآ شئ من الممآزحه ., لعل هذهـ الطريقه تريحه ويجيب دون قيود أو مجآمله ., أن أردتيُ أن تكشفي شخصيته ., إجعلي حديثكِ معه دآئم يدور حول النقآش والأخذ والعطآء في الرأي .. إسئليه يوماً أنكِ تريدين مثلآ أن تقصي شعركِ ., وقولي له ب أنكِ مترددهـ ., وأريد منك أن تنصحنيُ .! أسئليه عن أحلآمه ., ! أسئليه عن تفآصيل يومه ., متى أستيقظت .! وهل فطرت .! ومآهي مخططآت يومك ! حآولي أن تبدأي أنتي الخطوهـ ولكن بحدود .., أي بأمور عآمه وأمور تجعلكِ أكثر رآحه وطمأنينه .. صدقيني يوماَ عن يوم سيتأثر بحديثك وبسؤآلك وسيبآدر هوآ دون أن يشعر ., إجعلي تفكيرك دوماً إيجآبي ونظرتكِ له إجعليهآ دآئماً رآئعه ولآيتخللهآ أي شك أو خوف .. ثقي بنفسكِ أكثر وحآولي وحآوليُ حتى تغيريه أو على الأقل يتأثر بكِ .. من المستحيلآت أن نجد زوج ممآثل لمآ نريدهـ ونحبه ., ولكن نستطيع أن نجعله يأخذ من طبآعنآ ونأخذ من طبآعه وذلِك يكون بالحب والهدوء والتفآهم ., وهذآ مآحدث مع خطيبيُ .. كآن كثير الحديث في النآس .. هذآ فعل وهذآ قآل وأنآ لآأحب ذلِك في الرجل وأبغضه .. كنت بالبدآيه متضآيقه وخآئفه كيف سأتعآيش معه .. ومع مرور الشهور قررت أن اغيرهـ ., أصبح عندمآ يتحدث عن فلآن وفلآن أظل صآمته .. وعندمآ ينتهي من حديثه عن فلآن أرد عليه [ الله يهديه .. الله يعين .. خلينآ من النآس تحدث عنيُ أنآ أهم ] وكل هذآ أقوله وأنآ أبتسم وبدون أي زعل .. وأستمريت فترهـ طويله ., كنت أجآمل وأقلب الحديث دوماً عنيُ وبضحك ., إلى أن ترك هذهـ العآدهـ ., وأصبح عندمآ يتحدث عن شخص يتحدث عنه ب أمر جيد ودون حتى ذكر إسم ., فقط لمنآقشة الموضوع وهكذآ ., صدقينيُ أن عزمتي أن تغيري بعض من طبآعه تستطيعين ., إبدأي انتي خطوآتك ولكن بحدود ., تعآملي وتحدثي معه بالطريقه التي تريدين ان يتحدث بهآ معكِ ., وإستغفري كثييير ., وأدعي أن يسخرهـ لكِ ربي ., أسأل الله لِك التوفيق ., |
لا تفسرين تفاسير مالها داعي، ترى شخصية الرجال ، وكونه مايشبه غيره لايعني أنه فيه شي، ترى تفكيرك كذا يتعبك، لاتلتفتين للوساوس، وصدقيني أموركم راح تكون أجمل مايكون
اتمنى وأسأل الله لكما التوفيق |
عزيزتي.. فترة خطوبتي 6 شهور و تملكت قبل زواجي بشهرين واستغربت انه ماطلب رقمي ولا طلب زيارة والي وترني زيادة وخوفني منه أنه رفض تحديد الزواج يتهرب بأي حجة..أقول لأهلي ليش هو كذا يقولون لي عادي يمكن مستحي!!لكن الي أنا خفت منه صار !!
ضعيف جنسيا.. مافي أي ميول للمرأة كاأخته تماما..والله إني جدار قدامه!! أنا ماودي أخوفك بس نصيحة لك اطلبي منه زيارة واجلسي معه وشوفي ردة فعله كل شي بيكون واضح قدامك..ترى هالمرض هذا كاثر هالأيام وابحث عنه بالنت واقرأي قصص البنات .. الله يوفقك ويسعدك ويتمم لك على خير .. |
اختي العزيزة
الرجل ما يعرف كيف يتحدث معك او يمدحك بسبب انغلاق المجتمع وعدم الاطلاع على الجنس الاخر جعل زوجك لا يعرف كيف يطلع عليك هذا بسبب قلة معرفه |
يمكن خطيبك بارد بعض الشي ,,
و ربما لم يسبق له التحدث مع فتاة ,, مجتمعنا منغلق جدا و ربما انه لا يعرف كيف يتعامل مع زوجته ,, حاولي تهدي له كتاب يستفيد منه ,, و ان شاء الله يتغير مع الوقت ,, |
[QUOTE=اللؤلؤة المصونة;2634998]عزيزتي.. فترة خطوبتي 6 شهور و تملكت قبل زواجي بشهرين واستغربت انه ماطلب رقمي ولا طلب زيارة والي وترني زيادة وخوفني منه أنه رفض تحديد الزواج يتهرب بأي حجة..أقول لأهلي ليش هو كذا يقولون لي عادي يمكن مستحي!!لكن الي أنا خفت منه صار !!
ضعيف جنسيا.. مافي أي ميول للمرأة كاأخته تماما..والله إني جدار قدامه!! أنا ماودي أخوفك بس نصيحة لك اطلبي منه زيارة واجلسي معه وشوفي ردة فعله كل شي بيكون واضح قدامك..ترى هالمرض هذا كاثر هالأيام وابحث عنه بالنت واقرأي قصص البنات .. الله يوفقك ويسعدك ويتمم لك على خير ..[/QUOT ههههههههه ....أمرك غريب يا أختي وكيف اعرفتي انه ضعيف وانتي لسه بمرحلة الخطوبه ؟؟؟؟ أكيد النت خبرك بهذا هههههههههه ....... |
والله يا أختي صاحبة الموضوع حيرتونا ..أذا تكلمنا واخدنا راحتنا وتعزلنا وتفننا ........على طووول بتقولو عنه وقح وما بستحي أو انه اله علاقات محرمه ........واذا انخرسنا وسكتنا وسمينا حالنا خجلانين والحيااا ما كلناااا بتقولو حيا زايد او ضعيف جنسيا وحتا بتوصلوه للشذوذ الجنسي .......حسبي الله ونعم الوكيل ............ولا أقول الا إن كيدهن عظيم
|
أختي الغاليه (بصراحه أنتي بنت طيبه جدا وتقدري الحياه وتحبي أنك تبادلي رفيق عمرك مشاعر حلوه يعني أنتي حاله نادره بهالزمان لكن بصراحه طبيعته غريبه يعني الرجل بيكون سعيييييد جدا لما بيجد قبول من المرأه لمثل هذي الأشياء يعني .. الحب .. الرومانسيه ..وغيره يمكن مخبي كل شيء لبعد الزواج بس الأفضل أنك تتصلين فيه وتقولي له كل الكلام اللي قلتيه في الرساله وكوني صريحه وبدون خجل وأي شيء يطلع معك قوليه (أسأل الله أن يسعدك في الدنيا والآخره )
|
| الساعة الآن 09:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©