|
زوجتي تعبتني(المستجدات بالرد 55,46 تم الطلاق)
السلام عليكم
في البداية احب اعرفكم بنفسي عمري 29 وصار لي متزوج سنه تقريباً زوجتي وحيدة امها وابوها وعمرها 24 وانا اشتغل بنظام النوبات شفتها في الجامعة وتقدمت لها وتزوجنا بعد الزواج تغيرت 180 درجة إلى يعني ما يعدي علينا اسبوع بدون مشاكل لما اكون معصب ما آخذ اي قرار واحب احل مشاكلي بهدوء بعيد عن العصبية في البداية كنت اقول معلش احنا في بداية الطريق والخلافات شي طبيعي مع الأيام راح تفهمني وافهما وتنحل مشاكلنا المهم الفتره الأخيرة لاحظت ان جوالها كل ما ادق عليه اشوفه انتظار في البداية الموضوع ما همني عشان في ثقه بالصدفة كنت اتصل من تلفونها وشفت سجل المكالمات الصادرة والوارد مافيها غير رقمي ورقم امها ورقم غريب بأسم سارة الجامعة في مرة اتصلت لها وانتظار وسألتها بطريقة غير مباشرة من تكلمي وقالت لي هذي صاحبتي مريم وبس لما رجعت البيت فتشت جوالها بدون ما تدري واكتشفت انها كانت تكلم نفس الرقم أللي اسمه سارة الجامعة والمكالمات كانت معظمها في نص الليل لما اكون على الدوام وبالساعات اهني ابتديت اشك فيها وعشان اقطع الشك باليقين وانهي هذي الحالة طلعت اسم صاحب الرقم من شركة الإتصالات طلع بأسم رجال اتصلت على الرقم رد علي رجال كلمتها وواجهتها وسألتها عن الرقم ما عطتني اي كلام ولا ريحت قلبي وقالت لي انت مريض وشكاك وظالمها وراحت المطبخ بتاخذ سكين بتنتحر اسلوبها حسسني ان انا فعلاً غلطان لكن غموضها زرع فيني هذي الشكوك بعد هذا الموقف الرقم هذا ما شفته في تلفونها نهائياً لكن غموضها كان يتعبني يعني واحنا بنام على السرير اشوفها حزينه او اشوف عيونها تدمع أو تدخل الحمام وتصيح وما ترضى تعلمني اي شي الإسبوع إلا راح اكتشفت انها تطلع من البيت لما اكون في الشغل وما تعلمني فتشت جوالها وانصدمت لما شفت مسجات حب ومسجات فيها بلاوي انصدمت وبسرعه طلعت اسم صاحب الرقم طلع نفس الأسم الأولاني والرقم منشور في الإنترنت عشان راعيه يبيع ويشتري واجهتها وطلبت منها تعطيني تبرير لأني مو مصدق لكنها سكتت وطلبت مني الطلاق ومن يومها اهي في بيت اهلها وتبي ترجع لي بس انا كاره اشوفها أو ارجع لها لأني صبرت عليها بما فيه الكفاية سؤالي بعد كل هذا ممكن تكون مظلومة ؟ |
الي تخونك مره تخونك الف
|
وانا اخوك اذا كنت متاكد ميه بالميه
فنصيحه لوجه الله فالطلاق خير والحمد لله مابينك وبينها حمل فاستخر الله وتوكل عليه اما اذا كنت ضالمها ولا معك دليل فتعوذ من الشيطان الرجيم لانك والله لن ترتاح اذا كنت متاكد من ذالك الفعل ستبقى حياتك دمار ومجاملات ووساوس وتفسيرات ستجعل حياتك دمار الله يفتحها لك ويفرجه عليك وعلى كل مسلم |
قال تعالى: (فإمساكٌ بمعروف أو تسريحٌ بإحسان) إذا متأكد وشكوك صارت يقين مانقول إلا الله يستر عليها. بس لاتستعجل حاول ماتتصل فيها الآن خليها في بيت أهلها لحد ماتهدأ أعصابك وبعدها قرر بعد ماتستخير. . . أسعدك الله أينما كنت وحللت |
اعانك الله وفرج الله همك
|
انا لو محلك
فالطلااااق افضل لها ولي لاكن تخبر ابوها من شاان ينتبه لها ويكون حريص عليها اكثر وترك البنت الي تقوولك انت شكاك ولا من هذا الكلاام بعض البناات خذوهم بالصوت لتقلبوهم يعني الرسااايل وانت اتصلت على هذا الرقم فاكان الشخصين هم الشخص نفسه فامسااكن بمعرووف او تسريح باحسااان والله يعوض عليك بناات الرجاجيل واجد |
اخي الكريم من الصعب اني اعطيك نصيحه طلق او لا
ولكن بعد ماتتأكد من هالامر اذا تم الطلاق لا بد من الستر لأن اعتقد ان الانسان اللي تسوي فيه زوجته كذا ويطلقها ويقول لأهلها ماحصل نصيب او ما اقدر اعيش معها يعني يسترها هذا ان شالله ربي راح يجازيه ويوفقه بحياته واخرته لان من ستر عبدا مؤمنا ستره الله يوم القيامه وايضا منها فرصه لزوجتك عشان تبدا بدايه جديده وان شالله تتوب وتعود الى الطريق الصحيح هذا رأيي والله المستعان |
لو مظلومة ما تحتريك تسأل هالسؤال
الله يعوضك بخير اتركها و الله حسيبها الشك يا خوي لا دخ الحياة دمرها و العاقلة ما تحط نفسها بمواضع شبهة و العرب تقول : من سلك مسالك السوء اتهم |
أخي العزيز: تاه بي الرأي ولم أرسي على واحداً منه حيث أنني كتبتُ لك وجهة نظر مطولة ثم حذفتها وأتيت برأي أخر فأحرى أن تراه: من رأي أن لا تطلقها وأتركها ان رغبت أن تبقى مع أهلها أو تبقى معك .. وحتى تعلم أن الزواج ليس بلعبة تشعل فيها هموم الناس سواء أبت أم رفضت فانت لك الحق في ذلك وأتركها ترسل من تريد وتحب. وأهجرها كما يفعل العرب بنسائهم وكن رجل لك الهيبة والعظم. وفقك الله. |
اخي لا تسعجل ع امر
استخير الله يكون فى عونك |
اشكركم أخواني وأخواتي على الرد ..
أليي افكر فيه الحين ان اخليها في بيت اهلها فتره وبعدها آخر القرار .. لجل يهدى الموضوع وتتوب وتتغير وهذي بتكون آخر فرصه لها .. لكن إذا ما تغيرت تروح في حال سبيلها والله يستر عليها .. |
اقتباس:
مع احتراامي للراايك لاكن لابد ان يخبر ابوها المووضوع لكي لا تنجرف في تيااار الظلمات وليس يفضحها امام الله وخلقه |
طيب ولو كان ابوها انسان مثقف وقيادي وذو شخصية قوية خارج المنزل
وداخل المنزل شخصية مهزوزه وتارك الخيط والمخيط لزوجته المتسلطه لتجنب الصدامات والمشاكل وماله كلمه بعد كلام زوجته .. تتوقعون الموضوع معاه راح يغير شي ؟ |
أخي خليل .. أعانك الله ... والآمـر هذا يقصم ظهر البعير. قبل كل شيء: 1-هل تأكدت من الرقـم الذي تتصل به ...... " هل كانت تحادث إمرأة أم رجل " تثبت تثبت تثبت . ثلاث مرات. 2-هل تأكدت من الرسائل القادمة من الرقم ... " وهل هي لنفس الشخص أم لا " تثبت أيضاً. 3- خروجها من البيت خلال غايبك بدون إذنك. " وهـي الأعظـم " .... كيف علمت أنها خرجت ؟ وإلى أين خرجت ؟ وكم مرة خرجت ؟ 5- كيف مستوى تدين زوجتك ؟ وهل هناك مشاكل آخرى بينكم قبل إن تكتشفها ؟ أو أي ملاحظات ؟ 4- أخي خليل ... من أي مجتمع آنت ؟ ... لكـي نعرف واقع الحال ؟ آتمنى إجابتك على هذه التساؤلات .... |
اقتباس:
1- بالنسبة للرقم في البداية انا كنت مو قادر اصدق لكن لما اخذت اسم صاحب الرقم من شركة الإتصالات وطلع رجل .. دقيت على الرقم اكثر من مره وطلع رجل .. كتبت الرقم في قوقل وطلعت لي نتيجة البحث اعلانات بيع سيارت وعقارات بتواريخ مختلفه. 2- الرسائل كانت موجوده في الحافظة وفيها بلاوي بالإضافة إلى تقارير رسائل في جوالها يعني ترسل رساله وتمسحها ويجي التقرير وتنسى تمسحه .. الرسائل والمكالمات كثيرة وفي اوقات غلط يعني مثلاً مكالمة الساعة 2:00 الفجر ومدتها 49 دقيقة هذا مثال واحد ولي شفته كثير. 3- بحكم دوامي بنظام النوبات يكون مالي وقت .. ومعظم الأوقات تقول لي انها بتطلع مع صديقتها واكتشف انها ما شافت صديقتها او تتعذر انها بتروح السوق مع امها نص ساعه لكنها ما ترجع البيت .. اوقات تقول بروح هذا المكان وبالصدفه تشوف الأهل في مكان ثاني.. ولي عور قلبي اكثر ان انا قريت في البي بي عندها انها تتفق على طلعه العصر في اليوم أللي يكون دوامي العصر. 4-البنت متنية وتقرى القرآن لكن تكذب كثير وما عندها اسلوب لبق في الحوار يعني في السوق هواش في الصالون هواش في البيت هواش مع اهلي هواش ولي اكثر انها تغلط وتكذب وتقول لي الموضوع من جانب يطلعها على حق إلى درجة ان ماقدر اربط كلامها بالواقع .. تحسسني ان اهلها اهم شي عندها واقرب مني وما تخبي عنهم كل كبيرة وصغيره بينا .. وتحاول تقلد امها وتصير متسلطه ولما تبغي شي تسويه وتخلي الكل امام الأمر الواقع وتعتبر الموضوع انتهى وهذا اكثر شي يزعجني. ويخلي حياتنا كلها خلافات وكل ما اقرب منها واحاول اسوي جلسات مصارحه معاها واحاول تقول لي كلام يريحني ووعود انا بتتغير لكن يبقى مجرد كلام بدون فعل تقوله لجل ينتهي الموضوع بإتفاق غير حقيقي أكتشف هذا عقب اول موقف يجي عقب يومين او ثلاثه بالكثير. 5- انا من الكويت وانت عارف المجتمع وواقع الحال في الكويت. وعن نفسي انا انسان احب الهدوء والتفاهم والإحترام المتبادل ، احب اكون روماسي معاها ، واحاول اهدي المواضيع وما اشد معاها اكثر من اللزوم ولا احب ارخي معاها على الآخر ، احب احل مشاكلي بنفسي وآخذ قراراتي بهدوء وتأني ، ومستعد اسامحها وانسى مقال انها تكون زوجه مثل ما اتمناها ، لكنها اذا ما راح تتغير ما راح اضيع معاها عمري. |
عودتك لها برايي تتحدد اذا كان عندها نية للاقلاع هذا إذا ثبت شكك لأن والله( ممكن) يكون الموضوع غير اللي ف بالك والله اعلم..
|
كيف يعني غير ؟؟
|
نصيحه أطلع مع زوجتك في موعد وخذها في مكان هادي واتفاهم معاها.. حاول تسحب منها إلي في داخلها.. وقول لها
أنت المخيرة.. لو طلعت على علاقة حب مع الشخص.. ابعد وتركها وربي راح يعوضك خير.. أما لو حسيت أنها لعب وساعة شيطان قولها ترجعين وبشروطي.. في كل الحالات أنت راح تكون كسبان.. استخير .. وشوف على أيش راح ترسى معك ..والله يجبر كسرك.. ردد اللهم أجرني في مصيبتي وخلفني خيرا منها.. |
حسبنا الله ونعم الوكيل
الرجال ماصدق جمع فلوس وتزوج وفرح بالزوجه ورايح للدوام ليل نهار يكسب لقمة عيشة بالحلال وتجى ست الحسن والدلال وتخونه بالله مو قهر يانساااء ؟؟؟؟ اخى قبل لا تطلقها تاكد جيدا بعدين طالبك بحقوقك من مهر وكل شى صرفته عليها بعدها روح دور اللى تسترك وتصونك الا لعنت الله على اللى تخون زوجها مقهور . |
ما يحتاج أخوي
بما أن الرقم رقم رجال دليل أنها تحكي معاه كيف تصبر على زوجه تخونك!!!!!!!!!!!!!!!!! يعني طلعت الزوجه الخاينه لها شأن عند الرجال!!!!!!!!!! يا أخي إذا كل شي واضح طلقها لأنك لو أستمريت معها ماراح ترتاح راح تشك فيها الطلاق حل لأمثال هذه المشاكل هذا عيب الرجال يخطب البنت يهتم بالجمال فقط وينسى الأخلاق ثم يصيح بأعلى الصوت زوجتي تخون!!!!!!!!!!! وأنا ما أحكي من فراغ لكن هذا الواقع كثير من الخطابات تقول الشاب يهمه الجمال ونسبه بسيطه جدا يسأل عن الأخلاق همه الجمال فقط وبعد الزواج تبدأ المشاكل الله يسهل أمورك يارب |
والله لو منك انا وربي ماتجلس دقيقه وحده بالبيت عندي لو خسراان في هذا الزوواج مليووون
|
من ستر على مسلما ستره الله في الدنيا والاخره
استخير ريح قلبك لاترجعها وانت شاك فيهااا والله يفرج همك وهمي |
يقهرووني بعض البناات يقولون شااك الرجاااال ماباقي شي الا يشوفها مع الرجااال هذا
هذا موشكاك لو شكااك قلنا معليه |
أخي الكريم صاحب الموضوع ...
نيتك على الصبر حتى يتضح لك أفضل .. فلا تستعجل حتى يتبين لك وما أدراك قد تتوب وتتراجع وأعلم أن معظم الأعضاء الذين شجعوك على طلاقها وفضحها عند والديها ستجدهم في مواضيع أخرى صاحبة الموضوع أنثى ينصحونها بالصبر والستر عليه .. فنحن في مجتمع يكيل بمكيالين فالحمدلله أن الحساب بيد واحد احد لا يفرق بين إمرأة ورجل |
كل هذي الادله وتقول مظلومه؟؟؟دقيت على الرقم وطلع رجال...وتقول مظلومه...
يااخي فيه ناس تنكر بشكل مو طبيعي لدرجة تخلي الي حولها يشكون في انفسهم.. هذي ماتبييك ..تبي هذا الي تكلمه...خله ينفعها...المشكله انها ماتابت رجعت تكلمه يعني ماهمها حياتها الزوجيه.. الحين عطها فرصه اخيره.ولو انها ماتستاهل لانها ماتحترمك ولا تحترم اهلك..وان تكرر الموضوع لك قرارك...وصدقني ماراح تقدر تخبي عليك اذا بترجع تكلمه اكيد ربي بيكشفها لك... وال يقول تاكد انها موعلاقة حب؟؟يعني بلاه حتى لوكانت علاقة حب تتوقع انها تتعترف له انها تحبه..اكيد بتقوله شي ثاني.. الله يصبرك..وانتبه من مسألة الانجاب حتى تتاكد من توبتها رجل او امرأه..ماراح يختلف الكلام...او اللرأي.. |
اقتباس:
سبحان الله على أمرك.. !!! مو رديت على وحدة من الأخوات انها شاكة بتصرفات زوجها ويوم قلنا لها تأكدي واقطعي الشك باليقين.. جيت حظرتك تقولها تستاهلين وليش تفتشين من ورا زوجك!! واكره اسلوب التحقيق ومسوية فيها كونان !!! أنا مو ضد تحقق صاحب الموضوع من مشكلته.. بالعكس لازم يتأكد ويتحقق عشان لا يظلم او يوظلم.. لكن ضد تناقضك وتغطية خيانة الرجل بداعي عدم التفتيش من وراه.. وبين الشك في خيانة المراة وكانه حرام عليها وحلال عليه.. خلك منطقي في كلامك ولا تفقد احترامك بأسلوبك المتناقض.. |
اقتباس:
ونفس الشي بعض الزوجات..تملك كل الادله ...ولايكون عندها اي ردة فعل. سبحان الله |
اقتباس:
من حبه لها مو مصدق نفسه يكذب سمعه ونفسه عشاانها مثلك اخي مرتين داق ومابقى الا الثالثه ثابته دق عشان تتأكد فعلا ناس غريب الله يعينك ويصبرك صدقني مااراح ترتاح مع وحده شاك فيها بتكوون حيااتك شكوك بشكوووك |
احترااامي لبعض البناات الي يقولون ان كلاامي متنااااقض
نعم بعض الاحياان يكون متناااقض للبنت نفسها علشاااان ماتطلب الطلاااااق وفي النهااايه ماتلقى لها رجال يضفها اما الرجل يقدر يتزوج وهي على ذمته بدون مايطلقها وخياانة المراااه اكبر لان خيانتها متعلق باسم ابيها وزوجها وامها واسرتها لاكن خطاء الرجل خطاااه على نفسه وهو يتحمل اخطااه نعم مافيه فرق بالدين لاكن فيه فرق بالمجتمع وانا اعيد مره ثااانيه لو مكاانك تحرم علي حرم الدم واذا قال لابوها هو ماهو قااعد يفضحها عند احد غريب هذا ابوها واكيد هذا الاب احن على البنت من غيره وين الفضيحه في هذي هل تريدينها ان ماحد يووقف في وجهها ولا ينصحها ولا يردعها غريب امركم |
حتى لو النك حقها في نوع من الشبهها او فيه نوع من تبين انها جميله مارايح اعديها له على خير
|
اقتباس:
يعني المراة لازم احد يوقف بوجهها ويردعها!! والرجل مايحتاج احد يردعه!!! من رائى منكم منكر فاليغيره بيده. ماقال المنكر اذا صدر من المراة لازم يغير واذا صدر من رجل فهو حر نفسه!!! |
اقتباس:
يابنت حنا ماقلنا ان ماحد يردع الرجل لاكن من يقدر يردع الرجل بهذا الزمن الحين بهذا الزمن حتى البناات صاروا ابهاتهم مايقدرون عليهم تبين تردعين الرجل انا اسااالك بالله لو زوجت اخيك تخون اخوك بالجوال مااهي ردة فعلك ؟بسم الله عليهم والله يبعد الشر منهم |
اقتباس:
لكن التساهل والضعف والخوف من الطلاق ماراح ينردع. وبالنسبة لموقفي بعيد الشر من زوجة اخوي هو نفسه موقفي بعيد الشر لو زوج اختي يخونها.. كل الفئتين يحتاجون يتوقفون عند حدهم. لايمكن الحياة مع اي طرف خائن في حال التثبت من الامر.. وحدوث الرادع ولم يتادب فالفراق حل لهم |
اقتباس:
أخي الكريم أو أختي.. أجد في كلامك سخرية وغيبة.. لما العجب.. أنت لم تعش هذه التجربة لذلك يكون الكلام والتنظير سهل جدا عليك.. أما لو خضت تجربه من هذه التجارب مع نصفك الآخر ووجدت حرارة نار الغدر.. ستصارح من ؟ صدقني صعبه حتى أهلك صعبه تقولهم السالفة.. لذلك لا تشمت.. واحذر من زلات اللسان قال رسول الله صلى الله عليه وسلم : ( فلتقل خيرا أو لتصمت ) وقال كذلك: ( لا تعيب على أخيك فيعافيه الله ويبتليك) يضل هذا المنتدى متنفس لآلام البعض.. ومكان لنثر أحلام البعض الآخر.. فلنكن لبعضنا البعض كالبنيان المرصوص يشد بعضه بعضا ولك مني كل شكر وتقدير.. والسلام ختام.. |
اشكركم كل الشكر على المشاركة وعلى آرائكم
ما توقعت كل هذا التفاعل انا مو شاك في الموضوع إلا على ثقة تامة انها تسوي شي غلط ومن يومها وهي في بيت اهلها ، لكن إليي معور قلبي افكر في المستقبل اقول انا رجال وسهل ارتبط في اي وقت لكنها ممكن تضيع حياتها نهائياً خصوصاً ان زواجنا قرب يكمل سنه يعني ما كملنا ، احس ان انا راح اكون السبب في ضياع حياتها بعد طلاقنا ، وفي نفس الوقت نفسي عافتها وصرت ما احب اشوفها او اسمع صوتها ، والبنت معنده ومو راضيه تتكلم عن اي شي ، واليوم كلمني اخوها وطلب مني انه يكلمني وعطيته موعد على بكره اشوفه في مكان عام ، يعني اتوقع انها قالت حق اهلها اجزاء من الموضوع بحيث تغير معالم المشكله وتخليني انا الغلطان حافظ اسلوبها. ولي مخليني اتحمل واصبر ان احس زوجتي محتاجه موقف قوي يغيرها ومافي اقوى من هذا الموقف لما توصل إلى ابواب الطلاق وتتذكر معاملتي معاها واشلون الحين الحياه بينا تنتهي بعد هذا الموقف اذا ما تغيرت اعطيها ورقتها بدون ما افكر لأنها راح تثبت لي انها ما تستاهلني بكل المقاييس |
اقتباس:
انتي كنك تدورين في حلقه مغلقه تدورين وتدورين وترجعين تايدين كلااامي :30: يعني في النهااايه الطلاااق وقع :17::29: |
ردي على الرجااال يااحلااهم واتحدااهم
الرجاال يقول على ثقه تاامه صدق المثااليه ماتجي الا اذا رجلك كانت في الماااء وماحد يحس بالقهر الا الي رجله بالنااار |
اقتباس:
كان تعقيبي عليك انت ومن موقفك المتناقض !!! قبولك للخيانة من الرجل وانه لابد على المراة انها ماتكون محقق كونان على قولتك.. وعدم قبولك من خيانة الزوجة وانه الزوج المفروض يطلقها. مثل مايستحيل العيش مع المراة الخائنة كذلك لايمكن العيش مع رجل خائن. وأي تصرف من الزوجة في حال شكت بزوجها فهذا واجبها. بس الظاهر تحب تاخذ وتعطي في الجدال لمجرد الجدال!!!!! |
لا انا مااحب الجداااال مع اي احد مشكلتي وانا اذا اجاادل مانظر من كاتب المووضوع او من رد علي
لاكن هذي وجهة نظرك انتي تحترم عند بعض الاعضاااء وماااقول ان البنت مااتروح تطلب الطلاااااق اذا زوجها خانها لاكن ليس بالمنطق ان تترك ابناائها وتذهب كل الفعلين خطاااء لاكن كل ردة فعل اقوى من الثانيه |
انصحك :
1- تسجل مكالماتها , علشان تعرف وش يدور بالضبط << لا حد يقول تجسس وما تجسس , فرق بين التجسس وبين التحقيق لاظهار الحق ..ولو الزوج خاين بقول للزوجه نفس الشئ.. 2- حاول تعرف وين هي رايحه للدوام , خل السواق يقوم بالمهمه او اي احد عندك .. طبعا المكالمات المسجله تعطيها زوجتك مع ورقتها , وتخبر اهلها بالمكالمات .. ماراح اتدخل بقرارك واقول لك طلق , لانه يبدو لي انك راح تعطيها مهله تشوفها تابت او لا .. اذا بتعطيها مهله لا تخلي الامر يمر مرور الكرام ,, لابد من العقااااااااااااب .. الناشز (الخارجة عن طاعة زوجها ) حدد الشرع مراحل عقابها , فما بالك بمن خانت زوجها .. ولاادري هل وصلت خيانتها جسديا ام لا ؟؟ الله اعلم |
| الساعة الآن 09:08 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©