|
أول مقابله مع أم خطيبك كيف كانت؟؟
خواااتي الحلواااات الجواب باين من عنوانو أول لقاء مع أم خطيبك زوج المستقبل كيف كانت ؟؟ كيف تعاملتي معاها؟؟ كانت مقابله صعبه ؟؟ ولا ربي رازقك بحماه طيبية ماحسستك بالرهبة انا شخصياً بسبب سفرها لسه ماقبلتها وخااااايفة مووووووووووت :rolleyes: الله يستر خصوصاً انها مو موافقه كثير على خطبتنا .. وكانت حابه تخطبلو وحده ثانية :( افيدونا افااااااادكم الله :22: |
كانت لطيفة إلى أبعد درجة والحمدلله
حماتك عامليها كويس حتى لو ماتقبلتك بالبداية ، مصيرها تتقبلك وتحبك اذا ماشافت منك الا كل خير صديقتي ماصارت مع حماتها سمن على عسل الا بعد اول طفل وصبر لفوق سنة |
المعاملة الطيبة بتجعلى اى انسان يحبك حتى لو كان شخصيتة صعبة
انا لسة ما قابلتش ام خطيبى بس الكل بيقول انها طيبه وربنا يسترها ان شاء الله على وعليكى ويتقبلونا باذن الله ادعولى يا بنات لانى بجد خايفة جدا من موضوع الارتباط |
اقتباس:
|
اقتباس:
|
جت سالفة المثل اللي يقول:
( ولّم العصابة قبل الفلقة ):d:d |
اتوقع انا عندي خبرة كافيه بهالموضوع
انا حماتي اول مرة شفتها يوم ما جا يشوفني خطيبي الي هو زوجي الان تخيلي ماتكلمت معي ولا وجهت لي ولا كلمة ابدااااااااااا وكان واضح انها قوية على قولتنا بس انا مااهتميت لان ارتحت لزوجي المهم يوم الخطبة الرسمي والحفله تخيلي كانت مو مبسوطة وكان واضح وبعد ماصار يكلمني زوجي عالتلفون تخيلي قالي امي ماتبغاكي وقبل الخطوبة بيوم صارت مشكلة عشان هالموضوع لان كانت تبغى زوجي لبنت اختها ومع هذا مايئست وماخبرت اهلي وصرت اتواصل معها وماتغير الوضع كثير وسبحان ربي صارت مشكلة كبيرة بيني وبينزوجي وتركنا لبعض يعني فسخنا الخطوبة لمدة 9 اشهر وامه انبسطت طبعا وحاولو معه بشتى الطرق يخطب ورفض وبعد محاولات منه رجعنا لبعض بعد هالمده كانت رسميه ماتسئل الا اذا انا اتصلت كنت اقول عادي رح اعتبرها امي تزوجنا يوم العرس الكل قال حماتك شكلها ماتبغاكي تخيلي لوين وانا بيني وبين نفسي انقهرت وكنت خايفه بس كنت اقول اهم شي زوجي وبعد ماتزوجنا صرنا نروح عندهم زيارات لان هي ساكنه بمنطقة غير الي انا ساكنه فيها كنت احاول اتجنب المشاكل بس مانت تصير وسامع كلام وهالاشياء وازعل واقول لزوجي الحين صرلي متزوجة 5 شهور وحامل احس معاملتها صارت احسن وان شاء الله شوي شوي بتصير احسن واحسن هي يبغالها صبر ووقت بس فعلا حسيت بفرق عن اول يمكن طولت عليكي بس حبيت اقلك انو المعامله الحسنه تغير الشخص الي قدامك ان شاء الله تطلع حماتك عسل ولو فرضا طلعت شوي صعبه لاتزعلي لان بالنهايه كل ام تغار لما ولدها يبي يتزوج تحس انو بروح منها فانتي اصبري وعامليها بالحسنى وكل فتره اهديها شي وقوليلها تذكرتك واسئلي عنها نصيحة مني لك يااختي انتي قولي هي مثل امي وعامليها على هالاساس يعني اتوقع امك لو زعلت منك مارح تقولي خلاص ماعاد اتصلك رح تجربي مليون مرة لين ترضى وهي نفس الشي وصدقيني مع الوقت هي رح تحس وتتغير اسفه على الاطاله بس حبيت افيدك ربي يوفقك انتي وكل المقبلين والمقبلات على الزواج |
اقتباس:
حبيبيتي تسلمين يااارب الله يحفظلك الغالي ويحنن قلب حماتك عليك:29: آمين يارب العالمين بصراحه انا حاسه انه بيصير معايا نفس الي صار معاكي بالضبط لأني متأكده مليون المية انها مو موافقه علي بس هو شاريني .. وإن شاءالله أقدر أكسبها .. الله يرزقني صبرك وقوة تحملك:18: بجد مشكوورة على ردك :22: الله يسعدك دنيا وأخرة ويفرجها عليك من حيث لاتحتسبين |
كانت اطيب من العسل و مزووحه
لكن ربي ما كتب بينا نصيب و ما تم الزواج الله يحفظها لعيالها |
هلا وغلا فيك ياحلوه..
طرحك جدا حلو تعرفي ليش ؟؟ لأنك بتخليني اتذكر اول لقاء معاهم طبعا قبل سنه ولا ادري متى اللقاء الثاني ادعي بس يكون لقائنا الثاني قريب .. اقول لك اول ماجو عندنا في البيت .. هم طبعا مو ساكنين في نفس المدينه الي انا فيها .. طبعا يوم يجون عندنا كان فيه اجازه واستغلو هذه الاجازه علشان يزورونا << وناسه هههه :d المهم كنت ساهيه في يوم الثلاثاء<<لاحضي حافظه اليوم بعد .. دق جوال امي قالت امي روحي جيبي الجوال وانا والله العظيم كان قلبي حاس الرنه مو طبيعيه.. وفجأه اشوف اسم امه موجود يماااااا خفت ههههه :d ايه ردت امي ومن هذه السلام وبعده قالت اختاري يوم انتو فاضين فيه امي قالت بكره حلو .. يعني الاربعاء ..اوك وبعدين اروح واتجهز من الليل كـ أن عرسي بكره ههههه ياحبيلي صح :22: وانام وانا مبسوطه واو من قدي وامي تجي وتبتسم وتقول وش بتسوين لهم بكره قلت كل شي بجيب الدنيا كلها على شانهم بس .. وبعدين تغطيت ونمت .. وجاء اليوم الاربعاء احلى اربعاء في حياتي والله .. واتكشخ من الصبح .. وحتى البخور كل ساعه اشغل الشمعه ابخر البيت <<علشان اذا جو البيت ترسخ ريحت البخور بملابسهم واذا ركبو السياره تصير ريحتهم بخور هههه ويشمها بعض الناس .. يوم جاء المغرب يدق الجرس وفتحت الباب اختي وضيفوهم وبعدين انا دخلت وسلمت وابتسمت وكنت يعني اسولف معهم سواليف عاديه.. وهي ابد ولا جابت طاري خطيبي << انقهرت :( الله يوفقك ويسعدك وتعجب بك ام خطيبك |
اقتباس:
يابختك كنتي طايره .. بس انا بصراااحة مرعووبة .. مو عارفه شو ألبس وشو أقدملهم .. وكيف اتصرف بس مااقول غير الله يستر حماتي الله يحفظها صعبة كثيييييير حتى مع أولادها :29: واساسا مو راضيه علي ابداً حتى من قبل ماتشوفني :( إن شاءالله الله يزرع حبي بقلبها ويهديها :25: ادعيلي |
اقتباس:
اقول لك خليك على طبيعتك احسن ... عادي انبسطي ولاتخافي انت راح تتزوجين ولدهم مو هي .. لا ان شاء الله اذا شافتك يتغير رأيها فيك .. ننتظر جديدك ياقموره .. ربي يوفقك بالدنيا والاخره |
|
اقتباس:
لما قرات كلامك تذكرت عمتي ام طليقي الله يشفيها ويسامحها والله كنت استحي منها واحترمها والله الشاهد ماقد سمعت مني شي بس للاسف مدري هو حظي ولا انا ما اعرف اتعامل مع هذولا الناس مره من المرات اشتريت لها هديه واتفاجا في اكل من ساعه القاها مع الشغاله اعطت اللبس الشغاله ليش مدري بس الله يسامحها ماثر فيني هذا الموقف حيل! |
اقتباس:
الله يعوضك يارب بالي هي مثلها وأحسن منها كمان |
اقتباس:
يالله فرحتيني بجد أحب اسمع ان في بنت وحماتها علاقتهم حلووة بهالطريقة وانا عندي قناعه اني لو أحب زوجي طبيعي احب امو بما انها هي الي جابتلي اياه لهالدنيا وكنت احبها بس من كثر رفضها لي بد قلبي يقسى شوي وأخذ موقف .. بس بإذن الله بحاول اصفي نيتي وأعاملها مثل أمي وإن شاءالله أفضل - مرعاة لحساسيتها مثل ماقلتيلي - والله يحنن قلبها علي وانتي الله يحفظلك ويحميلك أمك وأم زوجك ... وإن شاءالله الله بيباركلك بأولادك وزوجاتهم مثل ماأنتي دايره بالك عليها.. |
اقتباس:
صح كلامك ... والله هو قالي ان رأيها فيني مابيغير شي من الموضوع بس الشوفه مسألة متعارف عليها مش أكثر بس أنا بجد مرعووووبة :24: خصوصا انا وزني زاايد كثييييييييييييير هالفترة :p ومو عارفه شو ألبس :rolleyes: بتيجي يوم الأحد إن شاءالله .. أدعيلي |
ادعي بكل وقت
قولي اللهم جملني امامها اللهم استر عيوبي عنها بسترك الذي لا ينتهك اللهم لا تجعلها ترى مني ولا تسمع عني الا كل جميل وحسن اللهم حبب قلبها الي اللهم اعطني خيرها واكفني شرها اللهم سخرها لي |
اقتباس:
الله يجزيك كل خير ويسعدك دنيا وأخره تسلميييين يارب .. بدعي بهالدعاء بإذن الله |
معاملة حماتي معاي كان فيها شوية قسوة ببداية زواجي بالرغم انوهي من خطبتني لابنها.. كانت مفتكرة اني رح اخد ولدها وانسيه فيها ديما تقول ادا بتفتكري انك رح تخدي عبدو مني فنجوم السماء اقرب لك فانا حرصت اتم الحرص على ان يبقى ولدها قريب منها وسعيت بشتى الطرق لانال حبها رضاها عنا وبالاخير محيت الصورة لي كانت مرسومة في دهنها وصارت ما تشوف غيري فديتها.... وهدا كله من اثر المعاملة الطيبة اعامل حماتي نفس معاملة امي وازود .... دام بحب زوجي اكيد بحترم امه والمعامله طيبه والقلب طيب.. تكسبين كل الناس مو بس الحماه. |
اقتباس:
|
لا تشيلين هم انتي عامليها
زين واحترميها بكذا رااح تحبيبها فيك بالنسبه لأم خطيبي الله يطول بعمرهاكثيير تحبني وكل شي تبي تسعدني فيه.. بس ولدالثاني لما خطب ماتبي خطيبته بس ابوه هواللي مشى كلمته وخطب البنت وهي رافضه وتكرها..فالبنت اللي خطبها عارفه كيف معاملة ام خطيبي لي تعبت نفسيتهالان معاملتهالي غير فكلمتني وتقولي ليش انتي تعاملك غيرانا تكرهني حتى ماباركت لي قلت وربي اني مااعاملها الا بذوق وحترام وانتي اصبري عليها من خلال تعاملك معها واحترامه راح تحبك اهم شي انتي لاتكبرين الموضوع ويكوون شاغل تفكيرك وماتفرحيين مثل اي بنت الدنيا سهالات الله يوفقك |
| الساعة الآن 07:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©