|
هل تصرفي خاطئ
السلام عليكم ورحمه الله وبركاته
ضاقت بي وماني عارفه شسوي لاحول ولاقوة الابالله الحمدلله دايم ماتمر فتره الاانخطب لاكن النصيب الين الحين ماربي اراد وحده نعرفها دلت ناس علينا واتصلو وحددو موعد على اساس يجونا بكرا وكنت اسال عن عمر الولد واقول للوالده قوليلهم عمري من غير ماتنقصين كالعاده وعلميهم بسنه الميلاد قالت لهم عمري وصغرتني كم شهر الله يعطيها العافيه اليوم ام ولد دقت تأكد جيتهم بكرا وقالت لامي الولد موليد عام ...... (نفس السنه الي ولدت فيها) قلت لامي ليش ماعلمتيها وقلتي بنتي نفس السنه يمكن اطلع اكبر وبعد مايجون ويشوفوني اتفشل وقالت اذا شافوك بتعجبينهم اكيد مابيفكرون بالعمر وانتي معقده ومن هالكلام وكلمت الحرمه الي تعرفهم وقالت لها ترا بنتي مواليده نفس العام الي فيه الولد والشهر الفلاني ومن وقتها ماردت الحرمه علينا وامي مررررررررره زعلانه مني وانا تضايقت عشانها مره بس والله تعبت وكرهت نفسي خلاص ابي يجون وكل شي واضح من جهتنا ومن جهتهم ماب شي مخفي مدرى انا الي صح ولاامي ... ومقهوره مابي امي تزعل مني |
هلا فيك اختي ...
الله يتمم لك على خير... انتي صدق ماغلطتي وحابه انو مايكون بينكم غش وخداع من البدايه هذا قصدك مشاء الله عليك ... وفي نفس الوقت امك ماصغرتك سنه او سنتين يعني كم شهر عادي ليه متخوفه من هذه الناحيه سؤال هل انتو خائفين انهم يكنسلو كل شي بسبب العمر ؟؟ ان شاء الله يجي بكره وتنحل كل المشاكل الي بينكم توكلي على الله اذا ربي كاتب لك نصيب بتاخذينه ... بالتوفيق وخبرينا عن جديدك .. |
ما اجمل الصدق والوضوح وخاصة من البداية
ابدا ما غلطتي وعوضك الله بخير منه |
لو من نصيبج راح تأخذينه الله يوفقج
|
تصرفك صحيح جميل ان يكون كل شيء واضح من البداية
وخاصة العمر اسأل الله ان يرزقك الزوج الصالح التقي النقي مخموم القلب |
مادقت الحرمه تخيلو للحين
امى صلت الفجر وقالت يابنتي الحرمه مادقت بحزن قلت يمه الله يكتب الي فيه الخير وطلعت شكلها زعلت مني :( |
اقتباس:
مشكوره اختي الله يعطيك العافيه |
طموحي
ياليت كل البنات زيك صريحين من البداية كان انتهت المشاكل الزوجية بيكون محظوظ الله يوفقك اختي والله بزينها |
اقتباس:
والله كلامك ريحني شوي اقتباس:
اقتباس:
والله يستجيب دعائك يارب........امين |
اقتباس:
والله يزينها من جد ويريحني ويريح امي الغاليه قبلي |
إن كان ما رجعوا يكلموا بس لأنه في فارق كم شهر فهذول ناس ما يناسف عليهم صدقيني
وأنت صح ، يعرفوا الآن ولا وقت عقد القران أو قبلها إذا اطلع على بطاقة العائلة أو بطاقتك أسأل الله لك السعادة عاجلاً غير آجل |
الله يرزقك الزوج الصالح التقي النقي الحنون اللي يستاهلك ويستاهل اخلاقك
|
جونا الناس
وهم طالعين قالت الام البنت عجبتنا نفس مواصفات الولد الى طالبها رجعت قالت هي مواليد شهر كم قالت امي 1 قالت الولد 4 تقول امي اخوات الولد تغيرت اشكالهم وطلعو وطبعا ماتصلو زي ماتوقعت الله يسامحهم كان ماجو من البدايه الله يعين احس انى تعبت جدا وحتى قلت لامي لو تنطبق الدنيا ماعاد نستقبل احد خلاص زواج مابي زووووووووواج |
اختي ان كل شي بيد الخالق وهو مقسم الارزاق وليس بيد المخلوق شيء ابدا .. وربي سيرزقك بالزوج الصالح التقي سواء الان او بعد مده من الزمن فلا تقلقي .. توكلي على ربك ولا تجعلي هذه الامور دمر نفسيتك وتكرهك بالزواج .. لماذا فقط بسبب موقف واحد ضاقت بك الوسيعه ؟ لاتخافي ولا تحزني لان هذا الشخص ليس من نصيبك وربي سيعوضك خير بأذنه |
هلا فيك اختي الله يرزقك بالزوج الصالح ،،، وتأكدي ان الله يرزقك على نيتك لأن نيتك صافيه ما فيها خداع ولا كذب وايش ما كان ما بني على باطل سوف يكون باطل ,,
دعواتي لك بالتوفيق وخليك على صراحتك تحياتي لك سي يو |
الله يعوضك بمن هو خيرا منه دينا و خُلقا
|
تصرفك صح وانا اعاني مثلك
من جد ماادري ليه اهالينا يصغرونا..اذا انتي صغروك كم شهر فانا سنه وهذا اللي يضايقني ودائما يكون شد بالكلام بينا بس اللي براسهم يصير نصيبنا راح ناحذه....مادري ليه موراضين يفهمون الله يهديهم بس :( اختي لاتضايقين اذا هو مكتوب لك راح يلفون ويلفون و يرجعووون لك ويمكن يكوون رفضهم خيره لك العلم عند رب العباد وتذكري نصيبك محد ياخذه غيرك.. الله يكتب لك الخير وين ماكان |
يا اختى كل شىء بقدر اتركى الآمر لله وهو اعلم بك وبحالك ونسأله ان يقدر لك الخير فقط انت عليك بكثرة الاستغفار والصلاة على سيدنا محمد صلى الله عليه وسلم مع كثرة الصدقة وثقى ان الله عز وجل يفعل الخير لك بإذن الله |
| الساعة الآن 05:11 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©