|
وضع الزوجين في الاماكن العامة
اهلا فيكم يااعضاء وعضوات المنتدى الكريم
ممكن عادي الواحد يمشي بالسوق والاماكن العامة وزوجته معاه ويده بيدها لا والبعض يده خلف زوجته ولا زوجته نايمه على كتفه ايش الهدف هالتصرف امام العالم وايش الفكره يعني هل هم خايفين يضيعوا من بعض؟ او تعبير عن الموده ؟ هل هالتصرف مقبول؟ اذا كان اجابتك لا فهل انت تمشي امام او خلف زوجك / زوجتك ؟ **************************** ببدأ بنفسي اولا اول ماتزوجت كان يمسك يدي تعبير عن مودة الحين يمسك يدي عشان يخليني امشي بسرعة مثله او اذا في تجمع رجال عشان لحد يقرب مني لكن الاوضاع الثانية اشوفها غير مقبوله ابدا في الاماكن العامة ومودايما يمسك يدي تونا نمسك بناتنا واذا على التقدم في المشي انا اسبقه اذا كنت اعرف المكان وهو مايعرفه عشان نخلص بسرعه وهو يتقدمني اذا رايح للسياره عشان يحمل الاغراض بسرعه |
عادى من ابسط حقوقهم
اهم شى لا يتعدو الحدود |
اقتباس:
|
الرجل بالامام والمرائة بالخلف
اوتمنى من صاحبة الموضوع ان تلتفت لما هوى اهم من مسكت يد وهذه الامور الثانوية .؟! لماذا وكيف ومتى اسئله كفيل الوقت يعلمك اياها وانا ارى ان يمسكو يدهم من المحبه ولكن ويلي من رجل يمشي خلف زوجته ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
اقتباس:
|
و ليه الرجل في الأمام و المرأة تمشي خلفه ؟؟؟
فكرتوني بواحد ملتحي و ملتزم ، كان يدرس معانا في الخارج .. يجلس مع الأجنبيات و ملاصق لهم و يمشي جنبهم في الكافتيريا ( بحجة الدعوة للإسلام ) .. و في السوق كنا أنا و زوجي ماشيين ، و شفت الشخص هذا ماشي .. و خلفه بمترين ( زوجته و أطفاله الإثنين ) .. ؟؟؟؟؟؟؟؟؟؟ . . عزيزتي .. إجابة على سؤالك .. فغالبا أكون ماشية و زوجي ماسك يدي .. لكن مو بطريقة ( تخدش الحياء ) .. أما غير كذا ، فأحس ماله داعي .. |
زوجي يركض مو يمشي لما نكون طالعين يعني هو قدام وانا ورا مو قادره ألحق عليه
مستحيل يمسك يدي يقول عيب وغلط |
روح الطير. قطوة
شكرا على مروكم |
سبق وانطرح هالموضوع واجبت اني امسك يده علشان لا يسرع في خطوته ويمشي على مهله
ما احب يكون بيننا مسافة كأننا شيبان :) |
اقتباس:
|
من اللباقه ان الزوجين يكونون ماشين مع بعض
السالفه مو مراثون عشان يكون بينهم مترين وثلاثه!!!! مع زوجي خطواتنا متساويه !! لكن مانمسكك يد بعض احتراما للذوق العام!! لكن اللي نايمه على كتف زوجها مغمي عليها مثلا!!! |
انا انسان غير متزوج
لكن احببت ان اشارككم لو كنت متزوج لما كان هناك اختلاف إما ان تمشي امامي زوجتي او انا امامها اوبجانبها فلكل موقف وضع ، إن كانت تتسوق فسأمشي ورائها أو بجانبها ، وإن كنا في حديقه او شارع او غير ذالك سوف أمشي بجانبها وأسولف معها والوضع عادي ، بالنسبه لمسك اليد فهي جميله لكن لا أفضلها في الأماكن العامه إلا للضروره إما زحمه أو خوفاً على الزوجه من الإختلاط أو في العمره أو الحج مثلاً ، أنا عن نفسي لا أرى أن تضع رأس الزوجه على كتف زوجها لأني بكل صراحه ، مرةً في السوق مع أهلي رأيت رجل وزوجته تضع رأسها على كتفه ، والله أني استحقرتهم ونظرت إليهم بنظرة تعجب واستغراب ؟؟ هل هم يريدون أن يعبروا للناس عن حبهم ؟؟ !! كل هذا الوقت في المنزل لا يكفيكم ؟؟ فاحترام للناس واحترام للمكان هذه الحركه غبيه جداً وتلفت أنظار الناس لهم ، والستر شيء جميل في المرأه حتى ولو كانت مع زوجها أمام الناس فهي حلاله وهوه حلالها ولكن في المنزل أو في اختلائهم مع بعض . نسأل الله أن يديم المحبه . تقبلوا تطفلي ومروري .، |
احيانا اشوف بالسوق رجل يمشي وهو ماسك يد زوجته وادعي لهم بدوام المحبه والسعاده والهنآ..
وكثيـــــر اشوف حرمة تمشي وماسكه معها درزن اطفال وزوجها قدآمها يمشي وادعي لها بالصبر والسلوان ,, :d |
أنا اشوف أنه عادي حلو الموده والمحبه بكل مكان وأشوف انو موعيب ابدا يمسك بيدها او يحط يده على كتفها
|
اقتباس:
|
اقتباس:
|
gwalp شكرا على اضافتك
|
اقتباس:
وانا من التعب اقول اسبقني عادي يقول لا ليه انا متزوج وحده بطولي عشان تمشي معي مو ورايه الله لايحرمني منه شكرا على مرورك |
اقتباس:
واللي نايمه على كتف زوجها هذا انا شفته بام عيني بعضهم لازقه فيه لزق ومره شفت وحده كانها نايمه بحضنه هو طويل وعريض وهي قصيره خاشه راسها بصدره يسولفون بعض الاحيان اقول معقول ذولا متزوجين ولا يكونوا من اللي يعاكسون بس لما فكرتلقيت انهم من خارج مدينتنا وباينه لهجتهم يعني وصل فيهم الحال يتواعدون برا منطقتهم ؟؟؟؟؟؟؟؟؟؟؟ |
اقتباس:
|
اصعب حكاية , احبك , هيا شكرا حبيبات قلبي
|
اقتباس:
وبعض الاحيان عشان يقفل سيارته يقول اسبقيني ويصير هو وراي المسالة في النهاية نختصر الوقت ونكون عملين اكثر ومع العشرة تسير الشكليات دور ثاني |
اقتباس:
فهمتيني غلط أنا أقصد الرجل الذي يسبق زوجته للمحل وهي تمشي ورآآه مو العكس :d |
انــــــــــا غير متزوجة ممكن مع وقف التنفيذ حاليا
لكن بإذن الله عن قريب بس انا غيركم كلكم وش هو له امسكه مع يـــــــــــــــــــــــــــــــــــــــــــــــــ ــــــــــــده لا لا لا لا لا لا سوف امسكه مع رقبته انا ماصدقت انه جـــــــــــــــــــــــــــــاء ودل الطريق الا هو مضيع باب بيتنا بإذن الله مع زمارة رابته:d:d |
انا اشوف انه عادي يمسكها في سوق او مكان عام اماتحتط راسهاعلي كتفه انا استحقرهم يخلو العاطفه في بيتهم
|
لاأرى مانعا من أن يمسكوا أيدي بعض شي حلووو ويعبر عن المودة والمحبة وممكن لأسباب ثانية ذكرتها العضوات اما التصرفين الآخرين غير محبذ لازم يراعوا إنهم بمكان عااااام مو خاااص |
اقتباس:
ماأشوف فيها شي مسكة اليد بحدود الأحترام واللباقه أما الاشياء الثانيه فهذي بصراحه مااشوف انها من الذوق والأدب كنا أول ايام الزواج يمسك بيدي لكن بعد مجيئ الأطفال أصبح كل واحد منا يمسك بيد أحدهم :d حتى طفلاي بمجرد ماأنزل من السياره أجد يد أحدهم تمد لي والآخر بأتجاه والده تعودوا وأذا كنا لوحدنا بالخارج من دون الأطفال مع ندرتها :( وأمسك زوجي بيدي أشعر بأحراج شدييييد :oمن الناس!! |
مافي مجال العزوبيه يجاوبون هههههههههه موضوع ممتاز عااادي يمسك يدها بقصد الموده وعاادي يحط يده خلف ظهرها
زوجته وحلال عليه يسوي اللي يبي بس بحدود الحياء وتمشي قدامه هو يمشي وراها عادي أهم شيء التفاهم |
دايم نمسك يد بعض اصلا شعور حلو بس اكيد بحدود يعني مسكه عاديه بس حركات باقي مالها داعي يعني مو قدام ناس لازم نحترم ناس باقي
|
لا يمسك لي يدي و لا أمسك له يده
أهم شئ يعرف وش له في قلبي و أنا أعرف و ش لي في قلبه . وألف شكر لسنا نجمه على هالطر ح الطيب . |
في بداية زواجي كان زوجي يصر على مسك اليد حتى واحنا في السيارة كنت انحرج واحس الكل يطالع فينا بالسوق او اي مكان بس بعد 4 شهور صار الموضوع عندي عادي لا واصبحت استغرب من الازواج اللي يمشو مع بعض وبجنب بعض ومايمسكو ايدي بعض اما الحركات الثانيه على حسب انا في اي دوله و اي مكان في اوربا كنا نسويها عادي مو معقوله تشوفي العالم من حولك فالين امها و انتي بتكوني العاقله وبعدين محد يطالع فيك واهم شي مو حرام و في اوربا مو عيب اكيد و كمان في شرق اسيا اغلب اللي يروحو شهر عسل فالكل من حولك مو مهتمين غير برومنسيتهم يعني عادي
|
الزوجين من حقهم يمسكو أيادي بعض وقدام كل الناس..
لاهو عيب ولا حرام ومسكة اليد لها أثر كبير.. في تقاربهم .. أما باقي الأشياء ..في حدود طبعاً.. والرجل الي يمشي و زوجته وراه.. ترى ماهي بقرة وقاعد يجرّها.. سامحوني .. بس المنطق استفزني.. لو كان مستعجل .. مهي مشكلة .. أما انه يفكر بهذة الطريقة (( هادي مصيبة )) |
على فكره انا ما بعمري من تزوجت رحت معه سوق نتمشى فقط بالسياره نادرا ماننزل واحيانا لمن نروح مطاعم يخليني ادخل قبله ومستحيل نمشي مع بعض هو يرتاح كذا بعكسي انا ابي اكون بجانبه اتذكر فقط ايام شهر العسل كنا نمشي سوا اما غير كذا للأسف لا السوق انا اروح لحالي حتى هو مايحبه وانا اشريله اللي يحتاج وعلى ذوقي هو مايهتم كثير لكن احيان انقهر لأنه يروح مع زملاءه السوق يجلسون في مقهى او مطعم لكن معي انا يرفض وكثير يتضايق لمن اطالبه يروح معي للسوق مايحب ابد000 |
موضوع حلو ابعدنا عن جو المشاكل بالنسبه لي حسب المزاج اذا صافي يالبن امسك يده وامشي بجنبه لكن لو معكر المزاج الله على المطارد وعلى طاري الحركات انا زوجي ماعنده اللعب هذا فديته ابضاي بس مره كنا بجده على البحر كان يسفط جنبنا هاك الفورد وينزل منه اثنين كناري كنهم البخت يفرشون ويجلسون على فرشتهم على قولت زوجي اتحدى اذا مو الخميس الي فات كان عرسهم المهم وهااااااااااااتك افلام هنديه صح كان الاضاءه شوي بس برضو ينشافون والله انهم راحو وطي مادريت الى ابو الشباب قام يخم ويعطي بوسات على الطاير وقتها قلت الحمد الله اني معك وعندك حلال بالله لو شافوهم عزاب ولا واحد متمشكل مع زوجته والله مايرجع البيت الا جايب العيد |
بصراحة نا لما اشوف اثنين ماسكين ايادي بعض اقول يا عيني عليهم توهم متزوجين .
اما اللي صار لهم سنين و عندهم اولاد ما اتوقع يسوونها كفاية عليهم يمسكون هذا و يجرون ورا ذاك ( هذا حالي :d) بس انا من رايي انو حلو انهم يمشون مع بعض لا واحد يسبق الثاني , ترا تكون فرصة حلوة يتبادلون الاحاديث و يغيرون جو. |
ينظر لهذه المسألة بالمنضور الشرعي هل تجوز ام لا
عن نفسي امشي بجنبها بدون مسك ايادي لاني اشوف مو مكانها لو مثلا في الحج او العمرة ضروري تمسك يدها خوفا عليها من الزحام ومسكت اليد والحنان وغيره بالبيت استر وافضل دمتم بخير |
أنثى ابكت القمر , شاب الله يرزقكم بالزوج الصالح والذريه البارة
جبار حبك , روح المساء , أحب زوجي , غربة رولادا, هيا, قلبي حنون , مجموعة حروف , حزني في قلبي فرناس تسلمووووووووووووووو ا على تفاعلكم بنت الحكمي تسلمي يا قلبي |
| الساعة الآن 01:17 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©