|
صور بنته
السلام عليكم ورحمة الله وبركاته
طبعا البعض يعرف قصتي مع أبو بنتي المختصر هو ما يعرف شكلها واخر مره شافها وعمرها شهرييييييييين ولحين الله يعافيها ويخليها لي عمرها ست سنووووووووووووات تخيلوا. المهم هو اتصل على أبوي من أسبوع وطلب أنه يبغ يشوف صور لبنته ( شكله كان يحلم ) هو مب عايش في الامارات عايش في السعوديه . أنا رفضت ورديت على أبوي وقتله يوم يموت راح أخليها تزوره على قبره عشان تدعي عليه صور ما راح يشوفها لو يموت مادري حسيت أبوي انصدم وسكت . شووووووووو رايكم صح تصرفي استحيت من أبوي. |
يااختي اعملي بأصلك وهو له رب يحاسبه
انا ماعرف قصتك بالضبط بس لعل الله يلين قلبه ويهديه لو شاف بنته والله يوفقج وينور دربك ويصبرك بس حاولي إذا اراد بنته انه ماينحرم منها لو هو حرمك من نفقتها انتي لاتحرميه من شوفتها والكل يحاسب على مافعل |
الحساب من رب العالمين هو للي يحاسبو
ارسلي له صور تيشوف بنتو هو مهما كان ابوها |
الاخت الفاضله , قرأت قصتك السابقه وأسأل الله أن يشفي ابنتك وأن يلهمك الشكر والصبر
(رأيي ) أن لا تزيدي من أوجاع والالام ابنتك , أرجو أن لا تحاولي تغذية بداخلها مشاعر الكراهيه والانتقام من أبيها فهذا بلا شك سيكون له بالغ الاثر على نفسية طفلتك . ثم يا أختي الفاضله , باب التوبه مفتوح للجميع وربما طليقك قد استيقظ ضميره أخيرا فلا تغلقي في وجهه الابواب , اتركي له فرصه فربما يساعدك في تنشئتها خصوصا وأنت في موضوعك السابق كنت تريدين الزواج وتحدثين نفسك بترك الطفله عندك امك . بالتوفيق . |
خليه يشوف بنته وتركيه لربه وأذا كان فيه شئ بينكم فترا البنت مالها ذنب
شئ طيب أنه سأل عن بنته أنتي المفروض تفرحين انه صحى ضميره وفكر بنته |
لا يا أختي عاد مو لهالدرجة الحقد بطريقتك هذه بتخلين بنتك حقودة وحسودة وغيووورة وتكره الخير للناس وانتقامية ... لأن اللي بداخلك تغرسينه في بنتك شئتي أم أبيتي ... أما عن أبوها عادي أرسلي لها صوره ... وبالنسبة لأبوك حرام عليك تراك فجعتييييه بكلامك لأنه هو أب ورجل وكأنه تخيل الموقف ( وحدة تدعي على قبر أبوها ) لانه فعلا قاسي ومن ثم مالك حق تمنعينه يشوفها الله يعينك |
أولاً مشكورين على نصايحكم
بس بنتي ما تدري عن شي لأنها لا تتكلم ولا تشوف ولا تميز يعني ما تدري عنه عشان هذا الشي أنا مب خايفه على نفسيتها بعدين ليش وهو يوم من الايام تنازل عنها لأبوي خليه لو مره في حياته يحس باللي سواه فيها |
|
اقتباس:
كيف يعني أختي بنتك ما تتكلم ولا تشوف ولا تميز ؟ خرساء عمياء ومختلة عقليا ؟ ولا قصدك ما تدري عن شي ؟ ما فهمت قصدك بالنسبة لتنازل أبوها عنها والله العظيم لو أني مكانك لسوي حفلة من الفرحة , تتزوجين براحتك ولا أحد يناشبك بالبنت موب مثل كثير من المطلقات الي تطلق ظلم بعز شبابها وتمنع نفسها من الزواج خوفا على طفلها أو أطفالها .. ,وأبوها بكل بساطة حتى لو تنازل عن البنت ولكنه على العين والراس , متى ما بغى يشوفها حياه الله في بيت الوالد يشوفها كم ساعة ويقلب وجهه :30: والأمور كلها طيبة وميسرة بلا محاكم ولا هموم ولا تحسسين بنتك بأي شي .. يعني بنتك ما تدري أبد عن تنازل أبوها عنها , وتحاولين تختارين رجل من اللي يتقدمون لك يكون حنووون وطيب وقبل هذا يخاف الله فيها وراضي بوجودها عندك من البداية ... خذي الأمور بايجابية أختي صدقيني في ناس اذا ما حركتهم المشاعر اللي داخلهم ما يحركهم شي أبد وأبوها والله أعلم من هالنوووع هذه هداية والهداية من الله , وكونك تعاندين أبوها ما راح تستفيدين شي سوى وجع الراس لان ما تربطه فيك الآن أي علاقة علشان تسعين تعطينه دروس وغيره ... واذا حابة انه يحس بتقصيره فيها ممكن توصلين له رسالة واضحة تماما شفهية عن طريق أبوك يعاتبه فيها على تقصيره في البنت ... الحل ما يحل بغلط الله يعينك ولكن من جد أتمنى لو كنت من مكانك كان من بكرى أعرست :d وجبت لبنتي أحسن أب سبحان الله من بعد طلاقي تعلمت درس : ما أتحسر على من باعنا أبدا بالعكس أعتبرها نعمة من الله سبحانه وتعالى ان الله بعد عني شخص ماهو قد المسؤووولية يختي المواقف تثبت لك انك الصح وان طلاقك من هذا الرجل كان هو الصح فاحمدي الله ولا تفكري في اللي مضى أهم شي بنتك في أحضانك والله يعينك على تربيتها التربية الصحيحة |
اقتباس:
هييه أختي بنتي الله يعافيها معاقه إعاقه كامله . |
الله يسامح ابوها بس خليه يشوف بنته صدقيني ماراح يكسب غيرك أنتي
|
الله يشفير بنتك ويرزقك بالزوج الصالح والذرية الصالحه
اختي اللي صابك ابتلاء من رب العالمين احتسبي الاجر ووكلي امرك لله وحده وارضي بما قسمك الله لك وابوها مهما كان مقصر عمدا او نسيانا فاللي يحاسبه رب العباد انت ارسلي له صور بنته واطلبي اجرك من ربك يمكن الله يفرج لك كرب الدنيا في هذا التصرف واسأل الله الفرج والخير والسعادة للجميع |
اقتباس:
:: الله يشفيها ويعافيها ويعينك ويعطيك الصحة والعافية :: |
اقتباس:
الله يشفيها يارب ويفرحك فيها الله يسامحه دامه عارف كل هذا بالبنت وتاركها لا سؤال ولا نفقة ... الله يعينك يا أختي ولا زلت على نصيحتي لك خليه يشوفها يمكن تتحرك المشاعر الميتة |
اسأل الله العظيم ان يشفي بنتك ويرفع مابها ويعينك علي خدمتها
بالعكس خليه يشوف صورتها ويساعدك بمصاريفها ومصاريف علاجها فهو يظل ابوها وان كان قد قصر في حقها |
بنتك بحاجه انها تشوف ابوها مهما كان الامر (انا لم اطلع علي قصتك )
طفلتك كبرت وصارت تميز ان الاطفال عندهم بابا وهي لا مو على شانه علي شانها ماتحس بالنقص الام مهما ضحت وتعبت وربت صعب انها تشيل صوره الاب من حيات بنتها من رحمتك فيها خليها هي تشوفه لا ترسلين له صورتها هو ما يستاهل انه يشوفها خليها تفرح ان عندها بابا وماما مثل باقي الاطفال والله يخليها لك وتشوفين عيالها * |
اسفه اختي الله يشفي بنتك ويمدها بالصحه والعافيه
ويكتبلك الاجر بالعنايه فيها ومن راي انك تخلينه يشوف بنته |
الله يشفيها اللهم امين
|
ما فكرتي انه يبي الصور عشان يعرضها على أطباء بس مايبي يقول ؟؟
او انه حس بتأنيب الضمير ويبي يشوف بنته وأقوى عقاب هو الاحساس بالذنب اعرف وحده حاقده على امها لأن ابوها قبل وفاته بيوم طلب يشوف عياله ورفضت لأنه يتعاطى خليه يشوفها مهما كان هذي بنته وبالتوفيق |
اختي الله يشافي بنتك ويعافيها يارب
ياريت لو تخلي رابط موضوعك القديم لكي نطلع عليه انا من رأيي ارسلي له صورة بنته انتي الرابحه نعم انتي رابحه رضى رب العالمين الا يكفيك ذالك؟ ثم ربما كما قالو الاعضاء يبدء بالصرف عليها وعلى مصاريفها ولكني اذكر انك مره قلتي بان ابنتك تحسنت من ناحيه ما؟ صحيح اسال الله عز وجل ان يجزال كل خير ويصبرك ويعينك ويشفي بنتك قادر على كل شيء |
| الساعة الآن 12:35 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©