|
تغير علي بعد زواجنا ؟
السلام عليكم ورحمة الله وبركاته انااا جديدة واول مشاركة بس حسين انو نصائحكم حلوه وحابة استفيد تعريفي :: :: عمري 20 متزوجة من سنة ونص اطفال مافي ولمن حملت زوجي ماكان يبغى الحمل فنزلنا البيبي ادرس بالجامعة :: :: قصتي ومافيها ... انا وزوجي حبينا بعض 3 سنين وكان كل شئ بحياتي فضلت عن كل الناس وعشان مااكون كدابه كنت سعيدة وهو كان طيب مرررره وحنون وزي العسل بس كان شكاااااااااك كنت عارفه اتعامل معاه لاني واثقه في نفسي حذروني صحباتي من شكووو وقالو حتتعبي بس قلت لا وانا كنت الاقوى الحمدلله اتزوجنا بعد صراعات مع الأهل مو غصب بس عارفين انتو موضوع العصبية القبلية وتم الزواج وكنت فرحاااااااااااااااااااااااااااااااااااااااااااااان ة وزي ماقلت كنت انا الصح انتهى الشك بنسبة 95% مرر اول شهر تاني شهر وطبعاً انا مارحت شهر عسل بالرغم انو ظروفهم المادية جيدة ونسيت اقول هو طالب وعمرو 24 سنة وهنا كانت اول نقطة بس والله مااهتميت بالرغم من كلام الوالدة الله يحفظها كانت تقول انتي من القاعة ع البيت مافرحك بيوم في فندق مااهتميت ومشي الحال من بعد الشهرين وهو صار دايم طفشان وضايق وزهقان مايبغا يسمع مني كلمة وكنت اتحمل اتحمل ولاحظت انو متغيييييييييير علي مايبغاني واعذوروني في الكلام اللي بقوله بدأت الاقي صور اباحية بالجوال واشياء تانيه مازعلت قلت اكيد انا ماوفيتة حقه وبرامج شات عارفين الايفون طبعاً وغير كدا مكافتي كلها ليه بطيب خاطر والله مااقول دا الكلام انو ابغا منو شئ بس لما اجي اطلب شئ يقول مافي فلوس واكتشفت عن طريق ايصال وانا اغسل البنطلون انو يملك 12الف في البنك لمن طلب طلبي وماكان يتعدى الالف ريال زعلت وانقهرت وبكيت بس مااقلت شئ وانا مااقول لااهلي شئ عن بيتي ابدا ابدا لأن الوالدة شخصية قوية وماعندها تفاهم وانااااا احبه واموووووووووووووووووووت فيه ومااسمع كلمه فيه بعدين في يوم كان سهران مع اصحابو وانا في البيت لوحدي وجاء يومها بدري عن المووعد يعني على 3 وكنت ابكي بشدة لدرجة انا لما دق الباب اول مافتحت ومشيت شعرت بدوخه واغمى علي مااقصر وداني المستشفى طلع عندي هبوط في الضغط وطلعت حامل كانت المصيبة التانية كنت طايرة من الفرح وماشفت يعيونة اي فرحه رجعنا البيت وانا طول الطريق افكر في اسماء بنات واولاد وهو ولا اي تعبير اول ماادخلنا البيت قاللي نبغى ننزل البيبي صعقت من الطلب ايش قال انا ماابغا بيبي قلت بس انا ابغا قال خلاص روحي بيت اهلك وخلاص اطلقك وخلي البيبي قلت له خلاص ماابغاه يلا نزلو كيف جاب لي حبوب عن طريق جاوه ونزل البيبي وبكيت وانجرحت ولا وداني مستشفى بعد مانزل يقول تسويلنا مصيبة وانا في نهاية الاربعين الى الان ينزل دم قبل اسبوع كنا جالسين مع بعض وكان جواله ع الكنبه ولما جلست عليه بالغلط اتفكت اخر رساله عارفين كيف ومااودي اقراها بس لفتتني كلمة حبيبتي لانو من زمان ماقالها ليا وهنا المصيبة الثالثة رجع لحبيبتو القديمة كنت حاسة وسألتو حبيبي انت في شئ مخبيه عليا والله ماازعل؟؟؟؟ قال لا وعصب انا انهرت وزعلت ولميت ملابسي في الشنط وصابره لحد ماينتهي الاربعين واطل الطلاق بس المشكلة اناااااا اموووووووووووووووووت فيه واحبه وماني قادرة استغني عنه هو اغلى شئ ساعات احس انو انا مسحورة من كثر حبي ماتصدقو احبه اكثر من اهلي وكمان قبل فترة قال انا مااقدر اعطيكي اي شئ خلاص ليش طيب ايش اسوي والله تعبانه حتى درجاتي راسبة بكل مواد الترم ســـــــــــــــــــــــــــــــــاعدوني الله يساعدكم :: :: سامحنوني طولت عليكم |
لاحول ولاقوة الا بلله...والمشكله حاطه معرفك<< زوجي عالمي<<سبحان الله.
كله كوم ويوم نزلتي الجنين كوم ثاني.كيف ترضين تغضبين ربك عشان ترضينه؟..والحمدلله ماجاك نزيف وتموتين..وهو ماسأل فيك.. وش تبين نساعدك فيه نقلك لا اصبري خليك عنده مثلا..او نضحك عليك ونقلك سويله مفاجأت وليله حمراء وصفراء عشان يتغير .. اسمعي هذي النصيحه وغير كذا لاتفكرين..اتركيك منه هذا مايصلح زوج ولا اب...تحبيه؟؟اوكي لانه اول واحد في حياتك بس صدقيني مسألة وقت وتنسينه وتنسين حتى اسمه. .واتمنى تكون قصتك عظه وعبره لمن يعتبر... |
قوي علاقتك بالله عز و جل
هذا علاجك |
ما في حب الايام هاي
كان الله في عونك |
يا أختي
يقول الله وإن يتفرقا يغني الله كلا من سعته ليش متعلقه فيه إذا هو ما يحبك الله يهديك لاترضي بهذا الموقف أطلبي الطلاق ولاتعيشي مع واحد يخونك تقولي أنه له علاقه بوحده طيب لاترضي بهذا الموقف الله يسهل أمورك يارب |
هل أنتِ في البيت عنده أم في بيت أهلك الآن؟
هل تميلين لتركه أم ماذا؟ هل أنت مقتنعة به وبسلوكه؟ |
لو يحبك ماكان يقولك نزليه ولا بعد مرتين ..؟!!
ليه ماسالتيه عن السبب والللخ .....؟!! هذه ليست الحب الحقيقي ولن يكون حب صادق .! ماهو واثق فيكي او مازال يشك فيكي او يمكن لديه مرض وخبا الله اعلم عنه كلها بسبب العلاقه ماقبل الزواج وان تم الزواج ....؟!! عمره الحب ماتجي الا بعد الزواج والعشرة ولن يتم قبله .! صحيح نجد من يحب ويتزوج لكن نادر جدا وناس عاقلين وفاهمين يمكن ايام ماهو سنه فااكثر وبعدين تزوجتو ومازال يعشق غيرك ؟!!! تعود ماقبل الزواج واصبح عادي عنده ولو عنده وازع ديني او خوف م الله ماصار اللي صار كان فرح بك بالحمل واللللللللخ اللي حصل حصل من الآن لاتكوني لاصقه به وهو منطش ولا بعد ماعنده احساس بمشاعرك لازم تعرفين اسباب تصرفاته واذا هو مازال كوني عزيزه مكرمه في بيت اهلك يمكن يعرف غلطه وانتي عليكي الدعاء واستخاره اسال الله ان يفرج همك وان شاء الله ربيي يهديه ويكون صالح عاجلاغير آجل اللهم آمييييييييييييين |
اشكركم على الردود :: :: لا هو مايشك خلاص بس هو ماكان يخونني ابدا الا هادي الفترة بس انا احبه وهو طيب ممكن عشان احبه اشوفه طيب انا في البيت عنده وعلى فكرة ماقلت لااهلي اني حملت وسقطت انا مررره احبه الحمدلله انا اصلي ومحافظة على ديني صح مو ملتزمة بس كل الواجبات اسويها :: :: اسفه ازا ضايقتكم بكلامي بس ماليا احد زي ماقلتلكم الوالده كيف ولا عندي اخوات كبار ولا ليا علاقة مع احد اقدر اتكلم معاه ولا صحبات .................................................. .................... |
بالعكس ماضايقنا ولاشي
انتي عزيزه وغاليه اسال الله ان يهديه ويجعله صالحا مصلحا اللهم آميييييييييييييييييييييييييين حبيبي لازم تعرفي اسباب خيانته اعرفي شخصية زوجك مشاعره واللللللللخ ماهو حب عمياء بمعنى حب الى درجة يغطي عيوبه طيب وان شاء الله اخواني اعضاء يفيدونك لاتنسين الدعاء له وفقك الله لكل خير وان شاء الله صالح مصلح مميز دايم اللهم آميييييييييين |
وش الي يخليك متأكده انه مايخونك...الا هذي الفتره؟؟
لهذي الدرجه انتي مغفله؟؟ مدام يخون وهو متزوج معناه متعود على هاالشي من قبل الزواج..ودام انه سقط جنينك معناه مايحبك ولايبي منك عيال... انتي ليش متعلقه فيه؟؟ لاتقولين طيب الطيب مايوي سواته..الشخص الطيب قلبه رحيم مو مثل زوجك يتسبب في قتل نفس.. والمصيبه عنده حبيبه قبلك..وانتي على بالك تركها؟؟ الظاهر انه تزوجك عقاب لها في لحظة غضب وبعدها رجع لها.. خبري امك...فورا...وخليها تطين عيشته..هذا مايستاهلك لاتذلين نفسك له...هو اعترف لك انك مايقدر يعطيك شي ولا يسعدك.وش تبين بعد..احتفظي بكرامتك الي بقت لك.. |
سبحان الله ناس متعذبه تبي ولد وناس تلعب في النعمه وترمي عيالها
روحي لاهلك لا يبتليكم الله في لعبكم هذا الله يرحمنا برحمته |
من ترك شياء لله عوضه الله خيرا منه
وزوجك هذا مافيه خير لك ومافيه خوف من الله كيف ينزل جنينه مرتين ولاحتى فيه ذرة احساس وش تنتظري منه الا اولاده وقتلهم تبيغه يهتم فيك يابنت الناس اتركيه وعيشي حياتك ولاتقولي احبه اذا لجئتي الي الله وتوكلتي عليه وصرفتي جوارحك كلها لله وللعباده صدقيني ماراح يهز شعره منك وراح تنسيه وتتأسفي على كل لحضه عشتيها معاه واستغفري ربك لانك شريكه معاه في قتل الجنين ولاحول ولاقوة الا بالله ...اللهم لاتجعلهم اكبر همنا |
عزيزتي... اعذريني ع كلمتي... وش تحبين فيه!!!!!!! هو باعك بريال انتي بيعيه ببلاش .. واحمدي ربك انك ماجبتي منه بيبي لانو شكل عنده غايه او حكمه انك ماتحملي...والظاهر واثق فيك انك ماراح تتركينه ولا تتخلين عنه... فانتي اصدميه وجربي اطلبي منه الطلاق...شوفي ردت فعله... |
شكرااااااااااا لكم كلكم وكلامك ع راسي :: :: بس حابه اوضح شئ انا ماحملت مرتين بس وحدة مرة :: انا قتلو حرام وكدا قام قال انا اروح اسأل شيخ قالو الشبخ لو حياتكم مو مستقرة وفي مشاكل واحتمال تنفصلو :: :: والبيبي ماكمل 120 يوم استغفرو الله والله يسامحكم والبيبي لمن نزل تقريبا كان عمرو اسبوعين بالله ابغا احد يتأكد من جد انا قتلت ولدي يعني قتلت نفس ساعدووووني :: :: لاتزعلو مني ممكن انا مريضة عشان احبه دا الحب نفسي اكرهو عشان ارتاح انا ماابغا اجلس بس ابغا اخلص الاربعين عشان اقدر اروح لااهلي :: وهو دايما يقول انا احبك ومااقدر اعيش من غيرك حتى لمن اعصب يجي يراضيني ويقول كدا :: :: شكرا لكم كلكم :: |
الله يعينك ان شاءالله :(
|
الحب اللي يخلي الواحد ما يعرف يفكر ويسوي أي شيء بغض النظر هو صح ولا خطأ عشان حبيبه
مصيبة وكبيرة بعد انتبهي لنفسك والحقيها وشوفي اللي لك واللي عليك الله يعينك ويكتب لك الخير |
ياشيخه حرام عليك...انتي نزلتيه بدون سبب..لاانتي مريضه ولافيك شي خطير..عشان تنزليه..
وبعدين حتى لو الجنين عمره اقل من اسبوعين المفروض تكوني متعلقه فيه ويعتبر طفلك لو رحتي تشوفيه في السونار تشوفي نبضه كيف وهو في اول اسبوع...انا من يوم عمره اسبوع في بطني اخاف عليه واتعلق فيه وانتظر متى يجي. .وتقولين يقلك مااقدر اعيش بدونك وهو بنفسه قايلك مااقدر اعطيك شي..هذا يضحك عليك مايبيك تتركينه مو عشانك عشان موقفه قدام اهله وقدام الناس..يبي بس لقب متزوج..عشان كذا مايبيك تروحين..واعرف وحده مطلقه كانت تدرس معاي في الجامعه طليقها تزوجها عشان يحطها في كرت العائله تبعه ويروح شقق مفروشه مع بنات الحرام باسمها على اساس ان بنت الحرام زوجته...شفتي كيف..وزوجته تاركها في البيت لااحترام ولاتقدير ولاحتى يعاشرها ولايبيها تحمل..آخذها بس عشان يمشي اموره مع صاحباته والحمدلله افتكت منه ومن بلاويه..لاتستغربين فيه بلاوي اكثر من كذا ويشيب لها الراس..حتى بعض الاهالي الله يهديهم يزوجون عيالهم الدشير عشان على قولتهم يعقل..صاروا بنات الناس لعبه ومحل تجارب..وياما بنات انظلموا بسببهم زوجك ماراح ينصلح معاك..كيف ينصلح معاك وهو اساسا مو منصلح مع ربه.. وانتي كمان حافظي على صلاتك واقرأي قرآن عشان يخف حبك له وصدقيني راح تنسينه بس انتي ابعدي عنه وعيشي حياتك والله يعوضك الزوج الصالح الي يثمنك ويكون هدفه من الزواج يبني اسره ويكون عائله .. |
تنزيل الحمل مايجوز اذا كان قبل نفخ الروح مثل حملك
لكنه مو قتل نفس ... ابحثي بقوقل تلقين فتاوى بهالخصوص مسكينات هالبنات اجل الحب مجرد كلام يقوله لك وهو منزل ولدك فعلا شخص واطي بكل ماتعنيه الكلمه صحيح زوجك بس هذا الواقع وزود على كذا اتحدى ان كان مثله يصلي واللا يقرب المسجد ؟؟ |
اخي ليش كذا... مايجوزالجنين ينزل الا بسبب اذا كان الحمل يشكل خطر عليها ويؤدي الى الوفاه وبتقرير من الطبيب بخطورة الحمل..وحتى لو كان بسبب احسه مره صعبه وجريمه هذا الجنين بعد 9 شهور بيصير طفل جميل بين اياديهم..ليش ينزلونه؟؟
اما هذا قاعد يلعب بنعمة ربنا..مدري كيف بيرتاحون وكيف تغمض عيونهم وينامون بعد هذي الفعله..صراحه ناس غريبه. |
الله يعينك يا اختي عليه
انا سبق وفقدت جنينين مره بسبب العمل والاجهاد ومره سبحان الله كذا من ربي صحيت من النوم وانا علي نزيف:( المهم في المرتين تعبت نفسيتي والله كأنه مات على كبر لانه مهما كان جزء مني وحسيت بتأنيب الضمير لاني ماقدرت احافظ عليه وانا حلم حياتي ارزق بطفل فلا ترفسي النعمه اخاف يجي يوم وتند مين |
نصيحة لله
أطلبي من المشرفين يقفلوا الموضوع فيه ناس ماح يرتاحو أللين يطلقوك من زوجك أعوذ بالله إنتي جايه تبغي حل ولا تبغي ناس يقسوك على زوجك ويخربو بيتك |
| الساعة الآن 08:53 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©