|
طلب
صباح الخير.. ياجماعة الخير..جزاك الله خيراً دائما رقم الغريب يدق على جوالي منذ فتره مزهقني ابغي اعرف موقع ادخل الرقم ويطلع لي اسمه الكامل ابغي اعرف من هو ولده والله اني بنت الناس واصل وفصل ومااحب هالحركات تكفون ساعدوني :18: |
مساء الخير ،،
الله يصلحك ليه تبين تعرفين اذا رقم غريب خلاص اتركيه ولاتردين،، ومافيه شي اسموه تدخلين موقع ويكتب اسمه لكل عميل بيانات خاصه محد يطلع عليه غيروه . |
صعب إنك تتأكدين من هويته ممكن يكون سوا
انتي بأي شركة إذا كنتي ب stc واعتقد حتى موبايلي عندهم رقم للشكوى من الازعاجات المهم عند الاتصالات السعوديه خدمة جوال كنترول 8883 مسافه ثم الرقم المزعج وترسلينه 902 وبكذا يدخل الرقم في قائمة المنع.. وما يقدر يتصل فيك او يرسل لك رسائل أما اذا قصدك هويته وتبغين تعرفينه فلازم أحد بالشركة نفسها يطلع لك الاسم.. |
انا ابحث عن وظيفه واحط رقم جوالي في اي تسجيل
قلت يمكن هذا الشخص من الشركه مثلاً او مدرسة الاهليه فردت عليه مره السلام ووعليكم السلام واغلاق في وجهي الجوال بعدين هالحين كل يوم يدق بس ماارد عليه في كل وقت يدق على جوالي مااعرف انم ولااكل ولا اجلس وجوالي كل ع الصامت خايفه يدقون علي اي شركه يطلبوني حق مقابله ومااسمع اذ رن الجوال او لا .. عاد انا ابي اعرف هو شخص القريب الغريب .. بسسسسسسسسسسس انا موبايلي....... |
افضل حل التطنيش في واحد طفشني
سنة و زيادة و ما نفع معاه الا التطنيش |
دائما اطنشه بس جوالي كل ع الصامت وسبب هالرجل
وهذا الي يضيقني |
اتصلي على موبايلي .. عندهم خط للشكوى أو تبليغ بإزعاج
ممكن تكتبين بداية أربع ارقام؟ |
جزاك الله خيراً..
كيف طيب اتصل على موبايلي على رقم 1100 واكلم خدمة العملاء عنه..؟؟؟ |
نعم بالضبط اتصلي على 1100
فيه الاختيار رقم 5 أو 6 للشكوى |
مشكوره.. وجزاك الله خيراً..
راح اتصل ان شاء الله يضبط معي الخط .. لان خدمة العملاء دائما مشغول الخط عندهم ... ممكن تكتبين بداية أربع ارقام؟ اما هذا سؤالك هذا مافهمته السموووحه |
بداية رقم الجوال
ابغى اعرف هو سوا والا لا وبأي منطقه |
0561
هذا بداية جواله .. |
حلو
الرقم موبايلي.. إن شاء الله يتصرفون معاه مع إنه شكل الرقم شحن مو فاتوره.. انا كذا كنت اقدم كثير وتجيني اتصالات ورسايل وتخيلي مره باسمي الصريح ويا فلانه ويا فلانه .. أنا أحبك وصباح الخير ومساء الخير حتى زوجي كان يعصب من الرسايل وكانت بتصير لي مشكله الله يهديه لنفسه شافني سافهته... قام ارسل لي ترى انا ولد ناس وأصل مو حي الله لا حول ولاقوة إلا بالله حاولت اجيب اسمه طلع باسم هندي لين حطيته بقائمة المنع وارتحت |
ان شاء الله يكون بطاقته بأسم مش بدون أسم
لان موبايلي اذ كان بدون اسم يقولون مانقدر نسوي شي مثل ماقالت لي صديقتي مشكوره ياقلبي تعبتك معي .... الي قهرني له اوقات محدد في الاتصال كل يوم:18: |
ولو يا أختي .. :)
بس اسأليهم عن قائمه المنع إذا أمكن وموفقه |
ماقصرتي وعساك ع القوه
ان شاء الله اذ ضبط معي الخط بس اذ سألني ليش وش اقول له .. |
| الساعة الآن 03:48 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©