|
النوم بعيد عن الزوجه
اخوانى اخواتى
بعض الضروف تجبرك على النوم بعيد عن صجة الاطفال يعنى انت بالمجلس والمدام بالغرفه هل هذا يؤثر على المرأه او على العلاقة الزوجيه طبعا مافى زعل ولكن الدوام يبيله صحوة من بدري واية صياح باليل يطير النوم مع اعطائها جميع حقوقها اتمنى من الجميع المشاركة واللى مرة عليه يقول لنا ايش سار معه ؟؟ |
والله هذه مشكله اعاني منها
زوجي ينام بالصاله وكم مره اترجاه ينام بالغرفه وينهي الموضوع بصرخه مدويه منه :24: ( خلاص قفلي عالموضوع ) واحيانن يتعذر بطريقه غير مباشره ويقول عشان مايزعجني بشخيره مع انه مايشخر حتى لو ماقصر بحقوقي لكن ابتعدنا عن بعض لان اول لما كان ينام بالغرفه كنا نسهر ونسولف للصبح ومانحس بأنفسناابداما اللحين حتى اخباره ماأدري عنه والله مو مسامحته على هالعمله..؟ خصوصا اني كنت اتعب نفسي عشان اهيئ له الجو وكنت اطلع برا الغرفه ببنتي اذا بكت او مرضت عشان ماينزعج عساني القى اللي يفيدني بموضوعك الله يجزاك خير ويوفقك بس اياني واياك تنام بغرفه ثانيه :29: ترى والله والله والله يجرح الزوجه :( |
سبق وطرحت فكرة شبيهة لموضوعك بموضوع اخر أخي الكريم فربما تجد الفائدة فيه بإذن الله
http://www.66n.com/forums/showthread...=215194&page=2 |
هلابكـ آخوي نايف
والله تبي الصدق الحركه تقهر قلوبناا ... بس انت عاد لا تزودهاا مره واذا انتم متفاهمين صدقني مااافيها شي.. نصيحتي لك لا تتعودعلى هذا الطبع..لانه مع مرور الوقت يصير عاده عندك.. والله يهنيك بحياااتك يااارب.. آختك غاليهـ.. |
اقتباس:
لأنه كان ينام فوق عند اخته لكن هناك ماستدعي ذلك فعذرته والان وهو مريض احيان يقلي بنام بالمجلس مافيني حيل اروح الغرفه اقوم اجيب فراش وانام عنده عالكنبه برغم ان نومي خفيف لو يبي شي واتصل على الجوال اقوم بسرعه لكن سبحان الله تعودت انام معه بغرفه وحده واحلى شي اللي ذكرتيه لمن نجلس نسولف الين احيان يأذن الفجر وحنا مانمنا وورانا دوام هههههه ونجلس نضحك وخلاص اقوم اعمل فطور ونصلي ونتجهز للدوام لان لو نمنا بنقوم كسلانين ومافينا حيل:d الله يعينك اختي وإن شاء الله امورك تتسهل عندي لك فكره بسيطه لمن يبي حقه الشرعي اشرطي عليه ينام بالليل بالغرفه طبعا جيبيها بمزح فهمتي؟:22: انا احيان استغل هالنقطه واطلبه قبلها طلبات ههههههه ويوافق:14: واقول لصاحب الموضوع مالك داعي تنام بغرفه وهي بغرفه اجل ليش متزوج؟ عذرا حتى لو بدون ماتقرب منها ترا نومة الغرفه لها لذه وراحه عندنا انتوا يالرجال ماتعرفوها ماتعرفون من الزواج الا العلاقه ترا في امور بسيطه لكنها عندنا لها قيمه كبيره:29: |
ضده هالحركه بقوووه....يعني اكيد زوجتك لو قلتلها تنظم وقت نومها اطفالها او اقل شي تهيئ الجو انها تجلس معاك دقايق الين ما تروح بسامع نومه وبعدين تروح تشوف الاطفال طبعا اقصد تنبهم انهم ما يزعجونك ويمكن ماسمعون كلامها بس انت يسمعونه اذا قلتلهم ماما بتكلم معاي شوي وتجيكم بدون ازعاج...اهم شي تنام انت وهي تكون قريبه منك وتروح بعدين تشوف الاطفال وتنومهم وترجع عندك تنام اذا انت تنام بدري وهم متأخر شوي لانه مشكله لو اتعودتوا عليها يعني يوم يومين ممكن بس كل يوم والله صعبه مو بس عليها كمان عليك |
مو حلو تتعود على كذا
لانها تخلق فجوة بين الزوجين واذا عن الاطفال مثل ماقالوا اللي قبلي اطلب منها تنظم نوم الاطفال |
انا ضد هذي الفكره
مستحيل اخليه ينام برى الغرفه حتى لو يبا ينام لحاله انا اخرج من الغرفه واخليها له وهذا طبعا فحالة يكون تعبان او متضايق لكن ينام فالصاله او بالمجلس مستحيل اصلا اولاده ينتبهون ويسالون ليش بابا نايم هناك حتى فالزعل نظطر نام بغرفه وحده وبمناوبات طبعا اذا متفاهمين اكيد مافيها شي بس مع الوقت تاثر لان الوضع شبيه بوضع الطفل اذا تعود على النوم بحضن امه حتى لو كبر ماراح يبعد عن الحضن بسهوله والعكس صحيح فعشان كذا الخوف بكره اذا اجتمعتو بغرفه وحده ممكن تضايقون [QUOTE=haia2011;2638270]صادقه انا جربتها وهو زعلان فترة شهر لأنه كان ينام فوق عند اخته لكن هناك ماستدعي ذلك فعذرته هذي مره قويه طيب محد يلاحظ ويسال مافيها احراج عليكم |
[QUOTE=مجموعة حروف;2638344]انا ضد هذي الفكره
مستحيل اخليه ينام برى الغرفه حتى لو يبا ينام لحاله انا اخرج من الغرفه واخليها له وهذا طبعا فحالة يكون تعبان او متضايق لكن ينام فالصاله او بالمجلس مستحيل اصلا اولاده ينتبهون ويسالون ليش بابا نايم هناك حتى فالزعل نظطر نام بغرفه وحده وبمناوبات اقتباس:
وبالمناسبه محد بالبيت الا هي وولدها الصغير وكنت انا الغلطانه في حقه لكن الحمدلله عدت على خير:) |
حركة اعاني منها منذ زمن
|
سلام عليكم . وش لي حادكم تنامون بغرفه كل واحد ينام لوحده افضل لو حدث شي اثناء النوم حركه او صوت غير مرغوب فيه ممكن يسوي يسوي رد فعل نفسي وتكوين انطباع عن الاخر الحمدلله يوم كنت متزوج ماكنت انام الا لوحدي بغرفه والمره تنام هي وصغارها وكنت مستانس ومبسوط :d لاحد يجي يقول المره هجت منك عشان هالسالفه :( لكل انسان قناعه ووجهه نظر
|
اقتباس:
تخيل انك تعاقب شخص طول الوقت بينما هو ما أخطأ خطأ يستدعي هذا العقاب كيف بيكون شعوره ؟؟ انفصالكم بالغرف أدى لجفا وهذا الجفا يزيد مع الوقت ومع الجفا يصير التنافر حتى أثناء النهار وما تعود الأنثى تشعر بولاية زوجها عليها ولا تحب تسمع منه كلمة ويصير فراقه سهل . أتكلم عن واقع تجربة مو تنظير أخي الكريم .. تجربتي وتجربة من أعرف من النساء حولي .. كل زوجين منفصلين بالنومة أجد الود بينهم مفقود والاحترام قليل إلا من رحم ربي لكن بدرجات تتفاوت بحسب مدة الانفصال |
انا عن نفسي كنت انقهر من انه ينام بالملحق...
بس الحين لان زوجي راعي شخيــــر عظيم جدا جدا ... من جد مادري من وين يطلع هالصوت ع انه نحيف ولا فيه لحميه ولا شي...فصرت المح له انه يعالج او ينام بمكان ثاني والله وش اسوي غصب عني انا حساسه ممرره في النوم ..لو ترقا نمله ع مخدتي حسيت فيها<<< مبالغه:) بس الحين له 3 شهور ماينام معاي بصراحه صرت ازوعه ماتحمل منه شيء ابغضه سبحان الله صدق اذا بعد عن المخده بعد عن القلب...انتظر بس يخلصون العيال من الاختبارات واهج عند اهلي لاني طفشت منه الله لايعاقبني بس.. وانت اذا مافيك شي بس انك تنزعج بالنوم ارجوك لا تخليها عااااااده والله بتتغير حياتكم للاسوء نصيحه.. تقبل مروري.. |
نعم يؤثر على الزوجة حتى لو قالت ما يأثر ,,فسيظهر أثره بعد فترة ,,,
لحل وسط اشدد عليها ان تنظم نوم الأطفال , أو ان تنومهم خارج الغرفة(غرفة خاصة لهم) ثم تأتي لتنام في غرفتها |
اقتباس:
صديقتي زوجها يشخر وما تنام أغلب الليالي إلا ساعتين أو 3 لكنها تقولي مستحيل أترك غرفتي حطي قطن بأذنك ... اصبري الى أن تتعودي .. اعملي أي شي حتى تحافظي على بيتك |
رد
نعم يؤثر لانه اذا تباعدت المخدهـ قلت المودهـ... مادامك اعطيتها حقوقها كزوجه :25: لازم تنام عشان الدواااااااااااااااام... مرت علينا وكنا متافهمين لكنها فتره وعدت ونصيحه مني كوني انثى لاتطول مده بعدك عن غرفة نومــك... |
أخي الكريم.. الإبتعاد الجسدي.. يليه إبتعاد نفسي.. وعاطفي..إلخ أكيد.. الموضوع يؤثر على علاقتكم سلباً.. والتساهل فيه يخليها عادة.. أي زوجة تحتاج قرب زوجها منها.. بكل النواحي.. لأنها تحس بحبه و قوة العلاقة بينكم وبالأمان.. عندك سريرك في غرفتك.. تروح المجلس ليه؟؟ كم أعمار أطفالك؟؟ إذا لسة رضيع .. من الطبيعي ينام معاكم .. ومحا يزعجك كتير لو صحي مرتين بالكتير.. لو كبار .. لازم توفرلهم غرفة خاصة.. أو تستحمل وتنظمو وقت نومهم إلين ربنا يفرجها عليكم.. |
يقال ابعد المخدة تبعد المودة :)
اكيد من الافضل النوم بغرفة وحدة .. و التعود على النوم جنب الشريك وان كان على صجة الاطفال فا عودوهم يناموا بدري بغرفتهم .. سواء باللين او بالحزم |
ضد هذه الفكره تماما
ايش ايلي ينام لوحده لا والف لا حلو الزوجين يناموا مع بعض وقبل النوم يكون هناك حكايات ومزح واذا كان علي الاطفال الزوج الذي يريد ان يحافظ علي بيته يتحمل ازعاج اطفاله ويطول باله ويعتبرها نوع من المسانده للزوجه حتي لو عنده دوام بشوية ترتيب للوقت تنتهي المشكله ا |
عندي طفلين
الاعمار سنتين و سنه تقريبا صعب جدا انظم نومهم بالدقيقه وبالثانيه بس زوجي مهمه عنده الدقيقه والثانيه لان دوامه من الفجر وماعندنا الا غرفة نوم وحده لما يريد ينام اخذ الاطفال واطلع برع الغرفه لين مايتعبون بعدين ارجع الغرفه عشان انومهم واخر شي انام صح اللي اسويه ولا غلط |
كل واحد في غرفه اجل ليه فيه غرفة نوم ههههه
عادي انت تنام في غرفة النوم .. والطفال وامهم يهاجرو ههه اقصد يكونو في غرف ثانيه غرفتهم او غرفت العاب وتلفزيون يعني ماتجي كل واحد في غرفه صعبه الا اذا كان فيه ضيوف والبيت مزدحم ممكن |
ر
اقتباس:
ماشاء الله باين علاقتك معاها قويه الله يديمها بس مره ثانيه لا ينام برى البيت خير شر |
أسوأ حركة يسويها الرجل يقتل كل مودة في قلب الزوجة ...الحمدلله زوجي هو مايعرف ينام من غيري الله يحفظه
|
الظروف لالتي تجبرنا على ان نفارق
غرفة نومنا لاجل الاطفال هي بالدات من ستخلق الفجوة بيننا......... |
اعتذر عن تاخرى بالرد بسبب سفري
اشكرك اختى على ردك والله يسر امرك واكيد قريتي مشاركات الاعضاء لان اول لما كان ينام بالغرفه كنا نسهر ونسولف للصبح ومانحس بأنفسناابداما اللحين حتى اخباره ماأدري عنه عاد والله هذى مشكله طيب يعنى يروح الدوام مواصل صعبه شوى مشكورة اختى |
اقتباس:
الله يجزاكى خير |
اكره زوجي لما يسويها هل الحركة
ساعات ما يقصد ويروح عشان ينيم الاولاد بحكم انه بعيد عنهم طول اليوم ويعوضهم بالليل بس اللي يصير انه هو ينام والاولاد مازالو صاحيين ههه بس انا عن نفسي ما اقدر ااتحمل واعتبرها اهانة وكانني كنبة او اثاث بالبيت فانصحك اخي لاتسويها بزوجتك وحاول انك تساعدها بنوم الاولاد او بالعمل اللي مشغولة فيه زوجتك عشان تستغلو وتستمتعو بوقتكم وانتو مع بعض |
اخوانى واخواتى اشكر كل من مر هنا وافادنا وجزاه الله الف خير
كسلان ارد على الجميع دمتم لاحبائكم مخلصين |
صعب الواحد ينام بعيد عن الاخر بس هم الاتنين يتحملو مسؤليت الاولد ليش ارجال بيهربو حتة هوا ابوه يتحمل بكاء طفلو مو امو بس هي لي مسؤلة على ابنو ابوه كمان
|
الرجال اغلب اوقاتهم بعيدين عن زوجاتهم وابنائهم بسبب العمل الصحبه المشاوير وغيرها
صعبه كمان اخر الليل يبتعد عنهم والأصعب اذا الزوج اخذ حقه الشرعي من زوجته وتركها وراح لغرفة ثانيه شعور المرأة جدا صعب وقتها ماانصح بالاسلوب دا لانه سبب للهجر العاطفي |
|
انا هاربه من زوجي ونام بغرفه لحالي مع ولدي
صرت احب الابتعاد عنه وارتاح |
اقتباس:
|
انتبه من الطريقه هذي تراها ابدااااااا مو في صالح زوجتك ولا صالحك بعد -وحتى لو مابينت لك انها متضايقه بس انا اقولك انها متضايقه من جوا 100٪
|
اقتباس:
|
| الساعة الآن 04:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©