|
هل اسمي مولودي بإسم والد زوجتي؟
السلام عليكم
اول موضوع يتم تنزيله والدي اسمه شافي ووالدي حالف ان لااسمي اي من اولادي على اسمه ولاكن انا وعدت زوجتي قبل ان تحمل انهو اول مولود سوف اسمي ابني على والدك لان والد زوجتي ماقصر معاي في اي شي حتى انهو اخذ لنا في حفل زواجنا في اغلى فنادق مدينة جده وكلف الكثيير من المال يعني ابوي الثاني ويستاهل لان افضاله كبار وكثيره لاكن المشكله هيا اني اخاف ان يقول الناس ليه ماسمى على ابوه وابوي رافض او ليه ماسمى على احد اخوته اوانهم يقولون علي ان زوجته جابرته او انه خايف منها علما انا علاقتنا والحمد لله تقوم على الحب والاحترام مع اني مشيب في راسه شوي ولاكن مالها الاالصبر مارايكم هل اسمي على والدها او اسمي على اخي الاكبر فهد علما انا زوجتي رافضه اسمي على اخي لانها تقول اني وعدتها اني اسمي على والدها علما انا والدها هوا من تكفل في الحفل والوظيفه لاكن مارددني الا اني افكر شنو بيقولون الناس عني ابو سعود /جده |
أخي الكريبم المشكلة الآن ليست في كلام الناس انما في والدك الذي هو مصر أن تسمي عليه وأنت ستسمي على اسم والد زوجتك .. فكيف سترضي والدك ؟ لابد أن يكون حوار بينك وبين زوجتك تتفاهما على مصلحتكما ولا تثيرا الحساسية من حولكما ... متابعة .. |
اول شي اسم ابوك غريب واعتقد والله اعلم انه حرام ترا مايشفي الا الله
ثاني شي اذا ابو زوجتك ساعدك ترا موملزوم تسمي احد من ابنائك عليه وتزعل ابوك يعني انا اشوفها صعبه انك تسمي على عمك وابوك ماسميت عليه اتفقت مع زوجي اول ولد ان شاء الله على اسم عمي اللي هو ابوه والثاني اذا ربي رزقنا على اسم ابوي فالمفروض انك تبعد عن اسماء العائله كلها عشان ماتزعل احد |
طيب مسمي نفسك أبو سعود 2011 ليه؟؟؟ :d أخي الكريم.. طالما والداك مايبغاك تسمي أحد من أولادك على اسمه ومحا يزعل .. خلاص سمّي الي تبغاه .. مالك ومال كلام الناااااااااااس.. يعني لازم على اسم فلان.. ولا على اسم أخوك ولا أبوها..؟؟ إذا مرة حاب أسم أبوها.. حلو وحيفرح.. والله يزقكم الذرية الصالحة .. ويقوم زوجتك بالسلامة أهم شي تمام الخلق والخلقة.. |
يا جماعة .. أبوه(( مايبغاه)) يسمي على أسمه وحالف.. اقتباس:
الله يهديك.. و حتى لو زوجتك سمّت.. مو ولدها؟؟؟ |
جزاكم الله خير
والدي حفظه الله رافض رفض قوي ان اسمي ولدي على اسمه وليست هذهي المشكله انا وعدت زوجتي اني سوف اسمي على والدها لان والدها يستاهل لاكن ماذا سوف يقولون الناس عني عندما اسمي على والدها وهو يستاهل |
أخي الكريم... لازلت تقول ( ماذا سيقول عني الناس)؟؟؟ وايش دخل الناس بحياتك واختياراتك.. انت رجل بالغ عاقل.. لك الحرية في أختياراتك.. انشاالله تسميه عباس ماحد له علاقة.....!!! و أي اسم تسميه ولدك انت حر فيه.. المهم يكون اسم جميل وله معنى.. خايف من الناس يعني؟؟؟؟؟؟؟ طيب لو طلعت بنت ..؟؟:d لازم على اسم أمك ولا أمها؟؟ ايش رايك تسمي سعود يا أبو سعود 2011 |
بارك الله فيك
لانك تعرف مجتمعنا بيقولون ايه سماه على ابوها وليه ماسماه على ابوه وبيقولون يطيعها في كل شي او من هالقبيل وانا حبيت اخذ من ارائكم لانه في يوم من الايام شخص كان يحثي فقال لي انشاءلله اذا رزقك الله بولد فسمه على ابيك او اخيك فقلت يرزقنا الله انشاءلله وندمت اني لم اقل له الاسم شي يعنيني ولا يعني احد ومن بعدها صرت افكر شنو بيقولون اذا سميت على والد زوجتي علما ان والد زوجتي اعتبره ابي الثاني |
ارجو ان تمدوني من افكاركم النيره وماهو الشي المطلوب مني
|
مافيها شئ لوسميت على أبوزوجتك
لكن إذا انت شايف أن هذا الموضوع يضايقك كثيييير فسمي الولد على اسم أخوك الكبير وقول لزوجتك ان شاءالله الثاني انتي تسمينه على اسم ابوك أوالإسم اللي تختارينه |
اخي ابو سعود..
الله يجعل اياامك كلها سعااده.. لا تهتم بكلآم النااس,لو سئلوك ليه سميت على ابو زوجتك,قل لهم شافي ولا سعود كلهم آباء لي واثنينهم عينين في راس :d,, وابوي(شاافي) من كثر ما يغلي ابو زوجتي(سعود) حلف علي الا اسمي عليه..والغلآ موب بالاسم الغلآ والمقدار بالقلب,, واذا استحاالت معهم ولا استوعبو الكلآم قل لهم,, بكيفي اسمي على الي ابغى :d |
رضا الناس غايه لاتدرك ...تذكر هذه
ارضي نفسك ووارضي زوجتك واوفي بوعدك وشايفه انك تميل لاسم والد زوجتك كثير فتوكل على الله وان سألك احد عن اسم والدك اخبرهم بأنه لايريد ذالك فقرت تسميه على والد زوجتك لانه في حسبة والدك ولاتلتفت لما يقولون اسأل الله العافيه لزوجتك وان يقر عينك بأبنك ويجعله من الصالحين |
اقتباس:
|
الناس يهمونك أكثر من زوجتك !!
أولا : هذي زوجتك .. ثانيا : أنت مواعدها.. ثالثا : حملت وتعبت فمن حقها تسمي الاسم الي تبيه.. والله يوفققك ويصلح مولودك الجديد ( سعود ) |
اخوي نصيحة لك
لازم تراعي شيء اسمه التوازنات بين أهلك وأهل زوجتك حتى لو والدك سامحك وأصر عليك في عدم التسمية به مبرة بك ومراعاة لخاطر المولود انه ما يحمل اسم هو يشوف انه قديم او معيب او ما يناسب للزمن هذا فليس من البر به أن تذهب للضفة الأخرى وتسمي باسم والد الزوجة ! الآن فرصتك متاحة لإختيار اي اسم يعجبك ويعجب زوجتك ويليق بالعصر اللي بيعيش فيه المولود بعيدا عن أسماء جميع الأقارب خاصة أب الزوجة اللي اتوقع انه ما ينتظر منك هالشي وبإمكانك انك ترد جمايله عليك بأشياء كثيرة غير التسمية |
رأيي الشخصي هو الابتعاد تماماً عن أسماء والديّ الزوج والزوجة .. وحتى كل أفراد عائلتهما .. عشان ما حد يزعل ولا ياخذ في خاطره.
ولكن ما دمت قد وعدت زوجتك فالأولى أن تلتزم بوعدك لها جبراً لخاطرها .. خاصةً أن والدها يستحق كما تقول. أما كلام الناس فلو مشيت وراء كل كلمة فما بتخلص. أما إن لم تتمكن من تجاوز عقبة (كلام الناس) فلا أنصحك باختيار اسم أخيك الأكبر ولا حتى أيٍّ من إخوتك .. بل اختر اسماً مختلفاً وغير مستخدم على نطاق أسرتك. |
|
ياخوي والله بتتعب اذا بتفكر وش بيقولون الناس
والله لو تسوي كل شي صح بحياتك الناس راح تتكلم هذي سنة الحياه من رأيي سو اللي يريحك وخل الناس تتكلم وتذكر "رضى الناس غاية لا تدرك" استغرب من اللي يهتم بكلام الناس ياخوي عش حيااااااتك ولاعليك من الناس |
وعد الحر دين عليه
لو ماوعدت زوجتك كنت بقولك لاتسميه بس انت وعدتها وعشمتها وتلاقيها فرحانه فيه الحين بتخرب عليها و ابو زوجتك يستاهل |
هو ولدها ياخي حتى باسم ولدها صجه ولجه امركم غريب يالرجال
|
ما فيها شي عادي
بس السؤال يعني انو لازم تسمي اسماء موجودة بعيلتكم يعني يا ابوها يا اخوك غير الاسماء في اسماء حلوة كتير هلا طالعة وما في احلى من اسم محمد اللهم صلي على النبي |
انت وعدت زوجتك
وهي استنت هذا ليوم بفارغ الصبر ماعندك غير انك تقول قدام ابو زوجتك انك ناوي تسمي الولد بأسمه فأذا وافق فهو يستاهل ذالك واذا قالك لا قوله طيب خلاص ايش رايك انت تسمي الولد وخليه يسمي وبكذا تكون رضيت جميع الاطراف علي ما اعتقد بس المره الجايه لاتوعد ولاتسمي الابوقته |
عندي الحل
اولا شينه بحق ابوك انك تسمي على احد غيره وانت قطعت وعد لزوجتك انك تسمي المولود على ابوها اذهب لوالدك اكراما له وقل له يابوي انا ودي اسمي ولدي على اسمك محبه وبر فيك بس انت رافض اني اسمي عليك طيب انت سمي الولد بالاسم الي تشوفه مناسب الاب بينبسط لانك فكرت فيه ويمكن يقول سمه على ابو زوجتك مادامه يغليه ان سماه على والد زوجتك خير وبركه وان اختار اسم اخر فسم المولود الثاني على والد زوجتك ياأخي مهما تفضل ابو زوجتك عليك باشياء مستحيل يساوي تضحيه الاب وافضاله على ابنه وانتبه تسمي المولود على ابو زوجتك بدون ما تكلم ابوك والله مهما قال ابوك له بتحز في نفسه والله يوفقكم |
اذا كلاام النااااس الي يحركنا في حيااتنا فحنا في ضياااع
والله هولاء الناااس لو ازواجهم سمت على ابوهم مااحد تكلم وبالعكس انا اشووووف انك كريم لو تسمي على اسم ابو زووجتك وانه كريم معك واذا ابووك راافض انك تسمي عليه استشيره قووله يااابري انا خااطري اسمي عليك واذا رفض فكر اشووي يمه وقوله وش راايك اسمي على اسم والد زوجتي منها توثق العلاااقه بين اهل زوجتك وتكبر بعين زوجتك والكلااام النااااس دعها تنبح واولا واخيرا الغلاء مااهو في الاسمي الغلى في القلووب ياابوووسعود الله يتمم على زوجتك وتولد ويقومها بالسلامه وتشوووف وتزوج ولدك ان شاااء الله الله لايفرقكم ياارب انت وزوجتك ويبعد عنكم شيااطين الانس والجن ويحفظكم ويرعااكم |
عادي واذا سميت على ابو زوجتك
وش المشكله وبعدين تقول كلام الناس انت وش مسوي عشان تخاف من كلام الناس من جد شي غريب المهم انت و زوجتك متفقين بالتوفيق |
ياخوي ، إنت يهمك كلام الناس ( و ما أظن إنه هناك أي أحد حيتكلم ) .. :)
أو مشاعر زوجتك و تقديرها لك ، و رد جزء من معروف أبو زوجتك عليك ؟؟؟ أنا كنت أفكر أسمي ولدي بإسم أبوي الله يرحمه .. و زوجي ما كان حيعترض ، و كنت من جد راح أفرح بزوجي .. بس للأسف ، اسم أبوي ما ينفع مع اسم زوجي :D فشلت الفكرة .. أقصد .. فلان ( اسم ابوي ) بن ( علان ) اسم زوجي :D أحسها مو حلوة ،. ^_^ بس لا تهتم بكلام الناس ، و أصلا ما أظن هناك أحد بيدقق إيش اسم أبو زوجتك ؟؟؟ |
غريب امرك
ماتبي تسمي على اسم ابو زوجتك علشان كلام الناس ؟؟؟؟؟؟؟ فقط طيب بكرة بتطلع لك امور اعظم من مجرد اسم بتقول ماابي اسوي علشان الناس مايقولون واذا دروا الناس انك تعز زوجتك عيب يعني ؟؟؟؟؟ بالعكس هذا رفعه لك مو نقض انك تحترم زوجتك وتقدر رأيها وصدقني لو انك رفضت الاسم علشان كلام الناس بكرة ماعاد تفكر الا بعيون الناس ونظرتهم لك |
بما انك وعدت زوجتك
فارى ان تلتزم بما وعدتها وبماان والدك رافض تسمي احد ابنائك عليه فاشوف مافيه اي مشكلة بالموضوع ليه مكبر السالفة وهي ماتسوي ... بتسمية الابناء بما ان والدك ماعنده اي مانع ياليت ترضي زوجتك بما وعدتها الله يتمم عليكم بخير |
اقتباس:
وكلام الناس ياخوي لايأثر عليك كثير والله تتعب |
وانا ارى ان لا تسمي اول مولود باسم والد زوجتك حتى لو وعدتها .. انت مو حالف على المصحف !!!
سمي الثاني اذا ربي رزقكم .. وزوجتك عادي تفاهم انت واياها وفهمها وجهة نظرك ولا تقول الناس بصراحة المهم في لموضوع هو والدك ووالدتك واهلك وموقفهم من هذا الشي ،،، احمد ربك ان ابوك الله يطول بعمره ويحفظه ما رضى انك تسمي ولدك عليه لانه يرى ان اسمه لا يصلح لابناء هذا الوقت مع اني ارى ان اسمه مقبول وخفيف ومعناه جميل وليس فيه اي محذور شرعي كما ذكر احد الاعضاء الافاضل فهو غير معرف بالـ ،فلا حرج في ذلك .. مثل ناصر وعلي .. .... سميه على ابوك وتوكل على الله .. فيه ناس تسمي عيالها اسماء الله المستعان وكله عشان خاطر الاب ... بصراحه اذا هذا سالفكم التسميه على الاب فسمي على ابوك حتى لو ما رضى .. ومن غير اللائق ابدا انك تسمي ولدك الاول على ابو زوجتك . اقول هذا لاني اعرف هذه العادات جيدا واعرف نظره الناس لهذا الامر.. ونصيحتي ان كنت لن تسمي على والدك فابتعد عن اسم والد زوجتك في الولد الاول بوجه خاص . وياناس اللي يقول وش دخل الناس وليه يحسب حساب الناس .. انا اقولكم الامر محرج الا اذا كان سيعيش هو وابنه وزوجته في معزل عن الناس .. حتى والدته واخواته واخوانه قد ياتي في نفوسهم شيء من ذلك .. هو في غنى عنه ... انصحك وانا اتحدث من واقع ومجتمع يعيش هذه الافكار..... طفلك الاول لو ما سميته على ابوك لا تسميه على ابو زوجتك .. وخل ابوك يسميه ..قله ما رضيت اسميه عليم لكنسمه انت بدون ما توضحله رغبتك في انك تسمي على ابو زوجتك لانك راح تحرجه ... وزوجتك اقنعها. وقولها انا عند وعدي بس مو اول ولد وخليها تجرب في اخوها وولد اخوها اذا كانت من نفس بيئتك راح تتفهم .. |
سميه آدم واستريح
|
خلي ابوك هو اللي يختار اسم المولود
واوعد زوجتك انه المولود الثاني بيكون على اسم ابو زوجتك وتنتهي المشكله |
دام ان ابوك رافض اتمسي عليه
انا من رأيي انك تخليه هو يختار اسم ولدك ويسميه بنفسه |
وعد الحر دين : )
واسم سعود اسم جميل جداً وهو اسم والدي الحبيب وأختي سمت مولودها الأول به على والدي ولم نرى من الناس إلا ثناءاً ودعوات بأن يصبح كوالدي وهو الآن مدلل في العائلتين ومحط أنظارنا فبالإضافة إلى أنه ابن أختنا إلا أنه "سمي" والدنا ,, كن عنـد وعدك ولا تخيب أمل زوجتك ويبدو لي أن والدك كعم أختي متفاهم ونقي السريرة ,, فكم أسعده اسم سعود : ) |
اقتباس:
وإذا والدك لم يسمي على إسمه واختار إسم والد زوجتك فبها ونعم وإلا تسمي الولد الثاني على إسم والد زوجتك . |
اصلا ليش تسمون على ابهاتكم واخوانكم....قلة الاسامي يعني..
اختاروا اسم مناسب...ولاتكرروا اسما عائلتكم,,, وبعدين حتى لو سميتوا على اسم ابوها محد بيقول شي...لانه معروف انه ماراح تسمون على ابوك لانه اسمه قديم شوي فطبيعي انكم ماراح تسموا عليه...واذا كان اسم ابوها مناسب عادي...والثاني سموه على اخوك..مع انه ماله داعي تسمون عليهم,, والافضل تقول لزوجتك تسمي اي اسم بدل تكرار الاسماء والتفاول على ابوك او ابوها..لانه معروف لما يموت واحد من الكبار يسمى المولود على اسمه...اذا كان اسمه لائق.. |
| الساعة الآن 12:37 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©