|
زوجة اخي تبتسم لي وتجلب لي الهدايا\مستجدات الرد رقم 34
السلام عليكم و رحمة الله و بركاته ., بسم الله الرحمن الرحيم .,
انا عندي مشكلة و الله متضايق منها قد الدنيا و الدين :( و هي : انا عمري 14 سنة :d ادري اني ورع .. المهم زوجة اخوي دايما تروح وين ماروح و تبتسم لي و تلعب بخدودي و تقبلني ( تبوسني ) و دايما تجيب لي هداية .. عمرها تقريبا 25 سنه و اخوي لما يشوف هالمناظر يصرخ علي و يقول لي روح فوق ( غرفتي ) و يغاااااار و الله و يضربني .. و الله انا مالي هدف من هالحركات اصلا انا استحي لما تسوي كذا :(:( ابي حل الله يخليييكم |
اسلوبك ضحكني:d وانا مضايقة لو انت في الابتدائي ممكن تنهضم بس 14 سنة ماشاءالله تميز الحل لمن تجي خليك في غرفتك ولا تطلع عرفهم انك تغطي عليها وعيب ومايسر او لو انتو عادي تكشفوا على بعض كلم امك تكلمها ماعد تقرب منك
|
يحق لأخاك ان يغضب!
اتوقع لو كنت اخاً لي لقسوت عليك اكثر منه! ومن ثم اربعةَ عشرَ عاماً كثير , ماعليك الا ان :: تعذر اخاك فالأمر صعب في الحقيقه + تصرف حالك وقت وجودهم عندكم سواءً بغرفتك او تخرج عند اقربائك او اصدقائك ... الخ وفقك الله |
الحل انك تبعد عنها ,اذا شفتها بطريق روح مع الطريق الثااني..
-وممكن ايضا تقول لأمك وتوصل لها الكلآم انك رجال و تبيها تتغطى منك, وما شاء الله 14 كبير مو صغير.. -لو ما نفع قول لها بعلم عليك اخوي الي هو زوجها, هي بتخاف من زوجها ويمكن تزعل عليك وبتبطل حركاتها ,, -لآ تبين لها اي ضحكه او ابتسامة لحركاتها,لأني اتوقع انك تبتسم في وجهها حتى لو( مجامله) فهذا عطاها الضوء الأخضر للتطاول .. |
لاتتواجد في المكان الي هي فيه
واذا مرت تنحنح <<يعني اني كبرت وصرت اتغطى ومر بسرعه وبعدها بتفهم انك تغطيت :) خخخخخ <<<مدري وشلون طلعت تغطيت بس يعني انو كبرت ولاعد تطلعين بوجهي ومره مع مره بتفهم هي |
لا توجد بالمكان ولا ادا سوتهااااااااااا
صارخ بوجه عشان تعلم واخوك من حقه يغااار وانت لا تقابل من هم محرم لك |
لاتعطيها وجه ابد
وخلك رجال لك كلمتك كلم امك او اختك الكبرى وقلها تكلمها انا كنت اعاني مثلك من مرة اخوي كانت دايسه مهابتي ودايم تطالعني بنظرات غريبه وتلعب معي على اني صغير مع اني كنت في اول ثانوي وصوتي متغير بس انا غير عنك في نقطه وحده اخوي كان ما يقول شي ويقول اعتبرها مثل اختك وعادي واذا شافها تلعب معي يصير يطالعني ويضحك!! بعدين انا ما عاد اعطيها وجه وكلمت اختي تخليها تتغطى عني في البدايه صارت تتغطى وتطالعني يعني غطى كنه مو غطى بس عن قولة انه غطى وبعدين انا صرت اذا جت اطلع انا واروح غرفه ثانيه او اطلع مع اخوي لما يروحون الله يوفقك |
حدثها بأدب بأنك شخص بالغ ولاترضى بمثل هذه الأفعال أو أخبر أمك بضرورة تغطية زوجة أخوك عنه |
أخوي الصغير كان بنفس عمرك و كانت زوجة أخوي تكلمه كأنه أخوها
لإنها يوم تزوجت ، كان أخوي لسى ( طفل ) .. فأخوي يوم كبر ، صار هو اللي يرفض إنه يجلس معها عالأكل و ما يعدي ، إلا إذا تغطت منه و مع إنه أخوي الكبير و اللي هو زوجها ، ما عنده مشكلة لو حرمته كشفت على أخوي الصغير فإنت بيدك االشئ هذا خليك حازم |
أخى الصغير :
ذكرتنى بقريب لى .. قد قبلته من خده زوجة عمه... وهو كان فى سن 18 وهى فى سن 24 .... !! وكانت فضيحة ...... ههههههه المهم : بعض النساء يختلط عليهم الأمر... لكن أنت رجل الآن ... ولابد أنت من تتحكم بالوضع.... كن على مستوى المسئولية وأبتعد عن الشبهات... لاتكلم أمك ولاغير حتى لاتكبر الأمر.... فقط لاتجلس مع زوجة أخيك إلا فى وجود أخيك... وضع خط بينكم دائما .... بالتوفيق,, أخوكم m.s |
رأي وبكل قوة واحهها ولو باسلوب أزعجها
قلها استحي وقول لأخوك هو يحكي معها مو معك |
|
أخي الكريم افعل مثل ما قال لك الأخ توني صغير حسسها أنك كبرت وأنك لن تجلس معها , وقل لأخيك مرة بكل ثقة لو سمحت قول لزوجتك تتغطى عني ... واذا بتمر تنحنح .. واذا جت مدرعمة هي ومستعجلة غض بصرك وبالتوفيق أيها الرجل وأي مشكلة تواجهك اطرحها هنا طال عمرك ولا تسمح لأحد يكسرك يارجل |
لا تكسر خاطرها , وحاول تفهمها بأسلوب راقي
لأن يمكن هي تعاملك بلطف لأنها تعتبرك مثل أخوها وماعندها أهداف أخرى إذا عطتك بوسه سو نفسك برئ , إبتسم لها وقل [ خلاص تراني كبرت ] صدقني بتفهمها |
مشكوريين كللكم :d:d
لا هي تزوجت اخوي يوم كان عمري 12 و نص .. ياخي هالمرة ما تفهم انا حاولت اني ابقى بغرفتي تجي و تطق الباب و تقول لي انت مريض شاسوي انا ما عندي الجرأة الكافيه علشان اقول لها انا كبرت :15: و للاسف ما عندي خوات حنا 3 انا و اخوي و اخوي الثالث عمره 10 :23: كرهتها احسها تبي تعصب اخوي و تغربلني و بس << حركات مبزرة :18: |
ماله داعي ايجوز البنية تحبك
ليش تنكر المعروف |
دام زوجها يعصب خلاص مفروض تسوي الي يرضي زوجها و تبعد عني << يوم السعد
ذكرتني برفيقي اقول له السالفه قال لي اووه من قدك بنت عمرها 25 تحبك هههههه غبي مالت عليه |
أخوك غريب !!!!!!!!!!!!!
ليش مايخاصم زوجته و يخاصمك ؟؟؟؟؟؟؟؟؟؟؟ ماله حق يخاصمك أو يضربك لأنها هي اللي تجيك |
اعتقد هي ما تسوي هالحركات لك انت مخصوص
ولكن مداها اكبر اعتقد هي تبي تشعلل نار الغيرة بقلب زوجها لا اكثر انت اللي عليك انك تبتعد عنها كثر ما تقدر والله يجيرك من شر الفتن |
انا مع الاخوان اذا جات عندكم روح غرفتك واذا مثلا اتواجهت وقربت منك لمزح او مسكت خدود ابعد وسمها وسمع الي موجودين معاكم قول أنا كبرت يازوجت اخويا يعني زي كدة
|
اقتباس:
:(اذا شفتها كشر بوجهك واظهر انياب اسنانك ياأسد :d اكيد بتخاف |
والله عيب عليها
احس حركاااات قلة ادب اخواني والله ماابوس واحد منهم في وجهه اسلم على راسه اوكذا خدادي كيف بحمايه اعوذ بالله قول لأمك انك تبغاه تتغطى عليك وعلمها بحركاتها اما اذا تبغى تغيض اخوك فعقلها صغير للاسف بس خلك رجال قد المسؤلية انت يوم من الأيام ببتتزوج وماتبغا الهوا الطاير يسلم ع زوجتك بالتوفيق كلامي كبير لكن اعرف انك قد الكلام |
انا ابعد و الله حاولت اقعد فالغرفه ما تخليني بحالي و اليوم الصبح وريت اخوي الموضوع قال لي و الله لا اكسر الجهاز ع راسك لا تتحرش فيها اقول له انا مالي دخل كلمها هي هي الي تقرب مني عطاني كف وراح و الله قمت اكره اخوي و زوجته
إن شاء الله بقول لـ امي وإن شاء الله تبعد هالطامة عني |
اقتباس:
ماتدري يمكن هي تحرض اخوك عليك والله العالم يااخي كلم امك وقولها ولدك يضربني علشان زوجته وهي تتصرف معه والشرهه مو على حماتك الشرهه على اخوك الي ماغطى زوجته |
ارى ان المشكله في الغساله وليست بالمسحوق ..
يعني المشكله في زوجة اخيك .. وكان مفترضا بأخيك ان يكون له موقف حازم معها هي وليس معك !! عجبي ! |
اي و الله كلامك صح .. اذا المرة مب عدلة بحركاتها شلون بعدلها اخوي العام ماكانت تسوي لي شي و لا كانها تشوفني لكن هالسنة انقلبت 180 درجة ما فيها ذرة حياء
|
حاول ماتجلس معها في اي مكان وكلما شاهدتها لاتنظر اليها
وحاول تنشغل بالجوال او اي شئ آخر اخبر امك لتخبر اخاك |
ههههههههههها ولد اخو زوجي في سنك يعني انا اصير عمته زوجة عمه بس مااكشف عل اخوانه الكبار بس هو وعمري 24 سنه والله اني احبه مثل اخوي الصغير عسل ياربي يحفضه دايم امزح معاه ونلعب عمري ماحسيته يتضايق وزوجي ماقد لاحضت عليه الغيره صراحه لو يتغطى عني رح احزن لانه مثل اخوي ورح انحرم العب معاه واضحك واوصيه على اغراضي
|
أخي الكريم/جاسم بن حمد
-نحن نحمل زوجة أخيك على المحمل الحسن، ولا نظنّ بها إلا خيراً. ربما أنها تراك طفلاً صغيراً لا حرج في معاملته بهذه الطريقة. -حل الموضوع بطريقتين هما: 1) أن يتنبّه أخوك لهذه التصرفات، ويلجمها لجماً بطلبها الحجاب منك، وعدم التعامل معك إلا بإطار رسمي تقتضيه الحاجة والضرورة المقدرة بقدرها. 2) أنت من تحل موضوعك بيدك على النحو التالي: أ) في حالة وجودها في البيت حاول أن تخرج منه. ب) إن لم تستطع الخروج منه فلا تجلس في غرفتك لوحدك. ج) إن دخلت البيت فقل: تحجبوا يا حريم. ربما تقول: أنا لن أتحجب، فأنت مثل أخي. هنا ارفض هذا الأمر، ولا تدخل. د) لا تجلس في المكان الذي تجلس فيه. هـ) تحمل غيرة أخيك فلديه الحق في هذه النقطة، ولن تستوعب هذا الأمر حتى تتزوج. ح) كن جافاً قاسياً في ردودك عليها. ط) إن لم ينفع ما سبق أعلاه فأخبر والدتك أو إحدى أخواتك الحكيمات، واطلب منهنّ أن يضيقوا عليها الخناق قليلاً في البيت... أو أخبر أخاك بحقيقة الأمر بشكل سري لوحدكما حتى لو لطمك على وجهك. |
اقولك انا العصر كنت راجع من المجلس .. قلت فالصالة بصوت عالي : انا كبرت تغطو مني و كلامي للجميع ..
الا زوجة اخوي تتكركر (( تضحك )) وقالت : لا يا حبيبي بعدك بزر :15: قلت : لا يا شيخة انا بلغت خلاااااص تغطوو :11: قالت : الله يهداك من لعب بعقلك :29: انا عطيتها طااف و طلعت << طننشت :25: والمغرب رحت علشان اقعد اخوي للصلاة تطالعني بحقدد :19: شاسوووي احس بضيق شوي لو خليتها تحبني و تبوسني مب احسن !! بس المشكلة غيرة اخوي + انا استحيي .. احس حركات قليلة ادب :d |
اخوي كبرك والله العظيم مازال طفل ودبدوب وخدوده تجنن وهي تشوفك مثل ماشوف اخوي بس انت لاعاد تدخل ابدا عندها ولا تقول تغطوا ولا شي اذا شفتها اطلع بهدؤ وخلاص بس الظاهر عاجبك الموضوع :16: |
لا والله مب عاجبني و الله اني متضايق منه .. قبل لا تسوي هالحركات اخوي كان يحبني و دايما انا معاه و نضحك و نغامر لكن الحين كل شي تغيير :(:(:(:(
|
انا راح انذبح
السلام عليكم و رحمة الله و بركاته :eek:
اخووي صار خبل :eek: اليوم الساعه 6 الصباح كنت بغرفتي الا زوجة اخوي تدخل و بيدها علبة و قفلت الباب :eek: .. انا هني كنت بمووت خفت تذبحني او عندها اسلحة بعلبتها :eek:<< براءة هههه وشوي الا تفتح العلبة الا تطلع علبة مكيااج و قعدت تتمكيج (( تحط مكيااج )) و انا علشان احسسها اني كبرت (( 14 )) << بالغ :d , تغطيت باللحاف و شوي الا اخوي يطق الباب يوم حطت مكياج و خلصت طلعت اخوي شافها طالعة من غرفتي جاني و ضربني على ظهري ظربة بغيت ابلع لساني من قوتها قال لي ليش قافل الباب !! انا قلت و الله انا ما سويت شي و قسم بالله :( .. و الاهي تقول حق اخوي اووه تعال اف < كف قال لي اخوي و الله لو عدت هالحركات و تحرشت فيها راح اذبحك :19: انا خايف من اخوي الشراني عطوني حلول الله يخليكم و الله انا مالي شغل بزوجته هي اكبر مني بـ10 سنين تقريبا وش ابي فيها !! :29: لحد يقول لي اروح لما تجي و الله اني اروح بس هي مب راضية تخليني فحالي :( |
أخبره بحقيقة الأمر
أو أخبر أمك ودعها تخبره |
اقتباس:
يعني هي الي طالعه من غرفتك وجاي يقول انك تتحرش فيها..؟؟ وبعدين يوم طلعت معقولة ماشاف علبه الميك اب بيدها ؟؟:rolleyes: |
صراحه حركاتها تتقهر
تبي نصيحيتي قل لاامك انك تستحي وانك كبرت وخلها توصل هالكلام لمرت اخوك عشان تتغطى واذا جت نزل رااسك وامش بسرعه ذكرتني اخر مره كنت بالمستشفى مع اختي ولد خالي بنفس عمرك او اصغر بسنه المهم انه تووه بالغ اول مادخل انا طارت عيوني الرجال كبيير وكان بزر سابقا سلمت باليد بس :) وماكن ودي اسلم والله ان عيونه بالارض حتى لما كنت اصب القهوه احطها قدامه مامديتها له يعني انا استحيت فانت حاول تحرجها اذا جت ادخل غرفتك واقفل الباب واشغل نفسك باي شي يعني حاول ماتشوفك لمده شهر عالا قل عشان تصدق انك بلغت لانكم انت العيال اذا بلغتوا تصير لكم تغيرات سرريعه |
اقتباس:
اذا تنحرج وما تقدر تكلم أخوك أو زوجته فضروري جدا أن تكلم والدتك ... شنو منتظر ؟؟؟ يجي يووم ويذبحك فيه أخوك لا سمح الله أو يأذيك ؟؟؟ مستغربة تهاونك بالموضوع |
بصراحة زوجة أخوك مصختها بزياااادة داخلة غرفتك تتمكيج !! وين عايشة هذه يا أخي مادام مو قادر تتصرف بلغ أمك تأدبها , وبرودك أنت في الموضوع يقهر وبرود أخوك يقهر أكثر وأكثر ... دخل أحد بالموضوع |
مساء الخير
احسن طريقة اشرح لها الوضع وانها تسبب لك احراج ومشاكل مع اخوك يمكن مأخذه الوضع مزحة واذا تأزم الوضع كلم ابوك وامك |
هي لها اهداف
تبي تسبب مشكلة كبيرة وجالسة تحبكها عشان تخرج من البيت استغرب من وقاحة بغض البنات والله خسارة فيهم الشباب والزواج من اصلة |
| الساعة الآن 01:25 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©