|
زوجي يقول اني لست انثى
عندي مشكلة اقووول إنها سخيييييفة لكن بدمر حياتنا ، صح نسيت اقول النك هذا مو لي :d لزميلتي تقول انه
لها والله مادري عنها !!! المهم مشكلتي باختصار زوجي كرهني بنفسي وعيشتي ليتني ما تزوجت .. صار موقف سخيف زعل عليه من اسبوعين واكثر وهو لايكلمني ولا يجلس معي انا شعري طووويل جدا تعدي ظهري بشوي شفت صورة في النت لقصة شعر بوي وعجبتني ورحت الصالون وقصيت شعري حتى البنات في النادي قلدوني وقصوها :22: لكن زوجي من شافها جن جنونه وثار ثوران غير طبيعي وجلس يسب ويشتم في وقال كلام فضيع ما توقعت بسمعه منه وانا ساااكته ماقدرت ارد عليه بعدها طلع ورجع متاخر قلت له ليش تقول كذا ؟ رد علي رد صدمني قال اصلا انا ما احس انك انثى !!!! انا هنا تفاجات ليييييش ؟؟؟؟ قام يتفلسف ويقول الانوثة طبع وانتي ماعندك طباع انثى وانا معك كاني مع واحد من الشباب بالاستراحة شوفي شعرك الان وستايل لبسك واهتماماتك وحركاتك كلها كوم والنادي والرياضة كوم ثاني .... وهو كذاب مافيني شيء شعري على الموضة قصيته واررريح من الطويل واسهل بالغسيل والتصفيف والله كنت اعاااني من طول شعري بالغسيل واجلس ساعة كاملة واكثر وانا امشطه وان كنت مستعجلة والله ما الحق ارتبه ولا عندي استشوار لان شعري اصلا ساايح .. استايلي في اللبس بسيط ومريح وهادئ ما احب المبالغة في اللبس اميل للملابس الشبابية . عقدتي الجزم العالية اكرررها تتعبني بشكل وغير مريحة وافضل الفلات مع اني موطويله :d اهتماماتي عاادية ثقافية دينية ورياضية بالغالب . النادي هوايتي الوحيدة امارس الرياضة بانواعها وهي متنفسي الوحيد وقت اكون متضايقة مكتئبة اروح النادي وافرغ كل انفعالاتي السلبية وارجع البيت بنفسية مرتاحة وانااام وهنا قمة المتعة بالنسبة لي . احب المباريات واخبار النوادي اتابعها . زوجي معترض على هذا كله يبغاني اكون غير انا يقول من تزوجتك ما شفتك تبكين والدموع ميزة الأنثى !! إش دخل الدموع بالانوثة مادري !!! حاولت امثل عليه خاصة وانا زعلانة بس عجزت من ازعل احس بغضب وابقى صاامته واعزل نفسي عشان ارتاح .صرت احس انه تااافه . يبغاني اقرقر عليه اربع وعشرين ساعة اختلق المواضيع وتخلص بسرعة وانا طبعي صامت إش اسوي ؟!! يزعل اذا صار شيء ولا قلت له عليه وانا انسى واعتبره مو مهم . خلاااص بتجنن منه بدات اشك بنفسي إني فعلاً مو انثى !!! خاصة اني كنت البنت الوحيدة بين سبعة ذكور . |
اقتباس:
بس ترى كل اللي بالأزرق صفاات تغلب على الشباب أكثر من البنات :) أشوف كثرة البكاء والقرقرة من الصفات الغير لطيفة بالبنات يعني عندنا بعض الصفات اللي ممكن تحاولي تغيريها إذا يهمك رأي زوجك وإذا عندك رغبة تعجبه صفاتك إلعبي رياضة لكن حاولي تزيدي من اهتمامك بمجالات ثانية غير متابعة الرياضة ... الرياضة ربنا خلقها حتى نمارسها مو نتابع من يمارسها << هذا رأيي للجميع أولاد وبنات زوجك شاركك بجسمك باللحظة اللي تزوجك فيها ومن حقه تحاولي تظهري على قدر مقدرتك بالمظهر اللي يعجبه ... سواء بلبس أو شعر أو ميك أب أو جسم أو طريقة مشي أو نبرة صوت وأسلوب بالكلام ... لييييييييييييش ؟؟؟ مو تسلط .. لكن لأنه هذي هي الطريقة اللي يقدر يعف نفسه فيها واعفاف الرجل لنفسه من أهم أهداف الزواج . |
ههههههههههههههههههههه ياااااعمري عليك
والله مااااالومه يوم رمى عليك كلام من جدك انتي؟؟؟بعد ماكان شعرك مغطي ظهرك تقومي مره وحده تفجعينه وبووووي<<على فكره عوافي ع القصه وتراها حلوه وبعدين يومك تبين تقصينه حبه حبه تدرجتي بالقص مو على طوووول قصير مره وياليت لو عطيتيه فكره قبل عشان ماينفجع:d غير كذااا لااااتشيلي هم من ناحية كلامه لك هوماقالك كذا الا عشانه يبيك تتغيرين وتغيري من استااايلك وحلو انه تكلم وقالك احسن من انو يسكت وبعدها يفكر بغيرك ويقول عذره انو زوجته ماتحسسه بانوثتها انا مااقولك غيري من شخصيتك وميولك اللي اقصده ستاااايل لبسك من السبورت الى نعوم وكيوت واذا ماتحبين العالي البسي شي بسيط مو مره عالي وفي نفس الوقت مريح وبالنسبه لميولك لاتوضحينها له ولا تبينين انك مهتمه بالرياضه والمباريات وصدقيني راح تلاقيه متغير باذن الله واذا على الشعر حاولي انك تاخذي بعقله حلاوه على قول المصاريه ووضحيله انك كنتي تبين تسوينها له مفاجئه وتوقعتي انه بينبسط بس صار العكس ولو تصاحب الموقف دمعتين يكون افضل عشان ينبسط ويحسك انثى <<امزح:d الله يوفقك غلاي ويسعدك |
انت متشبهه بالرجال
اعوذ بالله |
الأخت الفاضلة
حاولت ان اعرف اي من الرجال هو زوجك واظن انِّ عرفت ... لذا اقول : يحق له ان يغضب لأنه لم يجد الأنثى الذي يُريدها ( اتكلم من وجهة نظره ) .. |
كان قلتي تركت لك الرجوله هههههه
اختي المفروض تستشيريه قبل ماتقصي عشان ماتسببين له صدمة الظاهر كان مغرم بشعرك وسببتي له خيبة امــــــــــل اختي الله الله بالزيوت ومايجي الشهر الجاي ويقول انتي كلك انوووووثه |
انا معه
وشو بوي ماعليه صار موضه قديمة ومافي اي انوثه خلي لبسك في البيت لبس انثى مش بجامات رياضيه او ماشابه و في ملابس نسائي قمة الانوثه ومريحه اشتريها دايم خليك انيقه قدام زوجك وبعض لمسات المكياج كحل + قلوس + بلشر بنك بعض الاكسسوارت اذا يحب الجزم العاليه اشتريها لو تلبسيها قدامه بس و تبين الصدق في جزم كلها انوثه و العاليه غالبا اهتمي بادينك واضيفي عليها بعض المناكير صراحة لازم تعرفين زوجك ايش يحب وتعمليه بس شوفي انا معك في الرياضه حاولي قدامه تخفين حبك لكرة القدم او التنس اعملي نفسك مهتمه باخر موضه يعني وانتي جالسه معه قولي بروح اليوم للسوق يقولون بربري منزلين شنط جديدة و المحل الفلاني عاملين تخفيضات خليه يكره الانوثه ههههههه أمزح معك بس و الله صادق انا وانا بنت اذا قابلت وحده تتكلم عن الانديه وستايلها مافيه انوثه اقول في نفسي كيف بتتزوج بكرا الله يعين زوجها فما بالك رجال ويمكن يكون محرامه من النساء الي يهتمو لازم تغيرين من نفسك عشانه وهذا يعتبر من حسن التبعل للزوج وبتاخذين عليه اجر ان شاء الله بس اخلصي النية |
انتي صدمتيه صدمه مؤلمــــــــه..
الرجل بطبيعته يكره الشعر القصير وبالذات لما قصيتيه( بوي):23: وشعووووووور بشع ان الرجال يعيش مع انثى ويحس انها رجل,واحس من خلآل كلآمك انك مو متأثره انه قال لك احس انك واحد من اصحاابي, وانتي تقولي انك عاايشه مع اولآد ,وانا عاايشه مع اولآد ولآ تأثرت:25:,, --------------------------- ملآحظة : فيه بنات تفخر بشكلها الولآَدي وتعتبره شي مميز وبالعكس كلمات الذم الموجهه لها تزيدها فخر مثل(بويه-ولاَدية-مسترجله-عربجية..) ..<<ترى ما اقصدك يا صاحبه الموضوع.. الحمد لله والشكر بس.. :d:d |
الظاهر زوجج مقهور على شعرج ومتحسف عليه
عشان جذي قالج كل هالكلام لا تحطين كلامه بعين الاعتبار وفديت قلبج مرة ثانية تدرجي معاه مو تفاجئيه الى ان ينصدم ويعصب |
عزيزتي.. الله يهديكِ انتي صدمتيه .. مرة وحدة قصييير أنا مع كلام الغالية رولادا.. حبيبتي .. انتِ كلك أنوثة بس عليكي تظهريها أكتر.. الله يسعدك انت وزوجك ويجعلك قرة عينه.. |
الله يساااااااامحك مرة وحدة بوووية قهرتيني جد أنا منى عييني يوصل شعري لهالطول بالمووت يطول كم سانتي عالعموم عزيزتي قبل كل شي قصة البوية اللي تتكلمي عنها إذا كانت لاتغطي حلمات الأذن فهي حرام وتشبها بالرجال وابحثي عنها بالحديث على فكرة زوجك لما قال هالكلام لإنه مصدوووم ومقهور من تصرفك وطلع كل اللي بقلبه كان الأولى ان تسأليه ولو قصيتيه عاد مو لهالدرجة خليه لعند تحت الكتف بشوي وبالنسبة للبسك حاولي تغيري من أسلوبك خليها ألوان فرايحية فساتين بيتية وبجاامت وحركات بنوتات وغيري من تصرفاتك خليها دلع وغنج وأنوثة الله يهديك ويصلحك ويسعدك طيبي خاطر زوجك واوعديه ماتقصيه إلا إن سألتيه ونصيحة إبعدي عن مثل هالقصات المشبوهة |
يعني ما في غير قصة البوي؟
قصي كري قصي مدرج هو رجل بدو جنبو انثى في لبس نسائي حلو ومريح في جزم واطية(باليرنا) حلوة وواطية ومريحة كلها انوثة حاولي تغيري من نفسك بدل ما يطير منك زوجك ويدور على الانوثة برا اظهري انثوتك بمشيتك ولبسك ومكياجك يمكن لانك اتربيتي بين اولاد اخدتي طبعهم حاولي تعملي تغير في شكلك ولبسك وتحسسيه انك انثى والانوثة بتتفجر منك |
مرحباا حبيبتي ...
انتي غلطتي لما مااااستشرتيه لما قصيتي شعرك وبعدين مع احترامي لك انتي غريبه اهتماماتك ماادري ايش تبي ... النوادي والمبارياات انا اروح نادي بس مش اهتم بالمبارياات والنوادي الي بالتلفزيون بس ماله عذر ماادري وربي انا زوجي هاليومين يقولي نفس الكلمه انتي مش انثى على اني عكسك تماااااام دمعتي على خدي 24ساعه سموني البكاايه بس ولا عندي ميووول لاي شي من اشياااء الشباب وفيني انوثه طااااغيه الحمدالله بس العذر اني عصبيه يالله الشكوى لرب العالمين ماعاد يعجبهم شي ....................... حاولي تتخلين عن بعض الاشيااء متابعه المباريات مثلا البسي فسااتين ............. الله ييسر الاموووور يارب .... تقبلي مروري وسوري طووولت عليك ....... |
اقتباس:
إعفاف الزوج و التودد له مو عيب و لا إنتقاص في حقك أبداً و إذا هذي الأشياء البسيطة ترضيه سويها حبيبتي سهلة بالتعود و لاتخلين العناد يسيطر عليكي و تخسرين زوجك |
لا تعليــــــــــق
|
اقتباس:
"عليك السعي طلباً للزواج بشتى الطرق، فإن حصلت على زوجة جيدة فستصبح سعيداً وإن حصلت على ........ فستصبح فيلسوفاً" |
وأنا بنت أشمئز من البنت اللي تميل للستايل الشبابي ،، شلون الرجل ؟؟؟؟
معليش نصيحة أخت لازم تعدلين من وضعك ولا تتشبهين بالرجال .. ولا تأخذك العزة بالإثم .. اعترفي بالغلط وبالنسبة للقصه مو اي وحده تقص بوي يعني هي بوي فيه قصات كيوت بس مع ستايل انثوي تطلع حلوة وموفقه خيتووو |
لا تعليييق ! ! !
|
الله يسعدك كنك توصفين في صاحبي دحيم أقول يا دحيم لا يكون هذا أنت و مسوي مقلب في المنتدى |
أنا مع الأخوات في انك لازم تستشيرين زوجك قبل ما تقصي شعرك يعني هذا شي مهم
لكن بعد ما وقعت الفاس على الراس شلون بتتصرفين؟ لازم تحاولي تراضي زوجك بكل طريقة يعني اسبوعين متزاعلين وقت طويل المفترض انك ما تتركي الموضوع ياخد كل هذا الوقت الله يوفقك لمرضاته |
إذا كنت منت دحيم تخيلي معي زوجك من أتفه شي يبكي لدرجة ممكن إعلان تلفزيوني يخليه يبكي ماسك مجلة سيدتي أو لها و يقرأ قصص عن زوجات تمت خيانتهن من أزواجهن و يجلس يبكي و يقول كل الرجال خونه و ما يستاهلون الحب و الإخلاص يجلس مع أمه و أخواته و معك و يحكيكم فلان طلق مرته و فلان ضرب مرته و فلان إشترى سيارة جديدة تهبل مره و تاخذ العقل و تخيلي يموت في التسوق و لا يمل منه و يحب يلبس لون بنك وفوشي و أحمر مشقر و تخيلي يوم تدخلين عليه الغرفة و تلقينه يبكي و تسألينه و يقول ( ما فيه شي ) و تصرين عليه و يجلس يبكي و يقولك مديري خاصمني و قال لي كلام قاسي قدام أصحابي و كان شكله مره يخوف و هو يخاصم و تخيلي تكونين لابسه و متكشخه ويجي يقولك لو ثقلتي الكحل و لو حددتي الحمرة بلون أغمق و لو خليت الفستان جنب بكسر و الجنب الثاني سادة تخيلي يخرج من الحمام و هو لاف منشفه على شعره و منشفه ثانيه على باقي جسمه تخيلي يطلب منك شيء و تقولين له ( لا ) و يجلس يزن يزن يزن عليك و تعصبين و تسافلينه و يجلس يبكي و يقول عمرك ما سويت لي أي شيء أطلبه و تحزنين عليه و تحاولين تراضينه و هو يتمنع و يقول ( لا ما أبغى ) بدلع و غنج و تخيلي يجلس يقرقر على راسك أربعة و عشرين ساعة و من سالفه في سالفه هل راح تتحملينه أو ستشعرين أنه أشبه بصديقتك ( حصة ) الشعر القصير و عدم المبالاة و العصبية و القساوة و التنفيس عن الغضب و ممارسة الرياضات و متابعتها و الخروج و الصلابة و عدم الحساسية و مواجهة الصعاب ووو ...( كل شيء قاسي ) :d حقتنا احنا و طبيعتنا و ليست طبيعتكم المرأة بطبيعتها الأنثويه هي الشي الوحيد بالنسبة لنا الذي يجعل الحياة مختلفة و جميلة أنت للأسف أختي جعلتيه يشعر أنه يعيش نفس الحياة حتى معك و يشعر بالملل و الرتابه لأنك تمارسين ما يمارسه هو و أصحابه |
تذكرت قصيد الشاعر .. نزار قباني (رحمه الله) قالت لهم.. بكل كبرياء (( أنا قصصت شعري .. ... لان من أحبه يحبه قصيرا )) كذلك أنت ان حبيبك يحبه طويلا .. فلا تقصيه إلا إذا كنتي لا تحبينه فهذا شيء تاني .. أنا من رأئي التغيير جميل .. بس هنالك بعض الأمور رأي الزوج فيها مطلوب .. وفي حالتك هادي بدل تسمعي كلمة "الله آيه الجمال ده" سمعتي ما سمعتي .. ببساطه .. شعر المرأة تاجها وطبيعة الأنثى فيها تعجب كل الرجال بغض النظر عن الموضة وما شابهها.. فأسعي لأن تنالي اعجاب زوجك أولاً .. وأخيراً هذا من وجهة نظري.. والله أعلم |
التوفيق من عند الله
وينك يا صاحبة الموضوع؟ يا أختي زوجك معه حق إذا سمعك كلام قاسي يمكن لانه من زمان وهو كاتم في قلبه والان لما أتته الفرصة لم يتراجع وقال لك كل الذي في قلبه وعنده حق إذا زعل إنت صدمتيه كان عليك تستشيريه قبل حلو التغيير لكن مو من طويييييييييييييل لبوي يا ريت لو كان شعري بطول شعرك قبل ما تقصيه خصوصا زوجي بيموت في الشعر الطويل عزيزتي المرأة تحب في الرجل الرجولة وهو بدوره يحب فيها أنوثتها فحاولي تغيرين ملابسك وحتى إذا ما تحبين تلبسين أحذية لها كعب عالي إلبسي متوسط أو بدون كعب بس تكون حلوة وكلها أنوثة اكسسوارات ماكياج عطور خصوصا وإنتي في البيت إبتعدي ما أمكن عن البيجامات كوني كلك أنوثة وراح تشوفين التغيير |
اقتباس:
كيف عرفت أي نوع هو ؟؟؟ وما هي أنواع الرجال ؟؟؟ وكيف اعرف زوجي من أي نوع ؟؟؟ بانتظار اجابتك ... |
|
|
زوجي ليل ونهار يبغاني اقص شعري بوي ومايبغاه يطول ابد صحيح القصه تصير حلوه علي بس ماصرت احبها
اطواعه والا اطنشه |
مسكين والله ماينلام .. وَ يحق له ينفجع ويزعل على شعرك .. الشعر زينة المرأة و لا يجوز القصات اللي تتعدى شحمة الأذن و منها البوي لازم تتغيري زوجك يقصد الكلام اللي قاله وانتِ وضحتي بعض النقاط اللي انتِ تتوقعين حكم عليك من خلالها والفلات ان كان يريحك استخدمية وفيه موديلات كلها انوثة وقللي من استخدام السبور في اللبس والجزم لاتتكلمي بأسلوب شبابي الصوت العالي ولا تحركي يدك كثير اعتقد فاهمه " اسلوب المراهقين اذا تكلموا بإشارات اليد " وغيري اهتماماتك او قللي منها بيني له انك تغيرتي |
الله يجمع بينك وبين زوجك ع خير ولا تقصي شعرك مره ثانيه عشان لا يزعل منك .
|
عاشق الأروى هذي مشكلتها ولازم نحترمها و نحترم صاحبتها ..
هي تريد استشارة وطلب مساعدة والقصة اللي قصتها كانت سبب لتعرف مافي نفس زوجها وتحاول تصحح من وضعها معه .. |
طيب اعتذر مشكلتي اقول رأيي بصراحـه شوي ..
شكرا يا نقاء الورد .. جاري التعديل |
اقتباس:
شكرا لتوجيهك وكثر خيييرك .. |
اقتباس:
حطيت صورتها بس المشرفة الله يهديها شالتها مع ان مافيها شيء ومو باين الا الشعر .. وزوجي ما عطاني فرصة اخذ بعقله حلاوة ما شفتيه كيف ثااائر .ولا قالي الكلام عشان اغير اسلوبي لا بيقهرني بس وانا متاكده وعلى الدموع والله اني افشل وحده فيها ماعرف اكذب ماعرف امثل . |
اقتباس:
|
اقتباس:
ما فهمت عليك اخوي ياليت توضح وبدون تلميح اي نوع تقصد ؟!!!! يحق له ان يغضب لكن ليس بهذه الطريقة ، ولو اردت ان انتقده انا لأنتقدته ايضا ربما يكون حتى هو ليس الرجل الذي اريده ..! لكن هذا ما نجنيه من الإحترام دائماً .. |
اقتباس:
ونسيت والله لا أستشيره مو عمد سويتها بس سهواً واصلاً هو كان يتكلم عن شعري ويقول اخرتينا بسرعة كله من هالشعر ويقول اكلك كله يروح لشعرك وشعرك وشعرك . وما يحتاج زيوت شعري يطوول بسرعة الحمدلله . |
اقتباس:
من جد هذا شعرهم هذا الصيف >> شفتي إني على دراية بالموضة مو زي ما تظني:d شكرا لنصائحك , والاستايلات الأنثوية بزياااده هي القديمة وانا قصدت بملابس شبابية يعني سبورات بناتية وعلى طول حكمتوا علي ان ماعندي حسن تبعل الله يسامحك . واش يبغى اكثر من إحترامي البالغ ، هادئة لا ارفع صوتي عليه ، احترم اهله ، لا اكلفه فوق طاقته اقوم بحقوقه ، ووو الخ .. |
ارجع لباقي الردود ان شاء الله ..
|
حكم قص الشعر للمرأة ما حكم قص الشعر للمرأة حيث إن نساء هذا العصر يتجملن بذلك القص، وإن لم يكُنَّ متزوجات، وهل له حدود، وما حكم (الفرْقة) المائلة؟ نرجو توضيح التفصيل في هذه المسألة لكثرة اللغط فيها.[1] لا يجوز للنساء قص شعرهن؛ لأن الشعر جمال لهن، ولأن قصه مثلة، وقص بعضه قزع، لكن إذا طال جداً، وأخذ من أطرافه فلا بأس؛ لما ثبت عن أزواج النبي صلى الله عليه وسلم: أنهن أخذن من أطراف رؤوسهن بعد وفاته عليه الصلاة والسلام.. ولأنه إذا طال كثيراً قد يتعب المرأة ويشق عليها في غسله ومشطه.. وأما الفرقة المائلة فلا تجوز؛ لأنه تشبه بالنساء المائلات المميلات. والله الموفق. الشيخ عبدالعزيز بن عبدالله بن باز |
اقتباس:
واني لو اقدر ومو محرم لسعيت جاهدة أني اكون بوي ، واني من طفولتي وهذي أمنيتي |
| الساعة الآن 11:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©