|
انا راضية بعنوستي بس موضوع للمناقشة
السلام عليكم ورحمة الله وبركاتو كيفكم بنات سيدات اخباركم عجبني القسم والله يحل كل مشكلة موجودة فية ويرزق البنات بازواج يعوضوهم عن الي عاشوة حبيت اظرح موضوع شفتة وعيشتة صراحتا لما كنت مراهقة كنت استغرب لما اشوف بمات اكبر مني يقولو كبرنا وما اتزوجنا كنت اقول لسة العمر بدري ولما كبرت عرفت كيف يشعروا البنات كلهم الله يسعدهم على تحملهم انا خلصت الجامعة وجالسة في البيت عادي جدا احب حياتي بحلوها ومرها احب اعيش اللحظة لأني ما اعرف يمكن بكرة اموت طبعا بلحلال مو الحرام الحمدلله عمري ماحبيت ولا كلمت شاب مبسوطة الحمدلله وبجد عايشة حياتي بسلي نفسي من التلفزيون نت اغاني يعني مو همني اذا كبرت ولا لا صحيح قربت من الثلاثين بس عقلي لسة عشريني:15: واذا ما اتزوجت عادي حعيش حياتي لكن الي يقتل كل ما اكبر سؤال الناس انتي لسة ما اتزوجتي وعلامات التعجب على وجوههم:( ولا تلميح اقاربك كل البنات اتزوجو الا انتي يلا الله يرزق ولا القهر الأكبر الي يذبح لما امك ولا ابوكي يقولك كل البنات اتزوجو الا انتي ولا ترمي كلمة نيتك البطالة يالله ليش كذا حرام عليكم انا بشر لو ماجاني نصيبي سيبوني اعيش حياتي بدون تجريح يعني لو ماجاني نصيبي ادور بشوارع ولا ارمي نفسي:29: ترا رفقا بلقوارير ايش رائيكم |
بختصــآر ..ناس عديمه احســااس..
اخذت كل شي تتمنااه بحياتها وقامت تتسلى ببنات خلق الله الي لسى ما تزوجن,يا اختي بعضهم يتعمدوون انهم يجرحونك,,مثلآ هي من معارفك لكن من فترة ما شفتيها,تجي تقول لك يؤ فلآنة ما تزوجتي؟؟!! وعلى وجهها عللآمات الذهول والاستغرااب, وهي تعرف اخبارك اول بأول لكنها تقول كذا بس لعاانه,ولا الثانية تشوفك تبووسي طفل ولا تلعبي معه تنظر لك نظرة الشفقه ,يوووووووه يا حرآآآم مسكينه شفقاانه على الأطفال<<< هذولا ودي افجرهم وقسم .. حنا وش ذنبنا نسمع مثل ذا الكلمات وان كانت احيان غير مقصووده وكثثثثير متعمده, مافيه بنت بالعالم ما تتمنى ان يكون لها بيت وتعيش حياتها ,لكن نصيبها لسى ما جا وش تسوي يعني تنتحر ولا ترضى بأي واحد يخطبها وان كان سئ,,, انا عن نفسي لو عندي وظيفه عشان ائمن نفسي من دوائر الدنيا ولآ ما كان فكرت بالزووواج, لكن لا وظيفة ولا زواج الله المستعان بس.. الله يرزقنا من واااسع فضله ولا نحتاااج لأحد من خلقه,,, |
يا حبيباتي .. الله يرزقكم الي تتمنوه وأكتر.. و كلام الناس .. استقبلوه بضحكة كبيييييييرة و ولاكأنك سامعة... ماادري هادي النوعيات من جد ماعندها احساس.. في جملة كمان مضحكة.. كثير يقولوها..( انتي لسة عايشة؟؟) الله يحسن خاتمتنا لا ميتة؟!!!...... ماعندهم اختيار مناسب للألفاظ .. |
وعليكم السلام ورحمة الله وبركاته
اسأله اعتدت عليها انتي للحين ماتزوجتي؟؟ اووووه عيالنا بالمدرسه وانتي ماتحركتي....! تزوجي خلصيييينا شوفي لك حل...! انتي للحين عااايشه؟؟<<< صعووبه ترى منجد كاثرين هاليومين يرددونها علي والله :( حسيت اني ديناصوووور :28:هذا وانا مابعد اصك الثلاثين باقي 3 شعرات بس وو....ووووو......وغيرهااااااااااا وغيرهااااااا بس اللي يجرحك اكثر اهلك مره اختي اسالتني فلانه كم عمرك قلت 27 جلست تضحك وتضحك سألتها شفيك قالت لما كنت بعمرك انا متزوجه <<مدري وش تحس فيه:29: ايضا الله يسامح اللي قالي انتي خدامه في البيت وقدام حريم اخواني <<<يوووه عاد المغروره واللي تدور الشماته واللي واللي وياكثر الجروووح بس خلينا ساكتين احسن:29: الله المستعان.. مع اني اليوم كنت في زوااج وماقصرو معي لازم يسمون البدن الله يرزقني ويرزقكم يابناااااات نصيب افضل من نصيبهــــم ويفتح لنا ابواب رزقه ويرزقنا من حيث لانحتسب انه قادر على كل شيء سبحااانه مع اني بكيت لكني مازلت ولله الحمد احسن الظن بالله كثييير..والخيره تكوون فيما اختاره لنا قلبتها فضفضه العذر والسمووحه بلســـــــــــم :) |
أعرف وحدة من زميلاتي ، عشان ما تزوجت لحد دحين و هي موظفة
أبوها يقول لها ادفعي فلوس لنا ( إيجار البيت ) .، و عشانك جالسة في البيت معانا : ( |
صاااااااادقة حنا لو نسلم من كلاااااام الناس
كان حنا بخييييييييير :27: |
يا حبيبات قلبي دخلوا من أذن وطلعوا من الثانية لا تهتمون فديت قلبكم اللي رزقهم بيرزقنا باذن الله واذا سمحتِ لي أختي الحبيبة صاحبة الموضوع : نفسيتك حلوة وتعجبني البنت اللي مشترية راحتها , ولكن قريت كلمة أغاني في ردك فأتمنى أنك تتركينها يا غاليتي لوجه الله والله يفرج همي وهمك ويوسع رزقنا أجمعين |
ماتحبون السوال هذا طيب اعذورني انا احب اساله
انتم ليه ماتزوجتوا....؟ هو الاختيار وانه باقي فارس الاحلام صاحب المواصفات المطلوبه ماجاء ولا من داخلكم ماتبون الزواج ولا تبون احد يسالكم ولا قسمة ونصيب وشي بيد الله مثل الرزق (لا يعطى من منعه ولا يمنع من اعطاه) اذا الجواب الاخير فهذا الشي بيد الله ولا لك انتي ولا امك ولا ابوك ولا اختك(ولا اختك الي تزوجت وهي صغير وتقول كم عمرك وتضحك وتقول في عمرك كنت متزوجه) يد في الزواج لا لزواجك ولا زواجهم هم ولا هم عندهم المواصفات القاهره المغرية الي خلهم يتزوجون وانتي ماتزوجتي لا ممكن انتي عندك شي مو عندهم والله بلاك حتى تصبري وتنالي ويمكن زواجك قريب ولا مافي زواج الحياة كلها بس مافي شي الا باجره ومن حبه الله ابتلاه قال الله تعالى ( وَجَعَلْنَا بَعْضَكُمْ لِبَعْضٍ فِتْنَةً أَتَصْبِرُونَ وَكَانَ رَبُّكَ بَصِيراً ) ماودي افتي واقول الي يسونه فيكم بالاساله فتنه لاكن لكم الصبر الصبر الصبر قال الله تعالى(وَلَمَن صَبَرَ وَغَفَرَ إِنَّ ذَلِكَ لَمِنْ عَزْمِ الاُمُورِ ) واحده من الاخوات قالت شي جميل وزين ويعتبر جواب قوي ورد قوي هو الضحكه الله ماجملها من جواب والله شي قوي في جميع الاساله الي ماتعجبك اضحك اضحك حتى لو ماتردين عليها بشي من الكلام بس ضحك انا متاكد ان الي سالك مارح يعيد السوال لو عاده مره ثانيه ولا ثالثه وكان الجواب نفسه راح يوقف حتى الاساله الي ماتبي تجاوب عليها من غير السوال هذا اضحك منه وقول ليه مثلا قالت كم عمرك اضحكي وقولي ليه تسال انا قمت اثرثر هههههه المهم منها كلها اتمنى تنضرين للاخره الي اطيب من الدنيا وتعملين لها هي الحياة الابديه مو حياتنا هذي بعدين اختي اسمع عن الاستغفار والدعاء اتمنى تجربونه بس انتبهوا من الذنوب التى ترد الدعاء ابحثوا عنها تجدونها والاغاني قريت انها من الذنوب التي ترد الدعاء وتقطع الرزق والله اعلم اتركيها لله « ما من عبد ترك شيئًا لله؛ إلا أبدله الله به ما هو خير منه من حيث لا يحتسب، وما تهاون به عبد فأخذه من حيث لا يصلح؛ إلا أتاه الله بما هو أشد عليه منه من حيث لا يحتسب » . |
الماضي و القاضي:22: الحمد لله ..ترى مطنشتهم بقوووه وعااايششه الحياه وابتسامتي عريضه :d وهذا اللي ذابحهم بس ترى يجينا يوم نقعد نفضفض لالااكثر ولا اقل مثل ردي الاول مجرد فضفضه :26: اهم شي انا نملك الصحه والعافيه ولسان رطب بذكر الله:17: أسأل الله ان يجمعني بكن في الفردوس الاعلى |
الي بدو يعيش مايسمع كلام ناس بعض اناس بيجرحو بعضهم مو اكتر كل واحد عندو مشاكلو الي تزوج يقول ليش تزوجت ولي ماتزوج يقول ليش ماتزوجت هادي من تجربتي حبيباتي |
أخواتى الفاضلات:
أنصحكم بالتطنيش على مثل هذا الكلام السخيف.... وكما يقول المثل اللى مايعرف الصقر يشويه.... أنا شخصيا أرى حالات تأخر بالزواج من بنات قريبين لى على قدر من الجمال والأخلاق العالية... وأعرف تماما أنه النصيب ومشيئة الله... وليتأكد الجميع أن الزواج ليس له علاقة وثيقة بالجمال أو غير.... لكنها إرادة الله... ولهؤلاء المتدخلين فى شئون الغير أقول لهم .. أتركوا الناس فى حالهم... فليس هنالك شيىء مضمون فى هذه الدنيا... أخوكمm.s |
العنوسه احيانا تكون افضل من بعض الرجال والله يرزقك الزوج الصالح
|
هذا هو المجتمع ..
دورنا اننا زي ماقلتو نطنننننننننش نؤمن ان ربي اذا كاتب لنا نصيب راح يجي باذن الله .. والناس اصلا ماتريح احد .. قبل الزواج >>> ماتزوجتي ..؟ مااعرستي ..؟ :( بعد الخطبه >> كم مهرك ؟ ايش جب لك هديه ؟ كيف شكله ؟ كم راتبه ؟ :) بعد الزواج >>> ماحملتي ..؟ :15: بعد الحمل >> مافيه شئ بالطريق ..؟ عندي اربعه وانتي توك على 2 ..؟! :15: :15: عندك بنات >> مارزقك ربي بولد ..؟ :( بيتك ايجار >> الله يعينك باقي ماتملكتوا ..؟ :mad: عيالك كبروا >> مااعرست بنتك .؟ ولدك ماتوظف ؟ ماتزوج ..؟ :( بعد سنين >> هو انتي باقي حيه ..؟ :29: :23: :29: هذا هم النااس صعب تغييريهم اذا الدور عليك انتي قرات عباره جميله تقوول .. لا يستطيع احد مضايقتك الا بمساعدتك .. طنشي وتوكلي على ريك .. |
حبيبتي انا من رأيي حياة البنت قبل الزواج احسن بألف مرة من حياة المتزوجة " هاي رأيي طبعا " انا مخطوووبة وصارلي 4 شهور بس .. واحيانا يغلب علي التفكير اني ياريت ماتزوجت اوو حياتي قبل احسن وكنت عايشتها بالطول وبالعرض |
الله يرزقنا جميعاً الأزواج الصالحين .. الكلمات اللي تضايق ياكثرها وخاصة لما يقولوا يللا تزوجي نبغى عرس !! بكيفي هو :( ولكن احسن حل لكل هذا التطنيش .. |
اصعب حكاية من جد انا معاكي 100%وانا زيك لو عندي عمل او شغلة ترا الوحدة تتسلى وتبداء تفكر بمستقبل ومال واعمال بس الحظ الردي نقول الحمدلله نورتي قلبو
قلبي حنون نورتي غلاتي من جد انلاقة عطر كلامك صح ولايهمك غلاتي انا مسويتها عشان نفضفض لبعض يحسبو ان الآن زي زمان بكل شئ روح الطير العينة دي من الاهل كتيرة بس ايش نقول الله يساعدها حنين قصدك لو الناس تفك عننا نعيش بساعدة بس الا يحسيسوكي انك عالة او شئ تقييييل على قلبهم مايخلوهم مع نفسهم عزيزتي الماضي الدفين احنا نطنش بس هما الناس كل مايشوفونا يزكرونا ويدقو بلكلام زي يوة انتي لسة ما اتزوجتي تقهرني دي الكلمة نفسي ارد لا واله بكرة ادور بشارع بس امسك نفسي واقول عيب طنشي اقول اخ القاضي ماتزوجنا لأنة ماجا نصيبنا لسة بعدين في ناس لو ضحكت تزيد السؤال مليون مرة عادي مشكور مداخلتك غاليتي بنت المغربي كلام الناس لايقدم ولا ياخر بس الناس سايرة زنانة بشكل ملقووووووووووفة نورتو حبيباتي بجد اسعدوتني قاضي اطلع برة دا للنساء فقط خخخخخخخخخخ بمزح |
ام اس نورت جومانة سعد كلامك صح بس الناس ماتفكر كدة
برنسيسة كيوت كلامك مرة صح انا عن نفسي حابة حياتي العزوبية بس كل ما اخرج او اشوف ناس عيلتي الكل يسال نفس السوال وكل مايشوفوني يوة انتي لسة ما اتزوجتي طيب يمكن انا حابة حياتي كدة ليش تتدخلو |
اقتباس:
نورتو حبيباتي كلكم |
اقتباس:
نورتو حبيباتي الله يسعدكم ويوفقكم |
انا عن نفسي الناس ما يهموني بأي شكل من الاشكال سبحان الله الله انعم علي ببرود اعصاب من ناحية الناس لانهم بصراحه ما يعجبهم العجب عشان كذا ما اعيرهم اي اهتمام
بس اللي يحز بالخاطر كلام الناس اللي احبهم واغليهم اللي هم اهلي يوم يرمون الكلمه ولا يفكرون احس كلامهم يجرح ويبقى في نفسي ما اقدر انساه الله يوفق الجميع بازواج صالحين او يعوض علينا بوظائف تعيننا على امور الدنيا وتحفظ لنا كرامتنا |
اقتباس:
صدقاً هذا ما اتمنااه(الوظيفه).. اذا توظفت راح اضمن لو جزء بسيط من حيااتي ,حتى لو ابتليت والعياذ بالله بزوج سئ ,تبقى وظيفتي اماان لي منه.. ------------------------------------------- غاليتي امل.. اشتقت اليكِ..اتمنى ان لا تحرمينا توااجدك الجميل بالمنتدى |
اقتباس:
|
[
[QUOTE=اصعب حكاية;2645471][FONT="Comic Sans MS"][SIZE="6"][COLOR="Purple"]آميـــــن ياارب.. صدقاً هذا ما اتمنااه(الوظيفه).. اذا توظفت راح اضمن لو جزء بسيط من حيااتي ,حتى لو ابتليت والعياذ بالله بزوج سئ ,تبقى وظيفتي اماان لي منه.. اقوول اصعب حكاية قولي خيرا أو اصمتي مااحب تقوول لنفسك هكذا انتي غاليه لدي ان شاء الله موب سيء الا حبوب وهين اقوول تنتظري في النهاية تقولين سيء :(:29: ولا مجرد تفكير بكره ازغررررد لنا جميعا في المنتدى :14: شكل المتزوجين لما يطالعون موضوعنا يقولون وش تحسون فيه <<<< :d لا وبعد هذا العمر يبون يزغردون الله كريم |
:[QUOTE=انثى ابكت القمر;2645477][
اقتباس:
والزواج بالنسبه لي (من وجهة نظري) سلآح ذو حدين.. -قد اعتبره احياناً شــر لا بد منه.. -واحيان قد يكون مثل التجاارة, ممكن تربحي وممكن تخسري الله اعلم..:rolleyes: والوظيفة في كلا الحالتين(زواج-عزوبيه :d) اعتبرها آماان ولكِ الآتي: -لما الله يمن عليك بزوج طيب وابن حلآل لكن قضاء الله لآ يرد, توفاه الله سبحاانه,<< تنقذك الوظيفة. -لما يكون سئ والعياذ بالله << تنقذك الوظيفة وبفلووسك اخلعيه:d -لما يكون طيب وابن حلآل والله سبحانه مده بطول العمر والصحه والعافيه<< في هذه الحاله أجمعي قرووشك وساافري.. :23: أما في حاله الـ Single فهي كالآتي: - ما تحتاجي لأحد وهذا اهم شي..:rolleyes: -تروحي السوق ولا الملآهي مع صديقااتك وتشتري كل شي بخاطرك بدون احد يزن فوق رااسك(ماله داعي الي شريتيه- غااالي- فيه غيره ارخص...)<< هذا الزوج طبعا الي يقول :d وفيه اسباب اخرى لكن افضل ان احتفظ بها لنفسي :d |
اصعب حكاية
ليش التشاؤم !!! ياشيخة دللي نفسك واتركي بكرا لبكرا ولاتفكرين الا بالخير اذا جاء طاري الزواج اقولهم بإذن الله بتشوفوني في بيتي مع زوج يحبني ويعيشني ملكة مدللــه انا وبنتي فيه شي اسمه قانون الجذب هذا اذا ايقنت في الشي بداخلك كانك تستدعي الفكره ( اقري في الموضوع تلاقيه في النت مره حلو ) |
اقتباس:
انا تعمدت ارد على انثى بهذا الرد بس كذا ابي اطفشها :d وبالعكس انا متفاائله جدآ,والموضوع ان شاء الله بشووفه واضح انه حلو .. |
من جد بنات احنا لو نلاقي وظيفة نرتاح بس الله يعين
هههههههههه والله انثى عصوبة والله انكم بجد تضحكو الله يسعدكم ويسعد كل البنات يارب قريبا كمان |
هههههههههههههههههههههههه اعجبني النقاش اللي دار فوق بين انثى واصعب حكايه :d
انا كنت مستغربه كيف اصعب حكايه صارت متشائمه اثاري السالفه فيها تطفيش :25: انثى جبت لك رمز يساعدك الايام الجايه http://smilies.roro44.com/sad/001.gif الظاهر اصعب حكايه راح توريك الويل .. الله يسعدكم اصعب حكايه وربي الجمال كله في اخلاقك الطيبه وقلبك اللي مافي مثله على فكره تمت الزياره على خير قبل يومين بس مالي حق اخرب موضوع البنت ما ادري اقدر اتواصل معك عن طريق الايميل ؟؟ يمكن عن طريق الاداره :11: |
اقتباس:
بس ممكن تفتحي متصفح جديد وتكتبي الي مستجداتك.. |
أخواتي الكريمات أرجو الانتباه أن قلب المواضيع الى دردشة غير مسموح فأي أخت عندها مشكلة أو فضفضة تفتح متصفح جديد ويتم التناقش حول الموضوع مع الالتزام بالمحتوى الأصلي وعلى هذا جرى التنويه |
بنات انا بقولكم كلمتين لمجرد كلام بس لاحد يعتبره شئ ثاني او انه مجرد كلام يبرد على قلوبكم شوي من هالمتخلفين اللي عليهم اسئله ماادري من وين يجيبونها المهم الزواج البعض منا يعتبره مهم وانه اكمال لنصف الدين وانه حياه جديده تنقلك من عالم لعالم لكن في النهايه هو مو كل شئ بمعنى انه حياتي ماراح تتوقف اذا ماتزوجت وهذا طبعا ماراح يكون بايدي بالعكس انا وحده من المتزوجات وزوجي ولله الحمد مايقصر معي ابدا لكن احس اني اشتقت لحياه العزوبيه حياه الشقاوه حياه الاحرار اللي مافيها قيود ومافيها مسؤؤليه ومافيها زوج يغثك بكلام انتي مو قده ومافيها وااااااااااااااا مااوااااااااااااااا :15:<< البزران غاثيني ومهبلين بي مرررره :23: وصدقوني الزواج مو افضل من الوظيفه حاولو بقدر المستطاع انكم تستغلو ايامكم بدورات وخبرات لحد ماتتوظفون وعيشو حياتكم مبسوطين ومرتاحين وانسو التفكير بالزواج واذا احد سالكم ردو عليهم بان الله ماكتب للحين والله يهنيكم بحياتكم يااااااارب :) .... موفقين ان شاءالله
|
قرأت كافة التعليقات وكنت أسجل بعض ملاحظاتي لعلها تكون نافعه : 1 أخواتي الفاضلات أحيانا هناك أشخاص أسلوب الحوار لديهم قائم على السؤال والجواب ما تزوجتي؟ أخوك وش فيه؟ جيرانكم يقولون بيتهم منحرق؟ ! حلو السؤال :22: بنت خالتك متى زواجها؟ وأنت أكبر أو أصغر منها؟ فبما أن طبيعة الحوار لديهم بهذا الشكل يقع من حيث لا يعلم بأسئلة تجرح الشخص المقابل. هذا النوع ومن واقع تجربة.. حاولي أن تستخدمي معه نفس أسلوبه.. إن قال ما تزوجتي؟ قولي هل ترى للزواج سن معين؟ حاولي أن تخلقي أي سؤالي لينشغل بالبحث عن إجابة. 2 هناك نوع أخر وهم البسطاء جدا .. فيجرح وهو للأسف لا يعلم ذلك .. لبساطة تفكيره وسلامة قلبه.. عادي يسألك يوم أنا بسنك تزوجت ليه ما تزوجتي؟ أنت غريبة مطلقة وكل من قابلتهن من النساء لم ينفصلن ما السبب ياترى؟ فهو يرى أن سؤاله سليم ومنطقي وفعلا يحتاج إجابة .. لأنه يرى الأمور بشكل مسطح.. ففيك مميزات كثيرة حلوة وسنعة ووو وإجتماعيه و من عائلة مشهود لها بالطيب و متعلمة أو موظفة أوو فهو فعلا بحاجة إلى إجابة. للتعامل مع هذه الفئة .. حاولي ألا تخسريها.. حاولي أن تسألي وتستفسري عن سبب السؤال؟ و وضحي لها أن الموضوع أكبر من أن نراه بهذا الشكل .. و أن مثل هذه الأمور هي قسمة ونصيب.. المهم أحرصي ألا تقدمي إجابة واضحة ومفصلة ومباشرة خصوصا لهذه الفئة.. لأنهم قد لا يفهمونك بشكل جيد أو يفهمونك لتكوني محور حديثهم مع الآخرين. 3 فيه ناس الله يهديهم ولا يبتلينا وهم قلة ولله الحمد.. يستمتع بجرح الشخص المقابل.. هذا صدقيني سيرى نتيجة أعماله في حياته عاجلا أو آجلا. شخصيا أميل للمنهج القرآني فهو الحل مع هذه الفئة حين قال تعالى : " والكاظمين الغيظ والعافين عن الناس والله يحب المحسنين " وفيه حديث أود أن أختم به مداخلتي عن أبي العباس عبدالله بن عباس رضي الله عنهما قال كنت خلف النبي صلى الله عليه وسلم يوما فقال لي يا غلام إني أعلمك كلمات احفظ الله يحفظك احفظ الله تجده تجاهك إذا سألت فاسأل الله وإذا استعنت فاستعن بالله واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك إن اجتمعوا على أن يضروك بشيء لم يضروك إلا بشيء قد كتبه الله عليك رفعت الأقلام وجفت الصحف |
اقتباس:
هل فعلاً فعلاً في أعماق أعماقك مقتنعة بأن هذا السبب ...................... البشر لديهم هوس كبير في التفكير دائماً في المفقود وهذا ما يجعلهم تعسون و يتعسون الآخرين لا تعتقدي أن فلانة ( التي أخذت كل شيء تتمناه !) سعيدة لأنها لا تفكر في ما تحصلت عليه و لو كانت سعيدة بما تحصلت عليه لنعكس ذلك على تفكيرها تجاه الآخرين و اعتبرت أن الوضع الراهن لفلانة الأخرى سبب كافي لسعادتها لكن لأنها تعيسة و تفكر في المفقود جعلها تتعس الآخرين و تذكرهم بما يفتقدونه أغلب البشر لا يعرف ثقافة ( القبول ) دائماً متعلق في الأمل بشكل متطرف فتولد لديه السخط و التذمر أنا لا أقول أن نفرط في الأمل لأنه من أبواب حسن الظن بالله و لكن لا نغلب جانب على جانب فنوازن بين الأمل و القبول حتى نحقق السعادة أياً كانت الظروف و لا ننسى أبدا أن القبول من أبواب الرضى بما كتب الله لكن بما أن ثقافة المجتمع ترفض الواقع الراهن و مهووسه بالمفقود وأنتجت لنا هذه الثقافة السخط و التذمر و التعاسة إذن علينا فرض واقعنا أياً كان و فرض ثقافة القبول فعندما تعيسة أو تعيس يحاول إتعاسك و شغل تفكيرك بالمفقود و سلب سعادتك اجعل لنفسك موقف و افرض عليه واقعك و علمه ثقافة القبول و احمي سعادتك لأنك إن لم تفعل ستأتي لمنتدى ( ما ) و تفتح موضوع و تتذمر فيه و نستمر في دوامة التعاسة و السخط و التذمر أخيراً أرجو من الله أن لا يأتي أحد من الأعضاء و يقول بعضهم عندما يناقشك أو يطرح أو يسألك عن شيء تفتقده فهو من باب حب الخير و المساعدة و إدخال السرور على قلب المؤمن فأقول بكل ثقة وبمنتهى التجرد ( أبدا ) لأنه لو كان فعلاً يحب الخير و يريد المساعدة و يريد إدخال السرور على قلب أخيه المؤمن أليس من الأولى أن يحقق له و يعطيه ما يفتقده يا أخوتي هي صورة أخرى من التعاسة و الهوس بالمفقود مضاف إليها الحكاكه و اللقافه ومغلفه بغلاف فاخر اسمه ( حب الخير و إدخال السرور ) الحياة السعيدة معادلة سهلة التحقيق شوية أمل + شوية قبول = سعادة بالتوفيق للجميع في ايجاد معادلته لتحقيق سعادته في الحياة بدأت أفكر جدياً بتأليف رواية و اسميها ( التعساء ) و أرجو أن تلاقي نجاح مشابه لرواية ( البؤساء ) |
والله ياختي الناس ما ترحم ااذ ما تزوجتي ليش ما اعرستي للان واذا اعرست الوحده ولا حملت ليش وليش يعني الحين انا واخواتي موظفات وخلاص وصلنا للــ30ـ وشوفي نظرات ليش موظفات ولا اعرستن وووالخ وإذا اعرست وحده نظرات الشفقه (عقباااالك ) النصيب ربي ما كتب والخيره ما قدره الله الحمد لله مرتاحه مو قاصرني شئ والزواج مو نهايه الدنيا اسال الله ذو العرش الكريم ان يرزقني واخواتي المسلمات الأزواج الصالحين الطيبين |
اقتباس:
|
يا اختي الناس همها تتكلم وبس البنت اذا تخرجت يسألوا ليه ما اخطبت و اذا انخطبت متى راح تتزوجين و اذا تزوجت ليه ما حملتي واذا حملتي متى تولدين , يعني ناس فاضية ما عندها غير تتكلم في الناس. الله يرزقك الزوج الصالح.
|
والله يااخوات يمكن خيره لكم
يمكن الله يرزقكم زوج يرويكم نجوم الظهر ولا تدروون وين الحكمه في التااخير ولا تفكروا ان الحيااه فقط زواج الله خلقنا لكي نعبده ونؤمن بالقدر ولا نجزع منه لاكن حافظوا على انفسكم واتركوا الاغااني والفتن ولا تلهوا انفسكم بالشااات او غيره لا تجعلوا الشيطاان يوسوس بقلووبكم بالعكس ابتسموا فانتم العفيفاات الطااهرات حافظوا على صلاواتكم باكمل وجه وصلوا صلاااة النوافل وصلاة الليل واكثروا من الصيااام وقطاار يعديك افضل من انه يجي ويدهسك الله يحفظكم ياارب من كل شر ويستر عليكم بالدنيا والاخره |
:11:خلووو النسوااان مايحاااربون التعدد ويحثوون على التعدد شوف اذا فيه بنت باااقي بالبيت ولا لا:11:
|
شوفي حبيبتي بلسم الروح حتى لو تزوجتي كلام الناس راح يستمر والله لايقوله حتى اذا ربي اخذ ارواحنا ماراح نسلم من كلام هالناس وبالنسبه لاهلك (امك وابوك وخواتك) حتى لو قالولك اي كلمه اعرفي انهم مايقصدون فيها شئ وانهم يفكرون في الاول والاخير بسعادتك وانه مو مثل ماتقولين يحسسونك انك ناقصه لا هذا الشيطان بس مثل ماقلتلك والله انه ياكثرهم اللي متزوجين لكن مو مرتاحين بحياتهم اما بالنسبه للناس اللي حواليك اقاربك جيرانك حتى لو سالو عادي جاوبيهم بحسن نيه ولاتفكرين وش قصدهم باسئلتهم والمهم انك واثقه من نفسك والاهم انك حريصه على دينك ورضا ربك ... موفقين ان شاءالله
|
وبالنسبه لموضوع التعدد انا اشوف انه ياكثرهم الشباب اللي ماتزوجو وقفت يعني على المتزوجين هم اللي راح يخلصون العالم من البنات اللي يتمنون الزواج لا طبعا وحتى البنات يتمنون رجال يمتلكونهم ومااحد يشاركهم فيهم << وجهة نظر لااقل ولا اكثر
|
| الساعة الآن 10:37 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©