|
أكتشفت زوجي يكلم فتاه
السلام عليكم ورحمة الله وبركاته ،،،،
اعزائي الاعضا حبيت اطرح مشكلتي هنا واعرضها هنا علي اجد ردا شافيا ودعوات من اخواني المسلمين انا متزوجه من سبع سنوات احب زوجي الحمدلله وهو يجبني بجنون ويسعى لارضائي وتلبية رغباتي عندي طفلين -قبل كم سنه اكتشفت انو زوجي يدخل منتديات ويتميلح ع قولتنا بالعاميه مع البنات زعلت وصرحت له انو هذا الشي يضايقني ووعدني انه ماراح يعيدها مرت الايام والشهور ولقيته ضايف وحده عنده بالمسن انقهرت وصارحته وقال خلاص بمسحها ولاتزعلين بالرغم انو هذا الشي اثر بنفسيتي -مع العلم انو زوجي شديد الغيره علي ومانعني من المنتديات المختلطه والشات -استغرب تناقضه العجيب!! المشكله اني قبل اسبوع دخلت عليه ولقيته يكلم وحده انهررررت ليش والله كنت اثق فيه وماتوقعت توصل فيه لهالحد -بكيت بكيت انجرررحت يااخواني هو بلسانه قالي انتي والله مو مقصره معاي بشي بس تسليه ولعب -قلت طيب دامه تسليه ولعب حتى انا بروح اتسلى والعب زيك -لي كم اسبوع متغير شعوري تجاه زوجي احس بنفور غصب عني وهو يقول احس انك ماتحبيني وتدلليني زي قبل -اااااه بس وربي مجروحه لو اني مقصره اقول ماالومه يدور النقص بس ماليه كل وقته !!!!ادعو لنا يااخواني دعوة المسلم لاخيه مستجابه -بانتظار ردود بلسميه تغطي جرحي النازف |
الاخت تهانى والله حاجة مؤلمة فعلاً ممكن التسلية واللعب يتحول الى جد واذا هو يلعب ويتسلى كيف يضمن انها بتلعب وتتسلى ؟؟؟؟ ممكن تكون جادة وتجتهد فى انها تنال اعجابه دايماً الرجل انانى يبيح لنفسه كل شى ويحرم على المراة كل شى حاولى اعرضى عليه تشاركيه التسلية وويكون اتصاله وكتاباته بعد اطلاعك عليها وفى وجودك ياريت يفهم كل زوج ان الزوجة تستحق الاخلاص والوفاء بنفس اخلاصها له اختى تهانى ما تحاول تبعدى عنه ولا تغيرى معاملتك له ولا تقللى اهتمامك به لانه سيجد البديل ويبحث عن الاهتمام مع من يتسلى معهم اظهرى غيرتك وزعلك بدون تقصير اصبرى وادعو الله ان يهديه ويشغله عن هذا التصرف وانشاءالله اخواتى يخففن عنك بالمشاركة والنصيحة والدعاء |
حاولي توقفين وقفة جادة معاه
بدون صراخ ولا زعل بس بيني له ان لا أخلاقه ولا تربيته تسمح له ان يدخل هالمواقع الهابطة وامدحيه واذكري الاشياء الإيجابية واللي تحببج فيه وان لما يترك هالاشياء مو عشانج لا وانما عشانه هو وان رجل محترم مثله ما ينزل نفسه لهالاشياء وسوي واجباتج بس ترفعي وتغلي عليه شوي وربي يوفقج |
شاكره مروركم اخواتي -باانتظار ردود شافيه اخرى
|
اختي اللي تقولين ش يضمن لك انها ماتتسلى اقولك هي متزوجه وعندها اطفال حسبي الله عليها
|
لازم توقفي وقفه حازمه معه
وبلغيه ان كررها راح تتركي البيت وتبلغي ابوكي او اخوكي واهله بعد يمكن يرتدع |
الله يفرج همك حبيبتي ويهدي زووووجك ويجعلك قرة عينه.. قولي اللهم اني استودعتك قلب زوجي وروحه وسمعه وبصره وفرجه .... يامن لا تضييع ودائعه.. شوفي .. أهم شي إنك صارحتيه بالموضوع .. وعبرتي عن كل أحاسيسك تجاه الموقف الي صار.. وخرجتي الي في قلبك.. إذا لا سمح الله اتكرر أو انفتح الموضوع.. أتكلمي بجدية وبأدب قوليله طفح الكيل وكل شي له حدود.. أنا ما أسمحلك تعمل معايا كدا وإذا انت عادي عندك أعطيني خبر عشان أنا كمان آخد راحتي.. و ممكن تخوفيه بأنك حتقولي لأهلك.. |
اسأل الله له الصلاح.. والبعد عن مواطن الشبه.. الله يحفظه لك ويبلغك فيه..
استودعي الله قلبه.. وربي يرجعه لك ويرده لك رد جميل.. |
طيب هو قال يتسلى انتي صدقتيه !
يعني وش دراك ان بس يكلمها !! اختي انا من رايي تاخذين معاه مووووقف جاااد ولاتسمحين له يعيد ذي شي وهدديه ولا تخافين قولي له انا ماراح اقعد لك دقيقه وحده وانت قاعد تخوني روح تسلى وخل تسليه تنفعك يمكن يخاف ويحس |
الله يعينك يا اختي هذي ليست مشكلتك فقط هذي مشكلة الكثير من المتزوجات
لو كنتي انتي عضو "ذكر " واشتكيتي من خيانة زوجتك لرأيتي التعاطف معكي من معظم اعضاء المنتدي ولنصحوك بالطلاق والفراق ولرأيتي ردود تشتم في النساء وخيانتهن الله يخلف على النساء |
قبل أناقش القضية من وجهة نظري إنتبهي تجعلين أهلك أو أهله يعرفون بالسالفة
راح تهدمي الثقة والأسرار , وراح يتغير عليك زوجك تغير سلبي كبير .. الحل الأمثل للزوجة إذا أرادت أن تجعل الزوج يعلم أنها زعلانة ويتأثر ويحاول إرضائها هو ليس بالمواجهة الكلامية القوية وليس بإخبار أطراف أخرى غيركم الحل الأمثل من وجهة نظري هو أن تؤدين كامل واجباته وحقوقة الشرعية كـ تجهيز الملابس له والقهوة والوجبات يعني ماتقصرين عليه بحقوقه , ولكن كل هالخدمات قدميها بدون أبتسامة وبملامح حزينة فالرجل يتأثر عندما يرى زوجته على الرغم أنها متضايقة منه , إلا أنها لم تقصر بحقه فـ من الطبيعي سـ يسألك زوجك ( فلانة شنو فيك ؟ كأنك متضايقة ؟ ) حاولي ماتجاوبينه من أول سؤال , كأن تقولي ( مافيني شيء ) , حتى يصر عليك ثم توااااااجهينه بإسلوب هادئ وحزين , وتذكر المقولة التي تقول : سلاح المرأة في دموعها ! وقولي له : أن مطاردة البنات في الإنترنت هو إسلوب المراهقين العازبين , وأنا أرقى بك من ممارسة هذه التصرفات وأنا مسامحتك على اللي راح , لكن ما أبيك تكرر هالتصرفات , وحاولي تحسسينه إن الغيرة تشتغل في داخلك وأن الغيرة هي بسبب حبي لك لعل الله أن يرده للصواب .. أرق تحية |
شكرا اخوتي ع مروركم بس والله هالمره غير عن كل المرات حسيت بجررررح غميق رغم انو له طيش سابق بس ماتوقعته يكلم من وراي وانا جنبه بنفس البيت مااتوقع فيه اوقح من كذا لكن مااقول الا حسبي الله ونعم الوكيل فيه وفيها
|
الله يلعن النت واللي اخترعه
|
أختي تهاني هونيها , وتهون وأنا أخوك !
شوفي موضوع الأخت ملاك نونا وبترضين على زوجك صدقيني وترى كل شبابنا كذا تقريباً إلا من رحم ربي وطالما إن علاقته معها فقط بالنت مو بالجوال فالأمر يهون , ويمكن هو مو يحبها ولا شيء , لكن من باب تضييع الوقت بالسوالف أو أن البنت طريفة شوي وبيضحك فقط |
اخوي عزوبي ناضج علاقتهم في التليفون يقول انها خوية صديقه اللهم عافنا
|
اقتباس:
والله يهدي زوجك لساته عايش في أجواء المراهقة وإذا تقدري تأخذي إيميل تلك المتزوجة وتنصحيها وتحذريها من الإقتراب لزوجك بيكون أفضل :: |
ياليت علاقتهم ايميل لا مكالماااات واشك انها مكالمات تانقو اذا تعرفون هالبرنامج موجود بالايفون شكله يكلمها صوتي وفيديو ولهم محادثات ع الايفون كتابي بعد مررره مقهوووره حب حب حب تضحيه وفاااء بالمقابل تلقى خيانه ليييييش!!!!
|
أختك أنصحك تذكريه بالله
المسألة مو شخصية قصر بحقك وتزعلي عليه.. المسألة شرعية والإنسان لازم يوقف عند حدود الله قال رسول الله صلى الله عليه وسلم: "إن الله كتب على ابن ءادم حظه من الزنا أدرك ذلك لا محالة فالعين تزني وزناها النظر واليد تزني وزناها اللمس والرجل تزني وزناها الخطى واللسان يزني وزناها المنطق والفم يزني وزناه القبل والنفس تمنى وتشتهي والفرج يصدق ذلك أو يكذبه". اقرئي عليه الحديث وذكريه بالله. |
كسري الجوال فوق راسه واشتريله جوال نوكيا ابوووو لوكس انفعله ................الله يهديه ....احنااا ومو متزوجين وما نعمل عماله ...........ورعععععععععععععععععععععع
|
اقتباس:
إذن وقفيه عند حده وخليك صارمة معه هذه قلة أدب وقلة دين * * |
اقتباس:
الاخت صاحبة المشكلة للاسف ما اقدر غير ادعي لزوجك و زوجي بالهداية كونهم من نفس النوع. الله يفرج همي و همك, |
اقتباس:
|
اقتباس:
بس انا بظروف الوحده و الغربه اللي عايشهااا :21:.....مجبووور عليه والله لو الماما تعرف اني مشترك نت لتزعل مني:o |
هو صحيح النت هو احد الأسباااااااااااب
ولكن من هو الذي يستخدمه ويحركه ماهو الأنسان .....؟!!! طيب اجل ليه الواحد ماعنده عقل يفكر ويستخدم في مسار الصحيح .....!! اذن النت ليست هي السبب بعينه ولكن الشخص امامه الخير والشر فليختار احدهما .......؟!!! فالعيب فينا وليس بالجهاز مهما الواحد اخطا عليه ان يتوب توبة صادقه ويسير الطريق المستقيم ويقول دايم في سجوده اللهم استعملنا في طاعتك و اللهم يامقلب القلوب ثبت قلبي على طاعتك واللللللللللللللللللللخ ............................... اختي الحبيبه خذي نصيحة من اخواتك واخوان وفقهم الله وادعي دايم قبل اذان الفجر خلال ساعتين ان الله يصرفه عنها ويصرفها عنه ويحفظه من الحرام والللللللللللللخ وفقك الله لكل خير |
ههههههههه | يا للعجب ويا للغباء ! يقول خوية صديقه ! طيب شنو تبي فيها , شنو اللي حاشرك بينهم , خلهم بحريقه .. أختي تهاني فيه حل , بس مو حل جذري هو إنك تاخذين رقم (العفنة) اللي يكلمها وتتصلين عليها من رقم ما يعرفه زوجك وتغسلينها غسل بالكلام , وتهددينها إذا ماتركتي الناس اللي تكلمينه وخليتيهم لأهلك راح أدعي عليك بالتعاسة في الدنيا والآخرة والعقم والأمراااض وووو إلخ طبعاً بتخاف , لأن كل الناس يخافون من الدعاء عليهم إذا سويتي هالشيء إنتبهي لـ نقطتين : 1. لاتذكرين لها إسم زوجك بتاتاً , لأن أكيد تعرف غيره , فخلي كلامك مبهم عشان تخاف وتشك بكل اللي تكلمهم .. 2. كلميها من غير رقمك , لأن اللي مثلها مايخاف الله فيمكن يوزع رقمك على زبائنها , أو تعلم زوج بالرقم .. أنا قلت الحل مو جذري , لأن بهالطريقة هي ممكن وإحتمال كبير راح ترتدع لكن شنو يظمن لك إن زوجك ما راح يتواصل مع غيرها , أنا عن نفسي أنصحك بالحل اللي بمشاركتي الأولى , جربي وخبرينا والله يوفقك |
جزاكم الله خير جميعا ع وقفتكم معاي والله يوفقكم وين ماتودو وجيهكم يااارب
|
نصيحتي العملية لكي هي ان تدخلي المنتدى الذي يشارك فيه زوجك او خليه يضيفك في المسن,واشبعي فضوله
|
اقتباس:
|
الله يفرج همك ويهدي زوجك قوليله انت ترضى احد يكلمني يكلم اختك امك بنتك هذي اعراض الناس مولعبه
|
حبي
اسمعي اقسم بالله اني صآآدقهــ آنا خطيبي كآآن معي زي العسل ولآ شفت عندهــ بنآآت في الآيميل وبعدهآآ سآآفر البحرين.. وجآآء وشفته ضآآيف له وآآحدهــ وطآآيح معهآآ ميآآنه يآآسلآلآم .. وآشوي طآآح معهآآ يوم سئلته قآآل والله العب .. قلت لهآآ تعآآل العب علي مو على بنآآت النآآس.. وبعدهآآ تغير انتظرهــ يكلمني على المسن مآآيكلمني .. وتغير علي والحين لآ يعرفني ,ولآ يكلمني 8شهور بدخل 9شهور والحين آنا طآآلبهــ الطلآق منهــ..مآآعآآد ينفع |
على فكرهــ آنا لعبت عليهآآ سويت روحي رجآآل وضفتهآآ
وآخذت رقمهآآ وهوشتهآآوجلست ادعي عليهآآ .. تخيلوآ دق علي يهآآوشني !!علشآآآآآآآآآآنهآ..مآآلت عليهــ وآنآ سبيته وهوشتهـ عسى ربي يسلط عليهآآ وآآحد مآآيخآآف ربه فيهآآ ويشوه سمعتهآآآ ويفضحهآآ عند آهلهآآآآآآآآآآآآآآآآ مثل مآآخربت حيآآتي . |
قهرتني الدنيا -الله يصبرك وصدقيني اللي حصل لكم يمكن خيره ربي بيكشفه لك ع حقيقته وهي وين تروح من عقاب ربي -ربي مطلع ع شؤون عباده من سابع سما -الله يعوضك خير وهم حسيبهم الله بيشوفونها بدنياهم قبل اخراهم -وكان قلتي له اللي بعتني عشانها كل يوم مع واحد وانا ماعرفت غيرك بس الطيور ع اشكالها تقع مايناسب سعيد الا سعيده وانتي لك رب ماينسى عبيده
|
الله يصبرك اختي ويكون معاك ويبعد عنك بنات سوء
|
الله يسلمك ويعافيك أشوف أنا أن تحلفيه يمين مايعودها ثانيه وخليه يخاف الله وأرشديه وصصححي ذهنه هو مليون غلطان لايتسلى في شرف أي أحد وآآآسف ع الإطاله
|
الاخت تهانى الحل الجذرى ميكون ذى السحر تاخديه وتتحل المشكلة الحل هو اسلوب لازم تتبعيه وتصبرى عليه فترة وتنتظرى النتيجة يعنى ما تتوقعى يصلك حل يقول ليك اعملى كذا زوجك يبطل عمايله مستحيل ابداً لن تجدى حل ساحر وسريع اعتقد الحل يا اخت تهانى فى تعليق الاخ عزوبى ناضج هو افضل الحلول التى اراها بالاضافة انه حل رجل يفهم جنسه اكثر مننا نحن النساء اظهرى زعلك لزوجك فى ملامحك فى اختصارك فى الحديث معه فى اداء واجبك كامل فى صمت لمجرد اداء الواجب يا حبذا لو نزلت دموع امامه حتى يسالك عن سبب تغيرك وعن دموعك حتى يشعر بحجم رد فعل تصرفه عليك ويستحى على نفسه لانك اذا حاولتى تضغطى عليه وتهدديه ممكن يواصل فى عمايله دون ما تشعرى يعنى ما يوقف بس من وراك يخبى عنك ولازم تتبعى اسلوب الزعل فترة كافية اصبرى وطولى بالك لاطول فترة ونسال الله ان يهديه واذا بعد الفترة ما توقف - اتصلى على تلك المراة المتزوجة وماتذكرى اسم زوجك فقط قولى لها انها اذا ما توقفت عن عمايلها ستخبرى زوجها واهله وتنشرى موضوعها فى النت وتبقى فضيحة لها وربنا يوفقك واكثرى من الدعاء له بالهداية |
بخيته ون الله يكملك بعقلك ان شا الله اسوي اللي قلتو عليه بس قبل كم سنه لما اكتشفته بالمسن يسولف مع بنات واجهته واعتذر واظهرت زعلي لفتره وارسل لي رسايل اعتذار ومع الوقت بدينا صفحه جديده ونسيت عمايله تفاجات قبل فتره انه من وراي مازال وبعد متمادي وصاير تليفونات
|
لا والحين اشك انه مازال معاها رغم كل شي هو حلف انه مسحها بس انه كذاب بطبعه وحتى لو يحلف مااصدقه والله اهم شي الثقه بالعلاقه اذا راحا راح معها اشيا ثانيه مهمه
|
لما تظهرى زعلك وتصبرى على هذا الحال حتى يسالك ذكريه بانه سبق ووعدك وما التزم قولى ليه ايه الضمان انك ما ترجع تانى ؟؟؟ وقولى له انك لولا تحبيه وواثقة فى اخلاقه ما كان تدى فرصة تانية عشان يشدد تاكيده ويقوى اعتذاره وانشاءالله تكون المرة الاخيرة |
استغفر الله
|
اهم شئ ما تخبرى اهلك ولا تخبرى اهله اكثرى من الدعاء والاستغفار اصبرى نسال الله ان يهديه طمنينا عليك |
| الساعة الآن 03:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©