|
كيف نكسب أم الزوج المتسلطة ؟
سلام عليكم شخباركم موضوعي اكيد يعاني منها الكثير الي اهو ام الزوج وتحديدا المتحكمه و المتسلطه والي عاني كثير من نساء الي تزوجو منهم ياريت نفيد بعض ونعرف شنو اهي الامور الي تخلينا نكسبها او ع الاقل تجنبها بسلوب مقبول ياريت تشاركونا رايي وتعطونا الحلول |
|
أم الزوج يأ أيها الزوجة إني أحببتيها وأحبتك فأنتي الرابحة الأكبرى
فستكون لك صمام أمان , وتقف بصفك وتطالب زوجك بأن لايقصر عليك بأي شيء وتكون هي أمك الثانية , وبمحبتها يرضى عليك الزوج ويكون مرتاح البال مبسوطاً وتزداد محبتك لديه فهو لا يريد فتاة تغضب والدته , طبعاً المعركة مع أم الزوج معركة تعلنين خسارتك فيها منذ البداية .. بإختصار : أم الزوج حلقة مهمة لكِ أيتها الزوجة , ولتنعمي كوني لها أروع من بناتها , لتكن لكِ أروع من إمك |
فيه ام زوج تستحق الاحترام والتقدير
وفيه ام زوج الله يستر عليها وعلينا |
من المهم أن تتعامل الزوجة مع أم زوجها بالاحترام
يجب أن تضعي هذه الفكرة في دماغك دائما (هذه المرأة هي التي بذلت جهدها ووقتها من أجل زوجي فأقل ما يتوجب علي هو تقديرها لذلك، ثم عليك أيتها الزوجة أن لا تنسي أن هذه المرأة هي جدة أطفالك فلا بد أن تربي أبنائك على احترامها ولن يكون ذلك ممكنا اذا لم تكوني أنت تحترمينها ففاقد الشيء لا يعطيه وكما تحبين والدتك وترغبين في رضاها وتعلمين أطفالك على تقديرها واحترامها فإن زوجك يرغب أيضا بتعليم أطفالكما على البر بوالدته و احترامها أنا مؤمنة ومن تجربة أن كل زوجة تقدر أم زوجها وتحترمها بنية صادقة ولوجه الله وابتغاء رضاه فانها ستوفق في حياتها وتحضى برضى أم زوجها ودعواتها بالخير لها ولزوجها. |
مره انتم عايشين بعالم المثاليه وكنت مثلكم قبل تزوج دخلت عليهم وانا طفله بريئه بكل ماتعنيه الكلمه لقيت واحده تحاسبني على اشياء مايعلم فيها الا الله غير تحريض الابن غير الاسلوب المستفز والتدخلات لاتشتري لها وانا اسمعها لا تروحون ولاتاخذون من المطاعم لاتروح لاهلها وياما احرجتني قدام الناس بعد شهر العسل اجبرونا نروح لهم مع اننا ماعندنا غرفه ببيتهم وحطتني بغرفه عند غرفه لو همست فيها اليوم الثاني جاتني قالت وش فيك تقولين امس وتقولين لو دخلت مع زوجي الغرفه قالت وش تسووون لو جلست بالغرفه وحدي دخلت علي من غير ما تسأذن اااااااااااا ذكرتوني قدايش عانيت ومازلت اعانني بس عرفت طريقه ريحتني شوي الصمت ثم الصمت ثم الصمت وصرت مااجلس عندها كثير احاول اقلل فترة وجودي معاها عشان الشد مايصير والصدق اذا حسيت اني مضلومه بسالفه اخترعها من راسها صرت اواجهها واحلفها وادافع عن نفسي اوقات كثر ماحبيت زوجي كرهته بسببها لاتقولون مااحاولت اكسبها مابقي هديه ماشتريتها لها ومابقي شي ماسويت والمشكله قلبي طيب احزن عليها اوقات وارجع اتعامل باصلي ولكنها ما تطول وتلدغني فرجع اتعامل معاها برسميه ومارح اكون احن من اولادها عليها وهم يعاملوها باسلوب الحذر منها
|
والله يالدمعه كلامك صحيح
انا كنت احب ام زوجي واسولف معها كانها امي وهي والله طيبه بس تسمع لكلام بناتها ومره جابت بنتها كذبه كبيره واتهمتني فيها ولما سالتها قالت امي مو انا وحشمة لزوجي ولها ماسالتها والله الحين ماتدخل عليه بسبب اخوات زوجي فيهم كذب غير طبيعي عليه وعلى غيري , ومره دقيت عليها قلت لها ليه ياعمه ماتزورني مثل اول تصرفني تقول انا مشغوله واذا عزمتها امي ماتجي بعدها طنشتهاااااااااا انا ببتي وهي ببتها ومتاكده ان ربي راح ينصرني لاني مظلومه |
اقتباس:
الدعاء يلين الحديد ويسوي معجزات .. ^_ |
" تهادوا تحابوا "
|
ام زوجي زي امي احترمها واتغاضى عن تصرفاتها تماما زي ما اتغاضى عن امي
حتى لو كانت مسيطرة ومتسلطة اصبر واحاول اكسبها بسياسة واصرفها عني بطريقة لبقه بس اذا وصلت تصرفاتها لظلمي وحرماني من حقوقي كزوجة اوقف ضدها بكل ثقة وامنعها بشرع الله الله أمرنا بالعدل لا ضرر ولا ضرار وكل شي يجي بالحكمة بدون ما اغلط عليها أو اثير غيرتها |
تسلمووون ع ردود وتفاعل
|
اقتباس:
ا حياك الله اخي الكريم اعتقد الحل معها في شعره معاويه قال معاويه رضي الله عنه ( لو ان بيني وبين الناس شعره لم تنقطع ان شدو ارخيت وان ارخو شددت ) معناه ان الرباط الزوجي مع المرأه المتسلطه (كالشعره ) يجب الحفاظ عليه (بالتحمل ) وحسن جذبه وارخائه فتكون حازما معها في بعض الامور واذا رأيت انك خاسر ان شددت فارخ قليلا المهم ان لاتغفل وتلقي الكره في ملعبها فتتعود ان (تكون الكل بالكل ) ومن الحلول الحزم الشديد في بعض القضايا لان مثل هذه الزوجات لاتحترم الا ( القوي ) صاحب الكلمه النافذه مثل تشدد في الطعام ونوع لباسها (مع موافقه الشريعه ) وفي شعرها المقصد ان تجعل عليها (دائره ) حمراء من المحضورات التي تجعل لاسمك عندها مكان قد تقول لي لماذ تشدد ؟ اقول (في بعض الامور ) لان مثل هذه الزوجه لاتحترم الا (الحازم ) صاحب الشخصيه القويه الذي له في حياتها لون وطعم ورائحه اما الزوج ( المائع ) الذي شعاره (على راحتكم ) فلن يعيش معها وسوف تركبه في النهايه ويكون ( حصان طرواده ) ويصدق عليه قول الشاعر ( ويقضي الامر حين تغيب تيم - ولا يستشهدون وهم حضورو ) ولك خالص الود |
اقتباس:
اسف اختي الكريمه كنت اعتقد الموضوع عن (الزوجه المتسلطه ) واذا هو ( الحماه المتسلطه ) لكن ما يمنع ننشره للفائده |
اقتباس:
لاعادي اخوي نورت :22: |
مع المعامله الحسنه والكلمة الطيبة كل شي يتغير
بس القصة يبغالها صبر وصدقيني لو الوحده تعتبر ام زوجها مثل امها كان بصير الموضوع سهل لان مااتوقع لو وحده منا زعلت منها امها مارح تسئل عنها واطنش كل شي بيتغير مع الوقت والمعاملة الحسنه |
تعاملي معاها بطريقة دبلوماسية
بما انها متسلطة يعني تحب تفرض رأيها وتحب الكلمة الاولى والاخيره لها اعطيها بطريقه ذكيه هذه الامنية شاوريها في اي شي لاتقولي تتدخل في حياتي انت وذكائك شوفي اي شي مو مهم كثير عندك وحاولي تفخمي الموضوع بعينها وتطلبين رايها وتناقشينها وكانك عاجزا تماما عن التفكير بعد ماتعطيك اللي عندها اشكريها اشد الشكر وقبلي راسها بعد كذا يوم كلميها او روحي عندها وبلغيها انه نصيحتها اثمرت وانك ماتستغني عنها وعن رجاحه عقلها وهكذا دواليك كل فتره طبي عليها بمشروع وخليها تلت وتعجن فيه وانت اشكري وقبلي الراس واليدين بنت عمي عندها نفس هذي النوعيه من الامهات والله بعد النصيحة هذي تقول صارت تقولي قدام زوجي زوجتك اغلى حريم عيالي والله صارت اغلى من بناتي والسالفه كلها دبلوماسيه بشوي رشاقة تفكير يا حلوة على فكرة حتى الزوج لا تكشفين اوراقك قدامه |
اقتباس:
: أحلى نصيحة وأحلى مخ فديت قلبك أعجبتني نصيحتك وضحكتني وتخيلت حماة بنت عمك وهي تلت وتعجن بنصح فيها كل وحدة حماتها متسلطة :: |
اقتباس:
مع هذا الرد اكسبيها أختي ولا تصادمينها برأيك وردودك |
اختي انا مع راي اختي بسمة الاشراق
وانا اتبع طريقه حلوه تغافلي اذا سوا شي يستفزك سوي انك ماتشوفي ولاتركزي كثير في حركاتهم طنشي وادعي ان ربي يحنن قلبها عليك |
وين عاايشين فيه؟؟
وش هالمثااليه انا رايي من واقع تجربتي ان اهل الزوووج لازم يكون الواحد حذر معهم ورسمي جداا لحد ماتتضح الامور اذا هم عسل اتقرب منهم واذا شر ونكد ابعد عنهم اجل كيف اكسبهااا؟؟ تزوجت من شخص متزوج وبين امه وزوجته الاولى حرب عاالميه واتهامات شنيعه سكني جنب امه وتعلقت فيهااا مره لانها عجووووز كبيره اخر شي ناادتني هي وبناتها قالو انتي صغيره وحرام تعيشين مع ولدنا هالعيشه نبي ندلعك وندللك بس سااعديني تتوقعو ايش طلبهم؟ طلبو ملابسه الداخليه ومناديل بعد المعاشره بيني وبينه وملابس لي عشاان يخلونه مايشوف عيبي ويترك زوجته الاولى وعياله ويدلعني ويغض الطرف عن بلاوي خواااته هذي نوع من انواع ام الزوج اللي عسى الموت ياااخذهاا تدعي علي وعلى اللي ببطني عشان ماساعدتها تسحر ولدها وبناتها شر وحقد وحسد جربت الطيب معهم اهديت لها وحذفت اغراضي بوجهي وقبل فتره دقو علي يهددوني انهم بيحطون لي شي يخليني لا حيه ولاميته!!! والله وربي اللي خلقني كنت اتوقع مافيه بشر كذاااا بس انصدمت بااهل زووجي فيهم قطاااعه تخيلو ابوهم فيه سرطاان وطاايح بين الحياه والموت وبناته خمس ماازاره الا ثنتين من سنتين زاروه مرتين وكلها مااجت خمس دقااايق بلا ام زووج بلا نكد لاتصيرون طيبين وتروحون فيها بغيت اطلع معاااهم لسااحر سووري في شقه كانو لاعبين علي انهم بيروحون لحفله بس قلت مااروح لحد مااقول لزوجي ورفضو اني اعلمه ورفضت الروحه ولما طلعو علمتني الشغااله انهم بيحاولون يورطوني بااي مصيبه وكله من اوامر امهم العجوز اللي رحمتها وحبيتها حسبي الله عليهم وعلى زوجي اللي مااحذرني منهم |
[/COLOR][/SIZE]
اقتباس:
الله يعينك ياالله عليهم يتعاملون وينتقمون بالسحر والله خطرين االله يكفيك شرهم |
اقتباس:
أسمحي لي هذه تجربة سيئة مررتي بها لكن لاتعمميها على كل الحموات وأنا مستغربة من كلمة (مثالية) التي أصبح يوصم بها أي خُلق كريم في مجتمعنا أليس دينا دين المثالية والخُلق القويم..؟!! أم الزوج في النهاية حرمة كبيرة أقل شيء أسويه معها أحترم سنها وكبرها وأترفع عن الرد عليها أو أذيتها حتى لو تبي تأذيني لاقدر الله لازم ما أرد الإساءة بإساءة ياناس هي بالأخير أم للرجال إلي مشاركته حياته وجدة أولادك كيف تكوني رسمية معها ..؟!! يا أخواتي وربي الحريم الكبار سهل كسب مودتهم بس لازم شوية تنازل وتكبير عقل وصبر وتحمل المشكلة الوحدة تدخل بيت الناس وهي حاطه ببالها سيناريو مسبق عن المعاملة إلي راح تعاملهم فيها وأنهم أعداء وأن أم الزووج شريرة ويجب الحذر منها هذا تفكير غلط وللاسف ثقافة شائعة في كثير من البيوت وكونك تعاملين حماتك بما يرضي الله فهذا لانقول عنه مثالية بل طلب لرضى الله :: وإلي أبتليت بأم زوج متسلطة عامليها بإلي يرضي ربي وتجاهلي كل تصرفاتها السيئة :: وأنتِ يا أختي وحدانية الله يكون بعونك وضعك يخووف بس حاولي تقدمي لهم النصيحة وما أدري أيش دور زوجك معهم هل نصحهم وخوفهم من عقوبة السحر والعياذ بالله :: |
مافيه امل تكسبينها
|
| الساعة الآن 12:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©