|
يارب تشافي اميمتي
بسم الله الرحمن الرحيم الحمد لله المتفضِّل بالنِّعم ، وكاشف الضرَّاء والنِّقم والصلاة والسلام على النبي الأمين ، وآله وأصحابه أنصار الدين السلام عليكم ورحمة الله وبركاتة { اللهم لك الحمد والشكر كما ينبغي لجلال وجهك وعظيم سلطانك} سبق وكتبت عن ذهاب والدتي إلى الدكتور طارق الحبيب وانه عطانا علاج تفائلت كثير بالله سبحانه وتعالى اولآ ثم بعلاج الدكتور طارق رغم اني قلت للدكتور أن هذا النوع من العلاج سبق وأن استخدمته والدتي قال المره يختلف الوضع وأردفت معاه علاج أخر وهذا بيكون علاج والدتك , أستعنا بالله وبدأنا في أستخدامه وبنفس الوصف اللي قاله الدكتور صباح و مساء يعني زي الساعه , أول أسبوع صارت الوالده متنرفزه كثير ثاني أسبوع صارت تبول على نفسها بس لمن تكون نايمه وثالث أسبوع صارت تتبول على نفسها حتى وهي صاحيه والأسبوع الرابع صارت تسوي أشد من البول >> مابي اوضح أكثر اعتقد فهمتوها , غير القلق الشدييييد جداً جداً جداً .. كان موعدنا مع الدكتور بعد شهر ونص ولمن جاء الموعد مع الدكتور طارق الحبيب سافر خارج المملكه بعد المشاكل اللي صارت انا اطلعت على مشكلته والردود اللي كانت من المشايخ ضده والله خفت على موعدنا يتلغي او يتأخر في جيته للمحافظه عنيزه ,, مادري وش أقول بس فيني غبنه منه مرررره قهرني انت طبيب نفسي خلك بمرضاك وشوله تدخل نفسكـ بأمور انت مالك خص فيها .. اليوم رحنا للنفس العياده اللي هو يجلس فيها لكن قابلنا دكتور اردني وغير العلاج وان شاءالله يكون مناسب , انا مادري وش اسوي نفسيتي مررره زفت زواجي بشهر عشره وخليته رجال بس عشان اميمتي حتى ودي اجهز شقتي مالي نفس افكر وانسق . الله يعين تكفون أدعوا لميمتي بالشفاء العاجل و ادعوا لأبوي ان الله يرحمه ويغفرله |
اللهم أرزق والدتك الشفاء العاجل و الصحة التامة والبسها تاج العافيه
يا أخى اكثروا من الصدقة و لو بالقليل من مال والدتك أو من مالك فالصدقة فيها خير كثير حفظ الله والدتك من كل شر..ويسر الله كل أمورك |
الله يشفيها يارب عاجلا غير آجل بس ماقلت لنا شنو مشكلتها |
اولا الله يشفي والدتك عاجلا يارب
* الله يوفقك في زواجك اكثر من الاستغفار ربك يحلها |
اقتباس:
|
عليكم السلام والرحمه..
الله يرفع عن والدتك ويمدها بالصحه والعاافيه..ويرحم والدك ويسكنه فسيح الجناان.. هونها وتهووون ,,,و ما ضااقت الا على الله سبحاانه فرجها يا اخووي, جهز شقتك وامور زواجك ووكل امرك لرب كريم, ضيقتك وهمك وحزنك ما تزيدك الا هم على هم..ولآ بيدك شي عشان تقدر تغير مسار القدر الا بالدعااااء.. الله ييسر لك ويفتحها عليك .. والله يبارك لك بزواجك ويرزقك السعاده.. |
اقتباس:
أمي مشكلتها نفسيه بعد وفاة أبوي الله يرحمه ويغفرله قبل سنه ونص بعد معاناة من مرض السرطان وبعد بوفاته مابكت ,, بداية الأمر ضيقه بالصدر وقل نوم وقل اكل و حركات كثيره وغير أراديه وديناها لدكتور عبدالمجيد اليحيى تدهورت حالتها كثييييير وبالاخير قال المعذرة حالة امك صعبه والحين نراجع عند الدكتور طارق الحبيب وماقابلناه إلا مرره وحده وصارت مشكلته مع الأعلام وغيره |
اقتباس:
ايه والله محتاج للدعاء بالذات في زواجي ودي أنصف همومي لنصفي الثاني |
اقتباس:
والله كنت ناوي أسوي أشياء كثيره بشقتي بس والله مالي نفس وصار همي بس ودي اخلصها حتى اني مالي خلق اروح ادور على غرفة نوم و أفصل مجلس وغيره بس كله مالي خلق.. حتى زواجي بيكون رجال بس يعني مافيه حريم وكان ودي أميمتي تفرح معي وترقص قدامي بس الشكوى لله ,, الله يقومها يالعافيه يارب ,,, |
الله يشفيها وييسر زواجك ويسعدك
جزاك الله خير على اهتمامك بوالدتك |
الله يشفيها ويرفع عنها يارب.. إن شاء الله مع العلاج الجديد تتحسن .. ادعيلها واتوكل على الله.. حاول تنسق وقتك وتهتم كمان بأمور الزواج.. والله يوفقك ويسعدك ببر والدتك.. |
الله يشفيها ويخليها لك وانشالله بتحضر زواجك
وترقص قدامك |
اسأل الله ان يشفي والدتك ..
يُقال ان : سيده اظطرت للسفر خارج البلاد " إلى لندن تحديدا" من أجل علاج مضاعفات دواء وصفه لها طارق الحبيب كل إنسان خطا وقد يكون أخطا ، لكن انكر أنه هو الذي وصف الدواء . حتى الطبيب بريطاني تسأل من صرف الدواء وقال عنه أنه بلا خبرة .. أنا لا اتهمه لكن أمانه أسأل عنها ..! هناك من الأطباء من هم كفاءه وخبرة ، وأقل تكلفه ، لكن لم يكن لهم نصيب من الدعاية والإعلان أنصحك بأن تستشير طبيب آخر في مشفى حكومي . التلاعب بالادوية النفسية في قمة الخطورة. |
الهم يا رحمان و يا رحيم و يا ارحم الراحمين ارحم هذه الوالدة و اشفيها و عافيها
الا بذكرالله تطمئن القلوب بزيادة لطبيب النفسي خليها تكثر من سماع القرءان و شرب ماء رقية و عليك بالدعاء و الصدقة و كان الله في عونك |
الله يشفيها ويرفع عنها
|
كنت اتمنى اني اسمع منك انه حالتها تحسنت
لكن الحمدلله على كل حال انا اخي متابعه وضع والدتك مادري اذا تتذكر لما سالتك هل عندها عدم تحكم في المخارج ..(واقصد البوليه والاخرى الكبيره وانت بكرامه) وقلتلي لا لاني كنت حاسه انه حتطور الحاله حسب وصفك .. يا اخي مازلت انصحك مارح تخسر شيء لو عملت اشعه C T scan على الدماغ ..من باب الاطمئنان فقط ربي يطمنك عليها وان شاء الله ما يجي يوم زواجك الا وهي واقفه معكم تستقبل بصحتها وعافيتها. |
مكرر..
|
الله يشفيه يارب ويعافيه ويخليه لكم يارب .
|
الله يشفيها يا رب و يخليها لك مشافية معافية للان تشوف اولادك يا حق
وديها عند دكتور ثاني و الله يجيب الشفاء ارى ان مرضها مو مستعصي صدمه نفسيه و العافيه منها اكيده انشاء الله |
أسأل الله العظيم رب العرش العظيم أن يشفي والدتك |
-أميل إلى رأي الأخت/ الابنة الصغرى.
-الزموا الدعاء والصدقة للمستحقين فعلاً بنية شفاء والدتك. -أسأل الله العظيم رب العرش العظيم أن يشفي والدتك. -اجعلوا سورة البقرة تشتغل في البيت. -أبارك لك خطبتك، والعاقبة بالمسرات بإذن الله. -لا تنسانا من الدعوة:d. |
الله يشفيها وجميع مرضى المسلمين يارب
|
اقتباس:
متذكر كلامك زين وانكم مررتم بهذه الحاله , ان شاءالله خلال الفتره الجايه راح نسوي هالأشاعه حتى والله قبل اقل من ثلاث أيام قلت لآهلي عن هذي الأشاعه و ودنا نسويها .. الله يسعدك دنيا وأخره |
:: أسأل الله بعزته وعظمته وجلالة أن يشفي لك أمك ويعافيها ويلبسها لباس الصحة والعافية وأن يرفع عنها هذا البلاء وتقر أعينكم بعودتها كالسابق وأفضل :: مثلما ذكر لك الأخوة إلزم الصدقة بنية شفاءها وخذ بنصيحة الأخت كرستال :: والدعاء ثم الدعاء لها الله يعافيها ومبروك ألف ألف مبروك خطبتك والله فرحت لك والله يتمم لك بخير :: |
| الساعة الآن 08:38 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©