![]() |
ممكن تفهموني هذا التصرف الصادر من أبي
السلام عليكم ورحمة الله وبركاته مشكلتي تتلخص في عدم فهمي لتصرفات والدي حفظه الله ومن أهمها التصرف التالي : أخبرته اليوم بخبر ترقيتي في العمل بحكم أنه لازم يعرف مني قبل لايعرف من غيري فسألني كم سؤال عن الترقية من ناحية زيادة الراتب وخلافه وباركلي عليها ، ثم أعطاني فلوس لكي أحضر عشاء للأهل (الوالدة والأخوان وزوجتي وبناتي)وأعطي جزء منه للجيران (أصدقاؤه) وقال لي جيب كمان أفخم كيكة عشان ترقيتك، وهل فيه شيئ ثاني ممكن نجيبه عشان ترقيتك؟ قلت له مايحتاج هذا كله تكفيني مشاعركم قال لا ماينفع لازم نحتفل. قلت أوكيه ورحت أجيب العشا. ======================================== طيب ياناس بالله هذا كلام ! يعني أنت بتعاقبني عشان ترقيت ؟ ولا تبي تلصق عشا الجيران باالترقية؟ وهو عارف اني ملتزم بحمية يعني لاأكل الكيك ولا الشاورما اللي طالبها (مع العلم أنه نباتي). ونفس الشي لما كنت أشتغل في المنطقة الشرقية واجي للرياض خميس وجمعه ، يقول لازم نحتفل بجيتكم ، يالله روح جيب عشا!!!!!!!!!!! أنا توي واصل الرياض بعد سواقة خمس ساعات وتقولي روح جيب عشا !! أنا والله ماعندي مشكلة أروح أجيب عشا لو قالي روح جيب عشا، لكن المشكلة تكمن في أنه يقول نحتفل بجيتكم للبيت روح جيب عشا ! تبي تحتفل فيني تقوم تمشورني وعندك ولد في الجامعه !!!! ليه مايروح هو؟؟؟؟ حجته أنه يحبني !!!!! وهذه المشكلة كيف يحبني ويكرّهني حياتي ، إلا إذا كان يقصد انه يحبني عشاني الوحيد اللي اطيعه وأريحه في طلباته، وبالتالي أنا أيش أستفدت من هذه المحبة في الدنيا !!!!! طبعاً القصتين اللي فوق على سبيل المثال (لأنه يوجد مثلها الكثير والكثير من المواقف) |
الله يهديك ..مهما فعلت لاباك لن تتجزيه ...
والله العظيم مآآآشوف في طلبات أباك مايدعي للغضب .. بالعكس أباك يحبك ..والدليل إحتفالك بك ... ربي يسعدك...ويسر آمرك |
هذا جزاء والدك يوم حبك واعتمد عليك قمت تتذمر وتقول (يكرهني حيااتي)!!!
انت فكر زين بس بما انك اب , وحط نفسك مكان ابوك,وكان رده فعل ابنك مثل رده فعلك ..ايش بيكون شعورك؟؟؟!!! وحتى عنوان الموضوع احس فيه قله احترااام للوالد,,الله يهديك .. احمد الله على النعمه الي انت فيها غيرك فااقد لوالده ويتمنى لو يرجع دقيقة للحيااه,, الله المستعان .. |
اقتباس:
اقتباس:
شاكر لكما مروركم العطر |
يا أخي في الله..
انت ما اشتكيت الا وانت حاس بالظلم من تصرفات والدك.. رغم اني لا أرى فيها ظلماً.. ما نقدر نقولك إلا ارفق بهذا الكهل 70 سنة الله يحسن خاتمتنا وخاتمته سايره ابوك .. بتغير تفكيره والا بتضغط عليه يعني اعتبرها اي شيء تسلط ظلم..الي تبي ما له الا السمع والطاعه .. ما طلب منك تكفر.. وسع صدرك وسلم على راسه كل ما شفته وأرضه بما يريد كل ما طلب منك طلب قال أبو الدرداء: سمعت رسول الله صلى الله عليه وسلم يقول: الوالد أوسط أبواب الجنة فإن شئت فأضع ذلك الباب أو احفظه. الله يغفر لأمي وابي ويرحمهما كما ربياني صغيرا |
مرحبا بك اخي الفاضل /اخي في الله
من زمان عن مواضيعك اخي كل انسان وله طريقته في التعبير عن حبه ووالدك يراك انسان ناضج وتطيعه بسرعه من غير نقاش وهذا مازاد عيار الحب عند والدك ويكفيك ان يدعوا لك في كل حين فدعوة الوالدين مستجابه برائي انك تستعين بأرقام المطاعم المفضله عند والدك وتطلب منها وسوف تقوم بتوصيل طلبك دون ان تضطر الي الخروج وتذكر ان هناك من الاباء من يقوم بأخذ جزء من راتب ولده حتي وان كان غنيا يعني طلب والدك سهل وبسيط اختك/ ام عبد الرحمن |
تواضع لوالدك وقدر فرحته فيك
والمفروض من نفسك أول ماتوصل الرياض تمر وتجيب عشا تفرح فيه والديك ولا تنسى يا اخي إن هذا من البر وأنت اللي محتاج رضاه .. |
وعليكم السلام ورحمـــــة الله وبركاته
الله يحفظ الوالد ويرزقه بر عياله..انت زعلان علشان الوالد يطلب منك وما يطلب من اخوانك هو يشوف انك مطيع وبار فيه..وهالشي المفروض يفرحك مو يزعلك..لأنه فضلك انك تاخذ أجر الطاعة لاتقول شنو استفدت بالدنيا..؟ والله ما تدري ربي شنو كان كاتب لك من ابتلاء في الدنيا..وعلى طاعتك لوالدك مسحها عنك اذا قالك روح جيب عشاء وانت تعبان من السواقة..قوله أبشر واطلب من اخوك الأصغر يتولى المهمة..وارجع لأبوك وقوله انك ارسلت أخوك لأنك تعبان من السواقة ترى ابوك مايدري انك تشيل بخاطرك..لو درا اكيـــــــد بيزعل وماعاد يطلب منك بعدين يا اخوي تذكر ان في باب في الجنة اسمه باب بر الوالدين..علشان تدخله لابد ان تتعب وتجاهد نفسك وفقك الله وجعلك من الذين يدخلون الجنة من هذا الباب..,,, |
والله ماشاء الله على والدك الله يخليه لك
المفروض الترقية انت اللي تعشيهم من راتبك والله كريم الله يجزاه الجنة ومسألة تعب وما تعب ... معك حق في هالنقطة بس كان بإمكانك تتصل على المطاعم ويوصلون بدل ما تتعنى وتضرب مشوار وتنتظر ... اتصل نصل ومبارك الترقية ... الله يطعمك خيرها ويكفيك شرها |
اخوي ليش ماتغير طريقه تفكيرك في القضية
قريت في النت عنوان يقولك غير تكتيكاتك المعتادة >> يعني اذا كانت عندك مشكله تتكرر بحذافيرها انت غير مسارها وانت جاء للرياض اعط الوالد ألو وقول انا جاي والعشاء علي ونبغى جمعه حلوة اليوم مره ثانية طب عليهم على اساس مفاجأة وكن مرتب لها من قبل ومزبط عشاء من مطعم يوصله للبيت مره ثالثة وانت في الطريق كلمه وقول انا جاي وافكر تكون جمعتنا تصير اليوم غير تصير في استراحه او شاليه او حتى في المخططات >> والله اعرف توك جاي من سفر وتعبان بس وش تسوي هذا الوالد اضغط على نفسك ساعتين زياده واطلب عوضها من ربك انت ماتدري ابوك ليش يعاملك انت بالذات كذا يمكن يخاف انك تتخلى عنهم خاصه انك بعيد وابو عائلة او يمكن هو عنده خوف من الهرم وتلاشي الاولاد من بين يدينه بحال ضعفه حسسه باهميته عندك ادخل عليه بلهفه وشوق شاوره في امورك كثر سواليف معاه اعزم اصدقائك في بيته واكرمه قدامهم اكرم شيبانه وتفانى في ضيافتهم النتائج : رضى الوالد وبرضاه رضى ربك >> يمكن هذي محصلها بس هذي اهم نتيجه دعوات الوالدين تتنزل عليك بكل وقت وتعال شوف البركه في حياتك كيف يتعلمون بناتك البر والله يرزقك بالذرية الصالحة تصير جمعة الاهل وكسبت اجر الجميييييييييييييييييييييع اخوي الافكار المهبطة انساااااااااااااااااااااااها وردد في داخلك هذا ابوي من حقه اكرمه من وقتي ومالي الله يجعلني واياك بارين مبرورين وقبل اطلع انا اهنيك انك تسعى للبر |
نسيت ابارك لك
الف مبروك الترقية منها للاحسن ويارب تكون خير عليك وعلى اهلك |
وين المشكله ذا الحين ؟
|
موضوعك غريب جداً .. سطحي جداً ..!
لدرجة قلت يمكن يقصد الإشارة لمغزى معين ؟؟! |
شاكر ومقدر تفاعلكم
ارجوا اغلاق الموضوع لكفاية الردود ويعطيكم العافية |
:: |
ابكاني موضوعك
ابوك يحبك وشايف حالو فيك ويحب يتفشخر امام الجيران والاحباب ويقول هذا ابني اللي ربيتو وتعب عليه صار رجال ويترقى بعملو ذكرتني بوالدي وقت اكون نازله بلدي والله ما احب احد يفعل له اي شي الا انا واوصله لعمله بالسياره وزوجي يتزمر وانا اقول له اريد ان اكسب كل دقيقه فيها رضا لان ابي احسه مثل والدك يحب يقول شوفو اولادي كيف يعاملوني ومهما فعلت يحبوني حتى ابني لاحظ وقال : ماما جدو يحبني وما يزعلني ولكن وقت في احد عنا زياره يصير يصرخ فيني قلت له :معلش جدو يحبك بس يحب الناس تشوف انو شوفو احفادي اذا عيطت عليهم يهابوني ويحبوني الله يحفظ لك الوالد بس انا اعطيك طريقه مثلا تتصل عليه قبل ما توصل وتجيب معك الاكل وتدخل احسن ما تروح وترجع وانت تعبان او مثلا تتفق مع صاحب المطعم تتصل فيه وتعطيه طلباتك وتمر تاخذهم او يوصلهم لللبيت دلفري نيالك محظوظ استغل كل لحظه برضاه مهما كان عمره 70 ولم يبقى من العمر قد ما مضى كلو بثوابو رح تلاقي اولادك وقت تكبر عصافير حواليك اتخيلك وكيف واقف امام والدك ويكلمك الغربه مثل الموت ولكن الفرق انو الواحد يكون عندو امل يشوفهم الواحد وينزل من غربتو وياخذ رضاهم انا اقرب شخص لوالدي ولذلك رديت عليك عشت الوضع معك وكتبت ردي |
اقتباس:
الله المستعان |
حقيقة تصرف هذا ابو 70 سنة ماله الا تفسير واحد
انه فخور وفرحان بولده ويبي يحتفل به ويفرح فيه لكن ولده تصرفه هو الغير مفهوم قال خذ خير قال ما تاخذه عباتي ما شاء الله مجال البر مفتوح امامك وغيرك يتمنى ابوه ولا امه موجودين ويبرهم لا حول ولا قوة الا بالله* |
اقتباس:
غريب لأن مواضيع الأخ ,,اخي في الله توضح طريقة أخرى في تفكيره و نظرته للأمور الله يرضى عليك و يرضى عليك ابو سبعين أطال الله في عمره |
جزاكم الله خير جميعاً اخوتي " شهد الحربي ، أصعب حكاية ، ذكريات لاتغيب ، نور دبي ، رواء الإيمان ، حلم وتحقق ، غداً أفضل، بسمة الإشراق ، الوزن الثقيل، الإبنة الصغرى ، سيدة الموقف ، Green222 ، توني صغير ، لقآء الورد ، رسيل ، المسداني )
شاكر لكم انكم استقطعتم من وقتكم الثمين وشاركتم في موضوعي أنا سبق وطلبت من الإدارة إغلاق الموضوع ولكنهم لم يستجيبوا للطلب إلى الآن ، والردود ماشاء الله مازالت مستمرة لذا أرى أنه لابد من الإجابة عليكم شخصاً شخصاً لكي تتضح الرؤيا لكم جميعاً ولكي يستفيد غيرنا من المناقشة هنا حتى يتم الغلق(وقد يغلق قبل انتهائي من الردود) . كلمة عامة أخي و أختي أعضاء هذا المنتدى الكبير بأعضاؤه وادارته وحلوله للمشاكل الأسرية السلام عليكم ورحمة الله وبركاته وبعد : يوجد شخص هنا اسمه أخي في الله (أعتبروني اتكلم بلسان شخص محايد) طرح مشكلة تتلخص في عدم فهمه لتصرف معين صادر ومازال يصدر من والده ابو 70 سنة ، وكان يريد منكم تفسير هذا التصرف. فإذا كنت تمتلك التفسير (من واقع خبرة ، أو بسؤالك لاحد أقاربك من ذوات السبعين) فياريت تشارك وتعطيه الإجابة ، واما إذا كنت لاتملك الإجابة وأصابعك تأكلك ولازم تشارك فيكفي انك تدعي له بالبصيرة وبتوفيق الله له برضا والده والدعاء لوالده أيضاً. لايوجد داعي أبداً لطرح حلول مثالية لاتمت للواقع بصلة وأنت أول الرافضين لها وأنت أول غير المطبقين لها، مافهمت المشكلة ؟ أقرأ الموضوع كذا مرة ، أنظر ردود الأاعضاء وصاحب الموضوع ، إذا برضه مافهمت فمافي داعي انك تهدر من وقتك في هذا الموضوع وروح لموضوع ثاني تفهمه ويكون ملامس لك على قد خبرتك في الحياة ، بحيث تستطيع إفادة السائل بحل واقعي من خلال خبرتك وخبرة اللي حولك بحل واقعي. وركّز على الواقعية في حلولك المقترحة وليس على أشياء مثالية أنت لاتطبقها ! والاهم من ذلك ضع نفسك مكان صاحب المشكلة وافهم لبّ الموضوع ، وأترك القتحات والضمة والكسرة والأخطاء الإملائية والتفسيرات السيئة للكلمات ( مثل تركيزكم على حكاية أبو سبعين واعتبرتوها شتيمة ، أجل لو قلت عليه أبو بس وش كنتوا راح تقولون ؟ أليس "بس" كلمة تطلق على القطة عندنا ؟ طيب فمارأيكم بأبو هريرة ؟؟؟؟ خذوا دائماً المعنى الجيد من الكلام وركزوا على لب الموضوع. وإذا بعد هذا الكلام كله مافهمت شيء ، خلاص اكتفي بمعرفة أنك إذا وصلت لعمر متقدم لاتاخذ راحتك مع عيالك وتتبع هواك وتنسى نفسك ، ترى الولد ممكن يكون كارهك ويتمنى انك تروح الفردوس الأعلى في أسرع وقت . تحب ولدك (اللي انت مربيه وماشي تمام معاك وعمره كبير (بمعنى عدى المراهقة وخلافه) خاويه ، دع له مساحة يريك ماكان مخفي عنك وحبه له هو ولاتضحك على نفسك بأنك تحب نفسك وبمنتهى الانانية وتقول أنا أحبه وهو شايف الويل من حبك ، وأخوانه الثانين اللي انت ماتحبهم عايشين في نعيم منك وكل شوي انت تدعيلهم بالهداية ( يعني أخذوا الدنيا والآخرة). وختاماً خلونا واقعيين. |
اقتباس:
|
اقتباس:
|
اقتباس:
|
اقتباس:
|
اقتباس:
وياريت تطبقي الكلام هذا على نفسك مع والدينك إذا وصلوا لهذه الأعمار . وورينا شطارتك. |
اقتباس:
|
اقتباس:
|
اقتباس:
|
اقتباس:
|
اقتباس:
|
أخي في الله .. موضوعك حساس شوي .. وأنت داخلت تكتب مشكلتك بعد الموقف مباشرة.. لذلك كنت متحمس شوي وماخذتك العزة.. الله يرضى عليك ويرضيك..
أنت شخصيه حساسه ومثاليه.. تحب كل شيء يكون في وقته ومكانه.. لكن أنت لوجيت تشوف أنت تتعامل مع مين .. والموقف صادر من مين؟ راح تلاقيه مو من جار .. ولا صديق .. لا .. أحد الوالدين.. وبعدين شوف فرق العمر.. يعني هو من جيل بينك وبينه أجيال.. لذلك مالك إلا الصبر.. والله أنك رضي.. والله لو غيرك .. كان قال خلي فلان يروح .. أنت كنت رضي في الموقف .. بس خانتك نفسك والفاظك في المنتدى.. والله لو بطاوع نفسي .. وشيطاني وأنا أختك .. مع أمي بالذات .. في تفرقتها بيننا.. والله لقعد أبكي.. شهر.. بس الواحد مايقول إلا الحمد لله .. المؤمن مبتلى .. أيش مواقفك .. والله بسيطه.. مع أنك شايفها كبيره.. هونها وتهون.. بعدين بقلك معلومه.. الأم والأب .. بصفه عامه .. الولد أو البنت البارين المطيعين.. يحبون يتدللون عليهم .. شويتين.. معليش يمونون.. والله لا يحرمك أجرهم .. ويكسبك رضاهم .. |
ياحليل الشايب :d .. صدق بعض الاحيان يتغير تفكير الرجل اذا كبير ..
انا اقول ابوي شيب بداء تفكيره شوي متغير واذا اختي قالت وش فيه ابوي اقول خلاص شيب معليش نتحمل .. وانت تحمل معليش ممكن انت تنقهر من تصرفات ابوك بس هو ياحرام مو حاس والله على باله انك مبسووط .. اذا انت متضايق قل لأمك تقوله انه يخف عليك شوي .. صدق بعض الاحيان الاهل يعتمدون على شخص واحد بالعائله ويتركون الباقين هذا يبين انه يحبونك وانت ماشاء الله بار فيهم وبأذن الله ربي يجازيك بأولادك .. فلا تقل لهما اف ولا تنهرهما وقل لهما قولا كريما* واخفض لهما جناح الذل من الرحمة وقل ربي إرحمهما كما ربياني صغيرا )) الله يخليه لكم .. |
اقتباس:
|
اقتباس:
|
اقتباس:
موضوعي هذا مفيد لكي كي تعرفي كيف ممكن أبناؤك ينظرون إليكِ ، وانتي تظنين نفسك انك مريحتيهم ، بينما انت مسببة لهم القلق في حياتهم بحجة انك تحبينهم. وبعدين طريقة فهمك للموضوع وذكرياتك المرتبطة فيه هي التي أبكتك ، لم يكن قصدي تبكيتك ولا انا أصلاً مستفيد من بكاءك على موضوعي ، نعم هي مشاعر طيبة ولكن لم تحرك في الموضوع شيئاً. وبعدين لانضحك على أنفسنا ونقول لو رجع والدي او والدتي من موتها لأبرها وأعمل أفضل ، أحنا عيال النهاردة والاماني الكذابة مافي منها فايدة، ولو رجع المفقود سوف تفعلين نفس افعالك السابقة يكفي ضحك على النفس وشاكر لكي ومقدر دموعك الطاهرة الناتجة من سوء فهمك للموضوع ولذكرياتك الحزينة ، التي أسأل الله أن يبدلك بأحسن منها بأيام كلها سعادة وسرور. |
اقتباس:
|
اقتباس:
|
اقتباس:
الفكرة تتلخص في تسمية الامور بغير مسمياتها وفي أنو إذا حبيتي أحد فحبيه لنفسه وريحيه ولا تدوسيه أو اعترفي انك ماحبيتي إلا نفسك. |
اقتباس:
والله ردك راقي جداً ولايهونوا بقية الاعضاء الله يعطيك العافية ويوفقك لما يحب ويرضى وعلى فكرة انا لاكبرت الموقف ولايحزنون ، أحببت افهم تصرف معين من الوالد ، وكل واحد قام يهزئ ويفتي بطريقته ، أنا مواقفي كثيرة جداً مع الوالد ، بل حياتي كلها للوالد ولكن ماأحب افشي أسراره هنا والأمور التي كنت أفعلها لعل وعسى الله سبحانه وتعالى يحسبها لي يوم لاينفع مال ولابنون جزاكم الله خير على حسن الرد والله يعينك على كل شيء في الحياة |
اقتباس:
وشاكر ومقدر مروركم الأاكثر من رائع |
الساعة الآن 10:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©