|
اتمنى تجاوبوني
انا شاء الله بان اكون زوجه ثانيه وتقريبا شخصيتي قريبه لشخصيته والله انه كان يقول ماتوقعتك كذا عاقله وفعلا انا عقل ودين وجمال واخلاق ومقدره لوضعه في كل شي
وكنت عكس زوجته الاولى ومتفاهمه جدا ومقدره وضعه نفسيا وماديا وحتى بعد المرض قدرت وضعه وقلت له مسامحتك بكل شي اهم شي طلاق لا ووافق وجلس فتره وتعب اكثروكلم ابويوهويبكي لاني كنت رافضه الطلاق وهويزيد عليه المرض وطبعا المرض روحي وطلب مني السماح وطلق وسامحته ودخلت عالم ثاني من الصدمه وحتى شعر راسي شاب والله مناهو مبالغه هذه الحقيقه وهويسال عن وضعي وحالي بعد الطلاق ودعيت الله باني اكون حامل حتى يربطني فيه بس ماكتب ربي سؤالي هل يحن على ايامنا او يندم على الطلاق او هل يفكر بارجاعي لاني استمريت مع راقي اعذروني لاني اكتب وانا ابكي تعلقت فيه بجنون وما ادري عنه هوعايش مع زوجته واولاده ويتذكرني ولا نساني0 اللي بمكانه ماهو تصرفه؟ |
12 مشاهد ولا رد
|
اختى اذا هو طلقك انسيه وابدئي حياه جديده ادخلي معهد اواشغلي نفسك عشان ما اتفكرين فيه الفراغ يخليك اتفكرين والله يوفقك ويرزق باحسن منه
|
لماذا التعلق في طليقك كل هذا الحد..؟!
حياتك لن تتوقف عند طلاقك..انتِ بيدكِ مفتاح الحل لن يغير الله قوما حتى يغيروا ما بأنفسهم..استشعري دائماً وجود الله معك يا غاليه أخرجيه من عقلكِ وبالكِ لاتحاولي ان تتذكري حسناته وأفعاله..اشغلي نفسك دائماً في هواية محببة لكِ عندما يبلغ الهم في قلبكِ مبلغه..رددي لاحول ولا قوة إلا بالله (( انا لله وانا اليه راجعون..اللهم أجرني في مصيبتي واخلف لي خيراِ منها )) عن ام سلمه رضي الله عنها قالت : سمعت رسول الله صلى الله عليه وسلم يقول : « ما من عبد تصيبه مصيبة ، فيقول : إنا لله وإنا إليه راجعون : اللهم أجرني في مصيبتي ، واخلف لي خيرا منها، إلا أجره الله تعالى في مصيبته وأخلف له خيرا منها . قالت : فلما توفي أبو سلمة ، قلت كما أمرني رسول الله صلى الله عليه وسلم فأخلف الله لي خيرا منه رسول الله صلى الله عليه وسلم . رواه مسلم . أسأل الله السميع العليم ان يعوضكِ بالرجل الطيب الصالح ويجعل لكِ من كل خير نصيب..,,, |
لازم تشيليه من بالك للأبد وخصوصا انه مافي عيال يربطوك فيه
وفكري في مستقبلك والله يعوضك بأفضل منه وماهو متزوج بعد يااااارب انا تقريبا قصتي شبيهه بقصتك بس انا معي بنت |
من بااعنا برخيص نرخص اترابه
لو انه بالقلب نايم وصااحي |
حاولي تنسيه انشغلي باي شي
الله يكتب لك زوج افضل منه وتنسين حبه |
والله مرتين اكتبلك وامسح مشاركتي.. الله يبلغك سؤلك .. ويجعل فيه مصلحتك.. وسعادتك .. هذه المرة الثالثة وثبت عليها..
عشان ماتزعلين مني.. قلبي معك .. |
ويوقولون المرااه الثانيه دوما ظالمه
انا الي اشوووف اكثر الزوجاات الثانيه هم المظلومااات |
اقتباس:
وأن ( الظلم ظلمات يوم القيامة ) نسأل الله السلامة .. ليس الأول ولا الأخير الذي يحتج بالمرض الروحي ، وهو غير صادق ، ماجاءه المرض لما خطبك وتزوجك واستمتع كم شهر ، و مل بعدين وقال مرض روحي ..؟!!!! وبكى كم دمعة يخدع نفسه ويخدعك فيها ويطلب السماح لأنه متيقن أنه ظالم .. نسي ان الله ( يعلم خائنة الأعين وما تخفي الصدور ) ..! المريض الروحي لا يخفى على احد لكن طليقك كذاااب ...! |
اقتباس:
اختي لا تدخلين بالنوااايا لاكن ادعي لختنا بالثباات وان الله يحفظها اكثري من الاستغفاااار واكثري من الصيااام واكثري من قراااة القرااان وان شاء الله يعووضك خير ياارب |
لا تعلقين قلبك فيه ارحمي نفسك
واحمدي ربك انه مافيه بينكم اطفال لا تقعدين تحللين وتتعمقين يفكر فيني والا ناسيني انت تشاغلي عنه وكثر دعاء الله يرزقنا واياك بالازواج الصالحين |
لاوهني الطير لا ضاق ياذيب
يترك طمان القاع للي نزلها يرقى بروس النايفات المرااقيب بجنحانه اللي لا تضايق فتلها مايربطه موطن حياته تجاريب لاشانت الديره يدور بدلها |
جوابا على سؤالك : نسيان لن ينساكِ ما دمت شاركتيه جميع تفاصيل الحياة .. وليس تذكره لك حب او عشق ولكن كما قالت الابنة الصغرى .. المرض الروحي طلع عليك وما طلع على زوجته أم عياله ؟ مثله كثير كثير ومثلك أكثر وأكثر فقولي اللهم أجرني في مصيبتي واخلفني خيرا منها |
انا متأكده 100/100انه مرض روحي
لان حتى انا تعبت معه بس هو اكثربغى ينجن كرهني وكره اهلي والمدينه اللي انافيها وكره عمله حتى تعامله مع زوجته واولاده تغير حتى عمله كرهه واشياء كثيره بالنسبه لي بكاء بكل وقت ولااقابل احد ولا اتكلم مع احد صرت عصبيه معزوله حتى عن اهلي واللي يكلمني اتهاوش معه مافي بالي الا هو فكرت بالانتحار وقلت له وقال اذكري الله انت مؤمنه وتقولي كذا قلت ماهو بيدي والله غصب افكر فيه ما كنت اتحكم بتصرفاتي هومستحيل يكون هذه نيته انه يبي يطلقني لانه يموت فيني والله كل ماكان يتمناه وجده فيني وهو اول ماتعبنا قالي تعالجي لاني صرت اتضايق منك وانت فيك شي وطلاق ماراح اطلق ومن بعدها صار لا اكل ولا شرب ولا نوم ليش فكرت بالانتحار بالرغم اني ملتزمه وهو طلب السماح لان من فتره لا شافني ولا شفته ولا حتى يكلمني ولا اكلمه ولا رسايل ولا غيره وانا رضيت بهذا الشي اهون من الطلاق وحتى هو مقدر وقفتي معه بس ماهو بيده وبعد الطلاق يقارن بيني وبين زوجته وتغير تعامله معها لانها عنيده وقويه ولا تقدر ظروفه مين يعرف قصة طلاق مشابهه لقصتي وتعالجوا ورجعوا الله يجزاكم خير كل من ردعلي واسال الله الكريم ان يرزقكم الفردوس الاعلى دعواتكم بان الله يرده لي لاني ماافكر بغيره واذا اخذت غيره اخاف اظلمه لان عقلي وقلبي مع طليقي البارح حلمت فيه نزلنا السوق انا وكنا ناخذ اثاث لبيتنا والله عشت الاحداث مره ومن صحيت افكر فيه وعلى فكره انا مطلقه اكثر من سنه علشان ماتقولوا مع الوقت بتنسي والله كنت ما افكر بفلوس او سفره اوغيره وغيره المهم عندي حبه لي وحبي له واني مريحته ومسعدته بحياته |
:: :: |
انسيه خلاص
مادام رجع لزوجته واولاده وطلقك لاترجين من وراه شي احمدي الله ان مالك اطفال منه وهذا أنتِ قلتِ زوجته قوية وعنيدة ليه طلقك انتِ وماطلقها هي ولاتقولين علشان له اولاد منها شوفي حواليكِ كثير ناس مطلقين ومعهم اطفال الاطفال مو عذر ابدا ولاتتعلقين بالاوهام المرض الروحي مو عذر في ناس مسحورين ومعيونين وعايشين مع بعض ماتطلقوا وفي الأول وفي الأخير الله أعلم بالي في نفوس البشر لو لك نصيب فيه بيرجع ولو جاكي الي افضل منه لاتنتظرينه انتبهي لنفسك وصحتك الله يوفقك |
هو انا المريضه بعين قويه وقديمه لها اكثر من عشر سنوات
وتحولت لعاشق وهو اللي اثر على حياتنا وهو حولنا كثير وعراضه مشابهه لسحرتماما حسبي الله ونعم الوكيل على من طالني مضاره من انس او جن ونصيحه لا تتهاونوا بالعين ياليت آدم يتفاعل مع موضوعي |
اقتباس:
شكلك زعلتي من ردي معليش حقك علي واحنا مانتهاون بالعين ابدا ونعرف اعراضها والعياذ بالله تقلب الحال فوق تحت وتعكس الأمور لكن فهمت من الموضوع انه هو المريض بالمرض الروحي وطلقك بسببه لانك تقولي كرهني وكره المدينة الي انت فيها وكره عمله على هذا الاساس رديت اما اذا كان العكس فانا اسحب ردي ولاتزعلين ونترك الساحه لآدم ليجيب الله يحفظك ويوفقك |
الله يربط على قلبك ويصبرك احنا الحريم عاطفيات زياده عن الزوم وادا احببنا احببنا بكل صدق اسال الله ان يعوضك بالزوج الصالح الدي يستطيع اسعادك
|
الكل يقولك انسيـــــــــه
والاصح ( تنــــــــــــــــآسيه ) |
كيف انساه وهو روحي
كيف انساه وكل شارع امر منه اتذكر وش قالي فيه كيف انساه وانا اسمع صدى صوته كيف انساه وانا اتذكر بكل غرفه ببيت اهلي كيف كانت جلسته كيف انساه وانا اشوف اخته اللي نسخه لشكله بس هو بلحيه كيف انساه وانا اراه بالاحلام وتفسر بالرجوع له كيف انساه وحبه يزيد كيف انساه وانا وين مااروح جلسنا هنا اكلنا هنا اجرنا هنا بالطريق وقفنا هنا والله حاولت اتناساه بس ماهو بيدي الله يجزاكم خير كل من رد علي ولايحرمكم من غالي |
آمين يا عمري أنت .. والله حسيت فيك .. عشان كذا كنت خايفه في كتابتي لك أول مره لازيد همك هم .. الله يريح خاطرك .. ويرده لك رد جميل..
ويارب على كل الحب إلي أنت حبيتيه له .. يارب يبادلك الحب بأضعاف مضاعفه.. يارب يصلحه لك .. ويصلحلك معه الحياة يارب .. ويهنيك فيه ومعاه.. اللهم آمين .. والله أحسك وجعتيلي قلبي.. |
سبحان الله وبحمده
|
| الساعة الآن 08:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©