|
زوجي على علاقة بقريبته المتزوجة وأريده أن ينساها
السلام عليكم ورحمة الله وبركاته اخواني واخواتي حبيت تشاركوني بمشكلتي اللي ازعجتني وتعبتني كثيرانا لي تقريبا 6 او 7 سنوات متزوجه وعندي طفلين .....انا وزوجي بينا اختلاف كبير بوجهات النظربحكم كل واحد من منطقه افكاره غير اسلوبه جاف شوي نوعا ما كان شكاك بس الحمد لله عدت ع خيروجبت الطفل الاول .. ببداية الزواج ماكنت مرتاحه له ابد كنت اجبر نفسي وامثل عليه اني احبه واحاول اتعايش معاه خاصه علشان الطفل بس والله ماكنت احسسه ابد هو يصلي وماعنده خرابيط وانسان مجتهد بحياته ولو ان الشك كان يكرهني فيه واسلوبه بالحوار يقهر بس نحاول نتغاضى ونمشي..كان حالته شوي صعبه بس كنت اطالبه بالمعقول حتى مقارنات ما احاول اسوي لاني اعرف كل واحد وظروفه وكل واحد وشخصيته.. بعد كم سنه من زواجنا اشتغل لحساب قريبة له وكان بينهم وسيط وطول سنه ونص وهو يمزح علي ويقول يمكن هالشغل بالاخير يكون لي علشان كذا بكون مخلص فيه يمكن ويمكن كنت اعصب واحيان اجاريه بالمزح واحيان اطنش ومره قلتله انا وااثقه فيك انت بكلامك تخليني اشك لاتزرع الشك بينا وانا ماعندي مشكله لو بتكلمها كلمها قدامي اهم شي تدري اني اعرف علشان الشيطان مايدخل بينكم وكنت اقوله حرام انت شخص ملتزم ومايجوز تقول هالكلام عن وحده متزوجه يقول هي بتتطلق منه, وهي تاخذ حبوب منع الحمل ولما ولدت بطفلي الثاني اللي طول فترة الحمل احسه بعيد عني لانه مشغول بشغله بدل مايكلمني عن نفسه يقول من جاكم وفلانه جات الوسيط اقول ايه يقول من جاء معاها واش قلتم وكنت ازعل بنفسي واكتم ومقهوره منه لانه تركني بالمستشفى وخلاني اوقع ع الاوراق وراح هو لشغله اتغير جدا عن معاملته لي بطفلنا الاول وبعد سنه ونص صار خلاف علشان قريبته سمعته يكلمها وطنشت هو كان يحسب اني نايمه بس انا سمعت كل كلامه وعرفت انه يكلمها بس طبعا بالشغل برغم ان شغلهم تقريبا منتهي لانه بيكلفون احد غيره بالباقي اهلها كذا يبغون بس هي مصره انه هو يكمل وانا كنت ادعي انه مايكمل معاهم لانه من بدا الشغل معاها ونفسيتي تعبانه بسبب مزحه الثقيل وكنت اقوله احس بتصير مشاكل لها اول مالها اخر بسبب شغلها ياليتك تبطل بس مايسمع مني المهم جلست اراقب جواله اسبوع ولا احد يقول انتِ جبتيه لنفسك وانتِ ليه تفتشين .. انا من اكثر الناس اللي احب مبدأ الخصوصيه وجواله كان دايما تجيه ارقام بالهبل بحكم شغله طبعا لما يدق يقول جيبيه لي واشوف الارقام اللي تجيه وماقد سألته لاني واثقه فيه..بس لما اتصلت عليه قلت ما ابغى اتسرع خليني اراقب واشوف يمكن اظلمهم بس المسأله شغل , راقبتهم اسبوع وطلعت اكثر من خمس مكالمات ومخزنها بكذا اسم واجهته انكر ولما حاصرته انت قلتها كذا وكذا وانت مخزنها كذا وكذا عرف اني مو مجرد شك قلتله برسلها لاتكلمك مالها شغل وارسلتلها لو سمحتي لا تكلمين زوجي والوسيط يتكفل بكل اللي تبينه ردت لا تظلمينا ولاتشكين وياكثر الكلام ارسلتلها انا ما احب اظلم احد وانا اعرف اللي بينكم شغل بس قدري مشاعري كزوجه وخلي الوسيط بما انه محرم لكم خليه هو يتكفل بكل شي وبعدين الشغل منتهي ليه المكالمات ؟ واليوم الثاني حصلته مرسل بعد ماوعدني انه مايرسلها ولايكلمها ورجعت اتصلت عليها ووضحت ع حقيقتها تقولي ماعليش زوجك مو فلان (تقصد ممثل ) وبجد خساره الوظيفه اللي هي فيها اذا تفكيرها سطحي كذا..قلتلها لو كلمتيه راح اقول للوسيط قالت لا قلت اجل لاتكلمينه قالت اوكي طبعا بنقاشي معاه جلس يقول هي شريفه وهي اتربت عندنا واعرفها من يوم هي صغيره وانتِ....وانتِ..كلام يمس الاخلاق قهرني انا زوجته ام اطفاله يقول كذا عني ويمدح فيها؟ زعلت فتره ورجعنا صارت اشياء كثيره من بينها اني عرفت انهم رجعوا يكلموا بعض بالرغم ان الشغل انتهى بينهم لاني اكتشفت ان عنده شريحه ثانيه مايجيبها للبيت ولما عرفت الرقم وواجهته كسرها وبعد طلع شريحه ثانيه بس انكر انها عنده لانه صار احرص وقلت للوسيط وهو دخل اخوي وامي ..امه كمان اتدخلت..ماكنت احب احد يتدخل بس هو يتكلم عني ويقول اني شكاكه وغيرانه منها لانها موظفه ولانها ولانهاوهي طالبه خلع من زوجها وهو يافرحته مبسوط وجاني وقالي بقترح اقتراح بعد طلاقها باخذها قلت طلقني وخذها صارحني انه كان يحبها قلت مو كل شخص ياخذ اللي يحبه ياما ناس حبوا بجنون بس خلاص رضيوا بنصيبهم وكل واحد راح لحاله حاولت ادخل عليه من مدخل الدين وانصحه خاصه انه كان يحاول يحفظ القران وماشاء الله ملتزم بصلاته وبصراحه لما صار اللي صار كنت اتمنى يطلقني لاني تعبت وانا متحمله صح حبيته بس يمكن علشان العشره وعلشان الاطفال مالهم ذنب ما ابغى اكون انانيه خلاص لازم اتعايش معاه واحاول اعدل فيه في الاشياء اللي ماتعجبني فيه واتحمل .. تخيلوا كان يقول انه لما يكون معاي بالعلاقه الحميمه يتخيلها والله العظيم اني كنت شاكه انه مو معاي بس كنت اطرد الافكار واقول علشان شغله وعلشان وعلشان ..وخاصه هالشعور لما كان يكلمها كان احسه مبتعد جسديا وفكريا عني هو يقول يحبني ويموت فيني بس تصرفاته غير لدرجه يصدقها ويكذبني قالتله اني بعد المشكله ماانتهت وكل شي اني هددتها اني بقول للوسيط لو رجعوا اشتغلوا مع بعض..انا صح ارسلت شي مثل كذا بس كان وقت المشكله بس لما انتهت المشكله ماعاد ارسلت وهو عصب ليه ارجع ارسل عليها.. وقت المشكله الثانيه جلست اسبوع عند اهلي ومقفله جوالي واحصل رسايل منها..واقوله المفروض عارفه انا ع المحك ليه ترسل وتستفزني يقول وريني رسايلها لو صادقه طبعا اول شي صدقني بس بعد فتره كذبني لانها انكرت...يجي عندي ويدافع دفاع مستميت عنها ومحسسني اني غلطانه اقوله انا ادافع عن بيتي يقول خليني لما اشوف شي منها اترك كل شي ومره يحلف وينكر انه يكلمها وانا متأكده انه يكلمها لاني زوجته وافهمه اكثر من نفسه اعرفه لما يكون معاي ولا لا.. بالمره الاولى بعد المكالمات سكت شهرين ولما عرفت انهم لسا مع بعض قلت للوسيطه ..وبعد شهرين ثانيه يعني هالاسبوع عرفت انها لسا معاه وارسلتلها وين وصلتوا ببين لها اني عارفه انها لسا تكلمه تروح ترسل له تقول زوجتك ازعجتني يجي ويعصب علي قلت والله غير ارسل انت مالك شغل مو تقول ماتكلمها خلاص انا وهي نتفاهم ليه تجي وتكلمك كان تجي تقولي انا وتكلمني بأدب واحترام مثل ما اكلمها وقالت كلام اني قلته وانا والله ماقلته واللي يقهر هو يصدق ويكذبني اناومهما اقول مايصدق وبعد هذا كله لما اقوله طلقني يقول انا احبك والله لو رحتي لاهلك بتجلسين سنين ما راح اطلقك..وانا عارفه يسويها وبنفس الوقت انا ما ابغى اتطلق علشان اطفالي بس نفسيا مو طايقته كرهته والله كرهته وماعاد احس معاه بالامان لاتقولون علشان المشكله لا والله بس من بداية زواجي وانا ضاغطه ع نفسي واحسني مجبوره ومو متقبلته بس اقول لا تخلين الشيطان يضحك عليك اتحملي واتحملي .. بس لازم اتعايش معاه خلاص هذا نصيبي ولاتقولون لي هو حاس انك ماتبينه لا انا مو محسسته بالمره وقايلتله من اول ما اتزوجنا اذا عندك شي علي قولي وانا بعدله انا ابغى راحتك واللي مايعجبك صارحني ويقول والله مو مقصره بشي حتى لما صارحني بنيته للزواج قالي والله مو مقصره بشي بس هي بنفسي من زمان وانا لحطيت شي براسي اسويه ...طيب انا وش ذنبي ؟لو جاء وقالي والله انا بتزوج علشان خايف ع نفسي من الحرام وانتِ مو مقصره بس تعرفين الرجال يحتاج ويحتاج بزعل شوي وبرضى بس كذا مو ناقصه شي وبشهادته ويقول احسني احسن واحد بأخواني ومحظوظ بالزواج ويجي يفكر بوحده متزوجه ويقول احبها من قبل وابغى اتزوجها؟ لا احد يجي ويقول زوجك فيه وفيه انا متأكده من اخلاقه هو شخص يخاف الله واللي بينهم صح كان شغل وهي مكالمات قليله وانا متأكده انها ما اتطورت يعني ااكيد هو يقولها انه كان يبغاها وهي بعد واضح انها تكذب عليه وتقول انها تبغاه بس اهلها كانوا جابرينها عليه برغم اني كنت مره عند امها وقالت انها هي وافقت وبعدين رفضت وكل شوي تجي براي بس هي احسها بتظمن لها شخص قبل لا تتطلق ويمكن تبغى تفضفض وعارفه ان هالشخص يكن لها مشاعل علشان كذا استغلت هالشي والله هو مو حق هالخرابيط وكان دايما يسب باللي يسوي كذا واللي قهرني يقول انا السبب انا دايما اتكلم عن مكالماتهم وعلقته فيها اكثر كيف وهو اللي يجيب السيره هو له فتره يقول خلاص انا لك وانا كرهتها وكنت احسب انها صح تحبني بس طلع حب من طرف واحد وانا كنت واهم اذا كذا ليه مطلع شريحه ثانيه ومخبيها؟ ولما اكتشفتها مسك جوالي وشريحتي وكسرها انا وش ذنبي اللي غلطانين ما احد يحرمهم ولا احد يتسلط عليهم وانا اللي ادافع عن بيتي ينكسر جوالي واجلس بالايام بدون شريحه ولا كان بيكسر شريحة النت بعد وفوق هذا يقول يحبني؟ انا حاسه بحبه بس حب عادي وهو قالها ما احسني عشقتك كنت بعشقك بس خفت لما اجي اتزوج احن عليك وامنعك وش هالمنطق ما ادري؟ واصلا لما كان ع قولته بيعشقني قبل لا يعرف انها بتطلق ومن عرف وهو مايعودني ع طيبته ع طول علشان بعدين ما اقوله اتغيرت وهو قالها بعد طفلنا الاول يعني بالوقت اللي كان مدلعني فيه جاه خبر عنها ومن هنا بدا يفكر فيهاواللي حسيته ان الخبر انها كانت تبغاه ..لو كانت جد تبغاه ما رفضته قبل زواجها وهي عارفه انه يحبها بس لما شافت ان زوجها مو مالي عينها قالت اخذ واحد يحبني احسن...امس وصلت لحالة انهيار والله بكيت وبكيت مره هاوش علي ومره يحضني ويحلف انه يحبني وانه وعد ماعاد يجيب سيرتها وانها لو اتطلقت ماراح يتزوجها لانه خلاص كرها والله مقهوره مو قادره ارجع مثل اول هو يقول تكفين ارجعي مثل اول والله افتقدتك بس انا مو قادره الحمد لله صار يدلعني ويرجع شوي شوي بس احيانا اشوف بعيونه حزن احسه لسا يحبها رغم المشاكل اللي سوتها لنا... اقوله انت تصدقها وتكذبني يسب فيني يقول انتِ غلطانه اقوله انا ادافع عن بيتي تبغاني اسيبها تاخذك مني هو لو فيها خيركان ماتقولك زوجتك ارسلت وزوجتك قالت وياليتها صح بس واضح نيتها سيئه وانت مصدقها ع طول الخط كيف تبغاني اصدق انك تحبني كيف؟احسني مصدوومه فيه كنت واثقه فيه كان ملتزم وطول الوقت يقرا قران ويحاول يحفظه كيف صار كذا؟صح لما اخوفه بالله احسه يجلس يفكر ويخاف بس شكله مره يحبها ومو قادرينساها وانا والله فاهمته ياليتني مو فاهمته ياليتني اقدر انسى ابغى اخواني الرجال يقولون كيف اقدر انسيه لازم احاول علشان بيتنا وعلشان اطفالنالازم مانكون انانين انا كنت حاطه الطلاق براسي بس شلته لانه ماراح يطلقني لو يصير اللي يصير اعرفه وعلشان اطفالي لما يكبرون مايعاتبوني ..لما جلست فتره عند امي جلست بنتي اللي عمرها 5 سنوات تقول طفشنا ابغى اروح بيتنا وابغى بابا وانتِ ماخليتيني اروح لبابا كأنها حاسه ومره نامت وصحيت ع طول ماطولت وهي تبكي تقول بابا اخذه الوحش وانتِ تركتيه بالبيت لوحده وبهالوقت سبحان الله كان يتصل بس مارديت قطعت قلبي والله.. انا كيف انسى كيف احس معاه بالامان كيف ارجع مثل اول والله لي فتره بس ادعي عليها وقلبي يعورني ما ابغى ادعي ع احد حتى لو هو ظالمني بس لما اشوفه كيف يصدقها ويكذبني كيف تفكيره فيها اقول تستاهل الله يحرق قلبها مثل ماحرقت قلبي وعيشتني بمشاكل فوق السنتين امس ارسلتلها نصيحه لوجه الله حاولي تكسبين زوجك وحاولي محاوله اخيره علشان اطفالك وترى مافيه احد مرتاح بهالدنيا وزوجك مو بذاك السوء بس انتِ اصبري واحتسبي << حسيت اني مسكينه انا وش دخلني هي داهيه لوتستخدم حيلها معاي معاه كان قدرت عليه بس هي ماعندها احساس بالمسؤوليه..وقلت لزوجي علشان ماتقوله وتحرف في كلامي وهاوش علي وعصب ليه لاني اقولها ارجعي لزوجك مايبغاها ترجع يقول انتِ ماتدرين عن زوجها انا لي الظاهر وماقد سمعت احد يقول شي مو عادي اللي اسمعه انها هي تحاول تاخذه من زوجته وعياله وماقدرت وانه هو بخيل طيب هي موظفه تحاول تتحمل علشان اطفالها اقل شي ولا تخرب بيوت الناس وهو كمان وش عرفه عن زوجها شكلها هي تتشكاله منه وانا اعرفها شخصيا هي انسانه متكبره من كذا موقف عرفت كذا بس الله يستر علينا وعليهامالي فيها انا همني ابو اطفالي..وعلشان كذا امس انهرت وتعبت اول الدموع مو قادره تطلع مني احس بضيقه فضيعه بس بعدين جلست ابكي وجاتني حاله هستيريه حتى هو مره يعصب ومره يحن علي ويحضني وهداني شوي ونمت بعد تعب ولما صحي لصلاة الفجر سويت اني مو صاحيه وطلع ما ابغاه يشوفني مو عارفه كيف اقابله هو وعدني انه تاب خلاص بس انا مو قادره اتخلص من احساسي بالقهر والضيقه اخاف يكون ضاغط ع نفسه واخاف انه بس يجاريني وبعد طلاقها لاني ما ادري هي اتطلقت ولا لا بيحاول نرجع لنفس الدوامه صعب ان المراءه تحس انها طول سنوات من عمرها مخدوعه بزوج يفضل ويفكر بغيرها كيف اتخلص من هالاحساس كيف انسى ؟ ااسفه طولت عليكم بس بفضفض لاني لو ما سويت كذا احس بنفجر من الضيقه والتعب والكل ملاحظ علي حتى هو يقول والله انك رايحه فيها من التفكير علشان وزني اللي خف كثير وعلشان الحزن اللي بعيوني..انا ادري لازم اكون قويه وما اخلي هالشي يأثر فيني واش يعني الحياه ما تتوقف ع رجال المفروض ما اخليه كل همي بس مو عارفه وش اللي صايرلي ليه كذا صرت المفروض اكون اقوى من كذاحسبي الله وكفى |
ماكنت احسب الموضوع كذا طويل بس حاولت اختصر اعتبروها فضفضه...اعذروني للاطاله |
ماشاء الله عليك يااختي انتي عطيتينا المشكله مع الحلوول الفرديه الي قلتيها لزوجك
لاكن اقوولك لا تبيني له في اهمية المووضوع لاكن عطيه كلمتين اذا كان هو ملتزم فقولي له ترااك انساان ملتزم وتخاااف الله وانت الي تفعله محرم شرعا اذا هي حلالك ماهتميت والى الان انا مش مهتمه لاكن خوفي عليك من رب العاالمين اني انصحك وخوفي على بيتي وبنااتي وعلى نفسي وخلي الكلمه تغلي في كبده والله يحفظك ويحفظ كل بناات المسلمين |
والله ياما اتكلمت ونبهته ان هالشي مايجوز احسه يقتنع بس مو عارفه ليه يرجع يكلمها وش يبي فيها وما اقدر اوضح اني مو مهتمه بالموضوع لاني لو بينت كذا بياخذ راحته ع الآخر وما راح ادخل الا لما يتمكن هالشي منه ويصير صعب يتركها لازم من بدري اوقفهم |
الموضوووع جداً طوويل اختي الفاضله ..
كتبتي في البدايه انك ماحبيتيه .. وبعد مانجبتي منه اول طفل اتظاهرتي بمحبتك له علشان الطفل الا جبتيه منه.. فلربما زوجك الله يخليه لك .. رآآك بعيده عنه وغير مهتمه به كثيراً.. رغم انه الرجال من وجهة نظري (مايميلي عينهم غير التراب) سـلآلآمه الطيبين طبعاً . أعانك الله يا أختي في جميع امووورك .. دمتي بوود =) |
|
اقتباس:
صح انا في بداية الزواج كنت جابره نفسي بس مو محسسته بس جلست فتره طويله اقنع نفسي بإيجابياته وابعد عن سلبياته واقول لنفسي الرجال مو مقصر وخلاص بعد الطفل الاول اتعايشت خلاص صار بينا موده ورحمه والحمد لله...واذا ع الاهتمام والله الحمد لله مهتمه بكل تفاصيل حياتنا حتى هو شاهد ع هالشي بس يقول انها بنفسه وش ذنبي انا؟ |
واضح انك مو مقصره مع زوجك بشي..واتمنى محد يحملك الغلط او يقلب الموضوع ضدك..لانه تصرف زوجك وقريبته ماله اي علاقه فيك لانه كان يبيها من زمان قبل لايتزوجك ويعرفك وجات هي بعد زواجه ودخلته في شغل معها شي طبيعي بيصير بينهم شي والله اعلم بالخافي
معقول زوجك يعترف لك انه وقت العلاقه الحميمه يتخيلها هي بدالك...:24:بصراحه مدري كيف تحملتي هذا الكلام منه..لو انا مكانك كان اغمي علي..من الصدمه لانه مااعتقد في كلام يجرح اكثر من هذي الكلمه الي قالها..ودام وصلت لكذا انه يتخيلها بدالك لها الدرجه مو معطيك اي اعتبار ماالومك على الحاله الي وصلتي لها الان حبيبتي ادعي ربك في جوف الليل...عليك بالدعاء في كل صلاه انه زوجك يحبك ويبعد قليلة الحياء عنه.. والله انها قليلة حياء ماتستحي من ربها...كيف تبينها تستحي منك وهي مااستحت من ربها...زوجك كان مستقيم وبسببها انحرف اعوذ بلله منها.. وانا ضد من يقلك ان زوجك مالقي عندك حب..اصلا هذا الشي ماله دخل خصوصا انك مابينتي له وماقصرتي معه في شي..وكفايه الموده والرحمه الي بينكم قبل لايشتغل مع قليلة الاصل..لانه في كثير رجال حريمهم مايحترمونهم ولايحبونهم ومع ذلك ازواجهم يموتون فيهم..ولافكروا في غيرهم مثل ماقلتلك ادعي ربك في كل صلاه ومع صلاة الوتر انه الله يصرفها عنه ويكرها قلبه..ولاتيأسين..حتى لو جلستي سنه تدعين..وتشوفين كيف ربي يفرجها عليك.. زوجك ماراح ينصلح معك الا اذا انصلح حاله مع ربه... |
اقتباس:
هلا بالغاليه سيدة الموقف تدرين ياسيدة الموقف اني احبك في الله..وطول فتره مشكلتي ادخل للمنتدى واقرا ردودك واقول نفسي تردين علي لو كتبتها لان رايك يهمني انتِ وكثير من الشخصيات الرائعه والله حاولت امسك نفسي وما اعصب خاصه بالاسبوع الاول اللي سمعته يكلمها وكنت اقول علشان شغل وانا صح سمعته يكلمها عن الشغل بس زودوها اكثر من 4 او 5 مكالمات وبعدين شغلهم خالص تقريباوبهالاسبوع اللي قبل المواجهه كثفت اهتمامي فيه وكلمات المدح والغزل لدرجه احيانا احسه يتملل بس قلت بجذبه علشان مايقع في الحرام وينجر وراى المكالمات ...اما بعد المواجهه مره كذا ومره كذا لاني نفسيا تعبانه مو الموضوع وهو يزود بتعبي كل ما اجي اهتم واقول خليك ذكيه وخلي تأثيرك اقوى عليه يحرقني بكلامه واحسها غاسله مخه غسل بس من اليوم بحاول اضغط ع نفسي وارجع احسن من اول واترك الحساسيه وافكر بالعقل شوي واكسبه لانه حلالي وهي اللي دخيله على حياتنا وربي يكون معاي اشكرك ياعسل ع نصيحتك |
|
اقتباس:
ليه الغرور نورتيني ....هذا اللي خايفه منه احد يجي ويقول انتِ مقصره وانتِ وانتِ..انا من اول قايلتله اللي مايعجبك صارحني وقول وانا بعدله وهو يقول والله ماشاء الله مو مقصره ويوم جات سالفتها ذكرته بكلامه قال هي بنفسي..صعب تحسين انك تقدمين كل اللي تقدرين عليه والشخص الثاني يقابلك بخيانه والدعاء والله ادعي ان ربي يسخره لي واحيانا ادعي عليها ويحز بخاطري ادعي عليهاماقد دعيت ع احد كذا حتى لو كنت مظلومه..واقرا سورة البقره من فتره واحس المشاكل تزيد..واستغفر كثير الحمد لله وربي يعين كتبت رد وطار ورجعت كتبت من جديد هههه |
اقتباس:
الله يسعدك يالغلا..رفعتي من معنوياتي |
عزيزتي ... ما شاء الله عنك .. اللي مثلك .. زوجها يحبها ... ما تفعلينه صحيح .. ولا تخافي طالما أنك تفعلي الصح... مشكلتك ليست فيك .. المشكلة بس أكثري من الأذكار .. والدعاء .. الدعاء .. الدعاء ... وافعلي ما ترينه مناسباً ... حبيبتي ... أنتي ما شاء الله عنك ما ينخاف عليك ... عقلك كبير ... وصدقيني .. النهاية لصالحك بإذن الله تعالى ... وأوصيك وصية .. أنت وعم تطبخي .. صلي على الحبيب المصطفى صلى الله عليه وسلم .. بنية الله يحبب زوجك فيك ... هذه أعرفها من تجربة وحدة كان زوجها يريد أن يتزوج عليها .. وبعد ما فعلتها .. عدل زوجها عن الفكرة من أصلها .. رزقنا الله وإياك حبه ونوره وهداه .. |
أختي الكريمة حلك أولا بين يدي الله سبحانه وتعالى , ادعي الله أن يهديك ويهدي زوجك ويصلح بيتك ... بالنسبة لمشكلتك أختي الكريمة فالذي أراه يا رعاك الله أن تتوقفي عن مصادمة زوجك والكلام عن تلك المرأة , فأراها أخذت كل حياتك بعد دخولها حياته, فهي معه في كل حين حتى في بيتك أصبحت هي محور الحديث.. الذي أراه أن تعملي بنصائح أختي سيدة الموقف فقد أبدعت لا تشعري زوجك بهلعك ولا توجيه ولا تنصحيه بخصوصها , وحاولي أن تعززي عنده الجوانب الايمانية بالمشاركة , ادعي له دوما احضنيه وضميه كطفلة حتى يشعر بحنانك أختي ... ألغي الكلام عنها تماما , وانشغلي ببيتك وبأولادك , وباذن الله يعود لك زوجك لا تدعي عليها قولي فقط اللهم اكفيني شرها اللهم رد كيدها في نحرها ... أرجو الله أن لا يجمعهما فهذه المرأة جمعت قبائح كثيرة أهمها : علاقة بأجنبي وهي على ذمة رجل آخر .. فلا حول ولا قوة الا بالله ونسأل الله السلامة والعافية |
الله يعينج يااختي ويآجرك في مصيبتك
هالناس هذيله احسن حل لهم الحقران ولا كانها موجودة ولا تعبرينها أبدا عندنا مثل بالكويت يقول الحقران يقطع المصران وعليج بالدعاء في كل وقت وفي كل حين مو بس بأوقات الاجابة لا وانما بكل وقت " واذا سالك عبادي عني فاني قريب أجيب دعوة الداعي اذا دعان" اسأل الله بأسمائه الحسنى وصفاته العلى ان يكفيه شر الأشرار وكيد الفجار وان يرزقك على نيتك ويرزق عدوك على نيته اللهم امين |
اقتباس:
امييين يارب...الله يجزاك خير على النصيحه وان شاء الله اطبقها |
اقتباس:
هلا بحكيمتنا الماضي الدفين..صح اني لي فتره طويله وانا بس صدام معاه وكل شوي اجيب سيرتها او هو يجيب سيرتها واجاريه بالكلام ونزعل من بعض كثيير بس والله من القهر اللي فيني انا عارفه بقرارة نفسي انه غلط ولازم اجذبه لي حاولت بالاسبوع الاول قبل المواجهه بس بعد المواجهه ماقدرت نهدأ فتره واحاول اتقرب منه يرجع يجيب سيرتها وكأنه يبغاني افجر كل غضبي وبعدين اطفش واقبل بالوضع لانه يقولي اذا انتِ وافقتي بعدها كل شي بيصير سهل قصده موافقه اهله بس الحمد لله انا قدرت اكسب اهله من خلال تعاملي معاهم باللطف من زمان ولو انه وقت الأزمه امه وقفت بصفه بس اتراجعت لانها صدقت كلامه عني واني اتبلى عليه..وانا ابغاها يعرف اني ردة فعلي قويه مو ع قولته تزعلين شوي وترضين لازم يعرف اني لايمكن اقبل ولا يمكن ارجعله بسهوله وكأن شي ماصار وبصراحه اسلوبه بجد استفزازي يعني يسب بأخلاقي ويشكك فيني وهي يقول عنها شريفه ويقول اتخيلها ومن هالكلام وانا اكون هاديه ولا يأثر هالكلام فيني اكيد بتنرفز وبشيل بخاطري وكل شوي بتذكر هالكلام...بس قررت بعد ماارسلتله قبل يومين وتكره فيني وتحسيها تبغى طول الوقت مشاكل بينا ويطفش مني ويروحلها وبعد مانزلت موضوعي هنا اني ابدا صفحه جديده واضغط ع نفسي واتناسى الكلام الجارح ...وقلتله خلاص ماعاد تجيب سيرتهافي بيتي لابخير ولا بشرووعدني وقال اصلا كل شي منتهي من زمان بس انتِ شكاكه(وهذي يكثر منها كل شي منتهي اجل ليه مطلع شريحه ومخبيها بدوامه وامس حصلت مرسل رساله بس مو عارفه وش فيها )..قلت بحاول نرجع مثل اول بس بالتدريج يعني شوية ابتسامه شوية كلام حلو والين ما نرجع احسن من اول واقدر انسيه اياها وبخليها تموت قهرلما تحس انا رجعنا لبعض ومابينا مشاكل:17: |
اقتباس:
اللهم ااامين.....الله يسعدك يالغلا ومشكوره على مرورك ودعائك |
اقتباس:
صح صح صح صح هذا الصح خليها تموت قهر انكم مبسووووطين ولاتجيبي سيرتها ابداااااااااااااا علشان تعطيه فرصة ينساها وكثفي دلعك بس بدون لصقة وطبعا مادخلت اكتب رد وحل لأن ماقصروا الأعضاء وانت ماشاء الله تبارك الرحمن عاقلة وواعية وفضفضتي وارتحتي وتعرفي الحل بس حبيت أقول ان المشكلة هذه خير لكم لانها وضحت لك انك تحبي زوجك بجنووووووووووووووون :22: |
اقتباس:
والله جد احس بعد مانزلت الموضوع وقلت اللي بخاطري ارتحت كثير ونفسيتي اتغيرت وصار عندي روح التحدي بدل الضعف والاستسلام...وعلى قولتك يمكن اللي صار خير لي علشان اعرف اني جد احبه وما اقدر على بعده:d الله يسعدك يا ام جمانه |
بس تتوقعين جد ينساها وهو لسا يكلمها؟ احيانا افكر حتى لو يكلمها يمكن يقتنع اكثر انها ماتنفعله واحيانا اقول ماراح يشوف عيوبها لانه العاشق الولهان<<بدا الاحباط ههههه |
اقتباس:
الله يقويك يارب يا أختي نعم هكذا نريدك لا تستسلمي أبدا أبدا ... وأريد أن أضيف لك أمر مهم جدا : نفسك لازم يكوووون طويــــــــل لا تستعجلين النتائج بمعنى توقعي أحيانا أن زوجك يكون منشغل فكره , أن يكون يفكر فيها , وأنها لازالت في حياته وباذن الله أنت من ستجتثين كل جذووورها .. لأن النساء يقعن في سقطة مهمة حين تكون تريد استرجاع زوجها من عشيقة أنها تبدأ وتعود نفسيتها وتقبل عليه وتجده لا يجاريها فتعود وتنهار فانتبهي غاليتي أن المشوار أمامك طويل يقصر بالتوكل على الله والاستعانة به فاطلبي من الله العون |
اقتباس:
ادعي الله يا أختي وتوكلي عليه وانخرطي مع زوجك في حياتك الزوجية وبعدين بقولك شي: اذا تبغين تجددين صالة بيتك أو مجلسك أو تبغين مصروف أو في بالك طلب اطلبيه من زوجك كوشي على فلوسه :d بس بدلال وهداوة وبدون عصبية |
احس بخوووف وتعب وضيقه والله بس ابكي اخاف اللي افكر فيه جد ع 10 اتصلت عليه قلتله تعال نتقهوى جاء واتقهوينا وجلسنا نمزح مع بعض وعادي ولاكأن شي صاروبعين طلع يكمل شغله ورجعت ابغى انام قبل الظهر بشوي اول ماحطيت راسي الا دقايق جاتني الاحلام المزعجه صحيت وتعوذت من الشيطان ورجعت 3 مرات مره خاايفه ليه ماتجيني الا لما نرجع لبعض ليه لما كنت زعلانه منه ماصار شي وكنت كل ما اقرا سورة البقره ازيد زعل وعصبيه احس جسمي كله تعبان خايفه اللي من سنين اكذبه يصير صح حسبي الله عليه ما ابغى اتوهم ما ابغى مو قاره ارجع انام من الخوف انه يجيني ثاني المشكله اللي بينا تصير مع اي شخص مو لازم يكون فيه شي ما ابغى احط براسي شك ان فيني شي مره طفشت من هالاحلام |
أنتِ عموما حبيبتي ارقي نفسك بس ترى الكوابيس كثير منها بسبب نفسيتك المتعبة والشيطان أحلى ما عنده يفرق بينك وبينه فلما تصطلحون يزعجك بالكوابيس المهم أنتِ داومي على الأذكار قبل النوم والصبح والمساء وغيرها .. توكلي على الله حبيبتي |
ما ادري والله الحمد لله نفسيتي تقريبا من امس احسن بكثير من قبل فتره بس هذا مو تاركني بحالي من سنين يعذبني وشكله رجع الحين الله ياخذه |
الاخوة والاخوات ماقصروا
ربي يوفقك ويرد لك زوجك ويرزقك السعاده |
تدرين روحي السوق واشتري شريحة وارسلي رساله لزوجها انها بطاله يعني لمحي له ان في شي صاير من وراه
بس لاتفضحين زوجك يمكن يكسر راسها ويمنعها من المكالمات وعلى فكره تخلصي من الشريحه وانتي برا يعني استخدام حق 10 دقايق |
اقتباس:
اختي سنا صعب اسوي اللي قلتي عليه ما احب اكون سبب بأذية أحد وانا ماعلي منها اهم شي زوجي يتعدل ويرجع مثل قبل لانه لو ما اقتنع بنفسه ان هذا الطريق غلط ممكن يكلم غيرها وغيرهاوتصير عاده عنده المكالمات الله يهديه ويهينا ويهدي شباب المسلمين بالنسبة للتطورات الاخيره ...اعتذر مني قدام امه وسلم ع راسي ولما رجعنا للبيت قالي انه تاب وماعاد يرجع للطريق هذا وشكرني لاني صحيته من اللي هو فيه يقول من شهر تقريبا وهو مقصر بالصلاه بدل ماكان يصلي بالصفوف الاولى صار بالصف الاخير وانا بصراحه مو متطمنه كثير لاني حصلت رقم معاه وطلع باسمه لما ارسلت ع الاتصالات اتأكدت وطبعا مايجيبه معاه مخليه برى ومخليني ع راحتي بالجوال اللي يدخله معاه البيت وصاير اكثر تحفظ اول كنت اقدر اسحب منه الكلام بس الحين ما اقدر يقول كنت ماافهم اقولك كل شي وبالتفصيل بس الحين تعلمت ههههه وانا مستمره ع الدعاء وسورة البقره ولو اني احيانا احس المشاكل تزيد وعصبيتي كمان تزيد وقد ما احاول امسك نفسي يوم يومين بالاخير ارمي تلميحات عليه او نكون نتناقش بشي عادي واقلبها زعل واحس دايما الغلط علي بس مو قادره فقلت خلاص اي شي يزعلني او اتذكر شي بكتبه بورقه واطلع كل عصبيتي عليها وبعدين اقطعها وكأني قلتلته الكلام ههههه |
اشكر كل اللي وقفوا معاي وشاركوني بالآراءوساندوني واتمنى من الإشراف غلق الموضوع ودعواتي للجميع بالتوفيق يارب بارك لنا بشعبان وبلغنا رمضان واهدينا الى كل مافيه خير لاخرتنا قبل دنيتنا |
اقتباس:
موفقه |
| الساعة الآن 12:37 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©