زوجي كريم وشهم ويصلي ولكنه يتعاطى المسكرات وله علاقات
 

السلام عيكم
كيفكم ياأعضاء المنتدى.......
انا باطرح مشكلتي واللي عنده رأي سديد ياليت مايبخل علي
انا متزوجة لي 8سنوات عندي 4اطفال ماشاء الله ربي يحفظهم زوجي جداااااا طيب وفيه صفات حلوة كثير هو كريييييم وشهم وخلوق وحنون وبااار بامه جدا ويحب الناس والكل يحبه ما تطلع منه العيبه يحب اهلي ويكرمهم ومايقصر معاهم طبعا يحبني مره ماكذ سبني ولا كذ غلط علي بالكلام ويحب عياله بجنون ويساعدني في تربيتهم ومربي جيد موظف وراتبه طيب الحمد لله كان يصلي ويخلي 6سنوات بس جلست ادعي له الى ان هداه الله للمسجد وصار من نفسه محافظ ولله الحمد
الى الحين هذي كلها محاسن يعني ظاهريا مافي احسن من كذااااا الصفه اللي تميزه الغمووووض والهدوء الزاايد
(انا من طبعي ما اساله عن شي الى ان اتاكد انا عقلانيه زياده وعمري ماتشاكلت معاه على شي لاني انسانه قنوعه وابغى اعيش ومتربيه في بيت ملتزم حتى التلفزيون ماعندنا ونحفظ القران واحنا صغار وعشان كذا هو خطبني)
طيلة الثمان سنوات وانا اعيش مغامرات الكشف عن المستور اول سنه اكتشفت انه يستعمل النشوق طبعا شفتها بملابسه وبكيت توي عروسه انكسر خاطره علي بس وعدني انه يتركها وكذب لاتركها ولا شي بعد الطفل الثاني جيت مره البيت لقيت دخان وشي اسود معاه ورق اسمه ورق الشام سالت وعرفت انه حشيش واجهته بادب انكر وبعدها ماشفت هذا الشي في بيتي وبعدها بكم سنه تعرف على جارنا فرحت لانه انسان خلوق ولكن الحقيقة اللي عرفتها بعدين انه هو وزوجي وشلتهم مدمنين حشيش حسيت اني صحيت من غفلة كلمته عن الدين وعن صحته وعن سمعتنا وعمله راح يخسر ها الاشياء مارد واكتفى بالسكوت طبعا الحشيش غالي وانا كنت استغرب لما يخلص الراتب في خمسه ايام ولما تاكدت انها تروح للحشيش ماقلت لاهله عشان ما احب اشوه صورة زوجي تخاصمت معاه وقلت هذا الوضع مايحتمل لكن رده فاجأني قلي والله هذي ضروفي وبكيفك رحت عند اهلي موزعلانه بس باريح اعصابي يومين واتصل علي قال مابترجعين البيت قلت الا بس لما اقرر لما رجعت بعد3 ايام لقيتهم خطبوله خلاص وبيزوجونه وهو ساكت على اساس اني ماسمع الكلام وهم مايدرون عننا شي حنا مايبان علينا الزعل يعني لا اهلي ولا اهله ولاحتى الشغالة اللي معانا في البيت ماتعرف اذا بننا مشاكل والا لا وانا ما اقول لاحد عن اللي جالس يصير ما احب اصغره قدام أي احد ولكن جزاء المعروف المهم قلت له انا مقصرة معا ك او شفت مني غلط قال انتي مو مقصرة وحس انه تسرع وقال ترى امي اللي زنت علي تقول انتي ماتسمعين الكلام والله ردة فعلي كانت غريبة لاني ما صرخت ولا شي ضحكت وقلت ربي يعلم اني مظلومة وهو بينصفني وهون من الموضوع وقال سامحيني انتي احسن امراه في الوجود وقلت خلاص عيشي يابنت وبعدها عرفت اني حامل وتعبت فترة شهرين واكتشفت ان زوجي بدأ يشرب سكار والله اني اجلس ابكي ما كنت متوقعه اني باشوف ابو عيالي سكران وبرضه ساكته بس ادعي له المشكله محد كذ شاف عليه غبار ولا احد يشك انه هالادمي صاحب مخدرات هو ذكي وحريص واهم شي عنده شكله قدام اهلي والناس
اااااااااااه واخر شي وانا بالشهر التاسع اتوصلت لاخر اكتشافاتي انو له علاقه ببنت عالفيس بوك وتطورت العلاقه وصارت مكالمات ومسن انا هنا انهرت تصدقون انها كانت اقوى صدمة خياااااااااااااانه وانه واعدها يمكن بالزواج لما صارحته وانا ابكي قلت لو اجلتها لين اولد قتلت فرحتي ببنتي والله ماتكلم بس ارسل مسج اني اسف وماراح تتكرر وكل خرابيطي راح تتغير وسامحته بغصه عشان عيالي وعشان ماتجي بنتي بجو زعل
لما خلصت نفاس بالصدفه فتحت جواله ابي اتصل لقيت رساله منه لوحده يقول اذا اشتقتي لي اتصلي سكت قلت يمكن قديمة بس تاريخها بعد ولادتي ولما سالته صرررررررررررررررخ وقال انتي بس تفتشين وراي وهذي قديمه
قلت عطني تفسير ليه تاريخها بعد ولادتي سكت ولا رد الى يومكم هذا له اسبوع ولاراضي يتناقش يقول ماني مضطر افسرلك طلعني غلطانه وقلب الحق علي
احس سكوتي المتكرر خلاه يتمادى لكن ما اقدر اقول لاي انسان حتى اهله محد بيصدقني ايش اسوي وعيالي اللي ابوهم في نظرهم قدوة يطلع اسوء قدوة واهلي لو عرفوا ما ابغاهم يكرهونه عشان مايعقدوا عيالي
اسفه طولت بس والله مقهورة ومحتارة لما اشوف الناس تلقبني شيخة البنات واوقف في وجه اكبر المشاكل وناجحة بحياتي الاجتماعية والمهنية وفي كل المشاريع وبالمقابل فاشله في اكبر مشروووع بحياتي حياتي الزوجية .

ما حبيت أطلع من غير ما أدعي لك يارب يفرج همك ويكشف عنك الكرب والغم قادر ياكريم
يارب يهدي زوجك ويغير سوء حالك بحسن حاله
آمين

لا مو فاشلة لا تقولي عن نفسك كذا
ومو ذنبك إن زوجك يغلط بالعكس انتي صابرة ومجتهدة بالنصح

بس نصيحتي لك
كل شي عديه إلا المخدرات وغيرها من سكار وحشيش

وبالنسبة لخيانته طالما انكر وغلطك لا عاد تواجهيه وحاولي تتناسي الموضوع ولو في شي ربي حيكشفه.
وحاولي بذكائك تجذبيه وتشوفي ايش اللي ناقصه ..
وزي مانصحتك شدي من ناحية الأمور الثانية..


الله يهدي سرك ويريح بالك

ماشاء الله عليك فعلا شيخه البنات رجاحه عقلك وحكمتك وصبرك دليل على حسن تربيتك ونجاحك بلعكس انتي مو فاشله لانه لو فاشله ماكان انتظرتي وصبرتي 8 سنوات كان من اول سنه تركتيه اسال الله لك التوفيق ولزوجك الهدايه بس ماوضحتي يعني زوجك تزوج والا لا

انتي فعلا شيخة ماشاء الله عليك وبالعكس انا اشوف انك ناجحه جدا بحياتك ماشاء الله لا قوة الا بالله
في هذي الحياة ما فيه شي كامل ولازم نصبر على النقص والمشاكل الي عندنا
انتي ماشاء الله عليك مسويه كل الي عليك
وباذن الله مثل ما ربي هدى زوجك وصار يصلي بالمسجد
ان شاء الله بدعواتك وبعملك الطيب وبنيتك الصافية ربي بيهديه وبيسخره لك ولعيالك اهم شي لا تيأسئين وخليك صبورة اكثر
عارف ان الكلام سهل والتطبيق صعب لكني اشوف فيك انك قادرة على تجاوز هالمرحلة
الله يسخر لك زوجك ويخليه لك ويوفقكم ويسعدكم ويهديه ويهدينا جميعا
اتمنى لك التوفيق والسداد

يا حسافه سكوتك دايما جراءه على شغلات جديده ابتديتي بنشوق وتطور الى حشيش وبعدين شلة حشيش و...و....
اعتقد مو لازم تنتظرين دليل عليه وشاهدك ومعينك هو الله
اقترح عليك تعطينه ان تواجهيه بهدوء مع حزم باخطاءه وتعطينه مهله زمنيه محدده حتى يترك اموره السيئه ولا تقولينها بتهديد بمعنى اما ان تتركها او اني سافعل ..يكفي ان تحددين وقت مع تكثيف الدعاء

واذا لم يستجيب فياقلبي اتركيه لان هذا الجو مو صحي لتربيه ابناءك وخصوصا الذكور والخوف ان يكتشفون تصرفات والدهم واكيد سيكتشفونه اذا ما تركها وبعيد الشر ممكن يقلدونه وخسارتك حتكون اعظم وافدح

الله يعينك ويوفقك

اولا كل اللي ردوا جزاهم الله خير بعض الردود ابكتني لانها جات على الجرح وانا ممنونه لكم وبعضها عززت فيني الصبر واني اكمل مع زوجي اسلوب الادب والاحترام مهما كان اللي يسويه لانه في الاخير بيننا اطفال وعشرة طيبه وبصراحة مو ناقصني شي غير خطأه في حق نفسه ودينه الله يهديه كل اللي محزني الحين انه على طول حزين ومتضااايق لاني ما اكلمه ولابيننا الا الكلام الطبيعي الا مايحسس اولادي بانه بيننا مشكله وسار يسهر مايجي الا اليوم الثاني بعد ما اخاف عليه واتصل اطمن يجي وكانه كان نايم عند احد بس مااقدر اساله بيقول انتي ماتبغي ترجعي زي اول

اقتباس:

...كيف ترضي تاخدي واحد موو متدين وبقطع بصلااااااته ؟؟؟؟؟ يا أختي اللي صار صار .......برائي اذا اهله متفهمين ومتقبلين لااازم تحكيلهم عن كل شي ولا تضلي ساكته

نصيب انا ماكنت موافقه بس ابوي يحب ابوه وانا بعد لانه كان عايش عندنا من صغري ولكن توفى بعد زواجي بسنه والا كان هو سندي واللي كنت ممكن اقوله كل شي وبيوقف معي زوجي كان يخاف من ابوه ولما توفى يقول راح اللي كنت اضرب له الف حساااب الله يرحمه
اما امه واخوانه فهم اللي يضربون لزوجي الف حساب ومستحيل يكلموه لانهم بيخسروه وماراح يتكلم ولا بيرد بس بيقلبها على راسي ومع كذا فهذا اخر الحلول

انا مهمتمه به تماما حتى انه يقول احسك امي ولما انصحه يقول ندري انك مثقفه وفاهمة بس انا ادرى بنفسي
اما الكتابة مرة جربتها مدحته وبعدين قلت ياليتك تكمل كذا وكذا قام هزأني ورجع يبكي والمره الثانيه قطعها ورماها في الارض
اما اولادي فاقول له ولدك يقلدك خلينا نكون قدوة حسنه لان ولدي ينتقد ابوه اذا جا وريحته دخان واقول انت قدوته يقول انا واثق من نفسي اذا منتي واثقة بكيفك
واذا قلت لو عرفوا اهلي واهلك عنك يقول راح ابوي اللي كنت اضرب له حساب

انك دخلت على زوجك بنفسيه ( شكاكه ) او عاملته ب (سؤ الظن ) تقولين ( الهدوء الزائد والغموض ) وهذا يدل على رجولته وذكائه وحسن ضبطه لاعصابه فزوجك رغم عصيانه الا انه ( ررررجل من الطراز الاول )
ولذا قلت (اعيش مغامرت الكشف عن المستور ) وهذا واضح انك صحبتيه على الريبه من الشمه وانت عريسه الى العلاقه العاطفيه بعد ولدتك مع البنت وانا احب في الحياه الزوجيه ان نعيش على التغافل خصوصا اذا كان الشريك يخفي عنا حتى لا يصرح بفجوره
كيف اقدر اعيش مع واحد تصرفاته تشكك ولا اشك او اتغافل عنها ما اقدر ترى انا انسانه وينكسر خاطري اذا هيأت له كل سبل السعادة والراحة والهدوء ويروح للغلط بدون سبب يعني مافي شي يكدره عشان يحاول ينساه وكذ سالته اذا فيه شي مضايقك وتحاول الهروب منه انا باساعدك انت فضفض لي وانا باعينك يرد بلا واحتار انا في امره
هو من النوع اللي يحب يونس نفسه مهما كان ويحب كشتات الشباب حتى لو هذا الشي يضره ويحس انه العقاب بعيد وانه ماراح ينكشف لانه ذكي ونسي انه فيه اللي اذكى منه وقادر يكشفه او يهديه

الله يفرجها عليك ويقر عينك بهدايته ويجعله مايشوف غيرك من بنات آدم لا بحلال ولا بحرام يااارب-

نصيحه :اكثري الاستغفار استغفري باليوم الف مره

الله يكون في عونك
ربنا يهديلك زوجك
ديري بالك عحالك وعلى ولادك
حاولي تقعدي قعدة هادية وتفهمي منوو هو ليش عمل هيك
ومدام هو بيخاف على مظهرو قدام الناس احكيو خاف من ربك وخاف من الناس ازا حد شاف
وان شاءالله يتغير للاحسن

اااااااااااااااااااامين يارب

مبرره انه يتسلى وهو يحب يكتشف ويجرب كل شي واذا كثرتي اسأله يقوم ويسيبك ويبقى ساااكت والله يمتد سكووووته اسابيع
انا احس يقتلني سكوته يتجاهلني واضطر اتبع معاه نفس اسلوبه
الله المستعان
عموما مشكورة اختي يعطيك العافية

كل شيء إلا ( علاقات الزنا ) ضررها يتعدي لكِ ..

والزنا أسرع طريقة لنقل المرض ، والمرأة تنتقل لها العدوى أسرع من الرجل ..

نظراً لتكوينها ولأنها اقل مناعة من الرجل ..

( إلعبي دور البطولة في حياتك الزوجية لكن ليس على حساب نفسك )

أعانك الله واصلح زوجك ..

انا ما اقدر اتخيل انه يوصل للزنا الفعلي ولما افكر القى ان الانسان اللي يسكر ممكن يسوي اشياء مو
بوعيه واكيد المكان اللي بيكون فيه الشراب والمخدرات مكان فيه كل شي نجس لكن ما اقدر اثبت عليه هذا الشي اما مكالمات ومسجات فهذي شفتها بعيني
لكن سكوته يحيرني ومايعطيني مجال اناقشه