|
زوجي مل مني ويريد أن يطلقني
السلام عليكم ورحمه الله وبركاته
بسم الله الرحمن الرحيم انا متزوجه من 7 سنوات الحمد الله كنت عايشه احلى عيشه ككل زوجين احب زوجي وهو يحبني الحمد الله عندي طفلين والحمد الله مشكلتي انانيه زوجي يحب نفسه بشكل فضيع الزم ماعليه نفسه الحين على قولته انه مل مني ويبينا نتطلق ونبعد عن بعض وان حياتي انا وياه مستحيله بس والله لو سالتوني شالاسباب والله مافيه سبب معين كلها اشياء تاااااااااافهه وماتستحق اللي يسويه يزعل على اتفه الاسباب هو حبوب وحليو وعمره مارد لي طلب واي شي ابيه يجيبه لي يحب الطلعات والتمشيات مانقعد ابد بس مشكته ايش مافيه مشاعر مافيه حب عمره ماتكلم او مدحني بشي الكلمه الحلوه عمري ماسمعتها منها مااسمع منه الا الانتقادات وفكره عن الزواج ابش انتي م من حقك تطلبين هالشي مدامي اطلعك واجيب لك اللي تبين مو من حقك تطلبين مني اي شي ثاني انتي هاذا دورك تدلعيني وووووو انا انسانه ولي حقوق ابي احس اني زوجه بالعربي ابي احس اني انثى ماابي قصايد وكلام حب ابي الكلمه الطيبه اذا فتحت له الموضوع بطريقه غير مباشره مجرد تلميح يثور ويسوي لي سالفه يقول هذا انتي اللي تسوينه مو انا انا علي اني اطلعك واوديك ومالك حق نطلبين مني اي شي ثاني وان صار راضي علي يسولف معي كاني واحد من اخوياه ماكني زوجته اسوي له جو ينبسط ويعجبه بس مايتكلم معليش ابدخل باخصوصيات شوي حتى وقت الجماع المداعبات هاذي انسيها انتي اللي تجين وانتي اللي تسوين انا مااسوي شي انا بالغربي صار فيني تبلد بالاحاسيس صرت ماعاد اسوي زي قبل تغبرت نفسيتي والله غصب عني وكثره المشاكل ورى المشاكل الين صار بيني وبينه فجوه كبيره صار زي الغريب بالنسبه لي احبه زوجي وابو عيالي بس مافيه احاسيس تخيلو اذا زعل اقعد اراضيه يوم كامل هذا اذا ماصار يومين بعض المرات اسبوع والمشكله ياليته على شي يستاهل والله شي تافه بس معليه اصبر نفسي واراضيه وبالاخير يفول انتي ماذبحتي نفسك علي اذا شفتيني زعلان وقفي فوق راسي ولا تنامين ويمكن اذا قمت وشفتك صاحيه واقفه فوق راسي افكر اذا ارضى والا الا واذ ا شفتك ذاله نفسك لي افكر اني ارضى عليك والادهى بعد ايش انو اذا تبيني ارضى عليك يبي يجامعني بالحرام من الدبر واذا عييت ومنعته يزيد بالزعل انا طفشت من هاالحال وماعاد فيني صبر بس صابره وساكته عشان عيالي الحين مهددني بالطلاق وهاينه عليه العشره ولا هو مفتكر ويبيني اعدل من وضعي والا بيطلقني وماني عارفه ايش اسوي معاه وان تكلمت معه ووضحت الاشياء اللي مغيرتني عليه تكبر السالفه ولا يرضى اوضح له اللي بخاطري حتى اذا م غلطانه بشي لازم اني اقول اني غلطانه والا والله لويقعد شهر او سنه قدام وهو زعلان ماهمه حت اذا صرت تعبانه ورفضت اني اروح المستشفى يزعل ليه مو عشان اني تعباه لا يزعل اني ناراح اقابه واقعد معه زي اناس ومشكلته انه يجحدني باي شي اسويه له يقول انا عمري ماشفت معك يوم حلو وانتي ماعاد تعنيلي شي ووجودك وعدم وجودك واحد عندي وبعد كم يوم يقول انتي ماغيرتي شي كيف يبيني اتغير وهو يسمعني مثل هالكلام وغير الشتايم اللي اسمعها منه انا وعدته كم مره اني احاول اني اتغير بس والله غصب عنب م فادره ولاني عارفه ايش اسوي عشان ارضيه الحين يقولي اذا ماشفتك ذابحه نفسك علي والله راح اطلقك وغير الزوجه الف وانتي ماعاد تعنين لي شي ؟؟؟ كيف اتغير يانا تكفون ساعدوني والله اني اكتب لكم وانا مشوشه ومقهوره وادري كلامي ملخبط وداخل ببعضه بس والله من حر مافيني وطبعا دايك\م يقولي انا عمري ماغلطت عليك انتي اللي خربتي علاقتنا انا عمري ماسوبت شي اي شي تبينه يجيك مايفكر ال بالشياء الماديه وغيه مالي حق هذا اللي قدرت اكتبه الحين وكلي رجا فيكم بعد الله انكم تيفيدوني وتساعدوني لا والله حياتي عالمحك ونسيت اقولكم انو الحين بادي بعلاقات بالبلاك بيري مع بنات وابي اواحهه بسس عارفه رح يخش بغين ويقولي انتي السبب انتي اللي وصلتيني لهالحال واذا ذكره بعيالنا وانهم راح يضيعون وذمبهم برقبتنا يقول هاذا مشكلتك وذمبهم تتحملينه انتي انا مالي دخل تكفون ساعدوني |
الله يصلح ما بينكم
بصراحة ما فهمت تماما ويش الي يبي تغيرينه من سلوكياتك؟ وشلون يعني تذبحين نفسك عشانه؟ الله يهديه ويسر أموركم |
يؤ يؤ يبي يسوي معاك من .... !!!؟؟
خليه يوولي ياقلبي الظاهر زوجك صابه ملل من حياتكم والروتين اللي فيها فحاب يجرب شيئ جديد وماعنده فكره الا بالحرام لان للاسف صارت افكار الشذوذ منتشره المهم لا تعطينه وجه ابدا وردي عليه بصرامه وانتي اللي ازعلي اذا مجرد يحاول يلمح للحرام.. وحاولي ببقيه امور البيت وعلاقتكم انك تغيرينها بالشي اللي يتمناه كل هذا خلال مده زمنيه تحددينها قبل.. اذا فاد كان بها واذا مافاد شيلي قشك وعلى بيت اهلك وحطي ببالك انك بتجلسين فتره طويله لا تطلبين الطلاق ولكن روحي زعلانه لعل وعسى انه يواجه نفسه ويفهم عيوبه وتتعدل علاقتكم وقبل كل هذا اطلبي الله يساعدك ويعينك |
ياقلبي الله يهدي سرك يارب
اعذريني على صراحتي زوجك يخونك واذا تبين تعرفين خذي ذاكرة جواله وانا بعد اكتشفت انه مع زوجي البلالا بيري الله لا يوفق الي صنعه والحين انفصلت عنه بس جلست بالبيت عشان عيالي لانه طلع يقابل |
حياك الله اختي الكريمه ( ومضه ) ( كل ما اكتبه اجتهاد ليس بالضروره ان يكون صوابا كله لابد من مشاوره العقلاء والسماع من اكثر من طرف ) وانا انتقل في مشكلتك من سطر الى سطر كلما ( اتضح لي شي ) في جوهر المشكله او ( الخيط الرفيع ) الذي ترجع اليه المشكله جاء شي اخر ينقضه فربما كانت مشكلته غير جوهريه ( اي ليس لها سبب وحد واضح ) بل هي تراكميه واعني بتراكميه ( انها بين فعل ورد فعل ) بمعني انك وزوجك كل واحد يجرب مع الشريك ( سلوك ) جديد من اجل اخضاعه لمطالبه لكن دعيني اشرح لك انطباعي العام ثم احلل مشكلتك ثم اذكر لك الحل الانطباع العام ان زوجك فقد دوره ك ( رجل ) ويبدو انه انسان (خضوع وحبوب ) كما قلت في بدايه الامر وانت اخضعته لما تريدين وهو موافق على كل شي فقط انت تطلبين وهو ينفذ ثم سرت هذه التركيبه الغريبه الى العلاقه الخاصه يقول لك ( انتي الي تسوين وتجين في الجماع ) اذن ازمه البيت ازمه قياده تنبتهما لها بعد مرور سنوات على الزواج انت تقولين ( يكلمن مثل واحد من اخوياه واريد ان اكون انثي ) وهذا يدل على انه يراك ( ند ) لاشريك وتقولين ( اريد سماع ثناء واطراء ولا اريد بذل ) وهذا يدل على انك تريد الخضوع للسلطه الرجوليه وتعبانه من هذا الوضع المعكوس تحليل المشكله من خلال سطورك الحكم بالانانيه على الزوج وكونه لايحب الا نفسه مناقض لقولك كنت عايشه احلي عيشه ولايريد لي طلب وحبوب ويبدو انك في حاله نفسيه متعبه فلم تقدري على التوصيف الجيد وجوهر المشكله (حبوب ) لما كان على الدين وخاضع ( مل وسأم ) ثم حاول ( التنمر ) بالهجر والزعل و (نجحت ) معه هذه الطريقه وقد قلت في مشاركه اخري ( اياكم ان تعلمو الطيبين ان الحقوق لاتاخذ بالاخلاق وانما تؤخذ بمخالب الاسد وحمار العين ) او ( ما اخذ بالقوه لايسترد الا بالقوه ) هذا لايصلح ولا يصح في العلاقات البشريه المبنيه على الحقوق والوجبات والتنازل ولذا لما وجد منك الخضوع بالزعل والتهديد بالطلاق اصبح يتشرط لدرجه انه يطالب ب ( الحرام ) والمستحيل ( وافقه فوق راسي ) ونجح معه هذا الاسلوب في كسب (الخضوع ) الزوجي له وانا اسـألك وكوني صادقه مع نفسك هل كنت تخضعين له وتراعينه يوم كان ( حبوب ) لا يرفض اي طلب مثل ما تراعينه الان هل الخضوع والاهتمام به والخوف منه واحترامه زاد بعدما تغير واصبح يهجر ام انه لم يتغير والوضع كما هو الاحترام واحد والخضوع واحد ؟ اذا اجبت عن هذا السؤل عرفت نصف مشكلتك اذن هو اعتقد ان حق ( الحشمه والاحترام ) لايأتي الا ب ( القسوة والهجر واللامبالاه ) وان ( الحبابه وطيبه القلب ) ما ( توكل عيش ) بل تجعلك على هامش الحياه ( الجدار القصير كل يقفز فوقه ) الحل 1 - زوجك حبه بالافعال لا بالاقوال فلا تطالبيه بالكلام الحلو بل عوديه عليه وفي دراسه بريطانيه عن الرومانيسيه اكثر البريطانيات يعتقدن الرومانسيه في كوب الحليب الساخن في الشتاء والمصاحبه في الاسواق ( يعني افعال ) لا اقول 2 - محاولة الاهتمام بزوجك والقرب منه واحتوائه واعطاه ما يريد وكسب قلبه 3 - عدم الخضوع لابتزازه ب ( الزعل ) والهجر وقولي له باسلوب طيب اذا كنت معي حسنا ساكون جيده وطبقي معه هذا السلوك العملي اذا ذهب بك الى مكان او لبي لك طلب او اعطاك هديه فبادري بالشكر حتي يعرف انك من النوع الذي يؤخذ ما عنده من الطيبات بالمعامله الحسنه لا بالقسوه والاحتقار واشعريه انك ( تغيرت ) ولابد ( ان يتغير ) ايضا 4 - حاولي تذكيره بالله وخوفيه به وخصوصا في علاقاته المحرمه وطلباته المحرمه 5 - تقوي الله ومراقبته والدعاء والتضرع والصدقه والاستغفار كلها ابواب للفرج 6 - اذا لم يفيد الاكرام والحشيمه (بعد فتره كافيه ) اظهري لك غضبك وهجرك بطريقه وديه ووقت كاف حتي تعرفي ما هي نقطه ضعف زوجك السلوكيه هل يخاف من الهجر او يأسره الاكرام والحشيمه او ينفع معه المواجهه او الانسحاب اي جربي معه ( الاكرام - الانسحاب والاعتزال - المواجهه - الحيله ) ويسمونها اسلوب ( الحمام والسلحفاه والقرش والثعلب ) ولكن بحكمه وزمان منفصل وكاف مثال طقي اكرام مع المطالبه بالحق شهر ثم الانسحاب مع المطالبه بالحق شهر .... الخ |
اقتباس:
هذي نظريه عسكريه :d ان شاءالله تنفع الاخت وتفيدها وربنا يصلح حالها وحال زوجها |
|
عمران
ما شاء الله عليك استاذ الله يوفقك |
السلام عليكم
عزيزتي زوجك طلب منك بالصريح ان يجامعك بالدبر وهذا محرم شرعا---لاحول ولاقوة الابالله من رايي انك انتي تسيبين زوجك وماتخبري احد باللي طلبه وتعاتبيه قبلها فلامعصيه لخالق في طاعه مخلوق----ومن ترك شيئا لله عوضه الله خيرا منه ربي يسعدك بحياتك |
الله يفرجها عليكم ويهديه ويرده لك -ماعندي حل للاسف ادعي ربك وتوكلي عليه
|
السلم ععليكم
جزاكم الله خير على رددودكم جميعا معليش انا كتبت مشاركتي وانا كنت متضايقه حيل ومشووشه والظاه ر اني ماقدرت اوصل لكم المشكله بالضبط وبالنسبه لسؤال اخوي عمران ايه نعم كنت اراعيه وكنت معيشتعة مافي احلى منها وعلى فكره انا مو من النوع المتطلبه وحتى لو بغيت الشي منه المح له اذا قدر كان بها واذا ماجات من نفسه بالعربي انا قنوعه حتى لو الشي من حقي اني اطالب فيه انا مشكلتي معها التصحر العاطفي انل تعبت من كثر مااعطي ولا فيه اي مقابل وهو تفكيره مدامه يطلعني ونتمشى انه مو مقصر معي وعلى فكره طلعاتنا ماتكون خاصه تكون مع الاولاد والمشكله انه ماحي حقي بالنتاقش معاها وماعمري ناقشته بضرامه او بزعل او بالاحرى عمنري ماتزعلت منه ووصلت لمرحله اني اتاسف منه حتى لو اني مو غلطانه وبعض المرات اسسال نفسسي على ايش انا اتاسف اخوي عمران بصراحه عجبنبي اسلوبك واهتمامك ودقتك لحل المشكله ياليت اذا سمحت ومافيه احراج اني اكلمك عالخاص |
وينكم ياهل الخير محد يرد علي
|
بس يااختي مافكرتي ليش يطلبك من الدبر؟.. قولي له يصارحك ليش طلب هالطلب؟
وبعدين زوجك احسه دلوع .. بكل سهوله يجي ويقول مليت؟ سلامات عمران ماقصر يعطيه الف عافيه حلل كلامك تحليل ومن رايي تاخذين اجازه زوجيه اسبوع تروحين لاهلك وتكلمينه وخليه يصارحك بعيوبك .. وانتي صارحيه بعيوبه بس لاتقلبونها هوشه .. موفقه |
يعطيك العافيه على ردك واهتمامك
اتمنى اني اتناقش معاه بهداوه ويسمعني انا من رايي انو محد بيحل مشاكلنا الا احنا اصحاب المشكله بس هو مو مقتنع لا تناقشيني ولا تتجراين تتناقشين معي تقولين اللي بخاطرك مدامك مقصره معي ومن ناحيه انه يبي يجامعني من الدبر سالته قالي تغيير حتى خفت انه ماعاد يستمتع معي او المشكله فيني قال لي لا بس انه مجرد تغيير واضيق واذا ذكرته انو حرام يقولي بس كذا ماراح يجامعني بس انا اللي اشوفه منه غير يقولي شي وافعاله شي ثاني واالله اني منحرجه واسفه على صراحتي ومن ناحيه اني ابتعد عنه انا ودي يمكن يشتاق تتغير النفسيات بس بحاله زوجي ماتنفع تزيد الطينه بله مره سويتها ورحت برضاه ويوم رجعت كا منقلب علي ويقول المفروض ماتروحين واحنا متضايقين واللي كان فينا خلاف بسسيط لايذكر فمابالك اروح واحنا بالوصع هذا والله اني حاولت اغير له جو رومنسي واتعب نفسي عالفاضي يقول هالاشياء ماتهمني ماتسوينها الا اذا كنا رايقين واسويله عشا رومنسي نفس الردد اتغزل فيه اداعبه ومن هالامور ادا الجدار حس هو بيحس او بيتحرك وحتى اذا تجاوب معي مجرد تاديه واجب والله اني ابكي بعدها ماحس اني زوجته احس كاني وحده من الشارع مافيه مداعبات ولا فيه اي شي وحتى اذا كان رايق من ناحيه المداعبات انسو انا اللي اسوي كل شي بس اللي عليه يخلص ويقوم واللهاني مليت بعض المرات افكر ليش هالانانيه فيه والله اني مااحس اني زوجه له احسه معتبرني كاني جاريه عنده والحين قطع عني المصروف له 7 شهور مايعطيني بحجه اني مااستاهل ويعرف انا من النوع اللي انحرج اطلب منه فلوس الا اذا كنت مضطره اطلبه وعيوني غرقانه بالدموع الحين تازمنا بزياده شفت عنده بالبلاك بيري اسماء بنات ويكلمهم بس محادثات سكسيه وفهمت من بعض المحادثات انه فيه مكالمات ثرت وتوعدت اني ابتكلم معه وبتهاوش معه وان مافاد تكلمت لاهله بس هديت نفسي وقعدت اذكر الله الين هديت ورحت وتكلمت معه بكل هداوه وقلت له معليش حبيبي انا مقصره معك في بعض الامور انشالله اني بتغير وانت كذالك انا بعتبر اللي سويته نزوه وعدت فلو سمحت نضف جوالك اول شي انكر وقلت له انا مو جايه اناقشك بالموضوع ولا رح اقولك لييه تسوي كذا ومن هالامور قلت لك انا بعتبرها نزوه وعدت وعاتبني اني افتش كن وراه قلت له من حقي اني احافظ عليك وعلى بيتي انا ماسويت شي غلط وبعدين قالي انا اسوي كذا بس تضيعه وقت ومتعمد اخلي المحادثات عشان تشوفينها واعرف انو كذاب لان نادرا مايخلي المحادثات يمسحها واكثر شي اشوفه اللي هو مابعد يقراها المهم خليته يمسح اللي عنده قدامي ومسحها وقلت له اذا اهتزت الثقه وانهدم البيت على هالشي عمره مايتصلح وبعد كم يوم شفت نفس البنت عنده بس مفير اسمها لاسم رجال ومسحته من غير مايدري ولا ناقشته ومسحت كل اللي اشك فيهم ولا فتح معي موضوع ولا قالي شي واخاف اني اسافر لاهله وازين له الجو زياده لهالشي وماني عارفه ايش اسوي الحين هو ينتظر مني تغيير بس مو عارفه ايش اسوي حس اني مربطه والله مو عارفه اتصرف حتى اذا جلست معه احس الوضع متوتر وانا اتوتر حييييييييل ولا اتكلم واذا سولف معه باشياء خارجيه او عن اي شي مايرد علي وكايعطيني وجه ويقول هذا اللي قدرتي عليه اخ عمران تكفى رد علي والله اني محتاجه حل وابي باقرب وقت وابي احد يوجهني لاني من جد موعارفه كيف اتصرف معه والله يجزاكم خيير اللي رديتو علي اللله لايجطكم بمثل هالموقف |
اشوف الزيارات 632 ولا رد علي الا11
ياناس افيدوني ولو بالقليل لواني مو محتاجه استشاره احد مااشتركت وكتبت موضوعي انا ماكتبته الا كلي رجا بعد الله انكم بتفيدوني و فتكفون لاتطنشوني والله ان زواجي على المحك |
زوجك غريب عمري ماسمعت احد يقول بطلق لاني مليت ؟؟؟؟؟ يقول اتزوج ممكن لاكن اطلق ؟؟؟!! من رأيي البسيط والمتواضع وهنا اعضاء عقلاء راح يفيدونك ... ليه ماتدخلين احد بينكم انتي ع كلامك مو مقصره معه ... قولي لأخوك مثلا عن وضعك يمكن يستحي ع وجهه ويعرف غلطه ... انتي معطيه زوجك وجهه بزياده مدلعته اخر دلع ..مااغلطتي لاتتأسفين ..! وبفهم ليه تخجلين تتطلبين منه طلباتك هذا من حقوقك ياقلبي مو متكرررم عليك ... وسالفة الفراش واضح الحكم الشرعي مايحتاج احد يتناقش فيه لاتخسرين دينك .. الله يفرجها عليك ويصلح زوجك ويهديه ويبعده عن الحرام ... بالعاده ماارد .. اكتفي بالقراءه والدعاء لصاحب المشكله... بس موضوع اللحيه اجبرني اسجل دخول وانا اعرف نفسي ماانعطى وجهه ... لارديت مسكت معي ع كل المواضيع .... |
http://www.66n.com/forums/showthread.php?t=222825
هذا الرابط مشابه نسبيا لمشكلتك لعلكي تفهمي مشكلة زوجك خلاصته.. التغير فى الحياة يزيدها نشاطا وألفه |
يعطيك العايه اختي انتظر الامومه الله يرزقك بالذريه الصالحه
فكرت اني ادخل احد بحاياتنا من اهله امه او ابوه اهل مستحيل اقولهم او يعرفون عن المشاكل اللي انا فيها اولا انا مااحب اتكلم كثير عن مشاكلي الشخصيه وثاني شي ماودب يطيح من عينهم او يغيرون نظرتهم له لانه اهلي يحبونه ويعزونه كثي وامي دايم تدعي لخواتي ان ربي يرزقهم بواحد زي زوجي هو فيه صفات حلوه ماانكر وقبل ماكان كذا الحين متغير عل 180 درجه اول صدق انه يتزعل ومايرضا بسرعه بسسس كان بالاخير يرضا وترجع المياه لمجاريها بس الين والله اني اتعب معاه وكل ماتكلمت معه اقوله ليه كذا انا قاعده احاول اراضيك ولا معتبرنب شي عند ويردد لي الكلمه المعتاده (والله مااشوفك ذابحه نفسك علي احسك عادي مو مهتمه ) واللله لدرجه حتى رجوله ابوسها عشان بس يرضا ولا فيه فايده وبعدين انا عرف نفسيه زوجي من النوع العنيد واذا دخل احد بحياتنا وتكلم معه ان هو الغلطان يكبر زياده وتزيد المشكله اهله ملاحضين ان فيه شي بينا لدرجه ان تغيرة نفسيته عليهم مو زي قبل امه وخواته يسالونه عن اللي فيه واش لي مغيره مايرد ويقول مافيني شي الين اخر مره كلمته امه وقالها ابقولك شاللي فيني اذا قعدت انا وياك ورحت انا وكلمتها وفهمتها الوضع وقالت هذا هو طبعه دايم يتزعل بس انصدمت منه بالامور الثاني لان زوجي من النوع اللي يحب يطلع بافضل صوره وقلت لها اقعدي معاه واسمعيه واحكمي مابينا الحين صار يبنا 4 ايام احاول اتودد له ومااتناقش معاه لان اعرف التناقش مايفيد وماعاد لي قلب اسمع منه الكلمات الجارحه ولا معطيني وجه ولا كاني موجوده ولا يتكلم واذا سالته لازم اعيد الكلام مرتين او ثلاث مرات عشان يجاوبني وادري اذا تكلمت معه بيقول لي 4 ايام تاركتني وما تكلمتي وان تكلمت معه قال انا ماابي منك شي واصلا انا م طايقك ولا ابيك واذا تكلمت معه عن اسلوبه وقل احترامه لي والالفاظ اللي يقطها علي اقول تكلم معي زي ماانا اتكلم معك انا عمري ماتلفضت عليك ولا قليت من احترامك يزعل زياده يقول مدامي اتلفظ عليك معناته ان فيني شي بداخلي ولسى فيه اهتمام بس خلاص مره ثانيه ماراح اتكلم معك وقعد اسبوع شي مو طبيعي ولا كاني موجوده واذا كلمته مايرد علي خير شر يعني ياانه يسب او مايتكلم معي ماعنده حل وسط وقسسسسسسسسسسسسسسسسسسسسم بالله اني تعبت والله تعبت احس اني مربطه مو عارفه اتصرف ومن ناحيه اني انحرج اني اطلب منه شي انا طبعي كذا من قبل حتى قلت له اذا بتعطيني فلوس حوله لي عالحساب اسستحي يمد لي الفلوس حتى مع اهلي كذا طبعا هذا قبل مايحرمني من المصروف 9 |
اختي الكريمه اريد منك امر واحد فقط
الاختصار حتى افهم ( مالذي تريدنه بالضبط ) حاولي ان تلخصي مشكلتك في سطور قليله حتى يمكنني ان اوجه يصعب على ان اقراء المشاركات الطويله الوقت لايسعفني ثم ارجو منك ان لاتكوني صريحه في العلاقه الخاصه يكفى الاجمال عن التصريح |
الله يعينك عليه
انا بعد البلاك بيري مسببلي الصداااااااااااااااااااااااااااااااع ما اعرف وش النهايه معاهم؟ وش اللذه في انه يتعرف ويتكلم بالسكس مع بنات اغراب؟ وليه وحنا الزوجات الحلال موجودات؟ وليه مستخفين فينا؟ والله ما عندي لك حل لان انا كمان واقعه بمشكله تشبه مشكلتك وما اتخيل اني اتطلق بسبب البلاك بيري ليتهم ما اخترعوه |
مشكلتي باختصار هي زعلاة تافهه متراكمه فوق بعض
واالل يعندي انسان زعول درجه اولى وش مااسوي مايرضا بسرعه وانا وصلت لمرحله طفشت واراضي فيه ولا فيه فايده لدرجه اني اتاسف على شي مايستاهل او مافيه شي عشان اتاسف عليه الين وصلت المرحله مو قادره اعطيه شي احس اني مربطه وهو من ناجيه مايغلط انسان كامل انا كل اللي ابيه يحسسني اني زوجته مو اله اعطي ومافيه مقابل الحين النقاش معدوم وماينفع معاه او بالحال اللي احنا فيه فا ليش تنصحني او كيف اتعلمل معاه وانا بس ياليت تقدر تقرا اللي كتبته عشان تفهم المشكله اكثر مشاكلنا اشياء تافهه وصغيره لدرجه اني انسى المشكله بالضبط ايش واشياء يقدر يتغاضا عنها اشياء حتى ماتستهل اني اتاسف عليها كيف اتصرف معاه |
عزيزتي
زوجك محتااااااااااااااااااااااااااااااااااااااااجك فعلا والا كان طقك بالثانية ولا جاب لك خبر شي مره كويس انه قاعد يناقشك بالاشياء اللي يبغاها ويصرح لك انه يبغى انثى تتمتع بالانوثة الحق مو جنس بشري مخالف عنه انت فعلا لازمك تغيير - غيري في شكلك قصي شعرك اصبغي مره ارفعي الشعر مره نزليه ضبطي حواجبك اهتمي في بشرتك البسي بناطيل وقصير وبرمودا وغيره وغيره تعطري طول الوقت عودي لسانك على كلمات الحب والغزل اشكررررررررررررررررررررررري زوجك >> اكتشفت انه هذي الخصله يفتقدها الكثير من الازواج رتبي بيتك واطفالك تعلمي حركتات ودلع غيري في سفرتك كل يوم طبخه تقولين طاب في بنات بيري ياختي صيري منهم عندك برنامج واتس اب حمليه في جهازك اذا من الاجهزة الذكيه وادهري مع ابو العيال ماعندك وماقدرتي تجيبينه المسجات تأدي الغرض اقولك على شي اكتبي في ورقة من عندك كلمات غزل وحطيها على التسريحه ومره ثانية ورقة ثانية وكلام ثاني وحطيها على السرير وهكذا اكتبي على المرايه من روجك احبك اخترعي وسائل للتواصل مع زوجك زوجك شايف العالم ويقارن ويبغى يصير زيهم ادخلي قوقل وتثقفي كثيييييييييييييير واهم شي طبقي |
نسيت
الحرام اللي يطلبه لا توافقين عليه ولا تتشنجين اذا طلبك وتصيرين زعلانه ارفضي الحرام وعوضي بالحلال |
يعطيك العافيه اختي بسمه الاشواق على اهتمامك وردك
بس اختي انا انسانه متفتحها احب اغير من شكلي دايم واهتم كثير بمظهري عمره ماشافني مبهذله واهتم بلبسي وكل شي البسه صدق اني متزوجه وعندي طفلين بس مو باين علي شكلي اصغر من سني كلامي معاه كله دلع وكله غزل وحب احب اغير من حياتي بس انا الحين في مرحله فتور وبرود عاطفي بسبه تعامله الجاف معي مايقصر علي ويطلعني ويحب يجلس معي بس بدون اي مشاعر اقعد عاه كاني واحد من اخوياه ياخذ مايعطي من ناحيه العواطف انا مو طالبه الكثير الكلمه الطيبه بس الين وصلت لمرحله اني طفشت ماعاد فيني اعطي حاولت كم مره ماقدرت ومااقدر امثل عليه احس اني مربطه واللي زادني كلامه الجارح لي وجحدانه لكل شي سويته له |
??????????
|
زوجك مررره دلعتيه لدرجة موشايف اخلاقك وحسن تعاملك
الشد والجذب لازم تصير في الحياة مرة ارخي مره شدي وش يبي اكثر من بوسة الرجل صراحه اهنتي نفسك خلاص ياختي اتركيه وقولي انت سوو اللي يحلو لك انا راضيتك مانفع عطيتك مانفع بجرب السكوت عيشيحياتك كأنه مسافر بعدين الحب خليه لعيالك وبيعطونك من حنانهم لبى قلوبهم حنان من نوع مختلف انسي ابو الشباب طالما سويتي كل شي وهو ماحرك شي تحياتي الله يسعدك |
الله يكون في عونك
|
انا مع ام عزام ياأختي دلعتي زوجك لين زهق ، حبيبتي اثقلي شوي وخليك قويه وعقلانيه يعني اذا زعلتو مولازم.
تعتذري له وتموتين نفسك عشانه فكري بعقل ،هل اخطأت بح قه ،هل يجب علي الاعتذار ؟ ام هو المخطئ وهو من يجب عليه الاعتذار ؟ اهنتي نفسك بزياده ويكون بعلمك الرجل لايحب المرأه اللي ماعندها كرامه يحبك قويه ،حبي نفسك عزيها لاتخلينه يهينك بكثره الاعتذار له ،مشكلتك كلها بسببك انتي ،تعاملك معاه غللللللط ،تثقفي ،ادخلي على موقع مملكة بلقيس الدكتوره ناعمه الهاشمي واقرأي القصص والمشاكل اللي حلتها لاصحابها ،الله يوفقك ويسخرك لزوجك ويسخر زوجك لك. |
أختي ممكن أنتي بالغتي بتصرفاتك معه
تدلعي لكن مو كل وقت لاتذلين نفسك له مهما كان لين زعل وأنتي مو غلطانه ليه تروحين تراضينه يزعل لما يمل لازم بعد الإنسان يخلي قدر لي نفسه عشان الشخص إلي أمامك يقدرك ماعليش في أزواج يشوفون تصرفك تقديس للحياه الزوجيه وهو يكره كذا وفيه أزواج يحب زوجته تعانده لكن كل شي وسسسسسسسط يعني مو عناد وإلا زعل كل شي في وقته حلو لو غلط عليك أزعلي لو أعطاك شي أشكري الله يصلح مابينكم |
| الساعة الآن 03:55 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©