|
غراميات زوجي مع بنت أخته
صباح الخير
كانت احلى صدفه لما عرفت هالمنتدى الرائع واعضاءه المخلصين جزاكم الله الف خير وبارك لكم اتمنى تشاركوني بحل بوضع نهايه لمشكلتي مع زوجي(متزوجين من 13 سنه وبيننا 3 اطفال وحياتنا سعيده ) الموضوع كالتالي قبل شهور فتحت جوال زوجي ووجدت بينه وبين بنت اخته المخطوبه رسائل علاقه غريبه بالبدايه كان يتغزل بجمالها ويرسل لها كلام حب ويستشيرها ببعض مشاكله الى هنا عادي ولكن غير العادي هو ان زوجي اصبح يطلب منها ان يخرجون وحدهم وبدون ان تدري امها او خطيبها ..هي كانت متردده وهو يكرر طلبه باصرار الى ان قالت ما ابي يصير شي بيننا وانت فاهم قصدي !! وهو لم يرد على كلامها وضل يلح عليها وهي متردده وتماطل الى ان طلب منها صور لها ورفضت قالت شوف القديمه ثم اعاد عليها طلب الخروج وقال ابي ابوسك واضمك واقرب منك !!!!!!!!! هي رفضت بشده كل طلباته وقالت الله يشوفنا وبعد اخاف احد يعرف!! وهو عاد يترجاها الى ان اصبحت تتجاهله ولا ترد عليه انا انصدمت بشده ووقتها زوجي كان مسافر اتصلت عليه وواجهته بشده انكر وحلف في البدايه وعاد واعترف ببعض الكلام وحاول المراوغه وان قصده كان صديقتها وحكى لي اشياء قديمه ليثبت انه يقصد صديقتها ولكن الكلام كان واضح وقصده كان واضح وبخجل وبصعوبه اعترف بالكلام اللي قريته اعتذر وترجاني ما اروح لاهلي زعلانه وان لا اهد بيتنا وانه سيرضيني ويكفر عن غلطته طول العمر انا حجزت حتى اسافر لاهلي وكلمت امي واخبرتها بالموضوع انصدمت ولم تصدق وخصوصا وهي تحب زوجي بشده ولكن قالت تعالي ولا يهمك وبعد يومين كلمتني وترجتني ابقى واحاول اسامح زوجي واستر عليه بحكم ان بيننا اطفال وانها ستكون فضيحه بحق الجميع وخصوصا ونحن اقارب المهم وافقت وانا كارهه وبعد كم اسبوع رجع زوجي من سفره واعتذر وهو خجلان واعاد لي الاعتذار والوعود وانا كنت كارهه له ولا انظر فيه حتى واصبحت اتجاهله وهو متفشل ولم يعرف كيف يتصرف زياده فااختار السكوت :24: الان مر على رجوعه اسبوع انا اكيد لسه مجروحه وهو متفشل وساكت ولايدري كيف يرضيني وينهي الموضوع شوروا علي كيف اتصرف معاه انا لسه مجروحه ومصدومه من تصرفه هل اسافر لاهلي مع العلم احنا اقارب واغلب مشاكلنا تتحول الى فضايح وقطيعه فكرت ان اطلب منه ان يطلقني عند القاضي بدون علم احد ويعيدني بنفس الوقت حتى يكون درس له ولا ينسى خطئه طول عمره ولكن محتاره وخصوصا بمره وهو يعتذر قال لي انتي قويه ولا تتنازلين بسهوله :21: ورضاك صعب ولو غيرك بترضى بسهوله :( هو يقول هالكلام لان صديقه اخبره انه من شهور وهو ضايف بنات وله علاقات ومكالمات وزوجته لا تعلم ولايعطيها فرصه تمسك جواله او تتدخل بتعلقه بالجوال ويخدعها دائما بينما انا اشيك وراء زوجي وانتبه لاغلب التفاصيل حولي كلامه هذا بالاضافه الى انه قبل اسبوعين وضع قفل على جهازه جعلني اشك انه ما حس بحجم خطئه وممكن يكرره ومره لمح ان الخطاء خطاي لاني مسكت جهازه :21: سؤالي كيف اتصرف واجعله يحس بخطئه ويندم ولا يكرره مره ثانيه لمحات بسيطه زوجي مهمل بصلاته وبح صوتي وانا انصحه يصلي شهر ويتركها شهور اخواته وزوجات اخوانه وكل بناتهم مشهورين باللبس العاري ولايمكن يراهم احد الا وهم بمكياج كامل وشعر مسرح ولبس مشخلع حتى وهم في بيوتهم زوجي يحبني بشده ويرضيني دائما والهدايا كل اسبوعين والورد لا ينقطع من بيتنا مرات يخبر الناس انه يحبني ومسلمني قيادة البيت والكلمه كلمتي مع ان الواقع مو كذا وانا اتنازل عن طلباتي ومواعيدي وزياراتي من اجله |
شوفي اختي ام خالد انتي غلطتي لما خبرتي امك انتي تقدرين تحلين المشكله بدون درى امك اولا زوجك الله يهديه مايصلي وهذي فرصتك قووولي له تصلي فررروضك كامله عشان اقتنع انك تغيرت لان قربك من الله دليل توبتك وندمك والتوبه تمحو ماقبلها واذا الله يغفر الذنب احنا مانتسامح بس هاه خلك حررريصه ولا ترضين عليه لين يرضي الله
ولا يقربك لين يصلي واذا ماداوم ع الصلاة هذيك الساعه اطلعي من البيت لاصلاة ولا عباده وش مجلسك عليه اللي مايصلي يسوي كل شي اختي والعياذ بالله تزعلين عشان علاقه محرمه بينه وبين بنت اخوه ولا تزعلين يوم يترك الصلاة الحين ازعلي وبرطمي عليه قووولي له اثبت لي انك بتفتح صفحه جديده والصفحه هذي بدايتها الصلاة الصلاة ولا مع السلامه من باب التخويف والله يسعدك يارب ويفرج همك دمتي بالف عافيه |
اقتباس:
شكرا اختي على ردك انا الله يشهد دايما اذكره بالصلاه ومره رحت لاهلي وتركته بسبب هذا الموضوع بس اهلي قالوا ما دام انه يصلي ويخلي اجل مو تاركها تماما وماايدوني بزعلي وهو وعدني يتغير وصار يصلي فتره ويهمل فتره لما صارت المشكله يعلم الله هدفي كان صلاته وبدون مااتكلم وعدني بالالتزام فيها لكن لما رجع بذا الاسبوع صار يصلي بالمسجد بس كنت نايمه مره وعرفت انه ماراح صلى فتاكدت ان وعوده كانت كلام بس حسبي الله ونعم الوكيل انا ماقدر اصر على موضوع الصلاه لان لو ماجات باقتناع منه راح يحس انه يصلي علشاني وبيتركها بعد فتره مشكوره على ردك والله يوفقك ويبارك لك |
شوووفي بالبدايه بيحس انه مجبور ع الصلاة بسببك ولما يصلي بيتعود عليها ولما يحس ان زعلك راح ورضيتي عشان يداوم ع الصلاة بيعرف انه أمر عظيم تركها وبعدين يصلي راضي يصلي مغصوب المهم يأدي فريضته ولا عليك منه اليوم بالغصب بكره برضاه وبيتعود دام انك حاولتي فيه ولا استمر الشده بتنفع معه موووفقه قلبي
|
يا أختي انتي بتحكي بنت أخته؟؟؟؟؟؟ (يعني خالها) انا للان مو قادر استوعب ؟؟؟عنجد بكون زوجك خالها؟؟؟
|
اقتباس:
|
اقتباس:
زوجي يعلم الله معروف بالحياء والادب وهذا اللي مخلي اهلي يعزونه ويحبونه واخر انسان اتوقع يسويها هو زوجي ولكن هذي حكمة الله والقلوب بين يديه يغيرها من حال الي حال كل يوم وعساها تكون غلطت زوجي اللي تصحيه من تقصيره ببعض امور دينه * |
اقتباس:
يا أختي أي صلااااااااااة اللي بدك اياه اصليهاااا ,,,,,,,,,,,,جوزك شبه مختل سامحيني لهذا التعبير .......طيب انتي مقصره معه ؟؟؟؟؟ حاولي تخلي حالك مثل بنات اخته باللبس والحركات ......والله يا أختي اعذريني ....مو قادر استوعب الموضوع بدي انجننننننننن .....ما الك الا الدعاء الله يهدبببببببببببببببه |
حسبي الله عليه شراب الدم
انا لو منك والله ماجلس عنده دقيقه وحده هذا مافيه غيره كيف تامنين عليه حيااتك الله انتي مفرووض تتكلمي مع البنت المسكينه وتخبرين امها او ابوهااا هذي الاشكاال مفروووض مايستر عليه حسبي الله عليه |
الله يهديه لك .. اسفه حاسة انو لساني مربووط وموعارفه انصحك بشي يفيدك
بس ماقدرت اطلع قبل لا ادعيلك .. الله يفرجها عليك ويهديه ويصلح حالو |
|
الله يفرج كربك
حسبي الله ونعم الوكيل روحي للبنت وهدديها انك بتكلمي امها وابوها وخبريها انك قادرة توصلي الموضوع لخطيبها خليها تبعد نهائيا وزوجك والله مو عارفة انصحك بايش الله يعينك |
أختي الكريمة الله يكون في عونك .... أنا فاهم حجم المشكلة لكن جاءني شعور غريب شوية وأحب أتأكد منه .... فهل تعتقدين أن زوجك مخزن رقم بنت أخته بدل رقم احدى البنات اللاتي يعرفهن؟؟
|
بجد مصدومة ام خالد........هادا عمها يعني محرمة عليه تحريم ابدي يوووووووووو...........ما غلطتي لما حكيتي لامك لانه فاهمة قديش صعب الوضع .........انا يمكن ما راح اقلك اصبري سامحيني بس على قد ما شفت هون مشاكل ويقلك ويعتذر ومش حيعمل بالاخر برجع تاني وواحد بصليش اسمحلي شو بتتوقعي منه؟؟؟؟؟؟؟؟؟انا ما بدي اقلك اطلقي بس حاولي تلاقي حل تحكي لاهله ما بعرف .........لانه هادا مش طبيعي الوضع.........الله يخفف عنك يارب ويصلح حالكو يارب
|
و الله يا اختي لا أعلم ماذا أقول لكن عليك ألا تسامحي زوجك طالما مقفل موبايله + تارك لصلاته + محتفظ بالصحبة السيئة
الآن لو هو قافل الجوال و تارك الصلاة و مصاحب الشاب الخوّان والمجاهر بالمعصية هذا كيف سيتوب؟؟ يجب ان تكون هذه شروطك للبقاء على عصمته و مو شرط أبداً لو رحت لبيت أهلك ينفضح الأمر لو انتِ تكتمت مع والدتك ، هو لن يفضح نفسه ، و لن تنتشر القصة على الاقل مؤقتاً حتى يراجع حساباته !! اذهبي لبيت أهلك و اجعلي اول شرط من شروط عودتك إقامة الصلاة قال الله تعالى : " وَأَقِمِ الصلَاةَ ۖ إِنَّ الصَّلَاةَ تَنْهَىٰ عَنِ الْفَحْشَاءِ وَالْمُنكَرِ ۗ " انظري لهذا النص المقتبس من كلام العلماء : وإذا كان الزنا محرماً بين عموم الناس فإن حرمته أشد إذا وقع على المحارم، فقد روى أحمد في مسنده و الحاكم في مستدركه، أن النبي صلى الله عليه وسلم قال: من وقع على ذات محرم فاقتلوه. وقال الحاكم في المستدرك: صحيح ولم يخرجاه. |
أنا مع الأخت ليفربول
متأكدة من الرقم ؟؟؟ أحس شعر جسمي وقف لا حول ولا قوة إلا بالله .... |
حسبي الله ونعم الوكيل شويفي اختي ام خالد انا غلطات مثل هذه صعب غفرانها يعني زنا المحارم من اكبر المصايب
ياختي دام نفسه طاوعته مع بنت اخته فهذا مافيه خير ابدا ولازم ينحسب له اللف حساب مابي اخوفك لكن هذه الحقيقة انصحك بتركه اخاف بكرة تزوغ عينه على بناته ودامه ماصلح وتاب توبة نصوح لازال في ريبة من امره لا تفضحيه استري ماواجهتي ولكن انصحك بالابتعاد عنه على الاقل لما يعلن توبته ويصير مايفلت صلاة بالمسجد ويكفر عن ذنبه ما دهاكم يا هؤلاء اين الضمير اين الخوف من الله حسبنا الله ونعم الوكيل على كل ظالم وظالمة ام خالد لا تسكتي على الامر وتسامحي وشى طبيعي انك ماتناظري بوجهه ولا تعطينه وقت ولا يضحك عليك بغيرك يرضى بسرعة بالعكس لو وحدة ثانية مكانك تطلب الطلاق وفورا في اشياء نقدر نسامح فيها واشياء لا والخيانة انواع واشكال يعني لو خانك مع الغريب اقولك سامحيه واعطيه فرصة لعله يتوب بس الان خيانة محارم وتعدي على حدود الله يتغزل ببنت اخته ياارب انت وكيله ونعم الوكيل مقدرة وضعك ام خالد بس اصبري وخوفيه بالله قولي له هل ترضى ان خال بناتك يغازلهم بيوم من الايام خليه يحس بمدى خطورة الشى الي سواه مع اني متاكدة ان فاقد الاحساس لايكن يحس |
اوووووووووووووووووووووووووووووووه مصدومة وبجد
بنت اخنوووووووووووووو لهان وصلت فيه ؟ زوجك غير سوي |
مشكورين جميعا على ردودكم
وواضح الجميع مصدوم من تصرفه.. معاكم حق والله .. المشكله زوجي طيب ومؤدب واخلاق وفي عمله وبين الناس والجيران محبوب جدا انا نفسي مصدومه كيف صار هالتصرف منه وكيف سبحان الله مااحد يضمن المقادير توي قبل شهور بس اطالع بزوجي وعائلتي واحمدربي على اوضاعنا والمثاليه اللي احنا فيها وما كنت متصوره ولا جزء من هالموضوع يحصل لنا .... ااااه بس |
يارب إشرح صدره للخير
أختي الغاليه: لابصراحه الموضوع مفاجئ يعني هو خالها وبمنزلة أبوها يعني في سر ورى هذا العشق لكن أنتي حاولي أن تغيري هذا الشيء فإن لم تستطيعي فاصبري من أجل فلذات أكبادك (أزلادك الثلاثه )فظلاقكم سيؤثر عليهم مستقبلا وأكتمي كل سوء تشوفيه وأكثري من قيام الليل ومناجاة الله وسيفرج كربك......أسأل الله العظيم بإسمه الأعظم الذي إذا دعي به أجاب أن يفرج عنكي ما أنتي فيه
|
اقتباس:
|
حسبي الله و نعم الوكيل
|
اقتباس:
|
هذا شخص ديوث و العياذ بالله
اجل بنت اخته و يبغى يسوي معاها كذا اذا ما بينكم عيال تطلقي منه وربي مستحيل اعيش مع شخص بهذي الاخلاق حتى لو بطل يكلم بنت اخته كيف راح تنسين اللي سواه الله يعينك عليه |
يارب رده إليك ردا جميلا
ياشباب يابنات (أم خالد عرضت مشكلتها من أجل أن تجد الحلول مش من أجل أن تنتقصو من زوجها)ويبدو لي من كلامها أنها تحبه كثيررررررررررررررررا والقضيه بحاجه إلى إعمال العقل والتفكير السليم في الموضوع (أسأل الله العظيم أن ينظر لمصلحة هذه الأسره وأن يجنبها كل سوء)
|
اختي بس ارد افتهم البنت من محارمة الابدية
شلون يفعل معاها كذا؟؟؟؟ ارجوا الاجابة |
السلام عليكم سأحاول تحليل الموقف : - بنت أخته ترتدي ملابس تلفت الإنتباة. - بدأ بينهم حوار كأي خال مع بنت أخته. - نظرت إليه كوالدها وأصبحت تتكلم بتلقائية مفرطة. -بما أنها مخطوبة تحدثت معه عن خطيبها و حياتها معه.. ثم تطور الحديث ليصل إلى المرأة والرجل و الزوج و الزوجة وكيف أنهم كذا وكذا ووو ومن هنا بدأ موضوع الرسائل. أختي الفاضلة .. احترم كل وجهة نظر طرحت هنا .. وأعرف خطورة مثل هذه الأمور .. لكن أنت الأقرب للحدث .. حاولي تحليله وتفصيله والتعرف على أسبابه بكل تجرد لتعطيه حجمه الطبيعي. بعدها مباشرة اتخذي قرارات معينة أنت و زوجك .. ومباشرة انسي الموضوع ولا تجعليه باب يدخل عليكما الشيطان منه. أختي الفاضلة قلتي أنكم متزوجون من 13 سنة، و قلتي أن حياتكم مثالية إلى وقت قريب. هذا مؤشر جيد على أن ما قام به زوجك أمر طارئ .. ومن رحمة الله بكما جعلك تطلعين على الرسائل ولعلها تكون بداية صفحة أجمل و أروع لكم ولأطفالكم. |
والله منصدمة يا الله لاحول ولاقوة الا بالله أختي الله يعينك على المصيبتين مصيبة أنه انسان خائن والمصيبةالأعظم محارمه , والله عجز لساني الله يصبرك أختي وينور طريقك يارب والمشكل ستبقى البنت ملتصقة بكم الى الممات الله ةيعينك
|
اقتباس:
مشكوره يااختي على ردك وجزاك الله كل خير |
اقتباس:
اكيد ان شاء الله ما وصلت لمرحلة العلاقة الجسدية لكن أحببت ان انقل لك عقاب الزنا بين المحارم حتى تعرفي مدى عظم الذنب مقارنة بأي علاقة أخرى اقتباس:
بادرة جميلة الآن اشرطي عليه الالتزام بالصلاة على وقتها و قوليله شكلين ما بحكي :25: و ان شاء الله يا اختي زوجك تائب بس يبقى الحذر واجب لأن عيلته غير مشجعة - كما يبدو- على الثبات |
أنا بقول حاجة وحدة بس إنك غلطتي يوم علمتي امك والباقي ان شاء الله الأعضاء يفيدونك |
والله موقفكي صعب
لو بلغتي اهلها راح تنكر وهو كمان راح ينكر وانتي تطلعي كذابه ومكروهه لو مستعده تتحملي هذا في سبيل درء الذنب فافعلي على الاقل راح ينتبهوا لبنتهم وتبطل الملابس العاريه امام المحارم |
مشكورين كلكلم على ردودكم ما الوم الغالبيه المصدومه من تصرفه وهذا دليل على ان تصرف زوجي شاذ ولايمكن تصوره ....اه بس
هو معترف بغلطه ويقول لحظه شيطان لحظه تهور مراهقه متاخره وغباء منه وجاب هدايا غاليه وجالس يدور رضاي بيتنا مقلوب من شهر ونص تقريبا ولا ادري شالنهايه :( الله المستعان دعواتكم تكفون اقتباس:
اي والله غلطت والحين متحسفه كثير ولكن والدتي هي اللي طلبت اضل ببيتي واطلبه يهتم بصلاته ودينه ولو ما كلمتها كنت باسافر لاهلي وزوجي من الاحراج والخجل ماراح يجينا وتكبر المشكله |
اذا كانت علاقته بربه كذا حتى الشيء الوحيد اللي يقر به من الله وهي الصلاة لايصليها فأيش ترتجين منه
هذا ماخاف من رب العباد فكيف راح يوفي بوعده لك انا اقولك اختي حاولي تحلين مشكلة زوجك الاساس وهي ترك الصلاة ثم اتجهي الى حل مشكلة ابنة اخته واشوف ان اكتشافك له فرصة حتى تقوي علاقته بربه بنصائحك والله يهديه |
ا
الانطباع العام في قراتي لمشكلتك عرفت انك من النوع ( المسيطر على الزوج ) وزوجك يحبك ويحترمك ويخاف منك ولايستطيع ان يعيش بدونك وفعلا من كلامك ( انت قويه ولاترضي بسهوله ) تحليل المشكله من خلال سطورك لا احب قضيه التتبع والشك للزوج فكونك تفتحين جوال زوجك هذا من الخطاء والتجسس منهي عنه شرعا المبادره بالاتصال عليه فورا ثم الاتصال على امك ( تشنج ) وعجله ليست في محلها وما هكذا تورد الابل لو تريثت قليلا ثم واجهته بالحقيقه بعد ان يرجع وانت تملكين التأثير عليه وهزيمته بابسط سهوله لان نقطه ضعفه ( انه يحبك ويخافك ويحترمك) ومثل هذا بامكانك ان تصلحيه وانت ( تشربين الشاي ) اما التكفير عن غلطته بالهروب من البيت هذا ليس حل بل ان مجرد علمك به هذا اشد عليه من هروبك لبيت اهلك ولو ذهبت الى بيت اهلك ربما تعود على فقدك وعاش مع اخري ثم ينحل من قلبه ( حبك واحترامك ) وبهذا تخسرين الزوج وتنتشر الفضائح والضحيه الاولاد وواضح قوة شخصيتك من قولك ( لاانظر فيه واتجاهله وهو منحرج ) ومن قولك ( حتى يكون له درس ) وانا اوييده على قوله ( انت قويه ولاتتنازلين بسهوله ورضاك صعب ) ومثل شخصيتك سهل عليها اصلاح زوجها بدون محاكم ولا اهل ولا هجر ولا وجع راس وواضح منك الحزم والذكاء في قولك ( اشيك وراء زوجي وانتبه لكل التفاصيل ) وواضح انك لم تحزم معه بالصلاه وان بح صوتك لانك لو حزمت معه فلن يتركها اما نقلك عن اهله عدم الاحتشام فهو من باب ( تاكيد ) ظنك السئ فيه والخلاصه انت ذكرتيها ( يحبني ويرضيني والهديا كل اسبوعين ) احمدي ربك على ها الزوج اما الغلط فكل ابن ادم خطاء الحل واضح انت قادره على اصلاحه وباابسط طريق لان الله اعطاك زوج ( يحبك ويحترمك ويخاف منك ) واعطاك ( الذكاء والحزم وقوة الشخصيه ) اري ان تستمري معه مع اصلاحه في كل جوانب حياته واشترطي عليه شروط في صلاته وحياته تضمن لك انه لن يعوادها مره اخري واذا سألت ماهي هذه الشروط ؟ مثلك لايعلم انت ذكيه و ( العطشان يكسر الحوض ) اهم شي ( اتعدلينه ) اسعد الله ايامكم |
omran8779
اشكرك اخي على ردك المفصل.. تقريبا انت من القله الذين ردوا علي بعيد عن صدمتهم بفعل زوجي اوافق على بعض اجزاء ردك واتحفظ على بعظها ولكن لا يهمني الا الحلول ابتسمت عندما قلت اني مسيطره هههههه انا يهمني اصلاح زوجي فهو طيب ويستحق ان يكون وضعه في جميع امور حياته افضل وفي حياتنا اواجه مشاكلي اما بالتجاهل والصبر او المواجهه ودائما ابحث عن الحلول وفي فعلته هذه لو انه وجه كلامه لاي سيده غريبه لكانت المشكله اهون ولكن مايكسر ظهري ويجدد زعلي منه انها قريبته ااااه بس ولكن لم افهم هذا الجزء من ردك اقتباس:
اشكرك على ردك واسال الله ان يوفقك ويبارك لك ويسخر لك ... دعواتكم تكفون |
لا حول ولا قوه إلا بالله الله يثبتك .. مادام بنت اخته صدته ..معناته انها في البدايه استظراف لخالها وماتوقعت ان الأمر يصل لكذا .. وكمان توقعي ان بنت اختك بتعلم امها واخواتها .. واحتمال ينتشر خبر زوجك من تحت لتحت ... من اجل الحذر منه !! .. استغلي هالنقطه وحاولي تغيرين جزء من جرأتهم باللبس قدام محارمهم و الميانه بزياده على بعض بالأحتضان والشيل و ..الخ الى اصلاح للجميع .. كلمي بنت اخته .. وقولي لها انا دريت بالموضوع واشكريها وثمني موقفها وقولي الشيطان استدرج وان زوجك ابداا ابداا مو عادته ولا عمرك شفتي عليه شيء ولا ولا ...الخ وكبري في احترام زوجك (حاولي تلمين صوره المرايا اللي تكسرت عنه ) ؟! .. حسني صورته الشكوى لله .. وحدي من نشرالأشاعه بينهم بطريقه ايجابيه .. ماتدرين عنها تستر عليه او تحكي تحذر قريناتها منه ... ؟! وقولي لها ترا اللباس العاري قدام المحارم هو بدايه هالطريق والشيطان شاطر .. انصحيها باللباس بأسلوب هاديء و انتقدي اللباس هذا بينهم بطريقه عقلانيه هاديه .. ..قولي انا وصلت لمرحله اني ودي اتطلق منه (مو تحسبك ساكته وراضيه وعادي عندك ) لكن هذي مداخل الشيطان في التفريق بين الزوجين و نشر الرذيله بين المحارم .. واول خطوه له الجرأه بلباس امام المحارم ... وكأن الأمر كان بحسن نيه منهم وعاده غير مقصوده ..لكن شوفي الأمر لوين وصل ؟... الله يستر عليك وعليه .. وقولي لها انتي عاقله وفاهمه و محترمه و اقدر لك هذا الشيء و خلي لك دور ايجابي مع اخواتك و قريباتك بنصحهم على عدم التمادي في اللبس العاري امام المحارم .. خلينا نصلح الظاهره و نستر على اللي صار .. من ستر على مسلم ستر الله عليه ... واضربي عصفورين بحجر ... الستر على زوجك من نشر الخبر من تحت لتحت + اصلاح تماديهم باللباس امام محارمهم .. |
شي عظيم والله
أنا استغرب من اللي يقولون اسكتي لاتعلمين ،، هالاشياء كبيرة شلون تكتمها ؟؟؟ لو شاف منها السكوت بيتمادى،، هذي بنت اخته ياناس شلون تسكت ؟؟؟؟؟ انا من رايي تكلمين البنت نفسها ،، وانتي تقولين انها رافضه طلباته يعني البنت مو راضيه كلامك معها بيريحها ،، لأنها مليون بالميه هالموضوع عندها مشكله كبيرة ،، كلميها وانصحيها باللبس الساتر لمصلحتها.. وقولي له انك كلمتي البنت خليه يستحي على وجهه وانها ماتبيه ورافضه كل تصرفاته وكانت تفكر تعلم اهلها وانك انتي رفضتي خوفا على سمعته اللي مثله حرام احد يعيش معه وين الغيره؟؟؟ |
زوجك كذاب ومخادع يتظاهر بالمثاليه وانه انسان خلوق ويستحي لكنه في الحقيقه عكس هذا..والدليل انه يقول للجميع انه مسلمك قيادة البيت كما قلتي وهو في الحقيقه كاذب..
والظاهر زوجك من زمان كذا... ولا تستغربين انه مع بنت اخته..كثير يقيمون علاقات حرام مع محارمهم وليس زوجك الوحيد..والحمدلله ربي كشفه على حقيقته.. وبنت اخته هذي لو مااعطته وجهه ماكان تواصل معها..وشكلها قبل خطوبتها كانت تنفذ طلباته وبعد خطوبتها بطلت والدليل ان تجرأويطلب منها هذي الحركات معناه انها حصلت بينهم.. واستغرب منك انك ماكلمتي البنت ولا امها ولا حركتي ساكن..الاحظ فيك برود غير طبيعي..وصدقيني لاتفكرين انه صادق في كلامه واعتذاره..كل الرجال كذا..لدرجة انه يسوي نفسه بينتحر من الندم لكن في الحقيقه كاذب..ومااستحى من ربه كيف تبينه يخجل و يستحي منك.. |
انا انصحك تتطلبين الطلاااااق وترووحين بيت اهلك
هذا ديووووث ولا يتعاايش معه هذا مايبي لها نقاااش والله يعووضك بالرجل التقي النقي |
| الساعة الآن 09:44 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©