|
هل احمل واعطيه الراتب واستسلم له ام ماذا؟؟؟شورو علي الله يخل
اخواني خواتي ياليتكم كلكم تدخلون وتشاركوني همي وتردون علي
انا عندي مشاكل كثير مع زوجي ومنها الحمل زوجي يبغاني احمل ونا عندي طفل عمره عشر شهور ومالنا سنتين متزوجين اهو كان من بدايه حملنا مره ملهوف على الحمل انا انسانه بريئه وعلى نياتي وكنت ملههوفه معاه حملت من ثاني شهر ولما تاخرت شهر واحد على الحمل جلس يصارخ ويقولي ليش ماحملتي ايش تستخدمين؟؟؟انا ماكنت منتبهه ليش هالاستعجال كنت مفكرته يحب الاطفال او يبغى يثبت رجولته يعني ماجتني افكار سلبيه ابداااا المهم انا بالشهر الاول من حملي ضربني الثالث ضربني كف السابع ضربني كف التاسع ضربني بالعقال لما ولدت يالله يالله الرجال صار ماقدر اتكلم معاه صار يبهذلني بالولد صار يستعبدني صار يهين ويذل ويهدد وهاتي فلوسك وخلي رواتبك تنفعك ووالله لاحرمك من ولدك ولما تصير اي هوشه كبيره ياخذ الولد ويبعده عني؟؟صار يحسسني انه لو مامشيتي على كيفي لاطلقك واحرمك من الولد لاي شي كان بعد ولادتي وجي من طلعت من النفاس صار يلح الحاح عجيب اني لازم احمل ولا استخدم الحبوب حاولت افهمه انه هذا تعب على صحتي وني ماقدر على اثنين وراء بعض ونه وانه لكن ولايسمع اكتشفت بعدها ان زوجي حسبي الله عليه حسبي الله عليه جالس يخطط انه يغدر فيني ويمكر فيني باطفال اانا انتبهت لهشي وصرت اخذ مانع من غير علمه وصار يقولي لاتاخذي مانع قلت طيب اهو الان يقول ابغى بنت لو تحملي وتجيبي ولد بخليك وراها على طول تحملي وتجيبي بنت والله ياناس انه من فلتات لسانه عرفت ايش يفكر فيه دايما يقولي الولد لامه بس البنت لابوها؟؟؟؟انا لو اروح للقاضي بقول هذي بنتي عاري وشرفي كيف اخليها تتربى عند ناس اغراب؟؟؟ اهو كان مفكر بس اخلف ويربطني بالطفل فلما جبت ولد فكر ان الولد لو اطلق منه الى سبع سنوات وبيصر يخير بس البنت لابوها ووالله انه هذا تفكيره؟؟ اقولكم ليش هاللف وامكر كله عشان ايش؟؟؟لاني موظفه وهو اخذني عشان فلوسي على كلامه اهو يقولي راح يجي يوم وغصبن عنك تعطيني الصراف ومصير الصراف يصير بيدي وايش الفايده من وظيقتك لازم تساعديني وتبني معاي بيت وتعطيني قلت له احنا شارطين عليك انك ماتمنعني من وظيفتي ولا راتبي يكون لي قالي انا مالي شغل ياتعطيني او اجلسي بالبيت ووالله اني قايمه بمصاريفي وراتب الشغاله ومصاريف ولدي بس اهو يبغى ياخذ الراتب كله ويسيطر علي وعلى فلوسي اهو منقهر من اشياء كثيره وبتفكيره انه اذا جبت البنت خلاص بيركعني له وبيساومني باطفالي انه اذا مامشيت بكلامه راح يعذبني بهم وخاصه البنت ووالله انه يوريني الويل فيها ايش هالانسان اللي ياخذ الاطفال وسيله ضغط عشان يوصل لمطالبه الرخيصه؟؟ انا عارفه بعضكم بيقول طيب انتي ليش ماتتضامني معاه زوجي انسان غدار ياما غدر بناس وضحك عليهم انسان لمايتامن ابدا مايصلي مايخاف الله يركض وراء الفلوس يحصل على الاشياء بطرق ملتويه ماهمه الله ولا الناس اهم شي عنده الفلوس وبس ووالله انه الان جالس يحاول يمكر بي الله حسيبه بس اهو الان حس باني كاشفته وعارفه نوياه الخبيثه وصار مره يصغط على بموضوع الحمل حتى انه يكثر الجماع عشان احمل ووالله اننا عايشين بحرب اهو الا احمل ونا جالسه اقاوم اهو منقهر مني مره لاني فهمت ايش يبغى حتى احيانا يقولي انا اصلن مابغاكي تحملين عشان يشوف ايش رده فعلي امس زوجي اخذني على مستشفى لانه قلقان ليش تاخرت ماحملت فاجاني بس كنت متوقعه طلبه المهم بالطريق سالني انتي وين تودين رواتبك قلت له مو شغلك قالي انا ماسالتك كم معك اقولك بس وين تودينها وهذا من حقي قلت له لامو منحقك بالشرع وجلس يززززن على راسي بعدين قالي ابغى اعرف بالمستقبل هل بترضين تتضامنين معاي قلت له ولا تفكر انت الرجل ونت المسؤؤل قالي اجل وش الفايده من وظيفتك قلت احمد ربك الفين ريال شعريا ماتدفعهم لي ثماميه حقت الشغاله وملابسي انا وولدي شهريا يمكن بحدود الف وميتين اقل ششششششششششششي ماتدفعهم يعني سنويا تحط بجيبك من خلال راتبي خمسه وعشرين الف يعني انت مستفيد قالي وين مستفيد ونا متشحطط ومتبهذل الولد بمكان ونا بمكان لاني اخلي ولدي عند اهلي قلت له انا احطه بس بوقت الدوام ولما اجي اخذهم انت ترفض وتقولي خليهم عندهم ينبسط اكثر قلت له مو من زين تعاملك لاصلاه ولا اسلوب ولا كلام محترم المهم انا اتوقع سؤاله هذا واجابتي عليه راح يبني عليها اشياء ثانيه انه هذي خلاص مافي امل تعطيني بسهوله مالي الا اضغط عليها بالحمل؟؟؟ يعني اهو مره مصر على اني ابني بيت له وعشان ابني له لازم اضعف وعشان اضعف لازم اجيب له اطفال وخاصه البنات واا ذااصر على الحمل ومشيت وراه وجبت البنت بيضغط علي باطفالي عشان اسلمه الراتب واذا ماسلمته الراتب وبنيت له البيت راح يهددني باطفالي لو ماكان عندي الا الولد اهو يفكر اني راح افكر اني مو متضرره من الطلاق لانه ولد والولد على كلامه لامه بس البنت لابوها فلازم يجيبها قبل مايطلقني عشان يقهرني بها مثل مانا قهرته ومااستلسمت له وبنيت له البيت انا اللعبه القذره حقته مرررره واضحه ومكشوفه لي بس مين يصدقنيييييييييي ويوقف معاي ماراح احمل ولا راح اعطيه ريال ولا راح احققه له مراده لما دخلت على الدكتوره وكشفت علي قالت لي انتي سليمه ومافيك شي بس خلينا نكشف على الرحم كشفو على الرحم وماطلع شي بالاشعه لما دخلنا مره ثانيه على الدكتوره عشان تعطينا نتائج الاشعه الدكتوره اجنبيه وجنبها مترجمه جلست اتكلم مع المترجمه بالانجليزي ضحكت المترجمه وقالت واللهي زوجي الخبيث حس ان في شي التفت على المترجمه وقلها قوليللي ايش فيه ماعليك منها تكلمي؟؟؟؟؟ قالت المترجمه مافي شي لما طلعنا قالي ايش قلتيلها قلت قلتلها ان شرحك واضح خلاص قالي كذذابه انا اعرف مدير المستشفى وبخليك يسالها ويعلموني ايش قلتي لها قلت اا مانت مصدق ارجع ودني عند دكتوره ثانيه وبعدين ليش انت كذا وش فيك حاس اني كاشفته وني مابغى احمل وحنا بالطريق راجعين قالي غصبن عنك والله تحملين لو بفمك؟؟؟ الانابيب غاليه بخمسه وثلاثين الف تخيلي صار يفكر بالانابيب اذا رفضت اني احمل؟؟؟ قلت له انت وش فيك مستعجل ان شاء الله احمل حتى الدكتوره مستغربه تقول تو طفلكم صغير ليش مستعجل بتحمل ان شاء الله بس اهو عارف خطتي ذكي المكار عارف اني جالس اتهرب من الحمل وني كاشفته انا لما ماكنت ادري عن نواياه حملت من ثاني شهر بس الان لا ضحيه وحده تكفي حتى لو اتضامن معاه زوجي مخادع وغدار راح اندم والله لو حملت وتنازلت وعطيته والله لاندم كثير اذا ربي ماهداه واصلحه الطلاق نجاه لي منه مع اني اتعذب كثير لما احس انها خلاص نهايتها شكلها طلاق بس ايش اسوي |
كيف مستحملته هذااا
رووحي اشتري راااسك وخلعيه لا تقوولون لا تحد المرااه على الطلااااق لا والله احدك على الطلاااااق وابصم بيدي ورجولي والله ماادري كيف متحملته هذا ذكرتيني بواحد لما زوجته ماعطته زوجته بطاقتها الصراااف ضل معها اقل من 6 شهور وطلقها حسبي الله على الي يتزوج النسوان ويبي فلووسهم اصلا كيف يدعيه قلبه انه يااخذ فلوووس من مرااه انا انصحك تتطلقين واذا تقوولين بيااخذ ولدك ابد خليه يااخذه ومرده بيجيبه لك ويترجااك تخلينه عندك الله يووفقكم ويسعدك |
حسبي الله عليه داخل وهو مخطط على راتبي
حتى امه اذكر لما جت تخطب كانت تمدح في حريم عيالها انهم يعطون ازواجهم ويساعدونهم ولما دخلت فيهم اكتشفت انهم ضاغطين على حريمهم بعيالهم مو بكيفهم وهو متخذ نفس الاسلوب يبغى يضعفني بعيالي مشكله زوجي انه مرتاح ماديا جداجدا جنن فيني مايسولف الا عن تجارته صدع فيني ولا شفت منخيره شي بس يشتكي انه خسران وهو من مشروع الى مشروع مايوقف طموحه يصير مليادير وعلى حسابي اجيب له العيال واقوم بمصاريفهم من والي واسفره واوديه مطاعم وكافيهات وافرش له البيت وابني له البيت وهو بس يصارخ ويسب ويلعن فيني وفي اهلي ويضرب ونا اصير هذيك الانسانه الضعيفه الخايفه على عيالها اللي مستعده تعطيه كل شي ولا يحرمها من عيالها واذا تذمرت او ققلت حرف طلقني واخذ عيالي واحرمني منهم وزوج البنت وعمرها عشر سنوات وحرمها من الدراسه انا عارفه تخطيطه بعيد المدى حسبي الله عليه الله ينصرني عليه |
اقتباس:
|
ووالله اخختي سيده الموقف وهو يضرب ونا جالسه ادافع عن نفسي جالس يضحك مني وبكل برود
رجولي صارت كلها كدمات حتى انه حبسني بالبيت ماخلاني اطلع يخاف احد يشوفني اواروح مستشفى حتى لما جيت اولد الممرضات انهبلو من اللي برجلي الله ينصرني عليه بس اختي ايش رائيك بتخطيطه باني اجيب بنت عشان يضغط علي بها؟؟ وايش تتوقعو راح يسوي لما ماحمل واطول وماحملت ؟؟ |
اقتباس:
|
اختي سيده الموقف
بصراحه ابغى امشي الحياه معاه يمكن يتغير وينصلح ومنها يكبر ولدي عندي ونا مو صغيره بالسن فافرصي بالزواج والانجاب مره ثانيه تعيسه جدا بس اهم شي لازم مايضغط علي بالحمل حسبي الله عليه الى يوم الدين ضيع مستقبلي وشبابي والله لجلس ادعي عليه عمري كله لحد ماربي ينتقم لي منه |
اقتباس:
|
نحن نعيش في عالم ساخر عالم غريب لا مكان فيه للانصاف نعتقد اننا نعرف مقاصد الشرع و نتظاهر بأننا محيطين بالأحكام و الأدلة و نخدع أنفسنا بأننا كنا مخلصين في النصيحة بالتأكيد لجأتي الى أهلك و لكن لم تتجاوز أفكارهم و حلولهم ( أفكار و حلول العالم الساخر الذي نعيشه ) فقررتي اللجوء للمنتدى و لم تتجاوز أفكارهم و حلولهم ( العالم الساخر الذي نعيشه ) إلا من بعض من تحلو بالشجاعة حتى ما توصلت له في ردك رقم ( 7 ) لا يخلو من السخرية و عدم الانصاف أسأل الله أن يفرج همك و ينفس كربك |
اقتباس:
أخي في الله نهار يهمني أن أعرف رأيك واتمنى فعلاً أن تضع حلولاً للأخت فنحن هنا نتمنى أن نصل لمرحلة الإنصاف ** لكن صاحب المشكلة لايستطيع أن يساعدنا على إنصاف نفسه وظروفه لاتساعده :: |
الله يعينك علي بلواك والهمك الصبر
|
نصييييحة انفذي بجلدك واسمحيلي زوجك مو رجاااااااااااااااال وربي عيب اللي يسويه مافي نخوة |
الصراحه صعب العيش مع شخص مثل زوجك مع احترامي لك بعدين انتي تقولين لاصلاه كيف تامنين نفسك مع شخص مايخاف ربه ..!!
|
تبغين تادبينه ارمي الولد عليه وخذي شغالتك وروحي لاهلك
والله ياقلبي محد يبغى يربي لاحد حتى ابوه نفسه كلها يومين ويبوس راسك اعرف وحده وهي توها نفاس تهاوشت مع زوجها وزعل وودها عند اهلها ولما وصل عند اهلها دق عليهم واعطاهم بنتهم هم من القهر سلموه البيبي توه شهر والله بنص الطريق رجع وتاسف وماعد كررها |
ياألهي كيف متحملته انتي هذا مو متزوج للاستقرار لا هذا متزوج حتى تكوني انتي المرأة والرجل بالحياة
هذا غير انه لايصلي ويضربك هذا وحدة يكفي استخيري بأمرك عدة مرات وياليت تعرضين موضوعك على استشاري اسري والله يوفقك |
ا
السؤل الذي عجزت ان اجد له اجابه وارجوك ان تجاوبي عنه لماذا انت متمسكه به رغم انه بكل هذا السؤ ؟ عجيب بعض النساء تصبر على ( الثعبان ) وبعضهن ترفض ( الحملان ) لماذا انت متمسكه به ؟ تحبينه اليس كذلك ولا تستطيعي ان تفارقيه فيه جوانب ( تعجبك ) غير قضيه الاولد اليس كذلك لا اصدق ابدا ان امراه تستمر على رجل بمثل هذه المثابه الا انها ( تحبه ) او انها تنقل لنا ( نصف حقيقه ) او تنظر الى الجانب الفارغ من الكاس ان كان صحيحا ما تقولين ( انفذي بجلدك ) ولماذا الاستشاره في مثل هذا حقيقه انا متعجب جدا |
اختي الكريمة
مع احترامي الشديد انتي تعلمين مالحل وتعلمين ما يتوجب عليك فعله وما قصروا الاعضاء ولكنك تريدين الفضفضة والتعاطف لا اكثر ولا اقل. والا فالشرع كفل لك الطلاق من رجل لا يصلي ولا يحسن العشرة |
اقتباس:
|
أختي الفاضلة كل مشاكلك مع زوجك كوم وتركه لصلاة كوم لحالها أختي الفاضلة رجل مايصلي كيف بيخاف الله ويخشاه فيك وفي عيالك كيف ربنا عز وجل بيرضى عليه ويرزقه ويبارك له في رزقه أختي الفاضلة قال الله عز وجل في كتابه الكريم ) ومن أعرض عن ذكري فإن له معيشة ضنكا ( زوجك عيشته كلها ضنك وتعاسه زوجك عبد لدرهم والدينار زوجك ماعرف حق الله وراعاه
كيف بيراعي حقوقك ويحترمك ويقدرك أنتي كيف راضية وصابره على تركه لصلاة وأنتي تعلمين إنه مايصلي وش إللي مخليك جالسه عنده في بيته وساكته عليه أختي الفاضله الإنسان إذا صلحت صلاته صلحت جميع أمور حياته وأنتي تراك بسكوتك عليه في أمر الصلاة كأنك راضية على تركه لصلاته أختي الكريمة إن العهد الذي بيننا وبينهم الصلاة فمن تركها فقد كفر إيش معنى كفر يعني صار كافر بدين الله وللأسف بعض الزوجات يشوفون ترك أو تقصير أزواجهم في الصلاة بس مايهتمون لهاذا الأمر أبد ولايناصحونهم ولا ينكرون عليهم هالفعل أبد وربنا يسلط عليهم مشاكل في حياتهم من نو ع آخر بسبب سكوتهم وعدم إهتمامهم بأمر الصلاة ترك الصلاة يقسي القلوب ويخليها قاسية كالحجارة وأشد قسوة وزوجك يستثمر في مشاريع الدنيا و يخسر ومادام إنه إن إنسان مايصلي لاتتوقعي إن بينجح لا في أعماله ولا في حياته وبتركه لصلاته خسر مشاريع الدنيا والآخرة معا والمفروض إنك تهتمي بموضوع تركة لصلاة أ كثر من إهتمامك بصرافتك وحملك وحياتك معاه وش تترجي من إنسان مايصلي ولا يخاف الله ويسب ويلعن و يضرب وطماع وجشع أنا عن نفسي لو قدر الله وزوجي تارك لصلاة لو عندي 10 عيال مو طفل واحد راح أطلب الخلاص منه وآخذ مشهد من إمام مسجد الحي ومن الجيران بعدم صلاة هاذا الرجل معاهم بالمسجد وأدينه فيه بالمحكمة وأطلب طلاقي وحضانة عيالي غصب عن خشومه رجل فاسد لايصلي ولا يخاف الله غير جدير بحضانة أولادي ولا أأتمنه على بناتي هاذا إنسان كافر مايصلي ماله ولاية عليهم أبد حتى يستقيم على دين الله ويلتزم بصلاته وعبادته لله على أ كمل وجه ولا طاعة لمخلوق في معصية الخالق ومن ترك شيئا من أجل الله ربنا عوضه بخيرا منه رضا الله فوق كل شئ إذا تطلقت وعندي أطفال لأجل رضا الله وربي ماراح يتركني أنا وعيالي وأنا تطلقت وتركت بيتي لأجله ولرضاه فما راح أضيع وربي حبيبي معاي راح يعوضني بحياة وبيت وسعادة أجمل من إللي تركته علشانه سوى بالدنيا أو الآخرة ربنا كريم أختي الفاضله إذا زوجك مايصلي أبد ونصحتيه ولا أستمع لنصيحتك فغسلي إيدك من إنصلاحه وتغيره معاك وماراح يرحمك لا أنتي ولا عيالك بيخليك تذوقي المر مرين والعذاب أشكال وألوان وراح يحرق قلبك بأطفالك ومافكر فيك ولا في أي أحد ثاني هاذا من بداية زواجك جالس يمرمط فيك مرمطه وأنتي ساكتة له وما بدرت منك أي ردة فعل علشان أسلوبه معاك ومثل صنف هاذا الرجل إذا كان عنيف جدا وتعامله معاك صعب من البداية وماشاف منك ردة فعل راح يزيد عليك تسلطه وجبروته وبيمسح بكرامتك الأرض وبيذلك ذل عمرك ماشفتيه ظنا منه إنك خوافه وشخصيتك ضعيفه وإنه بيفرض رأيه عليك بالقوة رضيتي وإن رضيتي وراح يمشيك على كيف كيفه ولاضرب لك حساب أبد . وأنتي لازم تاخذي موقف حازم في أسلوبه وتعامله تجاهك بس قبل كل شئ ناقشيه في موضوع تركه لصلاة وواجهيه في هاذا الأمر لأن موضو ع الصلاة أهم من كل المواضيع وعقبها تجي مواضيع مدة اليد والسب واللعن وتدخلاته في شؤنك المالية وأحسمي معاه الأمر وأستعيني بأهلك معاك علشان يحس إن وراك ظهر يسندك و يحترم نفسه ويعرف ما له وماعليه لاكن إذا ماصلى صلاته الواجبه عليه أنصحك إنك تفارقينه أفضل لأن مثل هالزوج علا أي فضيلة وعلى أي أخلاق بتكون تربيته لأطفاله . نسأل الله أن يصلح لك حياتك ويسهل أمورك وينور دربك ويرزقك الحكمة والبصيرة في كل مايواجهك من صعوبات في حياتك اللهم آمين . |
سيده الموقف
انا ولدي صغير لازم اجلس اربيه خاصه لو صار بحضانتي يعني الى سبع سنوات صار عمري بالاربعين مين راح يتزوجني بهالسن ولو جلس معاي ولدي اكثر مستحيل افرط بحضانه ولدي عشان رجل اخر ماضمن حياتي معاه ونا ناويه اجلس معاه اطول وقت ممكن من غير حمل او اي ارتباطات ماديه مثل البيت اهو يتغير ماتوقع راح يتغير كثير اهو صار بيني وبينه مشكله كبيره قبل خمس شهور وضربني وكانه من بعدها تغير شوي مو كثير يعني الضرب صار يعطيني كف خفيف ويمزح طبعا ودائما اقوله لاتمد يدك حتى لو تمزح او تراني راح اوصلها لابوي صدقيني انا ماودي بالطلاق خاصه عندي ولد بس اهو اللي جبرني على هالشي انا ماطلبه مطاعم ولا كافيهات ولا اسواق ولا تماشي ولا اي شي احاول امشي العمر معاه باقل الاضرار والخسائر ولحد مايكبر ولدي ويمكن الوقت يغيره |
نهار التجديد
مو فاهمه قصدك ياليت تنصحني بكل وضوح ونا متقبله نصيحتك |
دراما بنورما
الله يستجيب منك |
روح المساء
الطلاق بتفكيري بكل وقت والله يقرر متى يصير اذا الله كاتبه |
متفائله
الوالد كلمه عن الصلاه بعد مشكلتي الكبيره معاه قبل فتره وحاول يحافظ عليها فتره وبطل ماتعود وماعنده اهتمام كبير فيها مشغول بتجميع الدراهم الله لايشغلنا الا بطاعته هالايام يصلي بلاسبوع بالكثير فرضين او ثلاثه الله يهديه ويكفيني شره بس |
سنا نجمه
لما صارت بيني وبينه مشكله كبيره وضربني ورحت لاهلي جاء عند اهلي وحاول يرجعني ورفضت قام طلب الولد على اساس انه بياخذه ويسلم عليه وبياخذ له لفه انا عرفت انه بيخطفه عطيته الولد ورفضتت اعطيه الشغاله اخذ الولد وامي حاولت تترجاه انه حرام طفل وش ذنبه تبهذله بعز البرد وهو صغير كان خمس شهور ضحك على امي قالها شوي وبرجعه بس انا عارفه انه كذاب ويبغى يلوي ذراعي بولدي لكني قسيت قلبي وقلت خليه ياخذه بعدها كلم ابوي كان الوالد مسافر قاله انه عمتي يقصد امي رمت الولد علي وقالتلي خذه؟؟؟؟ورايحه مكه من غير ماتستاذن مني ونا اخوي استاذن منه وقاله طيب لما رجعت له البيت لقيت اغراض الولد مجمعه بكيس عند الباب قلت ليش وين كنت رايح باغراضه قالي كنت ناوي ارسله لاهلي واهله بمنطقه بعيده عنا |
رحيل
الله يعيني على هالحياه بس ياليت اختي لو عندك رقم استشاري اسري ممتاز ترسلين لي رقمه واكون شاكره لك جدا |
omran
قال ايش اللي حدك على المر قال اللي امر منه الطلاق صعب ومر ونا عارفه والله زوجي بيبهذلني بهالولد لو مابيننا عيال والله كان خلعته من زمان وربي بيزقني باحسن منه بس خايفه على ولدي زوجي مايخاف الله |
رسيل
ومين بيصدق انه مايصلي او انه مايحسن العشره؟؟كيف اثبت هالشي |
بنت الحكمي
والله اني ماتركه ودايم اساله عن صلاته واذا سالته يزعل ومره قلت له تراك كافر اذا مصليت ولايجوز اني ابقى على ذمتك يتاثر شوي ويرجع وصرت اذا جلست عند التلفزيون وجت موسيقي يقولي ايييه اذا جيت شغلتي القران واذا رحت شغلتي الاغاني ونا والله ماحب الاغاني ولا انطرب لها ونا افكر اجيب دليل من امام المسجد بس الجيران ماضمن يمكن يخافون ومايبغو يدخلو بالمشاكل |
أختي يكفي أنه لايصلي وهذا يجعل الأرتباط مشكوك فيه وهذا رابط فيه أسئله عن الزوج الذي لا يصلي سماحة الشيخ عبدالعزيز بن باز رحمه الله وأسكنه فسيح جناته وأرجو الستفاده منه للجميع ولاتنسونا من دعائكم والحل مع زوجك هو
الحل الأول : تصبري على زوجك وترضخي لمطالبه وإما أن يصلح حاله الله وإما أن يبقى على ماهو عليه وتصبري الحل الثاني: أن تطلبي الطلاق وتربي أبنك وربك ممكن يعوضك بزوج خير منه وآسئل الله له الهدايه وجميع المسلمين. الرابط http://www.khayma.com/ftat/f/Alsalah.HTM |
اقتباس:
لا ادري من خلال ردودك على الاعضاء احس ان المشكله ( مسرحيه ) او ( فيلم هندي ) على العموم نحن نبذل اوقاتنا هنا ( لنفع الناس ) والاجر لن يضيع انشاء الله اقول والحل برأيك ان تستمري معه حتي ( تأتي برزمه ) من الاولاد وكل ولد يعتبر ( قيد ) لك ( تحويل من ادني الدرجه اهون من التحويل من اعلاها ) عجيب هذا التمسك بزوجك يبدو انك ( تحبينه ) الى العظم وتموتين فيه ولا تقدرين على مفارقته او انك ذكرت لنا نصف احواله وسلوكه او بالغت في نقل الصوره السوداويه عنه عجيب بعض النساء ترفض وتؤذي الحمل الوديع وبعضهن تتحمل وتقبل العيش في جحور الثعابين على العموم فكري في حل لما انت فيه واذا اخترت حل فاياك والتشكي والتوجع ( يداك اوكتا وفوك نفخ ) قرارك بيدك وحياتك لك وعليك باختيار الصالح لك ثم امضي بكل قوه ولاتترددي اذا رضيت بالعيش معه فهذه حياتك ولايستطيع احد ان يتدخل |
ابنتي الكريمة (كن فيكون)
قرأت الموضوع بتمعن والردود ووجدت كلمة تحرمك شرعاً عليه أي أنك محرمة عليه شرعاً نعم أكررها قلتِ أنه لا يصلي وهذا يجعله كافر ومع الأسف حماسك في موضوع الرابتب والإركاع لك بالحمل والأولاد وكأنك ماكينة تفريخ (أحملي وجيبي بنت) عجبي وكل العجب. فإذا ثبت لديكِ أنه لا يصلي فلا تجلسي عنده ودعي ابنكما عنده وسينصفك الله منه حيث ما دام بهذه الطباع لن يجد من يؤوي الولد ويرعاه كأمه مهما كانت المبالغ التي يدفعها وسيفقدك فوراً ويعرف قيمتك بمجرد فقد الخدمات كراتب الشغالة وغيرها فهذا الصنف الذي لا يصلى لا يخاف من الله فالعباد عنده أهون بكثير ويسير بما ينفعه ويخاف مما يضره فعامليه بما هو أهله وكوني حازمة مع أمومتك بدل أن تنجبي جيشاً من ألرقاء لهذا الذي لا يصلي. وتأكدي أنكِ آثمة أمام الله إن بقيتي معه وأ،تِ تعلمين أنه لا يصلي. |
لاتحملين..هذا مايصلح يكون اب..
زوجك انسان عديم الرجوله...وبصراحه انسان غبي..لو كان يعاملك بالطيب ويحترمك كان قدمتيله راتبلك على طبق من ذهب.. اسمعيني يااختي ..اكيد سمعتي بالقصص الي صارت مع الاطفال وزوجات الاب..ومنها القصتين الاخيره.. الاولى..الطفل الي عمره 4 سنوات قتلتله زوجة ابوه في الحمام ولفته في شرشف وتخلصت من الجثه..حسبي الله عليها..وش سوالها هذا الطفل يوم تموته موته شنيعه..لكن الحمدلله ربي كشفها.. والقصه الثانيه..بنتين صغار اخذهم ابوهم من امهم غصب عنها طبعا زوجة ابوهم رفضت ينامون معاهم بنفس البيت وطلبت من زوجها يناموا مع الشغاله في الملحق. وافق لانه كان مستعد ينيمهم حتى في الشارع المهم مايروحون عند امهم..طبعا كل ليله يدخل الملحق رجل متلثم متفق مع الخادمه ويفعل الفاحشه مع البنات اكبرهم 4 سنوات اعتقد..وجا يوم زيارتهم لامهم لاحظت الام دم ملطخ في ملابس بنتها الداخليه...وذهبت بها الى الطبيبه واخبرتها الطبيبه ان البنت معرضه لتحرش جنسي..الام اصيبت بانهيار عصبي..سبحان الله طيب ليش استسلمتي لطليقك وسمحتيله ياخذهم..ليش مادقيتي ابواب المحاكم عشان حضانتهم خصوصا انها كانت عارفه انه بناتها ينامون بالملحق مع الخادمه...ليش مابذلتي جهد عشان يتمون معك وهم في هذا العمروالحضانه اساسا من حقك الى سبع سنوات.. شفتي مصير البنت ضاع مستقبلها وتدمرت نفسيتها...وهي عند ابوها..هذا الاب الي يقول عار وشرف بناته طلعوا كذابين اغلب الرجال ماهمهم لاشرف بناتهم ولاشي..كل همه كيف يقهر ويحرق قلب امهم..حسبي الله عليه ونعم الوكيل.. زوجك من النوع هذا من الرجال مايهمه اطفاله يهمه يحرق قلبك بس...ممكن في اي وقت ياخذهم منك ويرميهم عند اي وحده..نصيحه مني لاتحملين واحمدي ربك ان عندك ولد مرده لك..حتى لو اخذه لاتخلين ولا قاضي ماتدخلين عليه الا مايحكمولك بحضانته.. واكيد عارفه قصص اشباه الرجال الي ماخذين رواتب زوجاتهم وفي الاخير تزوج عليها بفلوسها..طبعا بعد ماخلاها تبني بيت وفي الاخير طردها منه وراح تزوج.. واضح هدف زوجك...وانتبهي منه ومن نواياه.ولاتسمحين له يذلك..ودامك عارفه انه بيلوي ذراعك بالاطفال وخصوصا البنت لاتحملين.. وان حملتي معناه انك راضيه ومالك اي حق تجين تشكين . |
لاتخافين على الولد ماراح ياخذه ...اساسا الولد حضانته لك طول العمر..حتى لو اخذه الله يخلي المحاكم لاتخلين قاضي والا دخلتي له..تقدرين تاخذينه غصب عنه..
واستغرب منك تقولين الطلاق صعب لا ماهو صعب..يعني انتي تبين تعيشين مع هذا الانسان طيب ماهو في اي لحظه بيتركك بس بيجمع الفلوس اول عشان يضمن مستقبله ويتزوج..لاتقولين عشان الولد انت عارفه انه الولد لك..بس الظاهر انك راضيه على هذا الحال..وبالنسبه للطلاق ترى زوجك بايع ممكن يطلقك في اي لحظه وانتي معك درزن.يصير خسرتي كل شي حياتك وفلوسك |
اقتباس:
ولاتسمعين كلام الي يقلولون خلي ياخذ ولدك مصيره يرجعه..ماراح يرجعه لانه ماراح يهمه الولد صدقيني ولا راح يدقق في رعايته.... بيرميه عند اي احد ..ويمكن الي يرميه عندها تعامله ملاك قدامه ومن وراه تعذب الطفل وتحرمه حتى من الاكل.. وارجع اذكرك الولد لك ..وان تزوجتي حضانته تتحول لامك هذا الشي معروف.. |
omran
عارفه ان كلامك القاسي من خوفك علي لكن لاتخاف انا ماخذه ابر منع الحمل طويله الاجل والابر تسبب احيانا عقم من قوتها من كثر مانا خايفه اني احمل منه واتورط ببنت منه فمستحيل احمل صعب الحمل واحتاج علاج طويل لو ابغى احمل ونا ماسويت هالشي الا لاني مو ناويه استمر معاه لكن انا ابغى وقت واعطيه فرص وابري ذمتى امام الله وامام نفسي مع انه حاله ميؤس منها لكن مافي شي مستحيل عند الله |
اقتباس:
اختي قريت قصتك امس وزعلت عليكي ومابيدي كان الا دعيت لك بسجودي يفرج همك لكن الي علمتة بالاحمر لااااااااااااااااااااااااااااااااا حرام عليكي ياقلبي خررررررررررررررررررررررام يروح بستين داهية وسوري عالكلمة لكن من قهري عليكي لكن لاتجيبي المرض والعقم لنفسسسسسسسسسسسسسسسك ليييييييييييييييييييييييية؟ ربي رزقك وخلاكي سليمة ودود ولود ؟ تحرمي نفسك هالنعمة ترى كثييييييييييير يتمنوها ويدفعو الي فوقهم وتحتهم عشان انجاب وذرية وانتي ببساطة عشان شخص مايستاااااااااااااااااااااااااااااااااهلك تجيبي المرض والعقم لنفسك الي خلقة خلق غيرة والي رزقك بيرزقك مابتخيل نغسي مكانك لاني اموت ولا اخلي نفسي عقيم عشان واحد مايقدرني وذالني يختي وربي هزيتني من ددااااااااااااااااااااااااااخلي انا مو متخيلة كيف طاوعك قلبك تسوي كذا؟؟؟؟؟؟؟؟؟؟؟ حتي لو ياس لو طلع الحل من يدك ماسويتهااااااااااااااااااااااااااااااا انا للان ماتزوجت وكل املي بالحياة يوم احتضن طفلي بين يدي اكون امة ارضعة انومممممممممة احممممممممممة اكبرة واربية حسي بالنعمة الي بتحرمي نفسك منها وش كبرهاااااااااا عند غيرك وانتي تعرفي انك ظلمتتتتتتتتتتتتتتتتتتتتتي نفسك كثير بشكة ابرة الله يفرررررررررررررررررج همك من قهري عليكي انفجرررررررررررررت http://www.66n.com/forums/images/icons/icon9.gif حسبي الله علية وين مايكون يوم ظلمك حسبي الله علييييييييييييييييييييييييييييييييييييية |
رجل الرجال
انا ماودي اتسرع بالطلاق وووالله العضيم مو حب فيه لكني ابغى لو تطلقت ماندم اني ماحاولت فيه وني استعجلت بالطلاق وبعدين انا مستحيل اعطيه ولدي ووالله ياخذه ولا عاد اشوفه وماضمن تربيته انسان مايصلي واخلاقه زفت عموما انا جالسه اعطيه فرصه يتعدل ويصلي ويحسن تعامله معاي وهو بعد جالس يعطيني فرصه اذا ماحملت اتوقع راح يسوي شي البارح يقولي شكلي باخذك الممستشفى يسون لك تؤام؟؟؟؟اهو يقرر ونا مالي دخل مثل ماتقول انا مكينه تفريخ بس اهو مره قالها انتي احملي واولدي ومالك دخل فيهم انا لما اشوفه مصر على الحمل اتاكد انه لسى على نيته الشر وانه مصيرنا للطلاق |
ليه الغرور
لاتقلقي مافي امل احمل حتى لو ابغى احمل حسبي الله عليه ونعم الوكيل دمرني ودمر صحتي حسبي الله عليه ونا هالقصص هي اللي تخليني اجلس معاه واحاول فيه مابغى ولدي ينقتل او يغتصب او يكبر معقد ابغى اعيش معاه للابد ومايفرقنا الا الموت وبعدين القضاء عندنا تعبان ويوقف مع الرجل حتى لو كان فاسد والدليل ان ام احمد لجات للقضاء وماعطاها حضانه عيالها لاتقولي انها ملجات وكذا مره اقرا بالمنتديات ان في قضاه عطو الاباء حضانه الاطفال وهم لسى في سن حضانه الام؟؟؟؟ماضمن ان حضانه ولدي تكون لي مع ان الشرع معاي حسبي الله ونعم الوكيل بس |
اقتباس:
يالله من جبروتة ..وقساوة قلبة وظلمة مين لهم دخل اجل؟ مين ؟ معقولة هذا تفكيرة ؟ اجل مالك دخل؟ ومن جابهم ؟ انا مصدومة من هالتفكير والاكثر مصدومة منك في حد مثلة ؟ الحمد الله الحمد الله اللهم عافنا مما ابتلاكم يارب .. اللهم عافنا مما ابتلاكم يارب .. |
| الساعة الآن 09:41 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©