|
تعبت من زوجي ولي متعلقه فيه
السلام عليكم ...مادري كيف ابدأ لاكن تعبت وأبغى أعرف وش أخرتهاا مع زوجي أنا قبل سنه وأكثر كتبت مشكلتي أن زوجي طلع مع وحده أستراحه وشفت جوال في سيارته وحصلت مشكله كبيره ورحت بيت أهلي وجتني الردود الي قلي أطلقي ولا قال أتحملي وأصبري المهم ماعليناا رجعت وبدأت صفحه جديده ولاكن لم يتغير شىء فيه غير أنه ربى اللحيه وقصر الثوب وقدامي يعمل نفسه مايسمع أغاني وأنه عقل لاكن للأسف نفس الشخص ونفس البنت الي يعرفهاا من أيام شبابه الين تزوج وهو مستمر وكل مره أقول أتحمل بيتغير عندي أمل أنه بينصلح لاكن يصدمني في كل مره ويفاجئني وتطلع هياا تعبت معاه وتعبت منهاا حاولت وتصلت وكلمتها ليش تبغي تخريبي بيتي خافي ربك جيتها بالين هددتهاا حاولت بكل الطرق تخاف يومن شهر أثنين وترجع تكلمه المشكله أنها متزوجه وعندهاا 4أطفال أخر مشكله الي هي قبل حوالي 5 شهور عرفت عنوان زوجها وأسمه أرقامه ومن غبائي رديت عليها قامت تبكي وقسم بالله أنها حزنتني قلت ليش تسوي كذاا قالت اخر مره وهذا وعد لأن هذي المره صوتها مسجل وهي تتكلم مع زوجي كلام كأنوا زوجهاا وقالت عندي أولادي وحلفت ونا قلت من ستر على مسلم ستر الله عليه يوم القيامه وقلت لها أنسي رقمي ورقم زوجي قالت بغير كل شيى يومتها انا كنت حامل في الثامن المهم ولدت وخلصت الاربعين ويوم رحت أبغى أجيب غرض لبنتي دخلت عليه غرفه النوم الا أنفجع وسبحاان الله بان عليه شفت نور الجوال قربت عليه على طول قام ورمى الجوال تحت السرير أنهرت وبكيت وحاولت أشوف رقم مين وفي الأخير طلعت هي قلت يعني ليش كذاا انا خلاص ماعاد أتحمل قال والله هي داقه محتاجه فلوس تبغى تسوي عمليه وما عندها احد يسلفها المهم قلت خلاص هذ المره بفضحهاا دقت عليهاا ورديت وأكيد زوجي يقولها بكل شىء أخطط له قالت مافضحتيني أول والحين تفضحني ونا مادقيت الا للضروره ومحتاجه شديت معها بالهرج وقفلت جا زوجي من برا وصرخ عليه وحلف أني لو طبيت بيتها مايصير خير لاكن لأخر لحظه حاولت أمسك نفسي وقلت يالله جت على دي المره وحلفته أنها تكون أخر مره ولا ترد عليها وقولي لو كلمتك ولا دقت عليك وحلف وأقسم ووعدني مادري كم عدا شهر ولاأكثر ولاأقل المهم جت رساله على جوال زوجي وأنا خلقه أشك فيه شكيت وقلت مين قلي وحده غلطانه دخل ينام رحت الين عنده وقلت ترا انا مو ناقصه يحصل شىء ثاني الله يخليك لا تقهرني ولا تخوني الي تسوي فيااا ماحد يرضى قلي ليش أنتي تشكي فيا خلاص أنا وعدتك وبعدها بيوم كنت معزومه زواج وكنت عندي أحساس أنه بيصير شىء انا عندي تسجيل لاكن والله أنه كنت رفعته سنين طلعته يوم كنت حامل وسمعت وذي المره ونا نازله من السياره حاولت أدقه بالكلام لا تغلط لا تزعلني والله كأني قاعده أقوله أنتبه رجعت ونصدمت رجع يكلمها وكلام مافي وحده تقدر تسمعه ولا ترضى تسمعه أنهرت بكيت تجننت صحيته من نومه وقلت وديني عند اهلي خلاص ماأبغى أخذ ولا أعطي معاك حاول بكل الطرق انه يهديني وبكي لاكن ماهز فيني شىء كل مره أحزن لاكن هذي المره أحس خلاااااااااااص تعبت ونا الحين أكتب ونا في بيت أهلي مو قادره أنام ولاأكل حاسه بضيااع فوق هذا كله أفكر في اطفالي أيش ذنبهم لاكن أنا ماعاد أتحمل أرجع عشانهم كل مره أرجع عشان اقول بيتي بناتي لاكن خلاص أحس نفسي أعيش من غير شك ولا تفكير ولا عذاب وجوالات وبنات وأتصالات نفسي أعيش بعيده عنه أرتااح من كل شىء وأمس وحده من صحباتي قالت تعرف واحد وااصل مره في الهيئه نروح ونبلغ رسمي وفعلا أتصل الشيخ وقلت كل شىء وهذي من يوم زواجي وهي تسوي مشاكل ودق على زوجي ومن ذا الكلام قمت دقيت على زوجي أوضح الصوره المشكله كلهم قالوا لاتقولي لا يدري خلي يتفاجئ دقيت وقلت صار كذا وكذا حاول اذا كلمك الشيخ قوله هي الي تجري ورايه قام قال كلام أقسم بالله الين الحين مااكلت بس أبكي حتى أمي تقول أشفي أقول لا بس زعلانه قال لو حصلها أي شىء انا بدخل في الموضع وأطلعها بسوي المستحيل عشان مايصير فيها شىء هيا ضحيه وأنا ضحيه بكيت يعني أنا المجرمه ونا الي أبغى خراب البيوت يقولي انسي وارجعي البيت مافي شي يستاهل ذا كلوا الي تسوي وأنا محتاره هل أفضحها عن طريق الهيئه ولا أروح لبيتها وبس محتااره والتفكير ذابحني ومادري أيش أسوي أطلق ولا أجلس عند أهلي وأكتفي ولا؟؟؟؟لاكن أني أرجع أقسم بالله ماأقدر أطالع في وجهه لأني كرهت صورته وأسمه على قد الحب والعشق الي كنت احبه على قد الكره الي حاسه فيه الحين وسامحوني على الاطاله
|
اعانك الله اختي الكريمه
المعاكسات هدمت البيوت لكن لها مراتب متعدده معاكسه قوليه ومعاكسه لقائيه ومعاكسه تواصليه ومعاكسه تعاشريه اهونها هي المعاكسه القوليه ( الحكي ) ثم معاكسه ( اللقاء ) وهذه اشد من المعاكسه القوليه ثم معاكسه ( التواصل ) الجسدي ثم الطامه الكبري هي معاكسه المعاشره الزوجيه الحمد لله ان زوجك الى الان يراوح في المعاكسه القوليه الكلاميه وهذا خطاء لكنه اهون الشرورو وكم من زوجه تشكي من ان زوجها لم يتخلص من تركه ( المعاكسات ) التي تعود عليها في شبابه فاصبحت عند بعضهم ادمان من ( ادمان الدخان والمخدرات ) تحتاج الى يد رفيقه تساعد على التخلص من هذه الورطه الحل من وجهة نظري يكمن في 1 - دعاء الله والتوجيه اليه بالفرج وحل المشكاله 2 - حوالي احتوء زوجك وبث الحب له صدقيني ( هو يحبك ) ويدل على ذلك بكائه وانت قلت انه يحبني ربما كانت علاقته مع هذه الفتاه علاقه ( فضفضه ) شاب مراهق وانا هنا لا اهون من هذا الخطاء ولكن لابد لنا ان نضع الخطأ في مكانه الطبيعي واعتقد انك عنده ( اصل راسخ ) وهذه الفتاه اللعوبه هي ( استثناء ) واعتقد انه يحترمك ويحبك ويحتقر هذه الفتاه وربما كرهها اذا ابتعدت عنه بسببها 3 - البقاء في بيت اهلك فتره كافيه لاجل ان تهدأ اعصابك وحاولي عدم الاتصال به في هذه الفتره اذا كان زوجك ممن يؤثر فيه الهجر بحيث ( يشتاق ) لك ويتمني مواصلتك فاذا رأيت حرصه في القرب منك فحاولي الابتعاد عنه مع اطماعه بامكان رجوعك له حتي يكون بين شوق يجذبه وخوف يؤدبه وحاولي في هذا تشغيل الذكاء الانثوي بالاغراء المتدرج والصد المتدرج ( ومثلك لايعلم ) 4 - الحل بتأديب المعاكسه ( المريضه ) المؤذيه وانا اقول مريضه لانها تعاهد ثم يغريها الكلام مع الرجل الاجنبي فتعاود مره اخري رغم علمها بالعواقب ربما كان نافعا اذا كان زوجك غير ( مريض ) بالمعاكسات ولكن يبقي ان الحكمه ان نكف شرها بطريقه تؤدبها ولا تهدم بيتها لكن الان انت اهتمي بصحتك ونفسيتك وحاولي ان تركيزي على زوجك 5 - حاولي ارسال بعض الدعاه او المصلحين الى زوجك من اجل وعظه وتخويفه بالله 6 - اياك وطلب الطلاق فليس له مبرر وكلنا نخطي ومادمت واثقه من حبه لك وحرصه عليك فحاولي اصلاحه ومن سقط في حفره ينتظر من الاخرين اخراجه لا ان يهيلو عليه التراب واذا نويت ( اصلاحه ) فسوف يعينك الله اسأل الله ان يفرج همك ويعيد لك زوجك |
زوجك يحبها من زمان والاكيد انه يعاشرها بالحرام واقطع يدي ان ماكان يعاشرها
دام ردة فعله كذا .. روحي اشتكي للهيئه عن طريق الجوال وخلي الهيئه تأدبهم .. او علميهم بالمعلومات وهم يراقبونهم ولو يمسكون زوجك رح تضمنين حضانة عيالك بس ترى الهيئه ماتسوي له شي يمكن بس تهددهم وتكتب تعهد عليه .. بس زوجك اتركيه وقولي له دامك اخترتها وتدافع عنها خلها تنفعك .. وانا مابي غير طلاقي واذا تبي تتزوجها اعلم زوجها عشان يطلقها وتأخذها انت ولا تصيرون ضحيه عالاقل تحبون بعض بالحلال مو بالحرام وخلك مصره على قرارك ..اذا ماحس على دمه وترجاك ترجعين ورضى بشروطك خليه يولي لانه رايح فيها |
السلام عليكم ورحمة الله وبركاته...... أولاً: شـوفي لا تـرسلي لزوجك لا دعاة ولا أحد لإنوا راح يقولك إنتي جالسه تفضحيني أو أي شي... ثانياً: أوصيكي ثم أوصيكي ثم أوصيكي بسهـــــام الليل.... إلي أنستني زوجتي وحنانها وحبها ليا في ثواني.... ثالثاً: أجلسي في بيت أهلك أكبر قدر ممكن علشان يحس بالفراغ..... وصدقيني مادام عيالك عندوا ما راح يتجرأ يجيبها البيت. رابعاً: إذا أتصل عليكي ردي ولا تقطعي حبل الرجوع ولا تكرهي هذا مرض..... خامساً: شوفي إيش الشي إلي ناقص فيكي وغيري وحاولي تغيري الشي إلي مايحبوا فيكي... وسادساً والأهم: لا تحاولي إنك توصلي الموضوع للهئية لإنها ممكن تسحب رجل زوجك في الموضوع وتفقدي وتفقدي بيتك وعيالك....... والله يوفقك ويسعدك ويريح خاطري وخاطرك |
اقتباس:
اختي في الله لا تدخلي في النوايا الله يهديك ولا تظلمي نفسك ترا هذا قذف وانا اخووك |
اقتباس:
لا تأخذي بكلام الأخت هذه لإنها راح تودي زوجك في ستين دهيه وراح ينسجن وممكن ينزل قصاص |
اختي لماذا الى الان معه لماذا ماذهبتي بيت اهلك من عرفتي انه يغااازل
لماذا انتي تعطينه فرصه الى هذا الحد اسالك سوال وجااوبيني عليه بصرااحه لو زوجك جااء يوم وقالك ابي اتزوج ماذا تكون ردة فعلك هل توافقين ولا تذهبين بيت اهلك وتطلبين الطلاااق ؟ انتظر جوابك |
كيف يحس بفراغ وهو مكتفي اصلا...يعني ماتفرق معه وجودك من عدمك...عنده بنت الحرام مكفيته
وبعدين انتي كيف تتفقين مع زوجك يوقف معك ضدها..وكانها هي بس الي تجري وراه...حتى زوجك يجري وراها...وكلهم متشاركين..هو يقدر يبعد عنها بس مايبي يبعد.. ليش مايتركها..ليش مايغير ارقامه...ليش يتصل عليها.. الان..بلغتي الهيئه..ويمكن هذا الشي لصالحك عشان تكسبين حضانة بناتك....اب زيه ماتقدرين تامنين بناتك عنده.. اذا سكتي عن هذي الفوضى راح تساعدين على نشر الفساد في الارض..ضروري تبلغين الهيئه مره ثانيه عن زوجك وتعطيهم ارقام البنت وارقام زوجها..زوجك وعشيقته حاطين في بالهم انك غبيه تهددين كل مره بس ماتنفذين واستغلوا هذا الشي...لكن الحين لازم تتخذين موقف حازم لو كان انتي الي متصله على واحد ولا زنيتي...ماخلاك دقيقه عنده..وفضحك عند الي يسوى والي مايسوى.. انتبهي لنفسك من الامراض..لانه واضح انه علاقتهم متعديه الحدود... حسبي الله ونعم الوكيل..وش تبين فيه يدافع عن بنت الحرام وانتي آخر اهتمامته..ياويله من ربه يتستر بالدين واللحيه وكله رياء. الي.مايخاف الله.. |
والي يقولون لها ويحذرونها ماتبلغ الهيئه...ليش ماتبونها توصل الموضوع للهيئه؟؟؟ لهاالدرجه الموضوع سهل وعادي يعني الفساد ينتشر قدام عيوننا وانتوا تنصحوها ماتبلغ هيئه الامر بالمعروف والنهي عن المنكر...
عجيب والله.. |
|
لاحول ولاقوة إلا بالله انصدمت متزوجة وعندها 4 أطفال؟؟؟ عزيزتي هم باين عليهم مأمنين عليك كم مرة هددتي ولانفذتي؟؟؟ هم حاطين يدينهم ورجليهم بماي باردة لإنهم عارفينك قول بلا فعل انا أفضل تستمرين على قرارك كلمي الهيئة عنها وعنه خليهم يتأدبوا ويعرفوا إنه الله حق أو عندك حل ثاني تكلمي زوجها الغافل وتخبريه لإنه زوجته ماتتأمن على رعاية الأطفال وهي خاينة حسبي الله ونعم الوكيل بس |
اقتباس:
|
يااختي اعانك الله على البلاء ولكن اسمحي لي انتي غير حااازمه ابداً .. كل مااصابك من بكاء وتعب وبلاء انتي لكي يد مساعده لهم !!!...نعم انتي تساعدينهم دون ان تعلمي يفترض ان اختصري الطريق من البدايه واخبرتي زوجها ومحارمها ..تبكي لكي ساعه وساعتين و تفرح في بقيه وقتها .. وانتي تهدأي ساعه وساعتين بعد وعودهم الكاذبه ..وقيه الوقت تستهلكين صحتك ونفسيتك .. اول مره عديتيها وكل مره تتسامحين ..معناته انتي تريدين لنفسك التعب هم تحركهم شياطينهم وشهواتهم و انتي بسكوتك تعينينهم فقط انتي اصبحتي كالطبل الأجوف صراخ وبكاء وتهديد لهم و داخلك فارغ !! اعلم اني كلامي مؤلم لك ولكن اريدك ان تستسقظي ..هؤلاء لا يستحقون بل يتمادون... اضربي الحديد وهو حامي وحتى لو تطلقتي منه احسسسسسسسسسسسن انتي تعاشرين نفاايات مغلفه بهيئة انسان .. وقبل ان تنهي حياتك صفي حساباتك واذا كنتي تريدين الإستمرار مع التعب النفسي .. كما تريدين هذه حياتك اختاري ماشئتي ؟ |
ليه تتصلي خايفه عليه
انتي ساذجه او تتغابي لو كنتي انتي الفاعله للكل قال طلقها وهو كان فعلها من غير ما حد يقول له وما رح ينتظر ولا دقيقه استيقظي وخليه ياخذ جزاه هو وهي بلغي الهيئه السلطات داقعي عن حياتك ما هو ما كثر الزنا الا لاستهواننا بالقصاص |
الله يعينك ويجبر على قلبك
استغرب من اللي يقولون لاتفضحينه وحاولي تصلحينه وادعي له بالهدايه هالحين شخص متزوج ونفرض انه ناقصه اشياء كثيره ومظلوم من زوجته ليش يغازل وهي على ذمته يطلقها بكرامتها هذا بعد مايستنفذ كل المحاولات في اصلاحها ليش الواحد يجمع بين بنت الحلال المحترمه والعفيفه وبنت حرااام تبيع نفسهاا له انتي ياقلبي سويتي اللي عليك دعيتي له نصحتيه زعلتي منه مااخليتي شي معه بس الوقح واللي مااخذ ع الحرام والظلم ماايجيب معه الكلام ذاا انا احط نفسي مكانك ورايي اقوله بكل ذمه لو مكاانك اعلم اهله واهلي واخلي كلا يدري عنه ليش استر عليه وربي سااتر عليه ببيت وحرمه واطفال وهو مااستحى وحمد ربه والبنت ادق على اهلها وابلغهم بانها اذتني وارسلي لجوالها انك تدعين عليها في كل لحظه زي ماادمرت حيااتك وزوجك لاتجلسين عنده وقولي له جعلك تشووفها بنفسك ياامرض ياامصيبه عشاان تعرف كيف استهنت بااعظم علاقه ربي مااحط الزواج عبث ولاحرم الزنا من فراااغ ااااااااااااااااااااااهــــــــ بس اتخيل لو انتي اللي خنتيه لو ابسط شي حطيتي ضحكه بموضوع في منتدى مختلط ولاكلمتي احد بالماسنجر مو جواال وعلاقه ايش ممكن تكون رده فعله؟؟ ليش مطلوب منا نتساامح في موضوع مااتقبله حتى البهيمه اعزكم الله والمشكله تلاقون الوحده ماتساامح بس تتغاضى وهي الضحيه لا هي ساامحت ولاهي ارتااحت بالتوفيق ياارب |
الغريب
ان الرجال تنصحك بالسكوت والدعاء الم تسالو في موضوع سابق لماذا النساء تحارب الزواج الثاني ولا تحارب الفساد؟ هذا فساد ونحاربه لمى الاعتراض طيب سؤال ثاني لو زوجتك هي الي تكلم رجل اخر سنيييييين وانت غافل الا تحب ان يوعيك شخص اخر عنها؟ هي فتحت خط الرجعه والتوبة لها وهي استمرت في الغلط لماذا يدافع زوجك على فاسقه وتاركك انت العفيفه الطاهره خليك في السليم وكلمي الهيئه او زوجها يوقفها عند حدها وانتهينا |
لاااازم اختي تبلغين زوجها عنها -لااازم لاتاخذك بها رأفه هذي خرابة بيوت -اذا مالقت زوجك بتركض ورا غيره-اكيد زوجها ماراح يتركها -والا خوذي رقمها وسلميه للهيئه هم يتولوها بس لاااتيكتين عنها ابدددد
|
لا طبعا ماتقوليش لزوجها ،، هيطلقها وجوزك هيعمل فيها شهم ويتجوزها ،، وهتبقى في عينه مظلومة منك
انتي تسيبي الهيئة تتصرف عشان هتخلي منظرهم سئ جدا ويوم ماهتطلق بسبب الحركة دي ويتجوزها مثلا مش هينسى انه اخدها بخطيئتها وهتفضل دي المنغص مابينهم وعمرهم ماهينسوا الواقعة دي انما زوجك مش هيبعد عنها مهما عملتي وانتي ساذجة انك بوظتي الخطة وبلغتيه يعني متوقعه يخاف ويترجاكي تاني !! يابنتي بيحبها ومتعلق بيها غير كدا اللي زعلان من كلمة الملاك يونا عن موضوع الزنا مش عارفة اقولكم ايه!! هو اخدها الاستراحة يعني عشان يلعب معاها السلم والتعبان ؟!! وكمان ماهياش بكر وخايفة على نفسها دي متجوزة وهو كذلك ايه اللي هيخليهم يخافو يطوروا الموضوع !! |
اقتباس:
لا طبعا ماراح ارضى أكيد بروح بيت اهلي ...لأني الحمدلله مومقصره معه بشي ..والله يعلم فيني |
أشكر كل من شاكرني وجعي ...وحفف عني ألمي ..وأوضحلي وجهات نظر مختلفه ومفيده ...واتمنى انا أقرا المزيد عشان اخذ قرار سليم ...وجزاكم الله عني خير الجزاء
|
وانتي جالسه بمكانك ماراح يتركها لازم تتحركين تعطين رقمها للهيئه او تبلغين زوجها عشان يطين عيشتها -اتمنى تنفرج لك عاجلا غير اجل
|
الله يعينك اختي
طيب مو احتمال ان هو يكون زوجها والمعلومات اللي عندك قبل عن زوجها يمكن طليقها او اخوها انا بقولك لو انا مكانك اش راح اسوي من غير اي مشاكل بترك له البيت وقبل كل شئ ابلغ زوجها وبالادله ومن غير هيئه ولا شئ ومستحيله زوجك يتزوجها لو زوجها طلقها لانه هو عارف هي وشي وايش تكون انا مع كلام الاخت للحياة الوان انتي ساعدتيهم وماحطيتي حد لهم الله يكون بعونك ويكتب لك اللي فيه الخير ويهدي زوجك ويصلحه |
كوني قويه بالله
واسعي للحفاظ على بيتك وزوجك وإذا ما احسست أن الامور تفلت من يدك وصعوبة في السيطره فاتخذي موقفك وقرري من اجل سلامة نفسك وصحتك .. فزوجك إنسان راشد .. ولن تربيه من جديد كل ما عليك تخويفه بالله وتغيير منكره بكل ما اوتيتي من قوه كان الله في عونك واصلح لك زوجك |
الله يعينك يا اختي و الله حاسة فيك . خذيها نصيحة مني لا تطلبين الطلااق انت بهذي الطريقة تعطيها زوجك على طبق من فضة , اذا تقدرين تفضحينها عنده زوجه يكون ممتاز عشان تحرم تتصل بزوجك اللي ماتستحي ام و عندها اولاد وتسوي هالواة عجل ايش خلت حق البزران.
|
لو ان مكانج بدعي الله لانه مطلع عليهم
بس قولي حسبي الله ونعم الوكيل وبتشوفين شو راح يصير ولا تتركي بيتج |
إذا خسرتي زوجك , لابد أن تذيقينها اللي ذقتيه وتهدمين بيتها على راسها
تفضحينها عند زوجها , لكن أنتبهي يمكن يطلقها زوجها ويتزوجها زوجك ويكون سويتي فيهم خير وقهرتي نفسك لذلك إذا فكرتي تفضحينها إنشري فضايحها وتسجيلها عند الأقارب خلي زوجك ماله وجه قدام الناس إنه يتزوجها بجد يقهر زوجك هذا , أكره الخيانة بالذات المتزوجين |
| الساعة الآن 08:16 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©