|
||..مصايب وشتات أسره بسبب بخل والدي
السلام عليكم.
أتمنى إن الكل بخير=) أنا إنسانه تجرعت الهم والحزن لحد إن شبابي إختفى وأنا ماوصلت العشرين من عمري. أبوي بخيل جدآ لدرجة إنه يجي العيد مايعطينا شيء ولاعمري أخذت منه عيديه,عيديتي دائماً هي إني أصحى يوم العيد على سب أبوي وهواشه!! أبوي عنده عمارتين بالإضافه لتموينات ومغاسل مأجرها,وراتبه 8000 وشوي. .. أمي إستحملته20 سنه!,وهو مايعطيها حتى شيله ولا عطر بعشره! وإذا أمي مدت يدها ع دولابه وأخذت ريالين ولا حتى ريال,يقولها ياسارقه!! .. مانطلع من البيت نهائياً ولا عمر أبوي قال تبوني أمشيكم,حتى مصروفي المدرسي ريالين وأحياناً ولا شيء. .. تحملنا تحملنا,والضغط يولد الإنفجار,والله العظيم إن مطبخنا حالته يرثى لها,غرفة أمي لها15 سنه,والدواليب مكسره والفرش منتهي! كلمنا أبوي بالهداوه وماطاع يسمع لنا حتى,وبعد عدة محاولات ونقاشات معاه,أمي قررت تروح لأهلها,خلاص يومياً ياله نلاقي أكل بالمطبخ,وحتى الإنترنت أختي اللي بالجامعه تدفع فاتورته والله حالتنا حااااله,والله العظيم إني يومياً أصيح قلبي خلااااااص شوي وتجيني جلطه من الهم! .. حالياً أمي راحت الله يوفقها و ع الأقل حياتها أسعد مع أهلها ونفسيتها تتحسن,لكن تخيلوا حتى وحنا محرومين من أمي,أبوي قدامنا يدعي عليها!!!,ويشوه سمعتها قدام عمتي! يمسك الجوال,ويجلس يحش في أمي وأهلها!!!! العاااااااالم كله مادرى عنا,صلتنا بجماعتنا ضعيفه جدآ,بسبب أبوي!,تعامله مع الكل يرفع الضغط! أبوي شال خدمة الصفر من التلفون علشان مانكلم أمي. الله يخليكم ساعدوني,إيش أصلح؟كل شيء إنتهى من حياتي,أمي مدري متى أشوفها؟يومياً أسمع سب وهواش ومشاكل,أختي تتمنى الموت! ماعاد في شيء يخفف عني,نفس الهموم يومياً عجّزت كرهت الحياه,يا الله والله مو عارفه كيف وبأي طريقه أكمل حياتي:بكااااء: |
يااعمري انا الله يعينكم والله الا البخل مااحد يتحمله وبالذاات مع الاستطااعه
تصدقين زوج خالتي اغنى من ابوك دبل مرااات وينشف دمهم عشاان يااكلون والله مره خلص الغاز وبناتها جاين من الجامعه والمدرسه وبزارينها وماعاد يمدي تطبخ غدى قامت جابت رز ودجاجه يعني ماكلف 20 رياال ودخل فجاه لاقهم يااكلون جلس يلعن ويدعي عليهم ويقول جعلكم للسم ويارب تموتون خسرتوني والفلوس ماهي من عنده لحد مااستفرغت بنته ع السفره وانتم بكراامه يعني ترى هالبلوى بكل مكاان بس راايي لاتسكتون له كلموه بالعقل قولو حرام عليك الفلوس مانبيها من بعدك نبي تعيشنا بعز وكراامه دخلو احد كبير وعاقل يتفااهم معه ارسلو له نصاايح ذكرووه بالله ويااارب انه يتغير للاحسن وتهون مصيبتكم |
اقتباس:
الله يساعدهم ويعيننا ع ظلم الرجال,اللي مو قادر يصرف ويحب الفلوس من أول لا يتزوج ويقعد يخلف عيال تعبانه نفسياتهم. آآآآآآآآمين يارب,ألف شكر عزيزتي. |
لاحول ولاقوة إلا بالله البخل يجيب الجلطة والله والأمراض كلها الله يعينكم من جد بس تعالي ماتقدروا تكلموا أي احد من العائلة يعني احد عمامكم ولاعمتكم اللي يكلمها وتشرحون لها الوضع؟؟؟ اعزموها عالبيت وخلها تشوف بعينها عشان تصدق عااااد امك الله يصلحها توها تتذكر تروح لها عشرين سنة صابرة والحين راحت وينها من أول؟؟؟ كان عالأقل لو راحت قبل كان أبوك تغير ولاانقرصت أذنه شوية بس الحين وش ينفع |
يا اختي طالبو بالعيش عند داااار جدووو اهل الماما ..........والله مو عارف شو بدي احكي بس عنجد الله يعينكم على البخل .....ما بعرف انه يوم ما الواحد يصرف وينعم اولاده تعد من افضل الصدقات عند رب العالمين .....لاحول ولا قوة الا بالله والله قطعتي قلبي الله يكون بعونكم ويحنن قلب الوالد عليكم وعلى امكم
|
الله يهديه ويسخره لكم لاحول ولاقوه الابالله ادعي ربك يااختي وصلى قيام الليل والله حزنت عليك امك الله يحفظهالكم اطمني انهاسعيده عنداهلهاواستمدي القوه من راحتهاربي يسعدك انت واخواتك يارب ويفرج عليكن
|
للأأأسف أغلب الابآآء مآ يدرون قد أيش يأثر البخخخل بأولآآدهم
وقد آيشش ممكن يخلي الاولآآد يتنآزلون عن مبآديئهم وقد آيشش يسبب حزن وححقد وككره ونننقققص شديد والمشكله انهم ينصدمون لآ آكتشفوآ ان عيالهم لجأوآ لسبل اخرى !!! من جدد مدري ليه اذا الوآححد مو قد انه يوفر حياة كررييمه لأهله ليه يبلش خلق الله ويتزوج الله يسهل آمورك انتي وأخختك وأن شآآء الله بكرآ تتخرجون وتتوظفون وتستغنون عنه وعن مغثته بس برضوآ اذا ابوك ما يمانع انكم تشتغلون وتدرسون بنفس الوقت شوفيلك شغله ودبروآ اموركم ججد صعبه الحيااة مع أب بخخيل وقاااسي الله بعوونك حبيبتي أنآآ حااسه فيكي وبدعيلك كل يووم |
شكرآ بنات الله يجزآكم الجنه,كلامكم يبرد الخآطر ويخفف عني والله.
اقتباس:
الله يفرجها علي همومي وعليكم يارب. ألف شكر. |
ياقلبي عليكي الله يفرج همك ويحنن قلب ابوكي عليكم يااااارب ..,
حبيبتي فين اخووااانك عنه ,,!؟ ان شاءلله يقدرو يكلمووه ويتفاهموو معااه يااارب .., الله يعينك ويووفقك ويسعدك في كل حيااتك ياارب .. دمتي بوووووووود=) |
ابنتي الكريمة
أسأل الله العلي القدير أن يفرج لكم من واسع فضله ,ان يرزق والدكم كرم النفس والمال وأن ينير حياته بكل خير لكم لا شك أن هذا التصرف من الوالد مشين جداً ومكروه شرعاً ومن جانبكم لا تملكون إلا الصبر والالتجاء إلى الله وبنظرة إيجبية للموضوع إجعلي من بخله دافعاً لكِ لعمل ما يدر عليك بالمال لتكتفي بنفسك من هوايات تصنعينها بيدك أو أشغال أو حلي نسائية وربطات وتوزعينها بين صديقاتك أو عبر من تثقين بهن أن يبعن لك لتكتفي بنفسك عنه ولعله ينكسر لاستعطافك بأن البخل سيؤدي بذريته لبيع أنفسهم من أجل المال فلعله يخشى أو يلين. وعليكم بالدعاء له ولكم لعل الله سبحانه ييسر لكم مخرجاً. |
بكره يعلص وتاخذو فلووسه خلوه يجمع
|
الله يرفع عنه هالمرض وجد البخل مرض ترى مو بيده
الله يعينكم مافي اسوء من كذا ذكرتيني بصديقتي كانت تتمنى ابوها يموت وتورثه من كثر بخله الله يعينكم ويقويكم لحتى تستحملوا هالوضع ,وعلى قولتهم اللي يشوف مصيبه غيرة تهون عليه مصيبته |
البخل مرض
أهم شي لاتبكين وربي راح تتعبين شوفي إذا قريب تمونين عليه احكي معاه يكلم الوالد وعاملو والدكم بالحسنى مهما قسى\\ والله يصبركم والله شوفي من واقع تجربه والدي شبه بخيل والحمدلله عنده مااااااااااااااااال بس لو تشوفين بيتنا ماصدقتي أثاث من فتره طويله ماغيرناه وكل شي مو حلو\ ومطبخنا محتاج تصليح قسم بالله أن الوالد دافع فلوس يبني عماره جديده يأجرها وحكينا معاه قيمة العماره يصلح فيها المطبخ بس مو راضي يقول المطبخ يكلف على 100 ألف والعماره الجديده كلفت عليه أكثر من 500 ألف قسم بالله يا أختي أني تعبت لأن الوالد مو راضي يتفاهم معانا في أمور البيت ما يحب التغيير مع أنه عنده فلوس ودخل شهري فوق ال15 ألف بس مو راضي يصلح بيتنا وفي الآخير رضيت يا أختي\\ سلمت أمري لله وربي الناس إذا دخلو بيتنا يقولون مانصدق ماشاء الله والدكم تاجر وبيته بسيط جدا حتى الأثاث نوعه قديم مع أن الوالد يقدر يغير كل شي بس مو راضي وأهم شي إنا أقتنعنا بعصبيته ما اكذب يصرف علينا وفي العيد يعطينا فلوس بس يعطينا أقل مما نحتاج يعني أي بنت مثلنا تشتري الغالي لأني مادتنا ممتازه جدا بس وربي نشتري الرخيص لأن الوالد مايحب الغالي يقول إسراف حتى جوالي قديم مو راضي يشتري لي جديد طلبته جوال وجاب لي قديم بس وش أسوي الحمدلله على كل حال قسم بالله أتمنى أني عايشه حياة الفقراء يمكن ألاقي أحد يدلعني!!!!!!!!!!!! آسفه طولت بس نصيحه أنسي الموضوع وعيشي حياتك ولاتهتمين ببخل والدك وربي راح تتعبين أنسي البخل والله يسعدكم |
يا عمري والله دموعي نزلت
مو انتي بس ابوي امي تطلبه يغير الصاله الصاله بس ومو راضي وراح يصرف الفلوس ع اهله وحتى اختي الكبيره راحت مع زوجها بدون تجهيز والله تقول لما صرت معه اليوم الثاني بكيت وقالت له وزوجها الله يسعده ماشاء الله تبارك الله نزلها السوق ليش لان ابوي اخذ مهرها كااااااااااااااامل ولا اعطاها شي وانا الجامعه والله من يوم دخلتها مافي مصروووووووووووووف حتى ملابسي انا اشتريها الباص انا ادفع له مصروف للجامعه مافي اخذ اكلي من البيت وبلايزي نصها من اختي المتزوجه واخواتي اللي اصغر مني اخر مره شروا فيها بلايز عيد الفطر اللي راح حتى المكاييج انا اشتريها وامي صابره ومتحمله علشاننا لا تبكيييييييين انا كنت ابكي واتهاوش معه ووالله ان كلامي كله حق وش سوى كنت ابغى اسجل في معهد ب 2500 والفلوس حقت المعهد من صديقتي الله يسعدها تدري بظروف ابوي لكن ما اقول غير لما تناقشت معه قال لا انتي ماتستاهلين ليه لاني انقهر ع امي واتكلم ومنعني من الجامعه ما اسجل فيها صيفي و منعني من المعهد وسكت والله العظيم اني اللحين ما اسولف معه بس ارد عليه اذا سال اما اسولف لالالالالالالالالالا وبصراحه نفسيتي ارتاحت والله لو عندي فلوس لاشتري لاخواتي ياعمري عليهم ياعمري لا تدمرين نفسك بالبكاء صلي الوتر وادعي من قلبك ان ربي يفرجها اللهم يافارج الهم والكرب فرج كرب اختي احبك يايمه عاجلا غير اجلا واغنها من عندك ولاتجعل حاجتها عند غيرك اللهم امييييييييييييييييييييييين يارب يارب يارب يارب يفرج كربتكم يااااااااااااااااااااااااااااااااااااااااااااااااا ااااااااااااارب |
لاحول والقوة الا بالله
يعني قاعد يجمع هالفلوس ليه موب عشان يعيش هو وأولاده حياة كريمه والله استغرب من الاباء اللي كذا تلاقين الأبناء مشردين وممكن يسوون امور مب زينه او حتى يلتجاون للسرقه او المخدرات وحتى البنات ممكن واحد ماعنده لا ذمه ولا ضمير يستغل الوضع المعيشي السيئ للأهل البنت ويستغل لأغراضه الشيطانيه أعانكم الله أختي ولكن لا تنسون الصبر الصبر |
البخل مرض ماله علاج ومستحيل تلقين له حل الله يصبركم على بلواكم أنا اخذت واحد بخيل بس نفدت بجلدي والحمدللة انها جت على كذا معي ولد منة تخيلي اذا جا يشتري لولدة يودية للبقالة ويشتري لة حق ريالين ولا ثلاثة ريال والله يوم كنت في بيت عمي ابو طليقي قسم بالله مافية غير كيس طحين وكيس رز بس واذا وجد جبن تلقينة مدسوس ومخبأ الله يعين اللي ابتليت ببخيل سواء زوج او أب
|
| الساعة الآن 07:52 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©