منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   العلاقات الأسرية والإجتماعية (http://www.66n.com/forums/forumdisplay.php?f=91)
-   -   أمي الغاليه الحنونه تبيني أسافر بها .. بس فيه عائق (http://www.66n.com/forums/showthread.php?t=225766)

غريب 2010 11-07-2011 04:48 AM

أمي الغاليه الحنونه تبيني أسافر بها .. بس فيه عائق
 
بسم الله الرحمن الرحيم

السلام عليكم ورحمة الله وبركاته

كيف حالكم

اشتقت لردودكم الحكيمه


وتعودت استشيركم بالمواضيع اللي تشكل علي

نحن الآن كما تعلمون في العطله الصيفيه واليوم والدتي قالت لي نبيك تودينا لمكه على الطياره أو للشرقيه على السياره ، أنا ما عندي مشكله لكن المشكله هي الوالده نفسها ، الوالدها الله يخليها لنا ويطول بعمرها ويشفيها يارب وجميع مرضى المسلمين معاقه وما تمشي إلا بمساعده وتعرفون أنتم مكه الحين صار الحرم بعيد والفنادق فيها درج كثير وفيه مشقه كبيره على الوالده هذا بغض النظر عن الطائره انا ما ادري فيها مصعد للمعاقين ولا لا لأني بحياتي ما ركبت طائره ابداً ولا اعرف نظامهم والمشكله اذا وصلنا مطار جده لازم نستأجر سياره نروح فيها لمكه طيب وشلون بركب أمي في المرتبه الورانيه وهي معاقه؟؟ هي متعوده تركب قدام ما تعرف تركب ورا ابد، أما بالنسبه للشرقيه أقصد الدمام والخبر وهالمناطق بالنسبه لوالدتي بعيد عليها لأن أمي الله يرفعها بالعافيه صعب عليها تدخل حمامات المحطات وانتم بكرامه وتعرفون انتم حمامات المحطات ووساختها وخطورتها بعد
وأمي اذا ركبت السياره وطولت فيها تدوخ واخاف يجيها تشنج ولا شي ، أحياناً نروح لديرتنا وهي تبعد ساعتين عن الرياض أو أقل شوي وأمي تتعب من الطريق وشلون لو مسكت بها خط 4 إلى 5 ساعات ، هذا بالإضافه إلى انه ما عندي سياره مناسبه سيارتي جديده بس انها صغيره وبيروح معنا اخواتي ، والحاله الماديه ما تأهل وابوي بخيل جداً ما راح يعطيني فلوس للسفر

مع ان امي مو كبيره لكن حسبي الله على من كان السبب

نحن من سكان الرياض

وأنا في حيره من أمري ما ادري وش اسوي

أرفض طلبها واقولها يا أمي صعب السفر علينا ولا أتوكل على الله واللي فيها فيها ؟؟

طلبتكم:

ادعوا للوالده ولجميع مرضى المسلمين في ظهر الغيب بالشفاء العااجل القريب بإذن الله تعالى

شهد الحربي 11-07-2011 05:02 AM

آسال ان يشفي امك ويشفيني وسائر مرضى المسلمين

إسال الطبيب المشرف على حالتها إن كان في سفر مشقه وتعب عليها ام لا..

رزقكِ الله بر إمك ولاحرمت الاجر

شذى 1404 11-07-2011 05:24 AM

آسال ان يشفي امك ويشفيني وسائر مرضى المسلمين

اروقة فكر 11-07-2011 06:15 AM

ياهلالا وغلالا باخوي غريب 2010

ماشاء الله عليك الله يسعدك ببر والدتك الله يحفظها ويشفيها يارب

بالنسبة للسفر بالطائرة لجدة انت تقدر تذكر بالحجز انه معاك شخص يحتاج لكرسي متحرك

فهم على طول يوفرون لك كرسي متحرك مع عامل يدفعه في المطار الى صعود الطائرة بمصعد

مخصص لذلك ولما توصلون جدة تجد عامل بالكرسي المتحرك ينتظرك عند باب الطائرة

لانه يكون عندهم علم مسبق عن طريق التذكرة .. وتقدر تتاكد من ذلك بسؤال اي مكتب حجز وان شاء الله يكون صح

اما بالنسبة للسيارة الاجرة فامكن في حل لو تستاجر سيارة تكون فورد لانها بتكون وسيعه المقاعد الخلفية كالامامية :22:

اما لو فكرت تروح للشرقية ففي كرسي متحرك يكون في قاعدة وعاء لقضاء الحاجة ( اعزكم الله )
اتذكر سعره من 540 الى الف ريال ...

الله يحفظكم في حلكم وترحالكم ان شاء الله ...

دعواتك ان الله يشفيني من الرهاب الاجتماعي واتغلب عليه :18:

تصدق لو انا من الرياض كان رحت معك لسوق الحمام :d بس الحمدلله على كل حال

اخوووك .. اروقة فكر

انفاس العطور 11-07-2011 06:37 AM

لاتحرمهم من السفره ككل
سافر لمكه ومر جده يعني انزلوا جده كميوم بدل الشرقيه وبعده مكه وارجعوا بالطائره

واطلب منهم انو معك شخص معاق هم يتكفلوا بانو يدفونه الى كرسي الطياره :)

اللؤلؤة المصونة 11-07-2011 06:37 AM

الله يشفيها ويشفي جميع مرضى المسلمين ..

متفائلهـ 11-07-2011 04:43 PM

عليكم السلام والرحمه،،

انا مع شهد اسال الدكتور تبعه واذا على الدوخه فيه الحبوب تبع الدوران للسفر مع انها مو على كل حال تنفع ،،
الشرقيه ابد لاتفكر تروح له اختي راحت الاربعاء وبترجع لان الجو حار جداً مع رطوبه مرتفعه ومايساعد على الطلعه والجيه ،،
الطياره اكيد بتكون اريح لوالدتك يعني مدته لمكه بالكثير ساعه ساعه ونص فنادق فيه بالعكس قريبه من الحرم عندك ابراج الصفوه "دار الغفران" اتوقع اسعارها موب ذيك المرتفعه تقدر تكلمهم وتسال قبل الحجز الفندق تنزل منوه على طول للحرم وفيه مصاعد منتشره بكل مكان ،،

وفقك الله واعانك وعافى والدتك وحفظها لك وكل مسلم .

روح المساء 11-07-2011 04:48 PM

أسأل الله أن يشفيها عاجلا غير آجل
بالنسبة لدوخة دعها تكشف عند طبيب الأذن والأنف والحنجرة
لعل السبب من أذنها (الإذن الداخلية) يكون مستوى الماء مرتفع فيحصل لها غثيات أو تشنج ودوخة
وبالنسبة لمسألة السفر بشكل عام أسأل الطبيب وإذا اجاز لها لك خطط جيدا للسفر من مستلزمات وضروريات

موفق

غريب 2010 11-07-2011 05:29 PM

الله يعطيكم العافيه ما قصرتوا كلامكم حلو جداً

انا غاير من هذا اللي بالصوره

http://sirajona.com/GetImage.ashx?id=57&cat=1&ver=1


ابي اكسب أجر أمي واخواتي واعتمر بهم

بإذن الله بتوكل على الله وبروح على السياره لمكه المكرمه

دعواتكم لنا بالسلامه

غريب 2010 11-07-2011 06:08 PM

بس المشكله اخوي اللي اكبر مني وابوي واقفين في وجهي ويقولون ما فيه روحه

وانا ابي اكسب اجر امي لها خمس سنين ودها تعتمر

وش اسوي لهم ذولي ؟؟

همس 2009 11-07-2011 08:52 PM

اقتباس:

المشاركة الأصلية كتبت بواسطة غريب 2010 (المشاركة 2651540)
بس المشكله اخوي اللي اكبر مني وابوي واقفين في وجهي ويقولون ما فيه روحه

وانا ابي اكسب اجر امي لها خمس سنين ودها تعتمر

وش اسوي لهم ذولي ؟؟

الله يهديهم
ماعليك منهم
امك طلبت وهي امنيتها من سنين وماطلبت الا منك لانك المقرب لها
فاانت اكسب اجر وحقق لها هلمطلب وربي بتشوف دعواتها لك والفرحه بعيونها
وبلاخص لانها مقعده
امنيتها تشوف الحرم وهي ع هلكرسي
يااخوي
لايهمونك
قول لهم كتسكيته قد حجزت او جهزت خلاص انتهينا ....
كم للوالده ماتمشت من يوم جلست ع هلكرسي
وودي امشيها هي والبنات
واحيانا مش الامر
واحيانا تغاضى عن الرد وهكذا
الاهم
لاتقول امي مصممه ! بيرجعون ويسوون مشكله ومحاولة اقناع .

غريب 2010 11-07-2011 08:57 PM

الله يعيني بس

اخوي الحين ما طاع يعطيني السياره ويقول ما راح اعطيكياها لانها سيارته هي بالأساس

توقعت اني امون عليه وبيقولي خذ السياره ياخوي وانتبه للطريق بس للأسف

وامي فرحانه يوم قلت لها يالله

وابوي برضه موب موافق واخاف امي ما يجوز لها تعتمر بدون اذن زوجها

لكن بإذن الله بنعتمر وانا مصمل لو نروح بالطياره

مشكوره اختي على ردك

همس 2009 11-07-2011 09:01 PM

الله ييسر لك ولااهلك
والله يهدي اخوك حاول اقناعه ..وش بيضره لو رحتوا
قول له
بيكسب اجر من روحتكم لانها سيارته
ومنها دعواتكم له .
عندي احساس لاشافكم مصممين بيهون وبيعطيكم السياره .

غريب 2010 11-07-2011 09:06 PM

ربك يسهل يا أخيتي

غريب 2010 12-07-2011 01:03 AM

والله مشكله

حسبي الله عليك يا اخوي

يوم وافق ابوي وكل شي عيى اخوي يعطيني السياره

قلت خلاص نروح في الطياره يوم قلت لامي بروح احجز هونت امي وقالت لا خلاص مابي اروح

وجلست امي تبكي وتهوش علي وتسب في ابوي

والله معاها حق ابوي تاجر وبخيل علينا حسبي الله ونعم الوكيل


شفنا الضيم معه


وانا بعد والله ان قلبي يتعصر على دموع امي


انا قصرت مع امي ولا لا؟؟

علي ذنب؟

وش اسوي طيب

انا ابي ارضيها


الشكوى لله :(

تصدقون واحد يقولي ابوك وامك مسحورين من زمان


وانا ما صدقت صراحه الا اليوم هذا

كل ما جينا نسوي شي فيه سعاده لأمي ولا للعائله كلها يصير شي ويتفركش هالشي


الساعة الآن 11:11 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©