|
طفلي سريع الحركة والركض ولايعي العواقب لصغر سنه
السلام عليكم ورحمة الله وبركاته
انا لدي طفل صغير يبلغ من العمر سنتين تعبت كثيررر معاه واحس ودي افضفض شوي في اللي يسويه فيني وابي منكم نصائح أنا الحمدالله مهتمه في طفلي في ملبسه فألبسه اكشخ الملابس ومهتمه في اكله كثيررر يعني ماعليه ناقص ولا اخفيكم طفلي محبوووب لدى الجميع حتى سبحان الله اللي مايعرفه لازم يبتسم له ويحبه راح ابدء واقولكم وش قصة ولدي طفلي ماشاء الله عليه ماااايخاف من أي شئ ولاشئ يخاف منه بتقولو هاذا شئ جيد لكن لا والله الشئ لازاد عن حده انقلب ضده راح اقولكم ايش يسوي فيني لابغينا نطلع عليه سرعة ركض ماشاء الله مافيه طفل مثله واذا جينا او كنا بشارع او نزلت من سياره مايمديني انزله إلا والاقيه يرركض بشكل جنوني وبعد مره كان باب الشارع مفتوح وطلع من غير مانحس كل وحده من اهلي لبست عبايتها واخواني طلعو يبحثون عنه وكنت ابحث عنه مثل المجنونه والله وتا الله أن احنا شفناه قاطع الشارع ويركض اخوي يبي يجيبه ويوم طفلي شاف اخوي يركض مات من الضحك وقام هو يركض بسرعه وبعد مره كنا طالعين نتمشى في بر كنت اصب القهوه لا اهلي وانشغلت عنه شوي ألا وتذكرواسأل عن ولدي قالو اهلي مدري وينه وندور مثل كل مره الا ونشوفه جالس تحت السيااره ياربي رحمتك ولدي ماااايخاف مثل الاطفال حتى الحيوانات مايخاف منها كنا بالجنادريه وكان في الجنادريه الابل اللي يخلون الاطفال يركبونها قسم بالله انه يجي قدامها ويسحب الحبل حق الناقه ويبي يدخل يده في فم الناقه حاولت افهمه ببعض الكلمات ( عيب _لا مايصلح _غلط )مانفع معه الضرب ماأحب اضربه ولا اهاوش بصوت عالي مابي شخصيته تنكسر والله مدري تصرفي صح او غلط اشتريت له ارنب واحس أني كسبت ذنب من كثر مايعذبه ولدي يأخذ الارنب ويشوته برجله ويمسكه مع رقبته ويحط اصبعه بعيونه الا مايبي ينقز عيون الارنب احس التعامل صعب مع طفلي مااعرفت وش الحل معه :15::15::15: والله أني اخاف لايصير فيه شئ ارشدوني كيف اتعامل معه واسفه اذا طولت عليكم بليز لحد ينقل موضوعي ابي حلول لطفلي وشكرااا |
عزيزتي عذاب الورد ينقل للقسم الأنسب |
فديتك ياروح المساء
مشكوره خيتوو |
على فكرة ماشاء الله طفلك طبيعي مافيه شي وإذا على كثرة الحركة والمراكض هنا وهناك هذا عز عمره بس إنتي انتبهي عليه وحاوليه توصلي له فكرة إنه اللي يسويه غلط بشكل يناسب عمره زي قصص مصورة يشوفها أو رسم أو إنتي مثلا لما يقرب على شي خطر اعبسي بوجهه وخليه يشوف إنك معصبة وان شاء الله مافيه إلا العافية ربي يسعده هالكتكوت |
اظن ان ولدك عنده فرط حركه مع عدم تركيز
موغلط لوتعرضيه علي دكتور عشان تطمني اكثر |
طبيعي جداً.. الله يصلحه وينفع به
على فكره.. ولدي كبره .. ما غير مراكض وراه الله يحفظهم ويبارك فيهم |
اقتباس:
وصدقيني والله اني انتبه له كثيررررر بس الله يصلحه شوي اشوفه قدامي ولا لهيت بشئ يختفي على طووول |
اقتباس:
|
اقتباس:
|
:15:أنا ابي اساليب كيف اتعامل مع طفلي واخليه يكون هادي ويجلس بجنبي مايروح بعيد عني
|
ياحبيلي لولدك خاصه خاصه يوم راح برا البيت ياقلببببببببببي
راقبيه لايضيع منك مره ثانيه ونصيحه لاتا خذينه للسوق |
إذا طبعه كذا ما شاء الله صعب تغيرينه بسهولة
وكثير أطفال كذا في هذا السن الله يعينك تنتبهين له زيادة أو تستخدمين وسيلة التربيط في الأوقات اللي تصيرين مشغولة ولا عندك أحد أو طالعين بره سواء في قعادة ولا كرسي ولا عربة ومالك إلا تكررين له الكلمات مثل انتبه ولا تطيح لين يهديه الله ربي يحفظه ويجعله قرة عين لك |
من وصفك له نفسي اشوفه ههههههههههههه
الله يحفظو ا يارب |
ان شاء الله يكون طبيعي
ما احب اخوفك بس للأمانة راح اقولك اعرضيه على دكتور متخصص وابحثي جيدا في النت واسألي سؤال ولدك كان يتابع التلفزيون كثير؟ |
للاستدراك والتوضيح ..
سؤالي عن التلفزيون كان جانبي لكن أتمنى أعرف بعض النقاط وياريت ما تعتبريها فضول مني .. كيف تواصل ولدك البصري معاكم ؟ كيف تفاعله مع الأطفال؟ هل يرد عند النداء على اسمه؟ يتكلم او متأخر في الكلام؟ يعلم الله اني اعتبرت ولدك مثل ولدي لذا حرصت ان أنبهك لأن كلمة من أختي الكبرى ساهمت بحمد الله في زيادة اهتمامي بابني ومن ثم أصبح ولله الحمد والمنة طبيعيا كما أتمنى ان يكون ما كتبت وظننت محض خطأ وأن ابنك سليم معافى بحول الله وقوته ،، |
ياعمري مشكوره ياقلبي الله يسعدك يارب
بالفعل ولدي يتابع تلفزيون كثيرررر على افلام كرتون أحيان أما من ناحية تواصله البصري معانا جيد الرد على الاسماء لا لايرد تفاعله مع الاطفال جيد يلعب يضحك يقلد يعني اللي أشوفه زين من ذي الناحيه والنطق لسى مانطق بس يذكر كلمات بسيطه جداا الله يسعدك يارب ويفرج كربتك ويخليك وسامحيني أن ـأخرت بردي لكن والله أني نسيت الموضوع |
| الساعة الآن 03:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©