|
أحبه وأبي أتزوجه .. لكن خطيبي ؟!
بسم الله الرحمن الرحيم السلام عليكم ورحمة الله وبركاته أنا بنت عمري 17 سنة كانت لي علاقة مع ولد خالتي من أربع سنوات كنت أكلمه بالمسن والجوال وهو يحبني ووعدني أنه يتقدم لأهلي ويخطبني .. بعدين تعرفت على رجال ثاني وصرت أكلمه وأحبه وبنفس الوقت ظليت مع ولد خالتي صرت ألعب على الحبلين مع ولد خالتي والرجال اللي أعرفه اللي وعدني أنه يتقدم لي ويخطبني .. مرت الأيام وجاء ولد خالتي وخطبني أهلي كانوا موافقين بس أنا ترددت لأني ما أحبه وأحس أني مابقدر أسعدهـ ولا أرتاح معه لأني أحب الرجال الثاني لكن خفت أرفض وينجرح قلبه أو تصير مشاكل بين أمي وخالتي ووافقت .. تمت الخطبة ولنا خمسة شهور الحين بس المشكلة !! أحب الرجال الثاني وأبي أفك الخطوبة من ولد خالتي لأني مو مرتاحة معه بس مو عارفة كيف خصوصاً أنه ملتزم بالدين وحنون يحبني بشكل مو طبيعي ومايرفض لي طلب لكن ما أحبه ومدري ؟؟ ساعدوني بنات تكفون اللي عندها حل بأسرع وقت أحب رجال وأبي أتزوجه بس موقادرهـ أفك من خطيبي :rolleyes: |
ياقلبسسسس عمرك 17 وكذا تسوين الله يهدييك بسسس
يابنت الحلال لمن كنتي تكلمين ولد خالتك كنتي تحبينه وتتمنين بس يتقدملك ويوم تقدملك عفتيه وتبين الرجل الثاني اللي تعرفتي عليه وحتى لو يتقدملك برضو بتعافينه تبين ولد خالتك ياماما القلوب ماهي لعبه وانتي قلتيها ألعب على الحبلين بعدين متى أمداك بسم الله لسه ماوصلتي العشرين .. انتي صغيره وخلي أمك تفكر بدالك لآنك جد منتي عارفه مصلحة نفسك,, الله يهديك ويعين ولد خالتك,, |
ياختي اولا الله يتمم لك بالخير ويسعدك في الدارين
طبعا اولا تصرفاتك وعلاقاتك كلها غلط في غلط ...الرجاء لاتزعلي لكن الصراحه المطلوبه وان شاء لله مانوصل لحد التجريح....واتمنى ان يجري الله الحق على لساني وان تاخذي الكلام براحبه صدر بالنسبه للرجل الغريب لم توضحي لنا حدود علاقتك به وانا انصحك بان تقطعي العلاقه معه وحتى اكون صريح معك هذا الرجل كذاب ولااظن انه ينظر اليك بنظره احترام او تقدير فهو ينظر اليك كعلاقه عابره وكما لعبت على الحبلين فهذا ظنه بك بانك كما عرفتيه فقد عرفتي غيره ولا تظني ان الكلام المعسول هو حقيقه مشاعره بل هو حبل يريد ان يعلقك به وبالنسبه لولد خالتك فانه على رغم الخطا الذي بدر بينكم فهو صادق وتقدم وانتبه ان تقيم اي علاقه بينكم الان الا بعد العقد الشرعي وفي حدود العرف السائد وياختي كلمه ضعيها حلقه في اذنك ترى في العلاقه بين الرجل والمراه لايوجد طرف خاسر الا المراه لان سمعتها معلقه بافعالها وسمعه اهلها كذالك فلا تجعليها رخيصه وتمرغيها في التراب وتوبي الله عما بدر وكان ونسال الله التوفيق واستغفر الله عن اي خطاء بدر مني وارجو اقول واعيد عليك بمراكز الاستشارات الاسريه فهم اهل اختصاص |
الله يهديك ويصلحك اللي تسويه قبل كل شي حرام ونهايته الوقوع بشر أعمالك يعني إنتي ترضيها على نفسك عزيزتي واحد ولاثنين يلعبون عليك بإسم الزواج ؟؟ هل ترضيها جاوبيني بصراحة خلاص لاتقولي احب وماأحب هذا الشيطان قاعد يوسوس لك وابن خالتك طلع ولد حلال وجا تقدم لك والثاني بيسحب عليك اقطعي علاقتك نهااااااائيا بالرجل الثاني من غير أي مقدمات خلاص إنتي بتصيرين على ذمة رجال ثاني تخيلي لو درا ولد خالتك باللي يصير شنو بيسوي فيك ؟ رح يفسخ الخطوبة وتنهدم حياتك وتصير مشاكل بين العائلتين والكل رح ينظر لك نظرة استحقال لإنك لعابة إنتي ماترضيها على نفسك ولاعلى أهلك توبي ياعزيزتي توبة نصوحة الطريق اللي تمشي فيه غلط |
الكل يقول لي نفس هذا الكلام .. أتركي الرجال الثاني وخليك مع ولد خالتك بس !! يارب رحمتك شكراً لمساعدتكم وأنا ماجيت أتكلم إلا أبي توقفوا معي حتى لو كان كلامكم قاسي بس أنه لمصلحتي .. |
ياختي ابغى اقولك قاعده ترى اذا عرفنا نطبقها سوف تحل الكثير والكثير من المشاكل
هي بالانجليزي : think out of the box-- وهذه القاعده تعني انا الانسان ينظر للمشكله على انه ليس طرف فيها وينظر للمشكله على انها مشكله شخص اخر ويقدم الحلول بناء على وجهه نظر متجرده من اي ضغوط او احمال ويفكر في المشكله على انها حلت او انتهت فما هو الاجراء الذي كان من المفروض ان يتخذه وبعدين اكثري من الاستغفار و الصلاه على الحبيب صلى الله عليه وسلم وبالتوفيق |
[SIZE="5"]على فكره انا طلبت بنت خالتي بدون علم امي ورفضتني بنت خالتي بعد موافقتهااا المبدئية بالسابق .......حرام عليكم يا بناااات تتلاعبووو بخلق الله ......اسمعي نصيحتي الرجال الثاني قاعد يلعب عليكي .....واتاكدي من هالشي
راح يخليكي تطلقي وماراح تشوفي وجهه وهاظ انا موجوود وقولي بدي اتزووووووج ما قاااال ...لأنه انا متأكد انه بنت خالتي رفضتني لسبب مثل سببك بس الان توكل ايديهااا ندم وعرفت انه كل الرجال كذابين ويتلعبووووو |
عجلي بزواجك من ابن خالتك .. وارجعي لربك .. قبل فوات الآون ..
ربي مادك بالستر وانت تجاهرين بمعصيتك.. لا يعافي الله مجاهر بالذنب.. توبي وسألي الله العفو العافية في الدين والدنيا.. سترك الله وهداكي لكل خير.. |
صدقيني اذا تزوجتي ولد خالتك راح تحبيه وراح تنسي الرجل الثاني
وولد خالتك بيكون احرررررررص عليك من الرجال الثاني |
شنو كلبج فندق ؟؟؟
وايكول قلب الرجل فندق ؟؟؟ |
خليك مع ولد خالتك
انتبهى من الثانى كذاب خداع شكلك رومنسية .... راح تتعذبي واجد اذا اتبعتى طريق قلبك وهواك هذا وهم |
اهلين والله اختي
والله من كل قلب اقول ولد خالتك احسن لك بذكر لك الفوائد :. 1 - اقل ما فيها اهلك عارفينه ومنكم وفيكم 2- الرجل الغريب اذا كان عندكم اهلكم كنهم ضيوف تحسين بالغربه 3 - بكره الله يرزقك بول من ولد خالتك بيكون مثل اخوانك 4 - والله بكره الرجال الغريب اذا صارت اي مشكله راح يقول انا كنت اكلمك .... الخ 5 - ولد خالتك لو ما يحبك ما تقدم خطبك وبين لك حبه . ....الخ اشياء كثيره حاب اذكرها بس اترك المجال لغيري زز اختي العزيزه انتي باقيه بسن المراهقه وتقولي ما تحبيه ... المحبه ما تجي بالتلفون المحبه تجي بالعشره والقرب بين الشخصين ... توكلي على الله وخذي ابن خالتك .. وصلي استخاره ,, تحياتي لك وعسى الله يكتب لك الخير وينما رحتي ... دعواتك لي .ز سي يو |
بسيطه قولي لولد خالك انك تحبين واحد ثاني وقاعده تكلمينه
بيقول لك طااااااااااااااااااااااااااالق وبصراجه ملتزم يبغى له وحده تناسبه مو لعابه |
قلتيها
تلعبين على الحبلين حبيبتي يا ماما انت عارفه ان اللي تسوينه حراااااااااااااااااااااام تدرين ان تسوينه غلللللللللللللللللللللللللللط تدرين ان اللي تسوينه راح يجر عليك مشاكل كبييييييييييييييرة مالها حل المشكله في خوفك من الله مو في خطوبتك من ولد خالتك وحبك للرجال الثاني المبدأ اللي انت عليه نهايته مأساوية يمكن ولد خالتك يشك فيك بعدين والرجال الثاني اكيد واكيد واكيد ماراح يخطبك مين يرضى يدخل في بيته وحدة مكالمات وتغزل حبيبتي اصحي وعيشي الحياة صح ترى الرجال حده كلمة ويقولك بااااااااااااااااي يا حلوة خليك مع الله تعيشين صح اقولك خوذي ولد خالتك لا تنحرفين اكثر الله يهدي اميمتك مو داريه عن بنتها |
طيب ذكرتي في موضوعك مشاكلك وحبك للرجلين
في غضون هذا الوقت وين خوفك من الله؟؟ تكلمين شباب على الجوال سواء ابن خالتك او غيره ولا فكرتي في معصيتك لله عز وجل ؟؟؟ نسيتي ان ملك الموت يجيك فجأه ممكن وانتي تكلمين شاب محرم عليكِ الله يهديك طبيعي ما تتوفقين لأنك أساسً ما خفتي الله من البدايه توبي وارجعي لربك فهو أحق أن تحبينه وتخافينه |
انتي توك مراااهقه وعقلك باااقي مانضج
اصلاا كيف ترضين لنفسك تتكلمين مع اغراااب وهو ولد خالك والرجل الغريب انتي مصدقه ان الرجل الغريب انه بيتقدم لك فايخال ابوي حك اضهري اذا تقدم لك انا انصحك انك تخاافي ربك وتعدلين وضعك واتمنى اذا هذا حالك اتمنى ان ربي يبعدك عن ولد خالك الرجل المسكين |
يا جماعة الخيييييييييييير ولد خالها يلي هوو خطيبهاااا بجامعهااا وكأنه زووجهااا....والمصيبه انه قاعده بتدور على غيره ........كأنه الرجااال الثاني راح يقبلهاااااا بعد ما التعب فيهااااا
الرجاء من المنتدى والقائمين عليه عدم حذف المشاركات واعطاء سبب مقنع لذلك |
الحمدلله الذي عافانا مما ابتلاك
اختي انتبهي لنفسك وسمعتك لاتضيعين عمرك وسمعة اهلك اسال الله الهدايه ولستر واللي يقولك اتركي الثاني يعني دارين وساكتين الله يعين خافي ربك قبل كل شئ اقطعي علاقتك بالثاني وتوبي لله توبه نصوحه وانتي تلعبين بالحبلين وتقولينها بعد هنا ربي بيعطيك على نيتك الله يستر علينا وعليك وعلى بنات المسلمين |
لآ حول ولآ قوة الا بالله ..,
يا أختي غيرك كتييير بنات نفسهم يتزوجو بس مالقيوو للاسف ,ماجا نصيبهم وانتي ماشاءلله تبارك الله خطبك ولد خالتك ووعدك بالزوااج واتم بوعده مش عاجبك؟؟ انا ابصم لك بالعشره انه لو التاني مثلا مثلا اتقدملك واتزوجتيه راااح تندمي ندم قووووي!! ورااح تتمني الزمن يرجع لوراا ويجيكي ولد خالتك وتتزوجيه .. الله يعينك يا أختي .. :: انسي الرجل التااني ,خليكي مخلصه مع ولد خالتك لا تخونيه حراام.. :: فكري بمستقبلك ياقلبي .. دمتي بووووووو=) |
شكراً لمساعدتكم .. أنا تكلمت أبي نصيحتكم ومساعدتكم لي لأني موعارفة وش أسوي
ولا عندي أخوات أتكلم معهم عن مشاكلي اليوم بنهي علاقتي مع الرجال الثاني وأنساهـ وأظل مع ولد خالتي الله يهديني ويستر علي يااااارب .. جزاكم الله خير |
يااخي بدي اتزوج هيا ماقالت انه ولد خالتها جامعها
اقرا الموضوع مررررة اخرى |
اللي تحبينه ماراح يكون أفضل من ولد خالتك
ولا راح يتقدم لك ابد توبي لله واقطعي علاقتك معه وهذا حب وهمي انتي ماتحبينه بس اوهمتي نفسك انك تحبينه وانتي قلتيها العب على الحبلين ولد خالتك صادق معك .. وهذاك مستحيل يتقدم لك موفقين |
الله ياخذ عقلك
|
اقولك شي خليكي مع ولد خالتك تدري ليه لانة يحبك ولو كان يالعب عليكي ماكان تقدم لك تخيلي فكيتي الخطبه الثاني قال ما ابيك اجسن لك روحي مع واحد يحبك ومايرفض لك طلب اجسن من واحد ماتعرفي وش اصله وش فصله اوك ولو كان بيخطبك كان جا قبل ولد خالتك ترا شي شباب يزوجون بنات شهر شهرين بالكثير سنة وطلقها هذا اذا خطبك ولد خالتك يحبك ومايرد لك طلب وش بعدك تبين ولا اقولك صلي صلاة استخاره ولي فية الخير ربي بيكتبه لك تذكري شي واحد
لو ها الرجال كلمك بكلام وصخ يوم من الايام ترا يالعب عليك |
اقتباس:
موفقه الله يسترك ويحفظك .. قرارك سليم .. بس ياليت تعجلي زواجك من ابن خالتك أفضل الك .. ماتعرفي الأيام أيش مخبيتلك..:confused: |
تزوجي ولد خالتك وخلي هالرجال تراه يتسلى معك هو مو جاد
|
الرجال الثاني نصاب وما اتوقع ناوي يخطبك !
تلقينه ما يبيك تتزوجين لأنه ناوي يتسلى فيك .. واذا جاء العلم الاكيد بيقول أهلي رفضوا يقولون مانعرف أهل البنت وساعتها تشوفين خسارتك لكل شيء , .. نصيحة نصيحة خليك مع ولد خالتك ويكفيك وفاءه لكلامه وخطبك وماتركك وإمسحي الزفت هذاك من بالك ! .. بعدين سالفة "ألعب على الحبلين" إسمحي لي أنت تلعبين بكرامتك وعفتك وشرفك لأنك تعرفين إثنين وانتي تدرين ماتقدرين تاخذينهم كلهم فمعناتها شنو .. ؟ |
حتى يأذن الله ،،
هذي مشاركتي الثالثة ويسعدني ارد بموضوعكـ شووفي يا أختي كل الردود وش تقوول << يعني هذوولا كلهم غلطآنين ؟؟ الصح صح والغلط غلط يا اختي شوفي ردوود الأخوهـ لما شآفوا أن موضوعكـ غلط كلهم خآفوا عليك وردو عليك كأنكـ أخت لهم .. وبالتأكيد أن كلنا نبي مصلحتكـ .. وزين أنكـ شاورتي قبل ما يطيح الفأس بالرأس .. أنا مآ رآح أزيد على كلام الأخوهـ لان بكل امانه كفووا ووفوا .. وحطي فبالكـ هالنقاط : ـ لو ولد خالتكـ ما يبيكـ ما كآن جآء وخطبكـ . ـ ولد خآلتكـ شاريكـ ويبغآكـ وأكبر دليل أنه أوفى بوعدهـ وتقدم بالخطبة . ـ ولد خالتكـ من لحمكـ ودمكـ وصدقني مارآح يكون ألا حافظ لكـ ومحـب . ـ حآفظي على حبكـ لولد خآلتكـ أللي رآح يصونكـ ورآح يحطبكـ بعيونه .، وإنتي كذلكـ حطيه بعيونكـ لأنه شآريكـ .. ـ أقطعي جميع علاقاتكـ اللي مالها دآعي حرآم اللي تسوينه ،، تخيلي تجيكـ بنت بكرهـ وتسوي سوآتكـ والله أن ينفقع قلبكـ من القهر . ـ لا تضيعين ثقة أهلكـ فيكـ . ـ رآقبي الله سبحانه وأدعي الله إن يعينكـ ويقويكـ على تركـ هالحركات اللي مالها دآعي . ـ ونهايةً أسأل الله لكـ التوفيق يا اختي،، وخليكـ مرهـ سنعه ولا تفتحين قلبكـ لكل من هب ودب ،، خلي قلبكـ لولد خآلتك اللي شآريكـ .. |
بدوووووون زعل انتي تحبي نفسك لا ولد خالتك و لا الثاني
لو تحبي ولد خالتك ما خنتيه و لو حبيتي الثاني كان تركتي ولد خالتك ببساطه فيكي حب تملك تبغي الاثنين يحبوكي و يدلعوكي ع العموم ولد خالتك تقدملك و وافقتي اتركي الثاني لأن ما فيه ابشع من الخيانه و اذا ما قدرتي تتركيه افسخي الخطوبه لأن ولد خالتك يستحق افضل منك |
ياناس البنت تبي نصيحتكم مب تزيدو عليها ولا تعاتبوها ترا النصايح ينعرف بالاسلوب مب تهزئون عقب تنصحون كل شي ينحل بسلوب طيب:)
|
| الساعة الآن 06:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©