|
موقف امي الغريب !
السلام عليكم
عمري 28 سنه وغير متزوجه الموقف وحده من قرايبنا من بعيد اتصلت بأمي وعزمتها على زواج اخوهآ وامي ماأكدت حضورها واثناء امي ماتكلمها طلبت مني امي اسجل اسم القاعه وعنوانها وسجلتها وقلت لامي بصوت واطي شكلي بروح معاك اثناء ماتكلم الحرمه المهم بعد ماقفلت امي من الحرمه قلت لها ماشاء الله القاعه فخمه وانا من عادتي مااروح زواجات كثير زواجات اقاربي وبالعافيه احضرها لكن بما انو العمر على وشك الثلاثين بديت افكر اطلع واروح مناسبات علشان الكل يشوفوني وانا من النوع الخجووووول جدا فكنت ابغى بس اقولها ابغى اروح معاك بكرا قبل مااقولها راحت قالت امي / شكلي بكره مابروح لانو لانتي ولااختك بتروحو معاي وعلى طول قالت لا لا خلاص باخذ اختك فلانه معاي :( على طول يوم قالتها خرجت انا من الغرفه يمكن حست علي وجلست تقولي ها ياليال تجي معانا حاولت اني مااعصب وقلت لها لاماابغى ورحت غرفتي وجلست ابكي لين قلت بس اختي اصغر مني ومتخرجه ويجوها خطآب ماشاء الله لكن ترفضهم بحجة انها تدور الأفضل زي ماتقول وتعايرني وانا ولله الحمد على كل حال ماجاني احد خطب فيه وامي اكثر من موقف توصل لي احساس انها مفتشله مني وماتبغاني احضر وتبغى تتشرف بأختي الي اصغر مني لانو هي تملك الجسم وانا لآ لكن الحمدلله انا جميله لكني سمينه بعض الشيء بس مجرد ماقلت القاعه فخمه امي على طول فكرت في اختي اللي اصغر مني لانو اختي تبغى رجل بمواصفات عالميه لاحد يقولي روحي ماروحي انا خجوله وحساسه جدا امي اكيد الحين عندها وتكلمها عن الزواج علشان تحضره وانا اعرف تفكير اختي اللي اصغر مني مجرد مااقول بروح معاكم بتقول لامي لا خلاص انا مو رايحه دام ليآل بتروح وامي طبعا مابترتاح وبتتضايق ياكلنا نروح يافلانه وبس لكن انا وبس لا لانو مره كان في زواج وقررت اروح مع امي وراحت امي تعزم خواتي اللي اصغر مني وهم مايبغو يروحو وهي مايرتاح لها بال الي تاخذ وحده معاها غيري انا والله ان ذآك اليوم جالسه اراقب تصرفات امي الغريبه يوم دخلت على اختي هذي الي اصغر مني بكم سنه وجلست تترجاها علشان تروح معانا لزواج وراحت وانخطبت ورفضت الي خطبها لكن يوم تروح زواج واختي اللي اصغر مني تروح معاها ماتجي حتى تقولي تجي معانا ولالآ !!!؟؟ |
لاحول ولاقوة الا بالله
ليه التفرقه بين الأبناء الله يصبرك يا أختي والله اني حاس في القهر اللي تحسين فيه بس مالك الا الصبر وربي بيرزقك بإذن الله وترا اذا انكتب لك تتزوجين بتنخطبين وبيجيك نصيبك وما احد بيقدر يرده إلا الله والله يهدي والدتك ويحننها عليك |
الله يعينك يا أختي الغاليه ..
::صدقيني أمك تحبك وليكي معزة في قلبها غير عن البااقييين .. :: بس احتماال كبير انه نفسها تشوف بناتها حولينها في الافرااح عشان تتفاخر بيكم ماشاءلله .. :: لا تخلي الشيطاان يوسوس لك يا اختي .. // ان شاءلله ربي يرزقك بالزوج الصالح الي يخاف ربو فيكي ويحققلك امانيكي يارب العالميين ..تقلبي مروري دمتي بووود=) |
ليال الغالية.. لما الحزن ياجميلة..
صدقيني الموقف عادي .. بس أنت حساسة شوي.. حبيبتي .. روحي الفرح .. والبسي أحسن شيء عندك.. وأختك بكيفها .. تبغى تروح ولا لا على راحتها.. استعيذي من الشيطان وروحي بوسي يد أمك وقوليلها أنا رايحه معاك.. مافي أم تتفشل من بنتها صدقيني.. بس لا تروحين إلا وأنت كاشخه.. لازم تدافعين عن حقوقك .. صدقيني أسوء شيء في الدنيا لما الإنسان يكون سلبي في حق نفسه.. وخليك كذا دائما شوفي أنت أيش تبغين .. وسويه.. لا تقولين ما أقدر عشان فلان مايبغى .. ولا عشان فلانه ما راح تروح.. حبيبتي فكري في نفسك أيش تبغى.. وسويه .. هذي نصيحتي لك دائما كوني مبتسمة ومتفائلة .. لا تسمحي لأحد بأن يعبي كأسك أبدا.. أختك حلم الأمان |
يا أختي لا تصيري حساسة كذا حتى لو رفضت امك اسأليها ليه ؟؟ والحين مدام هي قالت لك تعالي خلاص روحي سواء اختك بتروح او مابتروح...البسي وحطي ميك اب واتكشخي وروحي واستانسي ...ولو صار مرة ثانية عرس بعد روحي ...والله يرزقك بالزوج الصالح ..
|
غاليتي
انتي شكللك حساسه مره وعشان ما اخبي عليك انا مثلك حساسه بس ما اخلي اشياء بسيطه مثل هاذي تأثر علي وامك الاكيد تحبك وتعزك ومستحيل في ام تفضل بنت عن بنت والجمال ماهو جمال الشكل الجمال يكمن في جمال الروح والاخلاق وكم في بنات اقل من عاديات وتوفقو وتزوجو وكم من بنات قمه بالجمال وماتزوجو الزواج قسمه ونصيب مو بالشكل انسي الحساسيه شوي وروحي انبسطي ماتدرين يمكن نصيبك بهالزواج ربي يكتب لي ولك ولبنات المسلمين النصيب الخير |
الله يهديك ليه زعلتي والله بدالك أقوم ألبس لبسي وأمشي معهم وروحي وانبسطي وغيري جو خلي الناس تشوفك لعله يجيك النصيب وأختك توها صغيرة والعمر قدامها إنتي لاتدققي واجد ربي يصلحك لاتعطي للموضوع أهمية أو اكبر من حجمه وأي حفلة تنعزمون عليها روحي لاتقولي خجولة وأستحي ومدري إيش محد بينفعك عزيزتي |
كلامكم ريحيني لكني مااقدر مااكون حساسه مو بيدي وياليت تكون عندي هالجرئه اني اقول يالله انا رايحه معاكم لاني عارفه موقف اختي ايش بيكون بتقول خلاص ماني رايحه وامي بتاخذ بخاطرها بس مابتبين وانا ماابغى كذا طيب ايش تسمون هذا اليوم امي الغاليه واختي رايحين الزواج ولااحد فاتحني نهائيا بالموضوع محد قلي يالله يافلانه تعالي معانا او على الاقل سؤال ليال بتجي معانا ولالآ بس سؤال وأوعدهم انو يكون الجواب لآ بس يمكن لانو امي تعودت علي انو دايم يكون جوابي في ذي الأسئله بذآت لآ طيب لمتى امي بتجلس ساكته وماتشجعني على حضور المناسبات لين يوصل عمري 40 سنه بعد تفكير امس بالموقف لقيت عذر لموقف امي تجاهي انا تعبانه حاليا لكن مو ذاك التعب عادي اطلع واروح وامي اكيد مقدره تعبي وماتبغى تخليني اروح علشان راحتي او انها اكتفت بجوابي امس امي تحبنا بشكل جنوني وبالأخص انا وتدور راحتي حتى لو على حساب نفسها وعلى حسابي يعني عمرها مااجبرتنا على شي ومعطيتني انا بذآت حرية وكلمتي دايم مسموعه عندها لو اخواني الرجال واهلي كلهم اجمعو على كلمه وانا قلت عكسهم وكان غلط كلامي امي بتقول نفس الي قلته حتى لو كانت مقتنعه انو غلط تثق فيني الغاليه ودايم تقول انتي لو تزوجتي لأشيلك انتي وزوجك فوق راسي واعاملك معاملة الملوك انا اعترف بكل امانه انو امي انسانه طيوبه بشكل مو طبيعي وحنونه ونظيفة قلب ونيتها صافيه لكن انو يوصل لي هالاحساس اللي قلته فوق يمكن يوصلني غلط والشيطان غصب يبغى يوصل لي صراحه احس بالذنب اني كتبت هالموضوع احس انو ضلمت امي بالكلام الي قلته فوق لكن انا من النوع اللي مااعرف اقول ابغى او اطلب اني اروح لمكان الفلاني من دون محد يعزمني لا ويلح علي بعد حتى لو كانو اهلي طبع ومقدر اغيره |
ليال .. حبيبتي .. روحي كلمي أمك وقوليلها أبغى أروح .. وأختك براحتها.. زي ماتعودوا.. على عدم روحتك .. خليهم يتعودون على العكس..
وصراحه موقف أختك يقهر.. ليش يعني هم محددين عدد الحضور.. يعني القاعة ماتشيلكم سوء.. يا أنتي يا هي.. براحتها خليها تزعل يمكن مع الأيام تخف الأنا عندها.. سبحان الله والله الروحه ما تحلى إلا بخواتي .. لا تزعلين أنك كتبتي الموضوع .. نحنا فاهمين ومتأكدين أن أمك تحبك .. وأنت تحبينها .. بس ساعة شيطان زي ما يقولون .. بالعكس زين أنك كتبتي عشان تاخذين بالك من خطأك في التنازل عن حقك.. أقلك شيء.. الحقوق لا تعطى بل تنتزع انتزاع.. |
روحي الزواج وانتي واثقه من نفسك
استعيذي بالله من الشيطان واكسبي قلب امك كثر بأن ترافقيها اينما ذهبت ولاتخلي موضوع السمنه مدخل للشيطان ليصيبك بالاحباط فالنصيب اذا جاء لايعرف مواصفات انما هو القدر المكتوب |
ياحبيبتي ياليال فكري بايجابية واي انسان يقول او يعمل شي يزعلك التمسي له العذر وقولي يمكن ماقصده كذا منشان شوو منشانك انتي لانو اللي بيتعب انتي اللي بيتضايق انتي وليه ازعل عمري واتضايق عيشي حياتك واتبعي اسلوب التغافل وتفائلي بالخير دائما ولايكون همك الارضا ربك ثم والدينك وحاولي تتقربين من اختك واقرائ كثير في قواعد السعادة والتفاؤل والثقه في النفس
اسال الله لكي السعادة والزوج الصالح وعليكي بهذا الدعاءٌ (اللهم طهر قلبي واغفر ذنبي وحصن فرجي) ربي اني لما انزلت الي من خير فقير) اللهم لك الحمد والشكركما ينبغي لجلال وجهك وعظيم سلطانك |
حبيبتي ليال لاتندمين انك كتبتي الموضوع بالعكس يمكن لو ماكتبتيه ماتفهمين انك غلطتي بتفكيرك لامك
وصدقيني ان كل شخص قرا الموضوع فاهم ان امك تحبك حيل بس انتي اللي حساسه بزيااااااده ويمكن تعوتي ع الدلع ان لازم احد يحن عليك عشان تروحين مكان وصديقني ماقالو لك لان عارفين رايك انا كذا نادر ما اطلع وخاصه للحفلات وصارت امي ماتسألني حتى لو كان خاطري بالروحه ةتسأل اختي اللي اصغر مني وصحيح اتضايق واتمنى احد يصر علي اروح اوحتى يسألني بس صفه وخليتها لصيقه فيني اني ما احب اروح للمناسبات فاليش ازعل منهم لازم ازعل من نفسي مو منهم عشان حرمت نفسي من تغير الجو وبعده وربي صرت انا اللي اجي واقول بروح من اول ما اسمع انه فيه مناسبه حتى لو محد قالي وبعدكذا صحيح الكل تفاجئ من تغيري لكن الحين تعودو اني بكل مناسبه ع قولتنا رازه وجهي فيها فالالالالالالالالالالازم تغيرين من طبعك وتقولين انا حابه اروح بصوت مسموع وبتوفيق حياتي |
| الساعة الآن 10:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©