|
هل تؤيد مرافقة اهلك في السوق ..؟
بسم الله الرحمن الرحيم
السلام عليكم ورحمة الله وبركاته عدنا إليكم من جديد صراحةً أنا أذهب بأهلي للمولات والأسواق وانزل معهم لمرافقتهم ولكن في الفتره الأخيره لم أعد اتحمل المفاتن التي تحصل في المولات والمجمعات والأسواق وكنت اتعذب من هذه المناظر فقررت ان أذهب بأهلي وأعود لهم حين ينتهون من التسوق. السؤال للشباب: هل تؤيد مرافقة أهلك في السوق حتى وإن كنت تكره السوق لما فيه من المفاتن و..و..و..؟ وهل أنت ترافق أهلك في السوق أم لا؟ السؤال للبنات: هل تؤيدين مرافقة أخيك أو أبوك لكم في السوق ؟؟ وهل هم يرافقونكم أم لا؟؟ بإنتظاركم ... |
طرح اعجبني
ومهتم اشوف ردود الاخوات بكل صراحه انا بصراحه ما احب ارافقهم لانهم يجلسون ساعه في المحل الواحد ويطلعون ولا شروا شي بالنسبه للاخوات بصراحه تحبون ازواجكم او اخوانكم معكم انا اترك اخوي الصغير معهم وزوجتي احيان ارافقها واحيان اخليها تروح مع امها وخواتها تحياتي |
السؤال للبنات:
هل تؤيدين مرافقة أخيك أو أبوك لكم في السوق ؟؟ وهل هم يرافقونكم أم لا؟؟ صرآآحه انآآ أخوآآني ينزلون معنآآ للسووق بس احيانا مايككون عندهم وقت ينزلون او مالهم خلق يخلونآ ننزل لحالنا بس طبعآآ لآآزم امي تككون معنآآ بس مشكلة اغلب الاخوان دقيقتين ويطفشوون من السوق ويبدآ موآل يلا بسرعه اخلصووآآ طفشت تككسرت رجولي خلآآص يككفي اللي شريتوه خلآآص خلونا بككرآ نرججع جاني نوم ومن هذا القبيل وأبوي ماينزل الا نادرآ بس يطلع ع أسعار الملآآبس .. |
وعليكم السلام ورحمة الله وبركاته
انا عن نفسي أخذ أهلي للسوق وامشي معهم موب عدم ثقه ولكن حتى اتعلم واستفيد يعني اتعلم كيف اتحمل السوق ووغثاه اتعلم وش تحب المرأة لآني رجل مقبل على الزواج حتى إذا سافرت لأحد الدول أعرف ذوق كل وحده من خواتي.. وفوق هذا كله أحمي اهلي من شياطين الأنس والحامي الله سبحانه هذي وجهة نظري... |
,,,, مادري نحن نظامنا يختلف بروحنا نسوق ونروح الأسواق بس لازم حد معآي سواءً ولد أختي او امي او اختي وهيك اكيد جماعتكم بيفيدونكم أكثر سلام |
السؤال للبنات:
هل تؤيدين مرافقة أخيك أو أبوك لكم في السوق ؟؟ وهل هم يرافقونكم أم لا؟؟ أنا أؤيد مراافقة أخي الكبير لي .. أما الوالد الله يحميه لآآآ , لأنه بيزهق بسرررعه ومايتحمل وبس يجلس يصاارخ . وداائماً الوالده الله يحميها تروح معايا , لأنه مستحيل اروح لحالي؛عشان يخافوو عليآآ.. :: وفعلآ اخي الكريم الاسواق دي الايام سارت كلها مفاااتن .. الله يرحمنا برحمته .. يسلمووووو ع الطرررح الراااائع.. دمت بووود=) |
شاكر لكم مروركم وتعقيبكم
صراحه أنا ما ارتاح ابداً من السوق واذا دخلته يبدا يجيني هم عشان كذا صرت انزل اهلي واروح للبيت او منا ولا منا لما يخلصون وارجع لهم لكن ما اخلي وحده لحالها تنزل السوق لازم يكون معها اختها او امها او انزل انا معها بإنتظار البقيه |
كتبت رد طووييييييييل وطـار : (
معنى كلامي بإختصار شديد وحذف أربع أسطر :) إنه ما أحب ينزل معنا أحد لأنهم يملون بسرعة وأنا لو إني ولد ماأنزل مع أهلي ولا أفكر لأني بمل وأزهق وهم على لبس واحد ينسقون له مو مثل الولد ملابس بيض وشماغ وأنتهينا < مجتمعنا نادر يلبس بنطايل وإذا لبسوا عادي الشباب متوفرة لهم الملابس وكل شيء مو مثلنا <وأنا صراحة أكره الاسواق صارت أمي تشتري لي لأن الاذواق نفس بعض تقريباً وأنا عندي فقر دم ما أحب السوق أبد أبد إذا رحت تجيني دوخة وغثيان ما أتحمل < عقس أول أمووت ع السوق : ( |
شكراً أختي المنصمه
دوماً ردودك جميله بإنتظار البقيه |
انا عن نفسي بالصراحه اتمنى زوجي ينزل معي السوق
لان زوجي يكره شي اسمه سوق يخليني اروح مع امي واخواتي اخر مره نزل معاي السوق من 3سنين واخوات زوجي يقولون احمدي ربك ان اخوي مايحب السوق ويخليك على كيفيك وتروحين وانا بالعكس اتمنى انه يروووح معاي وبالنسبه لك والله افضل انك تبتعد عن الاماكن اللي فيها فتن الى ان يرزقك ربك ببنت الحلال ان شاء الله |
اقتباس:
أهم شي تكون الوالدة معانا وهذا يكفي ماأحب يرافقنا احد إخواني او الوالد لإنه مجرد ماندخل المول يبدى مسلسل التعليق يلا خلصوا ماشبعتوا يلا تعبنا يلا بسرعة إنتوا بطيئين إنتوا مدري إيش يلا جوعانيين يلا رجولنا تكسرت يلا تأخر الوقت .... إلخ |
السؤال للبنات:
هل تؤيدين مرافقة أخيك أو أبوك لكم في السوق ؟؟ وهل هم يرافقونكم أم لا؟؟ انا مااحب اروح السوق لوحدي واتمنى ان اخوي ينزل معي حتى احس ان فيه معي احد يحميني على قولة-- مفسر --من شياطين الانس وحتى يساعدني اذا اردت ان اسأل الباعه عن شي ان يسألهم هو لاني ماحب اناقش معهم كثير لكن اخوي الله يهديه مايحب شي اسمه سوق وماينزل معنا لانه يمل بسرعه فأضطر اني اخذ امي معي او احد اخواتي ,, |
اقتباس:
وعليكم السلام ورحمة الله تعالى وبركاته انا عن نفسي في ايام العزوبية قبل زواجي كنت عادي لما ابغى اروح السوق اروح برفقة الوالدة او اختي او صديقتي مثلا بس مع الوالد لالالالا لان الرجال بطبعهم يزهقون بسرعة خصوصا بالاسواق وانا بطبعي لا اكثر من الخروج يعني لما ابغي اروح لمكان مع صديقتي مثلا الوالد ما يعترض اما الان بعد زواجي ولاني ما اعرف اروح لحالي لاني ما اعرف الاماكن منيح اروح دائما مع زوجي لكن المشكلة كما قلت سابقا بسرعة يزهق ونادرا اروح مع امه واخته مشكور اخي على موضوعك سررت بقراءته |
قبل الزواج أروح للسوق مع خواتي أو صديقة أو قريبة ..
بعد الزواج نفس الشئ وبعض الأحيان يروح زوجي معي إذا كان غرض بسيط .. ويعجبني صبره علي وان كان بعض الأحيان يتحلطم :) وحقيقة لا أشعر أني بحاجة لذهاب الرجل معي أبدا ! |
لا احب وجود اخي او زوجي معي اثناء التسوق
لانهم يرجوني ويمكن تستغرب ما احب يكون معاي احد انا وبس عشان اشتري وامخمخ على كيفي والحمدلله انا متستره واي احد يفكر انه يتحرش فيني فقدامي 3 حلول اما ابلغ الهيئه المتواجده بالمول او ابلغ رجل الامن واذا الموضوع كبير رح اكلم زوجي او اخوي بالجوال ويجي يتصرف وان شاء الله ما انحط بالموقف هذا بيوم من الايام.. |
منذ ما قبل الزواج وأنا معتادة على التسوق بمفردي .. وأحياناً مع أختي أو صديقتي.
وبعد الزواج لازلت أتسوق أحياناً بمفردي بحكم غياب زوجي بضعة أسابيع في عمله .. أما عندما يكون موجوداً فلم يحدث أن تسوقت بمفردي .. ودائماً يذهب معي في إجازاته. ورغم أن زوجي الله يحفظه من النوع الصبور والحليم .. ورغم أنني لم يحدث أن سمعت أو رأيت منه ما يدل على انزعاجه أو ملله .. إلا أنني أحمل همه دائماً وأخاف أن يصل يوماً إلى تلك المرحلة .. لذلك فإنني دائماً أتسوق على عجالة عندما أكون برفقته. بل إنني أنا التي أسأله كل حين: تعبت؟ .. مليت؟ ... وهو الذي يقول: خذي راحتج ;) .. ورغم ذلك لم أستطيع حتى الآن أن آخذ راحتي في التسوق معه. أما عندما أكون وحدي فإنني أكون مرتاحة أكثر .. وعلى قولة كريستالا أقدر أمخمخ على كيفي ;) |
هل تؤيدين مرافقة أخيك أو أبوك لكم في السوق ؟؟ وهل هم يرافقونكم أم لا؟؟
لآ صراحه انا وحده احب افرفر المحلات بسرعه وادور طلبي على راحتي ماابغى احد يزن فوق راسي او يعاملني كطفله يعني مثلا تعجبني بلوزه وابغى اسئل عن سعرها او المقاس اللي ابغاه هو موجود ولالا يجي مثلا ابوي ولا اخوي هو يسأل صاحب المحل وكأنو انا بكمآ وماعرف اتصرف او اتكلم وهذا مو معناته اني ابغى اهرج مع صاحب المحل اعوذ بالله بس اسئل عن حاجتي بكل جديه وادب يعني لو الواحد ينزل اهله للسوق ويحدد لهم وقت معين عند هذا الوقت لازم يكونو متواجدين قرب البوابه الفلانيه ومجرد مايوصل عند البوابه يدق على اهله وهم يطلعو كذآ احسن والله لكن المهم انو في احد كبير معانا زي امي او اختي الكبيره وهل هم يرافقونكم أم لا؟؟ لآ |
الحمد لله كل اخوااني يضبطون النفس معي باالسووق..:d
ومع ذلك ما احب وجودهم معي ,ما اخذ رااحتي ابد, ومتى ما خلصت تسوق وحووسه اتصل عليهم .. |
السؤال للبنات:
هل تؤيدين مرافقة أخيك أو أبوك لكم في السوق ؟؟ وهل هم يرافقونكم أم لا؟؟ ابوي الله يحفظه ويخليه لنا يودينا وياخذ معه كتاب ويجلس على الكراسي لحد مانخلص اهم شي عنده نلقى الغرض اللي نحتاج صح نفكر فيه بس عاد مانروح معه الا لشي ضروري ،، واخوي نفس الشي يجلس بكافي ولا مل وقليل هالشي يدق علينا ،، زوجي ربي يحفظه بعد على الرغم من انه قبل الزواج يمكن مادخل السوق الا مرات قليله الا انه بعد الزواج لا مستحيل اروح لحالي لازم يكون معي ونفس حالة مهره اكرر عليه الاسئله مليت معليه شوي واخلص باتعبك معي ،، او يكون معي حد من خواتي . |
لا احب احد من اخوتي او زوجي ان يذهب معي للسوق
لسبب انهم ملولين وقليلين صبر وانا احب اخذ راحتي اذا لم اجد احد يذهب للسوق معي وكان السوق كبير ااخذ ابنتي الصغيره في عربه المهم احد معي :d |
[COLOR="Purple"] انا اصلا خيرر شر اكره الاسواق ومااخرج الا للضرورة ابويا يقول الله يرضى على انيسة الروح هياالوحيدة اللي تريحني في السوق
ماشاء الله اخذ اشياء مرة حلوة و في وقت قياسي لكن بخصوص الموضوع احنا مستحيل نخرج لحالنا ابويا يخرج معانا الله يحفظه ويقعد يدور معانا اذا دخلنا محل ملابس يقوم يختار ويقول ايش رايك بهذا ويقوم يطقم الملابس وبعد مااتزوجت زوجي يروح معايا الله يرضى عليه لكن استحالة نخرج بمفردنا تقبل مروري[/COLOR] |
معروف عن الرجال انهم مايحبون االف والدوران في الاسواق
والحريم يحبو يدوروا ويشوفوا بهداوة انا عن نفسي ما احب السوق مع الرجال اروح خواتي او جارتي او سلفاتي او اخوات زوجي |
هل تؤيدين مرافقة أخيك أو أبوك لكم في السوق ؟؟ وهل هم يرافقونكم أم لا؟؟
انا الصراحة اذا جاء اخويا او ابويا افضل يكون بسبب يعني لو جوا عشان يشتروا شي.. بس انهم يجوا عشان يسوون نفسهم بودي قارد لنا لاا ماااله دااعي ابدا يطفشونا بس يقولوا بسرعة ويوترونا |
شكراً لكم
أحببت أن أأخذ انطباع كلا الجنسين في هذا الموضوع وأنا صراحه اتمنى من كل قلبي ان ارافق اهلي للسوق لكن للأسباب التي ذكرتها آنفاً أصبحت لا أرافقهم وهذا يحزنني ويجعل بالي مشغول عليهم حتى أعود بهم للمنزل ولكن من استودع الله شيئاً حفظه له بإذن الله فأنا أنزل أهلي في السوق وأقول استودعتكم الله الذي لا تضيع ودائعه وارتاح كثيراً ، لكن في حال إن تزوجت ومد الله في عمري إن شاء الله مستحيل أترك زوجتي لوحدها في السوق لخوفي الشديد عليها رغم انني لم أراها حتى الآن :) |
أسأل الله أن يرزقك الزوجة الصالحة |
يعتمد على الشخص اللي بنروح وياه , يعني لما كنت ببيت اهلي كان الوالد اذا يودينا االسوق مستحيل يخلينا و يروح بس الله يحفظه ما يخلينا نشتري شي من كثر ما يحن علينا و احيانا نشتري اشياء ما تعجبنا بس مشان نخلص بسرعة. و اذا كان اخوي فيعتمد على مزاجه احيانا يتسوق معانا و احيانا لا.
لما تزوجت كنت اصر ان زوجي ينزل معاي و يختار لي بس الحين لااااااااااااااااااااااااااا , اقول له وصلني و الساعة كذا تعال خذني . |
اقتباس:
|
بالنسبة لي احب انزل السوق مع اهلي.. واتلذذ بجديد اللبس سواء للولاد او البنات... يؤخذ رأيي في كثير من الاوقات .. وتنجح معي كثير من التطقيمات اللي اقترحها للبنات... اجد فيها مهارة احب ممارستها
|
يرافقني زوجي..
او ام زوجي ما احب اطلع لوحدي. |
انا زي مهرة وكريستالا
وحدي إذا كنت نازلة أشتري شئ معين واخذ بناتي علشان المقاس اما إذا كانت تمشية وملاهي و عشاء فأروح مع جاراتي او قريباتي اما الصباح وقت الرواقة والهدوء فدائما مع زوجي نفطر ونشرب قهوة ونخلص اغراضنا ونطلع الزحمة. |
مششكور ع الطرح..
مووضوع يستآهل النقاش.. انا عن نفسي مآ احب اروح السووق لوحدي لاني حدي اخآآف لازم ابوي او اخوي معي ... الاوركَيدـآلِ/ سموك.. |
| الساعة الآن 12:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©