|
تمت اجراءات الطلاق مبدئي واحس اني ظلمت ابني
السلام عليكم ورحمه الله وبركاته
في البدايه كل عام وانتم بخير وشهرمبارك علينا وعليكم انا من متابعين هالمنتدى منذ مده طويله ايام الغلا وشوبارد ودبدوبه ام بدر الله يسعدهم بالمختصر انا تزوجت وزوجي للاسف عانيت معاه كثير ضرب وشتم وطرد من البيت ولمن رفعت دعوه اعترف انه يتناول مخدرات المهم كرهته من تصرفاته ورفضت الرجوع مجلس الصلح حكم بالخلع مقابل نفقة ابني البالغ عمره سنتين وبالرغم انه معترف بضربه لي وسوء العشرره وانه يتناول المخدرات ومدري ايش صار فيني وقتها ووافقت وقلت خلاص جلستي اول اسبوع من رمضان مع القاضي المهم الحين احس اني غلط بحق ابني الله يسامحني ولان قبل كان يرسل لابنه كل شهر300ريال اقدر اشتري اغراض بسيطه ناقصته وهالشهرين ماارسل ومرره منحرجه من اهلي وبالذات ابوي الله يخليه لي ومع انه ماتكلم بس انا احس تخيلو يشتري حليب وحفائظ واللعاب:( وكمان العيد :29: وانا بستشيركم ايش رائكم اكلم ابووه اقصد ابو زوجي (جد ابني)واطلب يرسلي فلوس والا مالها داعي اعطوني حلوول الله يسعدكم ويرزقكم من حيث لاتحتسبوون |
ينقل للقسم الأنسب |
الله يعينك واهم شي راحتك
|
ابنتي الكريمة ما أحد معبرني:
وعليكم السلام ورحمة الله وبركاته وبارك الله لك بالشهر لا تلومي نفسك على خطأ غيرك لقد أخطأ زوجك بعدة حقوق : 1- بحق الله في المعاصي ومنها المخدرات وضربك. 2- بحق نفسه عندما أودى بها إلى المعاصي 3- بحقك لما تزوج عليك وهو مدمن مخدرات وبما فعل معك بعد الزواج. 4- بحق ابنه لما تسبب في مجيئه وأبوه مدمن مخدرات. 5- بحق أهله لما جلب لهم ما جلب لهم من السوء. 6- بحق أهلك لما فعل معهم ما فعل. 7- بحقأإبنه مرة أخرى بدون مصروف. 8- بحقك لما أحرجك مع والدك. 9- بحق والدك لما جعله ينفق على ولد غيره. وليس لكِ ولا لأابنك أي دخل في هذه الأغلاط فلا تلومي نفسك. النصيحة : اتصلي بوالده وعامليه على أنه والدك وأن الولد لا ذنب له وأنه يعلم الاحراج الذي أنتي فيه مع والدك وباللين تأخذين يقول المثل (الكلام اللين يغلب الحق البين.)) أسأل الله أن يغنيكي من واسع فضله وكل محتاج. |
اقتباس:
انا بصراحه بكلم والده بس مترردده مدري ليه اخاف يقول هذي بس همها الفلوس ويعلم الله احيان ودي اشتري لولدي عصير ما فشنطتي سعره:( دمت بوود ومحبه |
الله يكون في عونك
|
الحل عندي ( عن علم وليس تخرص)
اقراره انه يتعاطى المخدرات كاف في ان يفسخ القاضي نكاحك منه دون مقابل تدفعينه ودون ان تتنازلي عن شيء من حقوقك ... بناءا عليه : اذا حضرت الجلسة فسيعرض القاضي الصلح عليكما حينها قولي له انني ارفض هذا الصلح لانني لا استطيع الانفاق على ابني واريد من فضيلتكم فسخ نكاحي من زوجي دون مقابل لانه يتعاطى المخدرات ... اذا كان اقرار زوجك انه يتعاطى المخدرات خارج مجلس القضاء - في مجلس الصلح مثلا وانكر عند القاضي - هنا لك طريقين في اثبات ذلك: الاول/ ان يشهد موظفو قسم الصلح بانه اعترف بالتعاطي ثانيا /ان تطلبي من القاضي اجراء الكشف الطبي عليه ...او تحضري من يشهد انه يتعاطى المخدرات ... بعدها سيفسخ القاضي نكاحك منه دون ان تتنازلي عن نفقة الابن ... المشكلة ان القضية ربما تطول لكن صدقيني تعب كم شهر يريحك سنوات ... |
اقتباس:
وللعلم انا كنت في السابق شاكه انه يتناول المخدرات مو متاكده وهو ماصدق على الله له شهرين مايرسل نهائي ربي يسامحه ربي يسعدك ويجزاك الف خيرر |
ابدا مافي اي احرااج ..
كلمي والد زوجك .. او والدته.. واشرحي لهم الوضع وان ماعندك مصروف لولدك .. الله ييسر امرك .. |
أنا قد يكون مختلفا
بما أنه بينكم طفل وبما أن اي حياة تجمع أثنين لابد ومن الطبيعي ان تحدث اختلافات و يترتب عليها احتكاكات وان كان التعامل مع الحدث بعقلانية يتم حينها تحجيم المشكلة ومنع تضخمها و ان تم التعامل مع الحدث بسلبية كبرت المشكلة و احتدت وقد تكون الحلول بضرب او تبادل شتائم وفي حالتك تقولي بأنه أقر و أعترف بتعاطيه وتوبته من المخدرات وهذه قد تعتبر نقطة إيجابية و التائب من الذنب كمن لا ذنب له هذا حكم الله ولولا الذنوب لما أوجد الله المغفره و إن تبين لكي صدق توبته تناقشي معه في ما يعكر صفو حياتكم وقد تتحسن أموركم وتبقى مسألة طلب الطلاق مستقبلا من حقك خصوصا بوجود اقراره بالتعاطي ولن يكلفكي ذلك سوا طلب تقرير طبي تثبتي به استمراره بالتعاطي ولكن تراجعك عن الطلاق حاليا يحسب لكي عند اهلك و اهله وقد تحسب لكي عنده ان كان فعلا ترك التعاطي ويريد الالتفات لبيته وزوجته وابنه الطلاق حل ولكن يجب ان تستنفذ قبله كافة الحلول والمحاولات قبله ولا يمنع ان تتحدثي معه قبل الموعد و تتحصلي على ضمانات من والده و تخبريه بأن هذه الصفحة ستكون جديدة ولكنها الفرصة الاخيرة أيضاً ان كان يهمه ذلك ويعنيه والاهم من هذا كله استخيري رب العباد * |
اقتباس:
صدقني يااخوي صبرت كثير لكن اهله مو معترفين ابدا انه يتناول المخدرات ومع انه الان منفصلين كل واحد فبيت من سنه وحتى ماسالو عن ولد ابنهم ولمن كان يطلبني فلوس من ابوي وذهبي وارفض كان يضربني ضرب مو طبيعي ويستغل عدم وجود اهله لاني ساكنه معاهم ولمن اوريهم الضرب واثاره تقولي امه احنا نخاف منه ومانقدر نكلمه ولمن يشك فيني واقول لامه وابوه عن كلامه (تعرف ايش تقول امه اسكتي لااحد يسمعك بعدين الناس تصدق)) جزاك الله الف خير مره ثانيه على ردك وانا عارفه ان الطلاق مو هين لكن رحمه لي من عندالله |
زوجك مجبور ينفق عليك حتى لو خلعتيه ..ويسكنك
بس تقدرين تقدمين على الضمان الاجتماعي .. انا حالياً معلقه وقدمت دعوى خلع بس بنهاية شوال جلستي وقدمت عالضمان ورح يردون علي بعد 60 يوم .. رح يطلبون منك ورقة صك هجران يعطونك موعد للمحكمه روحي انتي و2 شهود من اخوانك او اهلك + 2 مزكيين يعني من خوالك او عمامك او اصحابهم بس يشهدون ان زوجك لاينفق عليك وبعدين يعطونك نسخه من الورقه ونسخه للضمان وروحي للضمان علطول يسوون لك حساب بالراجحي ويمشون لك انتي وولدك مصروف شهري يمكن 1200 ريال وتقدرين تقدمي على لجمعيه الخيريه ويعطونكم كسوه واكل وبدل كهرباء وغيره كثير .. بس قدمي من الحين عشان ماتطول السالفه .. |
اقتباس:
طيب اول شيء اروح للضمان والا المحكمه بس انا سمعت الضمان للي محتاجين وزوجي حالته الماديه ممتازه ورتبه الله يسامحه وعلى قولك انا عندي موعد للقاضي اذا مااجبر زوجي ينفق عليه بقدم على الضمان ماتتخيلي قدايش محرجه وحطني فوضع لااحسد عليه (حسبي الله ونعم الوكيل) |
لا تتحسفين انك تطلقتي منه عشان تربي ابنك في بيئة سليمة وصحيحة اختي انا مثلك ماكان يرسل الاكل ست شهور واحيانا اكثريرسل الف بس والله اني انحرج من اهلي اخر شي رحت كلمت جد ولدي ابو طليقي وقلت هذا ولدكم ولازم يصرف علية وتعدل صار يرسل بس مايطول مثل اول
|
| الساعة الآن 06:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©