|
فري من مواقع الزواج فرارك من الاسد
السلام عليكم
مبارك عليكم الشهر انا كان ودي من زمان اكتب عن هذا الموضوع لكن اللذي دفعني ايضا استعجل في كتابته هو موضوع لأخت هنا اولا مواقع الزواج يدخل فيها البار والفاجر ثانيا المواصفات ياكثر الارانب فيها يعني يكتب ماجستر وسبحان من سخرهم ليه لماأسأل واقول بالله مواصفاتك صحيحة يقول لا مثل ماجستير يقول لا حتى جامعة مادخل:23: طيب نجي لامر اخر الاخ اعزب أسأل يقول لا انا متزوج حسبي الله ونعم الوكيل ليه تحلف ان مواصفاتك صحيحة وتقريبا نفس الارانب متفقين عليها الكثير مثل ماحصل للأخت هذا غير غباء البعض استغفر الله :) مرة واحد خطب وصغير بالنسبة لي ويحلف ان متزوج وعمر زوجته اكبر منه وهو مبسوط ويقول موب مشكلة حتى لو انتي اكبر مني ماادري ضحكني فكتبت وقلت اضحك الله سنك فقال الدعوة ترجع على صاحبها هههه:d ايضا منهم إذا رفضت الايميل وانا ارفض دائما يقول روح اساسا انت ولد وكيف اثق فيك اكيد انت ولد يحسبني مغلفة حسبي الله عليها :29: طبعا انا الآن لاانصح ابدا بإي موقع كان حتى لو قائم شيخ لكن اللي داخلين ذئاب الا مارحم الله ايضا البعض مايكتب الا من هو ظروفه صعبه وحالته موب مقبولة مثال : هنا في هذا المنتدى واحد الله يستر عليه كاتب انه لايرغب بالزواج وكاتب عمره وعنده مشكلة نفسية كبيرة للاسف مسجل في موضوع الزواج راح تقولون ومايدريك نفس المعرف والاسم وفي اشياء كاتبها هنا تدل انه هو ايضا كاتب في الموقع انه متخرج من جامعة وهو اساسا ليس لديه الثانوي عزيزاتي انتبهن ان تعرضن انفسكن لذئاب او مرضى نفسيين وانتظري انتظري لما ربي ييسر لك وثقي رزقك سوف يأتيك لو انتي نائمة وانتبهوا وفكروا مالذي جعله يلجأ لهذه المواقع البعض صادق ويريد مواصفات معينة وهذا ممكن 3 في المائة لكن هل تضمنين حظك يكون في 3 او 97 % تقريبا تخيلي مرة اتصلت زميلتي وان اعطتها رقمه لاني وجدته مناسب فتحدثت معاه وقالت اذا اردتها احضر اهلك وسوف اعطيك رقمهم قال لها لا أنا اريد اعرفها اولا <<< اتصلت عليً قلت يعرف يقلب وجهه لأقرب طوفه لا البعض يقول بالله اتعرف اسبوع يالغبي اسبوع تعرف شخصية انسان لكن نيتهم ليس اسبووع يريدون أن يأخذون اغلى مافي البنت ومن ثم يرمونها او اقل شيء يتسلون بها حسبي الله على كل من يريد يلعلب بالبنات لأن هناك عفيفات لاتريد الا الستر ولاتعرف اللعب لاتتوقعون اني كتبت لاني لم اوفق والله خطبت لمختلف الجنسيات وبعضهم مواصفات حلوة لكن هناك عدم ارتياح نفسي للطريقة وايضا عدم تصديق للمواصفات الكذابين وايضا اكثر اللي مواصفاتهم حلوة متزوجين الله لايكتبهم لي صراحة اردت وضع رابط للأخت لكن هي تريد حذف موضوعها لو سمحت لي اضع رابط ليكون كامل فلا اريد التعدي على خصوصيتها لكن لوسمحت افضل لتوضح صورة الاشخاص عن طريق المواقعبها وكذاب من الدرجة الاولى حسبي الله ونعم الوكيل والله يفرج همها لأنه تع الله يفرج هم كل البنات |
اسفه على ركاكة الاسلوب يعني موب شيء جديد كالعادة:d
انتهى وقت تعديل المشاركة:) طبعا الأخت اللي كاتبه موضوعها تعبت وطاحت في واحد يالطيف ثانيا انا كبيرة وقبل كل شيء فضل الله علي ورحمته بي احس اعرف هذا كذاب وهذا ماعنده الا ماعند جدتي المهم تيسير من الله لكن بعض البنات صغار في السن وقلة الخبرة تصدق وابتلاء من الله لها لذلك الله يغنيكم من فضله ويبعدكم من المواقع ويجيك من الباب افضل من الشباك |
بارك الله فيك أختي انثى أتمنى الكلام يوصل البنات اللي يرغبون بالزواج عن طريق هذا الباب أو باب الخطابات !
بقول لكم شيء حبيباتي هذي حياة دائمة حتى الموت ! مو رحلة أسبوع وأنتي عند أهلك ترمين نفسك لذئب يريد فقط التسلي بك ثم تشوية سمعتك ! أدعوا الله وعليكم بالإستغفار له عجائب كثييييييرة ترى والله ربي يفرح لدعوة العبد وأنتبهي لا تيأسين أحياناً تدعي الله سنين وتكون الإجابة قريبة خلاص قربت ثم تيأسين وتبتعد الإجابة أدعوا بقلب صادق يقول الله تعالى أنا عند ظن عبدي بي فليظن بي ما شاء خلي ظنك 100 % إنة دعائك بيستجاب بقول لكم قصة حصلت لي مو عن الزواج عن الإمتحان السنة هذي كانت عندي مادة صعبة صعبة بالحييييييل والمعلمة أسئلتها جداً غامضة < مدرستني ثلاث سنوات هذي السنة الاخيرة عندها ولا تتعامل معنا أبدا للأسف < مرة درست هذي المادة أسبوع وأخذت 19 من 30 !!! تصدق أو لا تصدق هذي الحقيقة < ممكن يقول البعض إني غبية أو من النوع اللي ينسى لا والله الحمدلله من المتفوقات بس هذي المادة مسوية قلق لي لكن الحمدلله تخلصت منها :23: يعني تخيلوا يجيكم السؤال ماتدرين وش تقصد بسؤالها علشان تجاوبين المهم أسبوع أذاكر هالمادة دعيييت الله من قلب صادق دعيتة بحرارة وأنا ميقنة إيقان تام إني بحل الأسئلة بكل وضوح يوم جتني الورقة قسم بالله العظيم إلى يومكم هذا مب مصدقة أبدا إن هذي أسئلتها تخيلوا سهلة سهلة بالحيل ماتخيلتها بهذي الصورة أبدا أبدا مستحيل أصلا أعرف المعلمة أنا من سابع المستحيلات تسوي كذا حليت وأنا مب مصدقة أحسي بحلم طلعت من الإمتحان وأنا مبتسمة مب مصدقة باللي صار . أنتم يابنات كذا أدعوا من قلب صادق وبحرارة وتوكلوا على الله . الله يرزقكم ماتتمنون عاجلا غير آجل ويرزقني ما أتمنى :$ . |
الله يوفقك يامنصدمة ويجعلها اخر الصدمات وبارك الله فيك الدعاء بيقين مثل ماقلتي
|
اشكرك على موضوعك
ونا ندمااااانه اشد الندم وماقول غير حسبي اللع ونعم الوكيل وللامانه وبدون زعل ودي تكون قصتي عبرره ويستفيدون منهاااااا لكن سامحيني مابي رابط قصتي يتعرض خلاص اصلا ندمت اني كتبته ونفسي ينحذف بس الشكوى لله نبي السترر لان شكلي انعرفت الله يستر ماني نااقصه وربي |
اقتباس:
لا تخافين ولاشي ربك الحافظ بإذن الله لا ماوضعته من اجل حسيت خلاص لاتريد ان يقرأ الحاصل اختي ليش ندمانة انتي صح غلطت لما كلمتيه واستغفري والله غفور رحيم لكن ليه ماتقولي الحمدلله ربي انجاك من شر قولي الحمدلله اللي ابعدني عنه انتي لاتزالين بكرا بالرغم ماعملتيه فرحمة ربي بك انه منع هذه الزيجة ولا كان شفتي الجنون بإصوله أختي اكثري من قول الحمدلله اللي ماتمت هذه الزيجة والله انتي بخير وربي اراد لك خير ايضا اذا احد كلمك قولي اول سمعت شيء طيب عنه وبعيدين كان يحاول كل شيء بسرعة بسرعة عشان لا يجعل لكم فرصة للسؤال وبعد ذلك انكشف انه عنده مس وعقم وطلق كم مرة وريحته فايحة الله لايبتلينا اقوول شيء يفرحك أكثر مني وهو انه اغلب الرجال يرغبون بالصغيرة والله لو جايبة عيال ويرغبون بالمطلقة المدخول بها مادون العشرين وكثير يكون اعزب ولايرغبون بالبنت ان كانت فوق ال30 لكن ربك رزاق والله يرزقني واياك لاتيأسي صحيح ضحيت كثير لكن طلع على حقيقته قليل الأصل لكن خلاص اجعليها تجربة وراحت اسعدي نفسك اهتمي بحالك احضري افراح وانا حاسة راح تنخطبين بإذن الله لشاب ليه ماتقولين ربي حماني من هذا المتزوج المزيف أختي انت مسميه نفسك مطلقة وانت فقط عقدت فكثير لايعتبرونه زواج والله المفروض تفرحين وتنظرين لأثار نعمة الله عليك والله عالم بنيتك لعله لذلك نجاك منه ابدئي حياة جديدة وتقربي من الله اكثر والله احسني الظن به وراح تشوفين اشياء تخليك تحبينه اكثر لأنه وحدة يستحق الحق سبحانك ربي دعواتك لأختك انثى |
صدقتي اختي الغااااااااااالية انثى ياكثر الارانب في هالمواقع !!
البنت تبي الستر والعفاف والرجاااااااااال يبون يتسلون الا مارحم ربي اسأل الله ان يرزقنا الازواااااااج الصالحين الاتقياء الانقياء آآآآآآآمين |
الله يوفقك ياحنين اينما كنت
|
......................
|
اقتباس:
معقولة ماتعرفين الارانب :d على بلاطة ارنب يعني تسذوب < وشبه التسذوب بالارنب نسبة لسرعة الارنب فهي تنطلق بسرعة هائلة وفيه ناس يقولون صواريخ ع العموم تعددت الاسماء والتسذوب واحد :29: لكن الارنب ابلغ :) الله يحفظنا من الارااااااااانب |
اقتباس:
|
حنيييييييين..
انا كتبت وش يعني الاراانب ومن ثم مسحتها لأني خفت تطلع علي اكثر من بيع السوق..<عارفه المعنى بس كنت استعبط :d لكن ماشاء الله عليك صدتيني خخخخخ :d |
ياعمري وربي كلامك ريحني كثيررر
صح اني بكرر واحمد ربي الف حمد لانه مايستاهل واحد زيه ياخذ اغلا ماعندي انا غلطت اني كلمته ومعترفه بذا الشي بس وربي وربي كان كلام كله بخصووص الزوااج يعني ماتعديت الحدود الشكولى لله اللي قاهرني يقولون نااس علامه طلقها عقب ماجهزت كل شي واللي يقول ماني عاجبته برغم اني الحمد لله مابي عيب اللي كسرني وهبته قلبي ووعدته وكنت صادقه بوعودي له وهو وعد واخلف وكل ناس تقول احمدي ربك هذا مريييييييييييض ناس عارفته من زمااااااااااان ونا تو ادري عنه غشني خدعني ضحك علي اخذ اغلا ماملك وهو قلبي ياشيخه خليها على ربك والله والله كل ماتذكررر اياامي معه انقهر ازود ظلمني وربي ياخذ حقي منه يااارب ونا سميت حالي مطلقه ونا بكر لان اللي سواه فيني اكثر من اني افرح اني بكر او لا سامحوني بس والله للحين اعاااااااااني منه وناس ماتسالني ليش تطلقتي اقسم بالله كل من شافني قاال ياشيخه كيف اخذتيه الشكوى لله وتمنى موضوعي ينحذف لاني جالسه على اعصاااااااااااااابي مانمت وربي ابيه ينحذف كلميهم الله يخليك يحذفوونه ليش ممنوع احذفووه ترا تكسبون اجري وربي ندمت كتبته لانه شي كان مكتووم بقلبي ومحد يدري فيه يوم قلته ندمت بس كنت طمعاانه بدعووه منكم ربي يسعدك وويوفقك يارب ويرزقنا الرزق الحلال يااارب |
اقتباس:
وانا متحمسة جالسة اشرح :d <استغربت مافي احد مايعرف الارانب وخاصة انه متوفرة عندنا:25: اسأل الله ان يرزقنا بصادقين القلب واللسان :d |
أنثى أبكت القمر وينك فاقدينك من فترة :) موضوعك جميل جدا .. وفعلا غير الطريقة التقليدية ما فيه .. صدقوني أن التعارف قبل الزواج .. هو فقط مجرد لذة وقتية .. وأكبر دليل معدل الطلاق العالي في الدول الغربية بالرغم من أن الزواج لا يحدث قبل التعارف. الله يستر على الجميع .. ويوفقنا وإياكم،،، |
,,, يزاج الله خير ع الكلام الطيب والله يسعدج يارب ويهدي كل من أراد الشر وأعوانه |
اقتباس:
|
اقتباس:
انتي مقهورة لإتك تعلقتي ومن ثم وضح لك انه مثل فقاعة الصابون حتى الفقاعة هزأناها لأنها شبهناها به قولي الحمدلله شفتي كل اللي في قلبك ابكي ابكي وانت ساجدة وقوليه لربك قولي يارب انت عالم اني اريد الستر وطحت في هذا وقولي يارب انصرني عليه يارب واظهر الحق للناس اختي لاتخلين للناس مساحة من تفكيرك والله ماكتبته لك ليس من باب ارفع روحك المعنوية لا ايضا حقيقة انتي صغيرة وبإذن الله يأتيك سيد سيده ولايقارن به اختي خلي همك في ان ربي يرزقك بالطيب وامحيه من حياتك اكتبي اسمه في ورقة واحرقيها كم يوم سويها وإذا قادرة تحرقينه ففعلي :d ادعي الله انه ينزعه من قلبك وتفكيرك ولاتكثري الدعاء عليه بس قووولي حسبي الله ونعم الوكيل يااختي هذا ابتلاء وشي مكتوب من قبل ماتولدي سواء عن طريق موقع اولا خلاص قوي ايمانك اسنغفري كثير |
اقتباس:
جزاك الله خيرا وبارك فيك كنت:28: اساسا تعارف مشكلة نحن مجتمع شرقي الواحد بالقوة يثق في الزواج التقليدي موب عاد الزواج عن طريق التعارف والله لو عفيفة راح يحط بها مائة عذروب يندر من يثق هكذا الرجل الشرقي الا مارحم ربي |
اقتباس:
|
السلام عليكم يا أختي الغاليه ..
موضوووعك جداً رااائع الله يجزاكي خير ويديكي كل ماتتمنيه ياارب .. واكثر المواااقع دي على قولتك كدب في كدب .. ونهايتها بتكون فااااااشله .. دمتي بوود ع الطررح الجميل =) |
اقتباس:
بارك الله فيك وفرج همك |
| الساعة الآن 03:17 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©