|
الاتصال الغريب
بنات انا موداريه وين أحط موضوعي بصراحه مصدومه
واحد دق الساعه اربع الفجر يعني من قليل ويقول ان فيه مكرمه جايه من الملك عبدالله للمستشفى وطلع رقمك عندنا من ضمن 150 وحده وانتي فزتي معنا بالمكرمه انا ما ادري شلون صدقته وانا راح تستلمي الف ريال شهريا يمكن هذا الي غرني وانا اي مرض فيك تتعالجي بأفضل الادويه وانا وان وانا من غبائي صدقت وقام يسال عن كل شيئ عن العمر والوزن والطول واللون والشعر يالله توني استرجع احس بصيح شلون خدعني وعن الامراض اللي فيني وعن كل شيئ وانا اقول كيف اصدق انك دكتور ويقول انا افضل استشاري والغريب انه يعرف بعض الامور عن تكيس وعن الحليب الي بالصدر وعن وعن والله موداريه وش السالفه وماكملت معه وقلت انا مو مصدق لانه سال عن اشياء خاصه جداً ورقمه عندي طلع بالكاشف وماراح اخلي الموضوع يروح هدر وخايفه بنفس الوقت مصددددددددددومه |
حبيبتي لا تصدقي اي حاااااااجه انتبهي والله الكدابين كتااار بالزمن دآآآ ..
خلي زوووجك يتفاهم معااه عشان معد يخدعك .. اصلا باين انه كذاب شلوون يسألك اساله خاااصه ؟!!! وعن وزنك وطولك ولوون شعررك ؟؟ ايش دخله بداا كله اصلا؟؟ انتبهي يا أختي كتيير الله يعينك يااارب |
ماشاء الله مجتهد مداوم من الساعه 4 الفجر..:d
اعطي زوجك خبر ,وخليه يتفاهم معه.. الله يكون بعووونك.. |
أختي الكريمة أم أحمد إنتبهي من هالمتصلين مع الفجرية ترى أ كثرهم سكرانيين الواحد مادرى عن هوى داره أي مكرمة وأي علاج الساعة 4 الفجر هاذا خراط ماعنده سالفة أنا ما أثق في مثل هالإتصالات مرة حتى لو يقول لي جايزتك واقفه قدام بيتك طلي عليها شوفي فيه بنت جاها إتصال مجهول وقال لها أنتي رقمك فاز معانا بسيارة كامري جديدة آخر موديل وطلب بياناتها والبنت تديلخت وأعطته كل بياناتها وعقبها قال لها السيارة موجودة بس تكاليف الشحن مو علينا لازم ترسلي لنا 1500 ريال مصاريف الشحن والبنت صدقت ودبرت الفلوس وأرسلتها وجالسة منتظرة الجائزة متى بتوصل وكل مادقت الرقم إللي أتصل فيها تلاقيه مقفل وراحت السيارة والفلوس بعدين إنتبهوا ترى دائما ألاحظ مع دخول شهر رمضان هناك بعض الناس النصابه تستغل هاذا الشهر في تقديم العروض والجوائز الوهمية لناس وأناو زوجي قد شربنا مقلب ماقدرت أنساه وحرمت عاد أشترك في أي مسابقات أو حتى كوبونات سحب مرة قبل تقريبا 5 سنوات جتنا رسالة على جوال زوجي المفوتر بأنا قد ربحنا مبلغ وقدرة 10000 آلاف ريال عيديه في رمضان بس إنا نتصل على الرقم إللي موجود بالرسالة علشان نعطيهم البيانات ويحولو لنا المبلغ وحنا ماصدقنا نتصل بالرقم والدقيقة كانت على هاذا الرقم بعشرة ريال تذكرون أيام خدمة رقم 700 مئة وجلسنا نتصل والجهاز يسولف معانا إنتظر من فضلك
بس دقائق ونحولك لتستلم جائزتك بس محتاجين منك بعض الخطوات وتمكنونا أسئله وأجوبه وأنت فعلا محضوض معانا وأنت مميز المهم جلسنا نستمع لهم إلين آخر سؤال بعدين عزيزي المتسابق إجابتك خاطئة وحاول مرة أخرى وشكرا وبعدها لما جتنا فاتورة الجوال كانت بمبلغ 5000 آلاف ريال يا الله سددناها وكل ما أتذكرها أحس بمغص في بطني وقهر أنا للحين ما أنا قادرة أنساها تخيلي بعدين مع رمضان وفي وقت عيد وآخر شئ سمعت بفتوى تحرم مثل هالمسابقات إللي تبتدي برقم 700 وأنتي ياحبيبتي أنتبهي ترى ذولي شركات نصابه أو إنهم ناس سكرانين يشربون وعقبها يبتدي عندهم مفعول السكر ويقومون يخططون لهم مشاريع ويدقون على الأرقام بشكل عشوائي وتلاقينه طب في رقمكم وعارف له كم معلومة عن هرمونات الحليب وقام يتفلسف هاذا إذا ماكان عنده كتاب أو مجلة قرأ منها هاذي المعلومات وجلس يهذري باللي مكتوب قدامه . |
كفو ووفوا :)
والله يكرمنا كلللنا |
تذكرت موقف حقيقي سبق أن قرأته . فيه شخص أستلم إتصال قالوا له ألف مبروك فزت معانا بسيارة ثمينة نوعها بنتلي -البنتلي من رأسي :d - لكن كل ما عليك حول لرصيدنا ألفين ريال ليتم شحنها لك .. قال لهم .. بيعو وأحد من الكفرات وأرسلوها بقيمته :d يجب أن نكون حذرين في التعامل مع مثل هؤلاء الأشخاص .. الذي لا هم سواء انتهاك خصوصية الآخرين لأسباب دنيئة. الأهم .. أخبري زوجك بالموقف .. و لا تشيلي هم . الله يحفظك،،، |
السلام عليكم ورحمــــــــــــــــــة الله وبركاته أختي أم محمد أنتبهي من المكالمات المشبوهه الي تجي في أوقات متأخرة , أنا ينقبض قلبي لو رن جوالي في آخر الليل عشان كذا ريحي نفسك وخلي جوالك على الصامت طول الليل , وأي رقم ماتعرفينه لاتردين عليه إلا إذا أرسل رسالة وعرفتي صاحب الرقم . بالنسبة للمكالمة حبيبتي واضح أنها نصبة كبيرة ومقلب أكلتيه :d, بس أن شاء الله تعيشين من غير تاكلين مقالب ثانية . ويااااربي من كثر النصب على الضعوف وعشاان فيها طااري دراهم تشوفون الناس ماتفكر , من يقولون فزتوا أو ربحتوا تجمد المخ عن التفكير من الفرحة . وبالنسبة لمعرفته بالأمور النسائية هذي مافيه أسهل منها , يدخل أي عيادة نسائية في النت وويحفظ المعلومات وخاصة أن أغلب مشاكل النساء متشابهه. بس ودي أنبهك ترى أحيانا يسحرون عن طريق الصوت . الله يكفيك شره ويكفي كل مسلم شر ضعيفين الإيمان ,والي يستغلون ظروف الناس |
,,, شاد حيله من 4 الفجر قآعد يسوي محاولاته :d يا كثرهم النصآبين نحن عندنا حملة مسوينها الداخلية الله يحفظهم والله كشفوا لنآ كل طرقهم البايخة لا تصدقين أي خرابيط الله يحفظج |
وانتي كيف تردين على رقم منت عارفته ....
|
حسبي الله ونعم الوكيل
اول مره أتعرض لهالموقف لكن الرقم عندي وماراح التجاهل الموضوع وليكون لي تصرف وبعطيه لاخواني ويتصرفو عمري بحياتي ولله الحمد ماكلمت ماحادثت رجل ويجي هذا ويخدعني وياخذ كل مواصفاتي الله يفضحه وما يخدع واحده غيري |
والله يا أختي بتحصل في احسن العائلات لا تحرقي في نفسك انتي اهدأي واموورك كلها بتتحل باذن الله ..
الله ينتقم منه وحسبي الله ونعم الوكيل فيه هو وامثاااااله ياااارب .. |
من راي انك تخبري زوجك علي صار معك
حتى يكون على علم ودراية لوقدر الله وصار شي |
الله يهديك ويصلحك بصراحة الموقف واضح مايحتاج يعني واحد يتصل الساعة 4 ماشاء الله وش يبي يعني وأعطيتيه معلوماتك الشخصية؟؟؟! أنا حتى لما يتصلون الحريم عشان يسوون الإستبانة والله أصرفها ولاأعطيهم جواب شلون مرت عليك بس نصيحة خبري زوجك لازم يدري بالموضوع وخليه هو يتصرف |
واضحه
اولا سبق ان ذكرت ذالك في احد ردودي عن تجربه هذا احد موظفي المستشفى ياخذ رقمك وبياناتك من ملفك اخبري زوجك وايضا اخبرو اداره المستشفى ان كان ما تشكين منه من تكيس و...... غير معروف عند اقاربك اسال الله ان يحميك |
اقتباس:
ثانياً ، اي قرار ملكي يطلع يعلن رسمياً للمواطنين وينشر في وسائل الاعلام ثالثا ، مافيه شي اسمه طلع رقمك معنا وانتي ماقدمتي على شي معلن ينقل لمساحة فكر |
بسيطة بتصير باحسن العائلات
بس خبري زوجك باللي صار وان شاء الله خير |
والله تعبت واحدة من شركات الاتصالات وهي تقولي عبر رسائلها المفرطة في الاستجداء.. إني مشترك مميز وقربت من المرسيدس.. لا ويسألوني وما أجاوب ويقولولي "صح".. اقتربت أكثر.. وهكذا..
أما إحدى قريباتي,, مشت عليها.. وأرسلت مصاريف الشحن.. ولما شافوها"......" شفطوا من حساب أبوها 82 ألف ريال.. الحمدلله جات معاكي لحد كدا.. حمانا الله وإياكم من شر المغرضين.. |
الله يستر على كل مسلمه ويحفظها من كل سوء
|
اقتباس:
نفس اللي ابغى اقوووله .. واشرحي له الامر ببساطه بدون تهويل للموضوع .. وهدي حالك الموضوع بسيط .. الله ييسر امرك ..‘ |
دق هذه الليله وبنفس التوقيت
ولم يأبه برمضان الحمد لله والشكر للهبلعبةل مثل هذه دق ولم ارد ولما عرفت انه نفس الرقم دقيت ومارد ودق وكلمه زوجي بس مارد وأغلق الهاتف |
لا تتلفي اعصابك على موقف مثل كذا، أهم شي لا تصدقي مثل هذي الاتصالات مستقبلا، و اتركي التصرف في الموضوع بيد زوجك .... رمضان كريم :)
|
اقتباس:
ان شاء الله ماايصيبك شي والله يحفظك من النصاابين ومن كل سؤ بس عندي سؤال ام احمد المتصل من داخل المملكه ..... |
إيه المتصل من داخل المملكه وهو مصري
يمكن عشان كذا صدقته بنات انا مو تألقه أعصابي انا استحقره غبائي لهذه الدرجه انا عفويه وما افهم واضحه من اولها وانا صدقته قهرني انا خذ معلومات عني عمري والحمد لله ماتكلمت مع رجال غريب ويجيني هذا ويستغلني ويخذ هالكثر معلومات عني والله كلما تذكرت اتصاله أموت قهر رغم ان الموضوع منتهي وخالص والي قاهرتي انه لازم يتأدب وممكن يسويها مع وحده ثانيه وعندي رقمه بدق على الهيئه وبعطيهم الرقم يمكن يرتاح شيئ فيني شكر لكم ورمضان كريم |
اقتباس:
هذا يبلغ عنه في الشرطة لانه فيها جانب نصب وبالتالي لازم يتدخل التحقيق والادعاء العام في القضية |
الحذر ...
|
أبشركم القو القبض عليه
|
ماشاء الله كيف ؟؟
بلغتي الهيئة ؟؟ كفو يا هنوده |
| الساعة الآن 06:21 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©