|
عدم قبولي في الجامعه و دعوات والدتي المستمره علي
السلام عليكم ورحمة الله وبركااته ..
بسم الله الرحمن الرحيم .. حبيت اطرح موضووعي هنا لما في قلوبكم التعاون وحب الخير والصلآح للجميع .. مشكلتي :ـ أنا فتاة في سن الجامعي لهذه السنه ’ ولكن مع الاسف الشديد تم رفض قبوولي :( رغم أنني متفوووقه ولله الحمد بنسبة عاليه تدخلني الجامعه وبكل سهوووله .. الا انه مع القدرات والتحصيلي انخفضت النسبة, ولكن مع هذا ايضاً استطيع ان اكمل مسيرتي للدراسه الجامعيه كباقي الطلبة .. ولكن ايضاً بسبب الواسطات الكثييييرة في هذا الزمن وايضا كثررة المقبلين على الجامعه ادى الى رفضي :( وانا الان حززييينه جدا جددداً , حلم حياتي ان اكمل دراستي الجامعيه وان اتوظف وهكذااا . والي مضايقني اكتر واكتر .. والدتي الله يهديها لمن تعصب مني تدعي علي ( روحي الله لا يووفقك دنيا ولا آخره ) , ( ان شاءلله تشوفي اياام سوووده بسوااد شعر رأسك ) . :'( والله العظيم مررا حزينه خصوصاٌ لآ جات سيرة الجامعه تجلس تقول ( هذا كله بسبب دعوااتي عليييييك ). خسااره =( كمان مبسوووووطه انها كانت تدعي علي ولا ايش قصدها لا اعلم ّ!!! جميع بنات اقاربي داخلين الجامعه ماشاءلله الا أنا ...!!؟؟ :( وأستحي لمن أحد يسألني ايش دخلتي في الجامعه ..!!؟ ايش اخترتي من تخصص ..!!؟ كل يووم اعيش في كابوس مر مع الاسف رغم انه والدي موظف في الجامعه ماشاءلله عليه .. لكن عجز جداً انه يتوسط لي او حااجه .. احس كل الابواااب بتتسكر في وجهي ='( ومن غير سبب مقنع ؟؟؟ وهو متحسف عليا ويجلس يقول والله اني شايل همك ماني قادر انام وداايماا يفكر في مستقبلي وهكذاا أنا درست في المدرسه وانكررفت وتعبت في النهايه لا شيئ !! وجلووووس في المنزل فقط؟؟ _______________________________ |
هلآ وغلآ حبيبتي زهره الرمآآن..
لآ يضيق خلقك ولا شي,رزقك ان شاء الله موجود عن رب العالمين.. يا حبوووبة عن تجربه من اختك الكبيرة أطال الله في عمرها :d الأستغفااااااااااااااار .. ومثل منتي عارفه انه مفتااح الكرب,ومريح للنفس.. والشي الثااني .. راجعي اعمالك, احياانآ ذنوبنا تمنع عنا الرزق... اسئل الله العلي القدير ان يوفقك في الدارين ويرزقك من حيث لا تحتسبين.. بالتوفيق يا غاليه.. |
الله يفرج همك يارب ويلين قلبها
|
الله يفرج همك ويريح خاطرك .. الله يوفقك وينولك حلمك وتكونين أحسن دكتورة في الدنيا .. أما الوالده الله يسلمها .. أبعدي عن استفزازها وزعلها .. يعني بلاش تسوين الشغلات الي ماتحبها .. وأكسبي رضاها .. الله يحنن قلبها عليك ويوفقك دنيا وآخرة .. |
,,, أكثري من الإستغفار الله يسعدج دنيآ وآخرة ,, ويفتح لج أبواب الخير ويرزقج من أوسع أبوابه |
آآآمييييين ياارب مشكورين كلكم ..
الله يرزقكم الجنه ونعيمها ماقصرتوو =) |
كمآآآن الا اعرفوو انه دعااء الوالدين مستجاب عند ربي العالمين ..
وانا صح ساعات ازعلها بس برضو ماله داعي الدعااوي دي .. الله يصلح الحاااااال ويهديهاا يااارب .. واللهم فررج همي ووسع صدري بما تحبه وترضااه يا رب العاالمين .. |
الله يفرج همك عزيزتي التراكمي\القدرات \التحصيلي (خسفوا الطلاب كثيييير ظلم) عدم قبولك للجامعة مو نهاية الدنيا إنتي أكثري من الإستغفار وادعي ربك وان شاء الله تدخلين الجامعة والتخصص اللي تبيه طيب حالتكم المادية تسمع إنك تدخلي جامعة خاصة؟؟؟ ولاإنتي حابة تكون حكومة والله يهدي امك ويصلحها على هالدعاوي عاد أبشرك أنا سمعت أكثر من كذا يعني لايضيق صدرك فيه غيرك زيك وأمر منك |
اقتباس:
آميين يا أختي ياغاليتي شكررا على ردك الراائع .. ايوا الحمدلله حالتنا الماديه جداً ممتازه .. بس انا يا أختي أدبي .. ومن مكه المكرمه .. عاد عندنا بمكه اكادميات اهليه للتمرريض والاقسام الطبيه >>بس انا ادبي يعني ماينفع .. وفي كليه الحكمه على ماعتقد فيها اقسام ادبيه بس في جده >> انا من مكه ماقدر ابعد عن مكه :( دمتي بووود يا اختي وشكررا على دعواتك الصادقه =) |
اولا عليك بالاستغفار
ثانيا اجلسي مع الوالده وقليلها كلام حلو واطلبي انها ما تدعي عليك لان الدعاء من الوالدين مستجاب حتى ولو ظلم وقد ورد في الحديث: لا تدعوا على أنفسكم، ولا على أولادكم، ولا على أموالكم، لا توافق من الله ساعة، لا يُسأل فيها شيئًا إلا أعطاه ثالثا قدمي على الجامعه النصف الثاني لقله المتقدمين يقبلون بسهوله او هناك قسم في الجامعه تدفعي مبلغ ويقبلونك تدرسي عندهم اذا جبتي معدل ممتاز كملتي من الحكومه وبدون رسوم والله يوفقك |
حلم الواقع ..
إسم على مسمى مااشاءلله .. اسعدني توااجدك بموضوووعي .. لآحرمنا منك دمتي بووود=) |
مرحباً بأهل مكه المكرمة
شوفي ياأختي أول حاجة : أقعدي أتكلمي مع أمك وقولي لها أنا بنتك حبيبتك حتى لو زعلّتك وسويت حاجة ماعجبتك لاتدعي علي الله يخليكِ وروحي جيبي لها الحديث إللي يقول عن دعاء الوالد على ولده يمكن تكون ماهي عارفته وتبطل تدعي عليك بعد كده ثاني حاجة : لو كان ربنا كاتب لك دخول الجامعه السنة هذه حتدخليها يعني حتدخليها كيف : مالك دخل ربنا أراد ثم تهيئت الأسباب كده حبه حبه أما غير كده لو تنطي مّنا لبكره ماحتقدري تسوي حاجه عشان كده إنتِ بس أدعي ربنا وقولي يارب إذا كان لي خير في دخول الجامعة وفقني وييسر أمري أعانك الله |
احزنني كثيراً هذا الموضوع
انت تبقي تدخلي الجامعه وانا ابقي اتوظف 6 سنوات وانا جالسه عاطله ومافي اليد حاجه :29:... |
اقتباس:
اخي الفاضل الله يجزيك خير وربي يجعلو في موازين حسنااتك .. هههههههه عجبتني لهجتك زي لهجتنا بالزززززبط :22: والله ماما دي مشكلتها بس انها تدعي عليا ولمن اقعد افهمها انا بنتك وزي كدا تقعد تقووول انتي ماتسمعي الكلام انتي تحبي تنرفزيني وزي دا الكلام .. الحمدلله على كل حااااال .. صح كلامك ان شاءلله ربي يريدلي اني ادخل الجامعه وانا دايما راح ادعي في كل صلاتي .. دمت بصحه وعافيه يارب =) |
اقتباس:
صاحباتي يقولو لي خلاص بلاش جامعه لأنو اصلا مافي وظااايف .. الله يرزقك بووظيفه ياارب .. ويرزقنا مانتمناه ياارب .. دمتي بووود=) |
ليش تدعي عليك ؟؟؟
|
اقتباس:
اااااه بس الحمدلله على كل حااال .. كيف دحين لو مادخلت الجامعه :( طيب عادي لو البنت ماتكمل دراستها وتكون معاها شهادة الثانويه بس؟؟ =( |
اقتباس:
الافضل للبنت تكون عندها شهاده ما تدرين عن الدنيا يمكن ضروف تلزمك للمال ومع الشهاده ممكن تلقين وظيفه وطبعا وحده معها ثنوي غير وحده معاها جامعه او ماجستير اطلب العلم من المهد الى اللحد سواء قدام الناس او زوجك او ابنائك مستقبلا انا قصدي ابذلي الاسباب وقدمي مره ثانيه او ..... ان ما قدرتي ابدا خذي دوره في الحاسب او الانجلش او حتى في معهد او دوري نشاط مشروع اهم شي تطورين المعرفه والعلم لا تجلسين في البيت تنتظرين العريس والله يوفقك |
ثانوي يعني عمرك بحدود ال18 سنه
فترة مراهقه اجلسي عند قدمي امك كل يوم وقت تجلس ووقت تسألك قولي لها ان الجنه تحت اقدام الامهات شوية مساج يا حلوه وتمشيط شعر ووقت تروحي السوق هديه صغيره يعني ولا مره ترجعي من السوق وايدك فاضيه لول بشي صغير ووقت تمري من قرب امك شمي ريحتها وقولي لها ما احلى ريحتك ووقت ترتبي ثيابها شميهم وضميهم امامها وقولي ااااااااااااالله ما في احلى من ريحة امي ما تنسي اكتافها مساج ووقت الاكل امدحي طبخها وانتي تاكلي ممممممممممم ما في الذ من طبخ الماما يا ريت اقدر اطبخ زيو اهل مكه آآآه يا مكه يا رب تكتب لنا العوده |
علقي املك بالله..واعلمي ان ربك مثلما خلقك فهو قد دبر لك شؤؤن حياتك
ما اصابك لم يكن ليخطئك..وما اخطئك لم يكن ليصيبك اعلمي ان لك رب رحيم كريم..يعطي بلا حدود من غير ان ينقص من ملكه شي اذا لم يوفقك في الجامعه فلا يعني انه لا يحبك..قد يكون خزنه عنده في شي اعظم من ذلك الجامعه ليس كل شي...الايمان بالله وحده والثقة العمياء في الله تكفي انتي فعلتي الاسباب..وتوكلتي ع الله..والله لا يخذل عبده حينما يدعيه في ظلمات الليل اختي لم اكتب هذه الاسطر الا وانا مؤمن بان ماعند الله اعظم...فانا سبق ومررت بحالتك ولكن مع اختلاف الموضع فقط الدعاء واحترام الوالدين...وعسا ان تكون ايامك بيضا كلها عدد شعراتك السود ههههههه وفقنا الله واياك..وادعي لنفسك بصدق وقنوت وقولي يارب يارب يارب يارب وفقني ووفق من كتب هذه الاسطر واجعلنا ممن يدخلون الجنة بغير حساب ولا عذاب دمت بود اختي |
اقتباس:
والله صح كلامك .. انا داايما اقوول في نفسي .. العلم يرفع بيت لا اعمدة له .. غير كدا حتى لو اتزوجت يعني يسير اقدر اساعد زوجي اذا كان راتبه بسيط .. أشتري كل الا نفسي فيه وبفلووووسي .. ااااه بس الحمدلله على كل حاااااال ياارب .. والله يا أختي حتى مثلا لو اخدت دوراات او معاهد .. تتوقعي راح اتووظف بدي السهووله!!!! حقوووون البكالوريوس ماحصلووو غير بعد طلووع الرووح .. شكرررا على ردك =) |
اقتباس:
ايوا انا عمري 18 .. اذا كنت بفتره مراهقه او غير ايش دخل المراهقه بالموضوووع؟؟ عندك عريس ليا يعني ؟؟ ههههههههه:d والله صح في سن مراهقه بس الحمدلله عندي عقل يوزن بلد ماشاءلله .. شكرراا على النصاايح دمتي بووود=) |
اقتباس:
والله يا أخي او يا أختي .. كلامك مررررا ريحني كالبلسسم ماشاءلله علييييك/ي الله يسعدك دنيا وآآخررره دمت بوووود=) |
لاتزعلي روحك ياقمر هذا أنا معي شهادة دبلوم تقنيه ومعلقه على الجدار لا وظيفه ولايحزنون
ووووسعي صدرك ناس خذو اعلى الشهادات وبالاخير يطبخو وينفخو في المطبخ ومن ناحية دعاوي أمك أن شفتيها تدعي عليك اسكتي ولاتقولي ولاكلمه مهما صار هاذي أم والله يحنن قلب أمك عليك واعرفي انها مو من قلبها ووسعي صدرك وان شاء الله ربي يوفقك ياقمر |
اقتباس:
الله يرزقك بوظيفه ترضيكي يارب العاالمين .. آآآميين وياكي والجميع ياارب .. سلمت يداااك ع الرد الراائع =) |
آنتي يا عسل بأي منطقة ؟؟ تقدري تدرسي بكالوريوس في الكليات الصحية الأهلية و معتمدة من وزارة الصحة و الهيئة السعودية للتخصصات الصحية على حساب الموارد البشرية تتخرجي بدرجة بكالوريوس في اي تخصص صحي ما عرفت ارفق الملف للمناطق و الكليات اللي فيها التخصصات الصحية طبعا اذا درستي على حساب الموارد فأنتي غير مطالبة بعد التوظيف بارجاع المبلغ لانها منحه غير مرتبطة بالتوظيف و ان شاء الله يفيدك اذا عادي عند اهلك تدرسي طب و تشتغلي بالمستشفيات بس قولي انتي بأي منطقة و انا من عيوني اجيب لك قائمة الكليات اللي يدعمها الموارد |
اقتباس:
بس يا أختي انا ادبي :( من مكة =) |
اختي انتي امك سعوديه؟؟
لانه عندي 3 صديقات امهاتهم من جنسيه معينه (من دون ذكر اسمها) يعملو نفس الحركه مع بناتهم يدعو عليهم وكنت استغرب كيف ام تدعي على ولدها او بنتها بالشكل هذا بعدين عرفت انه هذا طبع عادي عند البلد اللي امهاتهم منها وهما يقولو انه عادي لما امنا تعصب تدعي علينا ولا يعتبر دعاء مستجاب لانه اكيد مافي ام تحب الضرر لاولادها ... زي المثل اللي يقول (ادعي على ولدي وادعي على اللي يقول امين) عموما امس قريت في شربط الاخبار انه وزير التعليم يقول قبلنا كل الطلاب والطالبات اللي تقدمو للجامعه !! عصبت لما قريت موضوعك حسيت انه مافي مصداقيه عندهمم... كذب عيني عينك الله يعوضك حاولي عالترم الثاني او جربي انتساب بعدين جيبي علامات عاليه وحولي انتظام.. بالنسبه للوالده ذكريها دايما انه دعاءها ممكن يكون سبب لتعاستك يمكن تبطل العاده هذي لانها عاده صعبه على الاولاد ييتقبلوها من امهم.. |
اهلا فيكِ اختي يعني انتي جارتي انا كمان من مكة
طيب اذا عندك سيولة ماديه تقدري تدرسي دبلوم سكرتارية او محاسبة شهادتها معتمدة و مضمونة من الخدمة المدنية و اذا كنتي من مستفيدي الضمان الاجتماعي راح يجيك عفو ملكي و ما تدفعي الرسوم طبعا الان انتهى التسجيل لكن ممكن تسجلي الفصل الدراسي الثاني |
اقتباس:
نعم يا أختي .. والدتي ليست سعوديه .. بس خلااص تعتبر سعوديه لأنو والدي سعودي ولله الحمد .. والله يا أختي تخيلي اعطووني موعد عشان اروح الجامعه .. ولمن اروح لقينا الباب مقفل وقفلو باب التسجيل:( ومدير الجامعه اااه بس الله ينتقم منه ان شاءلله .. كاتب في الجريده انه قبل كل الطالبات .. واللي جو يوم السبت .. الا هوا يومي .. يقوول اصلا ماعطيناهم موعد !!!! حسبي الله ونعم الوكيل فييييييه .. يعني انا والبنات الا بنفس موعدي كدابين؟؟ اجيب الورقه واحطها في عينو .. شي يقهرر والله اهههههيئئئ .. غير كدا اعرف وحده الله يستر عليها نسبتها ما تأهلها انها تدخل جااامعه والله العظيم حتى لمن اعطوها الاشعار كاتبين لها "مرفوووض" >> لأن النسبة دنيئه جداً .. بس ابووها شاف لها واسطه ودخلها قسم جدااًً راااائع ماشاءالله .. ياستي الدنيا حظوووظ .. والحمدلله على كل حاااال .. قدر الله وماشاء فعل .. دمتي بسعاااده وهنااء=) |
اقتباس:
اهلا بيكي انتي ياعسسل .. حسيت انك من مكه زيي .. والنعم فيكي .. ع العمووم انا سجلت عن طريق النت في السنه التأهيليه وراح تطلع النتيجه يوم 1/9 يعني غداً وانتي سالمه وطيبه ياارب .. واشووووف ان شاءلله يعطووني مووعد وارووح فيه وماتتسكر الابواب في وجهي كالعااده =( الحمدلله على كل حاال .. دمتي بسعااده وهناااااء=) |
سمعت انو جاء امرمن التعليم العالي بقبول كل الخريجات هالسنه
شفت وحده مصوره شريط الاخباريه |
اقتباس:
لأن الكدب فيهم ساار شي عايدي ويجري بدمهم .. دمتي بصحه وعاافيه =) |
تبين التوفيـــق..وسعــة الرزق كوني ابنة بارة ومطيعة لوالديك
تجنبي اغضابهما واكثري من الجلوس معهما وتلبة حاجاتهما..واهم شيء فعلي ذلك بحب وقناعــة موفقـــة يارب |
حلم وتحقق....
ياحياتي الله يحقق لك احلآآآمك داايما وعلى طوول ياارب =) ان شاءلله باذن الله .. الله يرزقني برهم ويحنن قلبي وقلب ماما عليا يارب العالمين .. شاكره مرورك العطر .. دمتي بسعاااااده=) |
الله يرزقك كل ماتتمنينه ,,
ويصلح شأنك ويعيننا ويعينك على بر امهاتنا ويحنن قلب امك .. الله يوفقك والله ادعيلك من كل قلبي يا زهرة الرمان .. |
اقتباس:
والله ردك خلاني فجأه ابتسم من الفررحه .. دمتي بسعااده وهنااء =) |
والله ياأختى :
نصيحة من ذهب لو تعلمين.... أنا حياتى محطمة تماما ... وأول الأسباب غير إضهاد أهلى لى ... هو دعاء أمى المستمر على بسبب وبدون سبب.. أنا خلاص تشابكت حياتى بطريقة لا أستطع الخروج من هذه الدوامة... توقف فى العمل من مدة كبيرة جداا وعدم توفيق فى الخطوبة وعدم إستقرار... لكن أنت مازلت صغيرة تقريبا نصف عمرى إلحقى نفسك قبل فوات الأوان... لن أقول أرضى أمك لأنى أعرف ان هنالك أباء وأمهات يظلموا أبنائهم بدون سبب ... لكن على الأقل لاتواجهيهم ولاتراجعيهم كمافعلت لأن المواجهة ستزيد من غضبهم ودعائهم عليك..وفى الآخر انت من ستدفعين الثمن... نصيحتى لكِ حاولى إرضائها بصمتك وعدم الرد عليها .. ولو كنت عصبية مثلى إتركى المكان لها بأدب عند بداية الدعاء عليك حتى لايتطور الأمر لمشاحنات.. |
بالنسبة لعدم دخول الجامعة ... لاأعرف نظام التعليم عندكم ...
لكن عندنا هنا ياكثر الجامعات والكليات والمعاهد الحكومية والخاصة... وبما أنك من أسرة حالتها المادية ممتازة كماتقولين فلاتترددى فى حلمك... وأبحثى عن اى كلية حتى لو كانت خاصة بمال |
اقتباس:
فعلاً .. لآ أعلم لماذا هذه الدعااوي جميعهاا ..!!؟ بل عرفت سببها وهو أنه عندما اخبرها اخطائها لكي لا تعيدهاا .. فتغضب جــداًً .. نعم .. فهي لا تريد لأحد أن يصحح لها شيئ .. في مررا من المرات جلست تدعي علي الين ماقولت لها .. عآآآدي ادعي زي مابدك ... مو غريبه عليكي .. ياما دعيتي على اخواني جات عليا؟؟ الا هي عصبت وانفعلت جـــداً .. الحمدلله على كل حال سلمت اناملك على هذه الكلماات =) |
| الساعة الآن 09:24 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©