|
استشارة بخصوص تأجير فساتين الزفاف
بسم الله الرحمن الرحيم
أهلا بكم إخوتي الكرام وكل عام وأنتم بخير وأسأل الله أن يوفقنا وإياكم في شهر رمضان الكريم من الطرق الناجعة في التخلص من الأثاث الزائد عن الحاجة هي التسويق :22: وحين قلبت النظر فيما لدي من متاع وجدت قطعة لم أستعملها أبدا فاتجهت لمواقع التسويق على الانترنت واستطعت بيعها بسعر جيد جدا ولله الحمد :) أعجبتني الفكرة :d فأخذت أرجع البصر كرتين لعلي أظفر بشيء آخر من المتاع يصلح للتسويق والاتجار وإذ بعيني تقع على كنز ثمين وهو فستان زفاف زوجتي :d وأرغب الآن في بيع هذا الفستان .. ( بلا ذكريات بلا هم خلينا نستفيد من الفلوس أرجل :23: ) لكن عقليتي التجارية الفذة أوحت إلي أن تأجير الفستان أنفع من بيعه بيد أن العقلية الآنفة الذكر ينقصها شيء من الخبرة في التعامل مع هذا المسار التجاري الجديد :22: وها هنا بعض أسئلة أرجو أن أجد لها جوابا : 1- حين تقومون باستئجار فستان ما ، ما هي الضمانات التي تقدمونها للمؤجر ؟ بمعنى آخر : كيف المؤجر يضمن إن الفستان بيررجع له وما ينفشخ خاصة وإن كان فرد وليس مؤسسة أو محل تجاري . 2- ما رأيكم في أن أطلب مبلغ 3000 ريال كتأمين يعاد لصاحبه إن أعاد الفستان بحالة سليمة ؟ 3- تكلفة الفستان 8000 ريال ، ولبس لمرة واحدة فقط ، ما هو السعر المناسب للتأجير في وجهة نظركم ؟ ملاحظة : 1- طرحت الموضوع هنا للاستشارة فقط لا للتسويق . 2- أي عضو يرد وهو يعشم نفسه بعمولة لا يرد أفضل له :23: خالص شكري وتقديري لمن أراد أن يخدمني لوجه الله تعالى :d |
بما انك فرد وبتأجر فستنان فحط يدك على قلبك اذا استاجره احد منك:d
لأن ممكن ما يرجع,وممكن يرجع لكن!!!. يرجع وقد تم تشليح ما به من كرستالآت وما يبقى الا البودي..:d ولا طرف الفستنان محترق ,ولا الطرحه مشقووقة.. ... الخ من وجهة نظري ,بيعه افضل, لأن الأيجاار بالنسبه لك كـ فرد غير مضموون ,عكس المحلآت التجارية والأسواق لهم باع في هذا الموضوع ,ولا قدر الله حصل لهم امرء طارئ لهم ضمانات وفواتير ويطلعوا حقهم.. |
اقتباس:
والله خوفتيني الله يصلحك ، شكلي بطلب تعريف بالراتب وكفيل غارم :22: طيب أنا راح أطلب منهم تأمين عالي ، هذا مو ضمان منطقي يضمن لي رجوع الفستان بحالة سليمة ؟ |
اقتباس:
وسلآمة الفستان تعتمد على اماانه الشخص المستأجر,ناس تحافظ وناس العكس,الموضوع يعني انت وحظك.. وعلى فكره,حتى المحلآت يعانون من سوء المستأجر كثير ,لكن ان خسروا فستان واحد فعندهم بداله عشره,وعندهم معامل ممكن تضبط ما اتلف بطريقه احترافيه, ويرجع كأنه جديد,اما انت راس مالك فستان المدام ,يعني مغامرة بجد.. لذلك اقول أن بيع الفستان افضل من تأجيره ,ولو تعطيهم (البشت) معه هديه يكون افضل:d |
ماشاء الله عقلية تجااارية :) ربي يوفقك
فكرت بهذا كامشروع من زمان خاصة و انه متوفر عندي فستاني وفساتين صاحبااااتي . و بسبب عدم توفر محلات التاجير هنا في بريطانيا (كله شراء فقط مايأجروا ) لكن انصدمت باالتكلفة ,,, يعني بكم باجره ؟؟؟ و بعدين بيرجع لك الفستان حالته حالة يبي تنظيف و كوي عند المغسلة يعني بيكلفني 100 الى 150 جنيه استرليني .. فاعدلت عن الفكرة :) فامادري عندكم المغاسل كم تكلف ؟ بالنسبة للضمان .. اتذكر ايااام زمان :) لما اجرنا فستان لخالتي بارض الوطن الحرمة اخذت اسوارة خالتي الذهب كا رهن والله ياخي مادرينا متى اجا الصبح عشان نرد لها الفستان خوفا على الاسوارة :) هذا ايام ماكان الذهب رخيص فمابالك الان ؟؟ ممكن اخذ قطعة ذهب بسيطة كا رهن .. او مبلغ مادي عالي قليلا (نص قيمة الفستان مثلا) واتفقوا من قبل التاجير على المبلغ اللي بتخصمه في حالة حصول اي شي للفستان من شق او قطع و خلافه :) شطحة :) لو حابب تكمل بهالمجال ممكن يصير مجال عمل جماعي لك ووللزوجة و ممكن تدخل الايباي و تتفق مع بائع له تقييم عالي من الصين او من امريكا (عندهم اشياء رخيصة) يرسل لك الكاتلوج لفساتين السهرة خصوصا لانها مطلووبة اطلب مجموعة فساتين منها عشان تشوف النوعية و منها تلبسهم لاخواتك وزوجتك في اي مناسبة .. على سبيل الدعايا :) و بعدين تبيع على الطلب .. اللي تجي تشوف الكتالوج و تطلب الفستان وفقا للمقاييس منها انت تربح و منها الزبونة تابس شي تضمن انه ماحد عنده زيه |
الا فستان اليله خله ذكريات من جد مالك داعي خله لزوجتك مسكت الا بتاجر بفستانه لو بيدخل عليك مليون اركد بس ودور شي غير الفستان
|
,,, ياخي حرام عليك خله ذكرى حق زوجتك :d المهم بلانسبة لفكرتك ,, ممممم حلوة وايد وحط لك ضمان وجرب لكن فعلاً هو ترى ما يرجع مثل ما كان يعني لازم بيخترب فيه أي شي وتصليحه بيكلفك مادري انت جرب اول مرة وخذ ضمان مثل ما حطيت في بالك او اسحب عنهم الليسن مالهم هههههههههه مرور مب عرس الله يوفقك |
اطلعت على الموضوع اكثر من مرة ؟؟!!
وارجه اتاكد من المعرف ؟؟!! توقعت وحده من العضوات حاطته ؟؟!! بتسوي فيها تاجر ..! لو تفتح اتيله افضل ..! ^ـــ^ ريييييح نفسك مشروع فاشل وما يجيب ربع تعبه .. دور الأزياء العالمية احتكرت السوق ، و لمختلف الطبقات ، وعلى يد اشهر المصممين .. يعني كل وحده تقدر بمنتهى البساطة ، توفر لها فستان من ارقى دور ازياء و بسعر معقول وغير مستخدم .. و " فستان ليلة العمر " يخضع للموضة ، ولذوق الزبونة ، بمعنى ما كان رايج قبل سنتين او ثلاث لا يناسب السنة الحالية .. عشان كذا فشل مشروع تأجير الفساتين القديمة ..! - وان كنت عازم على المشروع فسعر التأجير ، ما له علاقة بتكلفة الفستان ولا بعدد ساعات الإستخدام ، السعر يخضع لموضة الفستان وكم مضى عليها ، سنة او اثنين او اكثر ، كل ما طالت المده نزل السعر .. بس عندي لك مشروع افضل ، بدل تأجير الفستان >> وقابلني اذا وجدت مستاجره ..! خذ الفستان لأحد الجمعيات الخيرية و تصدق به ، مشروع ناااجح وكثير من الأسر الفقيرة تستفيد منه .. و ربما تقدمه الجمعية كهدية مجانية في مشاريع مساعدة الشباب على الزواج .. " كالجمعية الخيرية بالمدينة المنورة " |
اقتباس:
|
اقتباس:
أعرض الفستان للإيجار وأعرض البشت كمان :22: والله وطلعت عندي أشياء تجيب لي ذهب وأنا ما أدري :d ومع إنك صاحبة فكرة البشت بس برضو ماني معطيك عمولة :d اللي ياخذ الفستان وهو ناوي يرجعه ما رح يضره مبلغ التأمين ممكن أبيعه لو جاب لي سعر طيب أما لو يجيب 1000 أو 1500 فأشوف الإيجار أفضل وما تدري يمكن ربي يكرمني ويكون موضوع الفستان سبب لدخولي عالم البزنس من أضيق أبوابه :d أشكرك على مشاركتك ، جزاك الله خير |
الله يووفقك يارب ..
|
اقتباس:
مو لازم نغسل الفستان في مغاسل فايف استار الله يخلي مغاسل أبو علي وأبو يحيى يغسلوا الفستان بـ 25 ريال بعدين أنا شرس في المفاوضات و شكلي حشترط على الزبون يجيب لي الفستان مغسل مكوي جاهز مجهز الجملة اللي بالأحمر ذكرتني بنكتة تقول في شركة سياحة تنظم رحلات لأفغانستان كاتبة في إعلانها : سافر معنا لأفغانستان بـ 100 ريال فقط ، ماكل شارب ميت مدفون :23: مسألة إنك تاخذي اسورة كرهن ما أشوف ما فيها شي بس ما أعتقد أحد يرهن ذهب الأيام هذه التأمين المالي جيد واللي مو راضي فلوسه عنده وفستاني عندي >> حلوة فستاني :d بالنسبة لفكرتك جيدة وجدي يسافر للصين دايما وفيه إشاعة تقول إنه متزوج واحدة صينية وإن عندي أعمام صينييين :d بس خليني أفلح في الداخل أول ، وإذا فلحت رح أمد جسور التواصل مع دولة الصين الشقيقة وأهي فرصة ألتقي بأعمامي :d شكر الله سعيك أختي الكريمة ، بارك الله فيك |
اقتباس:
ما بقي إلا الفستان والبشت :d وترى زوجتي متحمسة للفكرة أكثر مني وهي اللي راح تستفيد من كامل المبلغ ، وأنا مجرد مفاوض وما يدخل جيبي ريال واحد حتى القطعة اللي بعتها أول أعطيتها فلوسها >> ما شاء الله شهم :o حبيت أشوف طريقة أبحث فيها عن مصدر دخل لزوجتي ، دعواتك :) |
اقتباس:
وبعدين طال عمرك الذكريات ما تأكل عيش :d وما أتوقع أبيعه ، تأجير فقط ، يعني الذكريات موجودة والمكسب كمان موجود :d بارك الله فيك ، وأشكرك على مشاركتك |
اقتباس:
عادي أطرح الموضوع أنا وكيل أعمال زوجتي :) والشغلة ما فيها ذاك التعب كل مافي الموضوع تتجهي لأي موقع تسويق وتطرحي الموضوع وتكتبي كل شويا ( للرررررررفع ) :d أوكي الأزياء العالمية لها سوقها ، والتأجير له سوقه كمان وترى فيه كثير يفكروا يقتصدوا في فستان العرس ويقلك ليش أدفع فيه مبلغ وأنا ما ألبسه إلا مرة واحدة فالتأجير يكون حل مثالي لمن يفكر بهذه الطريقة وأعتقد لو طرحت الفستان بـ 600 أو 500 يكون سعر معقول جدا صراحة أحرجتيني في النقطة الأخيرة :o لكن يقول الله تعالى : ( ولا تنس نصيبك من الدنيا ) وباب الصدقات واسع ممكن أتصدق بمبلغ مالي عوضا عن الفستان شكرا لحضورك الكريم وجزاك الله خيرا |
اقتباس:
اقتباس:
|
ههههههههههههههههه
اخوي شاطئ بحكم تجربة لبعض القريبات والاخوات والزميلات البعيدات والقريبات انصححححححححححك بس تبيعة او خلية معلق ذكرى التاجير ولافراد ماصار يجيب وانت تقول مغسلة ابو 25 هههههههههههههههههه هالايام الفستان وفرح لة غسيل خاص عشااااااااان الترتر والاكسسورايز الي فية ماتبهت وتطيح وتقولي ابوحمزةهههههههههههههههههههه بيعة افضل وفي قريبة ليا سوت لة فكرررررررررررة روعة باول مولود والكل الان يسويها ومررررررررررررةحلوة يعطوه خياط او محل تصميم مفارش وخلتة مفرش ولادة لها وبنوتتها وحتى الزوج نفسسسسسسسسسسة انبهر بالفكرة وكل من زارها اعجب بفكرتها والان رافعتة وصاير مفرش وقت ولادتها لانها حامل بالثاني وتقول بالمناسبات الخاصة لها مع زوجها تفرشة فحررررررررام التاجير فية وكم بتجيب وخاصة لو اتاجر مرتين اقولك مابيرججججججججججع نفس مارااااااااااااااااااااااااااااااااااح بتجربة مقطوع من تحت الطرحى طرفها مشقوق وغير المكياج الي يبقع وبعضة مايطلع فتخيل تصير المرة الاولي بتتحسف علي تاجيرة وبيقعد بالدولاب خربان :) بيعة افضل تلحق موضتة ووقتة والبنات الان نادر تاجر تحب تشتري او تخيط موديل العمر لها لي رجعة لاني خبرة هههههههههه مع بنات العيلة بتاجير وبالشراء وبفيدك ولي عمولتي ههههههههههه |
هل انت مره محتاج الفلوس اللي تجي من ورى تاجير الفستان؟؟؟
لانه عندي لك فكره افضل ايش رايك ما تاجره ولا تبيعه لكن تسلفه للعائلات الفقيره اللي عندها بنت تتزوج ممكن تعطي خبر لامام مسجدكم انه اذا يعرف احد فقير ويبغى يزوج بنته يدلك عليهم وتسلفهم الفستان بشرط انهم يدفعو تامين قول مثلا 500 ريال او اي مبلغ انت تحدده ..وتشترط عليهم انه بعد الاستخدام يغسلوه في مغسله ويكووه ويرجعوه واذا رجع صاغ سليم ترجعلهم المبلغ اللي دفعوه للتامين وبكذا انت فكيت عسرتهم وبنفس الوقت كسبت اجر اسعاد عائله ... تعرف لو قلتلي تبغى تبيع كان قلت ممكن فعلا تبغى تتخلص منه لانه ماخذ مساحه مالها داعي بس طالما فكرتك ايجار يعني الفستان رح يروح ويرجع لبيتك فمن باب اولى ان لم تكن محتاج للمبلغ الافضل انك تعمل بفكرتي اذا حبيت وانويها صدقه عنك وعن زوجتك وعيالك.. |
كيف الحال أخويا شاطىء المحبة.. قلت أخويا بالعامية لشعوري أنها أقوى في توصيل ما أكنه لك من أخوة وتقدير
بالنسبة لموضوع الفستان.. أسجل إحترامي لحسك التجاري الجديد.. وافتراحي هو البيع ولو بسعر قد لا يرضيك إلا أنه الأفضل.. لسبب بسيط جدا.. نعرفه نحن النساء.. فهناك بعض البنات مع احترامي للجميع من تلبس فستانها بشيء من الجلافة, وعدم الاهتمام.. فكيف لو كان ليس لها أصلا.. لذلك سيخسر الفستان قيمته مع أول أو ثاني إيجار.. بالتالي ستخسر فرصة بيعه وهو حديث عهد بالأجساد.. أعرف إمرأة تؤجر لبس العرائس في الغمرة.. والحنة.. مثل المديني والخليجي والهندي والزبون أيضا.. وتهتم بتطبيقه ووضعه بمكان أمين.. وحين يعود لها.. كأنه "مادغته بقرة" تكرم ويكرم القراء.. على حد تعبيرها. سدد وقارب... وانطلق والله يوفقك لعالم البزنس من أوسع أبوبه.. وتكون قصة كفاحك مستقبلا هي ""فستان زفاف زوجتك" ووقتها سنعرفك جميعا.. ونقول والله زمان يامنتدانا.. حفظ الله كل اعضاؤه والقائمين عليه.. أقدر مرورك على موضوع بنت الحكمي.. وترحيبك بعودتي. |
اقتباس:
|
اقتباس:
خلاص بطلت ما أبغى أعرضه للإيجار أشوف يمكن أخليه مفرش سرير ولا سفرة طعام وأغلب الظن يمكن أبيعه اقتنعت من كلامكم إن الايجار ما رح يفيدني وما رح أكون أبخص بأمور الحريم من الحريم أشكرك على مشاركتك أختي الكريمة وفقك الله |
اقتباس:
لست بحاجة للمال ، ولستُ المستفيد أصلا إنما لا أكره أن يكون لزوجتي مشروعا يدر عليها دخلا مهما كان هذا المشروع محدودا أو بسيطا لا أظن أنني سأمانع أو أن زوجتي ستمانع إعارة الفستان لمن كان بحاجة له وهو أفضل بكثير من بقائه في الدولاب دون جدوى والأهم ما يكون في هذا العمل من حصول للأجر وإسعاد للغير كما تفضلت أكرر شكري لك ، جزيت خيرا على حرصك على فعل الخير والدلالة عليه . |
اقتباس:
وعودا حميدا أختي الفاضلة وأشكرك على ما تحملين من مشاعر أخوية وهو أمر لا نستغربه من أخت كريمة دمثة الأخلاق ، نقية السريرة كل ما تفضلت بتقديمه من مبررات وما تفضل به الأخوات قبلك جعلني أصرف النظر عن التأجير ربما أبيعه لو تم تقديم السعر المناسب أو تحتفظ به زوجتي ، وذلك أفضل من بيعه بثمن بخس كنت متحمسا في البداية وظننت الأمر خاليا مما ذكرتم من تعقيدات لكن حين قلبت النظر مليا في تعليقاتكم أدركت أن الأمر مرهق قصة الكفاح بدأت قبل الفستان اشتريت عربة بـ 1200 وبعتها بـ 800 بعد ثلاثة أعوام :) وأخال أنني لو بعت التراب لربحت فيه >> ماخذ مقلب بقووووة :d جزاك الله خيرا على دعواتك أختي الكريمة وفقنا الله وإياك لما فيه صلاح الدارين |
مرة من المرات سمعت إنك تفكر بزواج الثاني .^ـــــ^
إش رايك توفر الفستان للمناسبة السعيدة ؟!! اعرض لنا الفستان لو ماعندك مانع ^ـــ^ فضووول بس |
أخي الفاضل أبو عصام فكرتك جميلة بس لو تفتح محل لإيجار فساتين الأفراح والسهرات أفضل بالنسبة لضمان خذ بطاقة الصراف وإذا مانفع خذ أصغر طفل في عائلة المستأجرين خله عندك بالبيت يسلي لك عصام وبالمرة تضمن حقك وبعدين يرجعوا الفستان وأنت إعطيهم ولدهم أو بنتهم بس ولدك المحروص عصام لايتولع بإبن الناس ويصير ما وده يفارقه لأنك في النهاية بتستأجر ولدهم أنت علشان خاطر عصام يلاقي طفل يلعب معاه حتى أخوه يشرف وتقوم أمه بالسلامة يارب بس إنتبه إبن الناس لو سخن عندك لسمح الله عالجه في مستشفى خاص وكمان إسأل أهله عن نو ع حليبه وعصيره وبسكوته المفضل
أنا هاذا إقتراحي للي يبغى يفتح محل تأجير علشان يضمن حقه وفساتينة ما أحد يلعب فيها . بعد إذنك أخونا الفاضل أبو عصام أحب أرحب بالأخت الغالية سوسنا وكم أسعدني تواجدها ومشاركتها لنا في عدة مواضيع وربنا وحده العالم كم فرحت بشوفة معرفها وأقول لها عودا حميدا أختي الغالية وألف حمدالله على سلامة أختك وماتشوف شر بإذن الله وأتمنى أن أراك دائما مشاركة معانا في المنتدى وماتغيبي عننا ولا تطولي علينا يالغلا وكم أتمنى رجوع إخوات لنا غائبات عن المنتدى لهم بصمات ذهبية في هاذا المنتدى فقد أشجانا الشوق والحنين لمواضيعهم ومشاركاتهم الجميلة والرائعة بدون ذكر أسماء وأسأل الله عز وجل بأن يكونوا بأفضل حال أينما كانوا وجزاهم الله خير على ماقدموا في صفحات هاذا المنتدى من خير لإخوانهم وأخواتهم الأعضاء . سوسنا ألف تحية إليك وشهر مبارك عليك وعلى جميع إخواننا المسلمين يارب . |
انا اقول انه على حسب المدينه اللي انت فيها يعني على حسب المستوى الاقتصادي للناس لو كان مستواهم المادي عالي ماراح احد يستأجر منك مايبغون فستان يأجر وكلن لابسه ماهب ودب .. اما ذا كانو متوسطين او اقل يمكن تنجح هذه التجارة ..
وفيه طريقه اشوفها قبل كم سنه عندنا بس ما ادري للحين او لا .. بالمشاغل فيه فساتين تأجر وهي للناس ويعني هم يتصرفون فيه ويكونون مسؤولين عنه .. واكيد المكسب بينك وبينهم .. ولو تبيعه افضل .. طيب خل الذكريات بصوره مو شرط ان الفستان بكبره يصير ذكريات .. والله يوفقك .. |
بيعه واذا بتاجره خذ ضمااان يرجع الضمان اذا الفستان رجع زي ما اخدوه
|
| الساعة الآن 06:33 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©