|
أكلم خطّابة ؟
السلام عليكم
والشهر مبارك على الجميع جمعنا الله واياكم ووالدينا في جنات النعيم أبدخل بالموضوع مباشرة ... أفكر أكلم خطّابة ............ هو أصلا رقمي موجود عندها قبل كم يوم دقت وقالت مواصفات الشاب ورائع في كل شي إلا الدخان وهنا انتهى الموضوع ... أفكر أكلمها وأقولها مواصفاتي أنا ومواصفات زوج المستقبل اللي أبيها تتوفر ... ولا تعتقدون اني متشرطة لا والله ... بس أبيه محافظ على صلاته ما يدخن موظف .... وأكبر مني أو كبري .... ويوافق يسافر معي يدرس ... وأقول للخطابة ابشري باللي تبينه لو تمت هالزيجة ... بس خايفة تفضحني .... وبصراحة العمر يمشي ولا جاء سعيد الحظ ... """" وااااثقة بيكون سعيد حظ لأنه خذاني ... يازين الثقة بس :) " سبحان الله كثير بنات سافروا مجبورين على السفر مع أزواجهم ... وأنا ... أتمنى يجيني واحد يبي يسافر ياربيه والله مليت من التفكير .... والله يرزقني وجميع بنات المنتدى والمسلمين الأزواج الصالحين وأنتقل من القسم لقسم المقبلين وبعدها قسم المتزوجين وبعدها قسم الحوامل " اذا فيه قسم بهالإسم " ما أفرفر الا القسمين الأولين ... اللهم آمين ووش رآيكم بفكرتي ؟؟؟؟ أنتظر ردودكم والله يجزاكم خير .... |
::ياعمري قولي آمين يارب عسى مايجي رمضان إلا ونتي مخطوبه ويارب مايجي العيد إلاونتي في بيت زوجك
والله لايحوجك للخطابه ولا غيرها وأن شاء الله يجيك رزقك من الباب يارب العالمين الله يغنيك عن الخطابات وكلي أمرك لله وعليك بدعاء واحسني الظن بالله واعملي كل شئ يقربك من الله وحافظي على صلواتك بوقتها واكثري من الصوم وأن شاء الله يارب ياكريم أنك تعرسين وتفتح أبواب الخير للك >>>>>وأنا بعد معك امين امين امين يارب :18: |
اقتباس:
يارب أنا وأنت وكل من قرى موضوعي يرزقنا عاجلا غير آجلا .... وجميع بنات المسلمين ... |
لله ييسر امرك وتنالي مرادك
|
تم إيقاف العضو/ الإشراف
|
الله يسعدك
|
كلمي من هو اوثق من الخطابة
ربك وناجيه انا سبقتك ولي باع معهم ( هه) والله ماهمهم الا المال شوفي لما اتصل خذي بس كلام منهم ومدح لكن للاسف الخطابات اغلب مايجبون الا الله يستر عليهم هل ترضين عن طريق النت اذا لا تخيلي الخطابات يحطون مواصفاتك في النت وبعدين اذا جابوا لك احد اخذ مبالغ كثير بالحيل كان انتي حطيتي اختي انا سجلت في كم موقع ثم حذفتها كلها ولقيت خطابات راصين مواصفات البنات رص وشباب ايضا يعني حتى اللي تجيبه من النت والله شاهد على كلامي اختي والله اتركي امرك على الله وهو بإذن الله يوفقك يارب ويوفقني بإذن الله والله لايحوجنا لهم يارب اختي ماخليت قبل لا خطابات ولامواقع موثوقه لكن تركت كل هذه لأنها اتعبتني بالفعل ورميت حمولي على الله لأنه ادرى بما هو خير لي وقادر يرزقني كما اريد اما الخطابات انا كتبت عن بعض القصص عنهم والله جشعت لأخر حد الا مارحم ربي عندك رب كريم ادعيه بمثل ماتبين وهو قادر يرزقك موب خطابة تبخل عليك الا مارحم ربي الي كانت تقول تعطيني الفين هذا قبل ماتخطب وتقول للتعب للبحث وانا اصرف بالموبايل حسبي الله ونعم الوكيل وتدرين بس تعطي رنة عشان تتصلين عليها والي تقول لا لازم تتنازلين ومواصفاتي هي مواصفاتك الي انتي طالبتها اقول لاتفكريني بالماضي بس نصيحة من اخت ناصحة اتركيهم الله يغنيك عنهم |
الله ييسر لج كل خير يأرب
وييسر امرئ بعد دعواتكم لي |
اقتباس:
رفضتي شاب فيه مواصفات حلوه علشان دخاااااااااااااااااااااااااان !!!!!!!!!!!!!!! الله يهديك طيب تقدرين تخلينه يتركه بسهوله بعد الزواج راجعي الخطابه بس على هذا الشاب لا تصيرين متشرطه ما ادري كم عمرك لو كان 18 او 20 ابقول يله لا تقبلين بس انتي قلتي العمر يمشي اعرف الدخان مشكله بس كثير يتركونه بعد الزواج وان ما حصل نصيب فالله يوفقك مع الي يناسبك ويحبك |
اقتباس:
اللهم آمين واياك يالغالية دعواتك أفرحتني |
اقتباس:
|
اقتباس:
ما فكرت في هالأمر من فراغ .... أصعب شي النظرات ، رمي الكلام ، والآن طلعوا بحكاية الخوف من العين ... جد مؤلم ... يعني كيف أرضى بواحد أصغر مني ولا مو مكافئ لي ؟؟؟؟ ولا خلاص أحكم على نفسي بالموت ... الله العالم بالحال وأنا كتبت هالموضوع وأنا في حالة ضعف وكآبة لما فكرت في وضعي ... الله يرزقنا جميعا ولا نحتاج للخطابات ولا غيرهم .... يارب |
أفهم من كلامك إن العريس كان مناسب من كل الأوجه وموافق يسافر معك وعلى شروطك ورفضتيه فقط لأنه مدخن؟؟؟؟!!!!!!!!
ما تلاححظي إنك أضعت من يدك فرصة؟؟ وممكن تندمين عليها؟؟؟ |
اقتباس:
شكرا لتفاعلك معي |
الله يرزقك من حيث لا تحتسبين .. ويبلغك ماتسألين .. توكلي على الله .. ودعي عنك كل هذه الطرق .. اسأل الله لك السعادة والتوفيق .. |
اقتباس:
ولا مطلق بس ماعنده أطفال ، مستواه التعليمي أقل مني ، وشكله والله أعلم يبيني أجلس بالبيت ... فالتدخين واجهه للرفض ولا أصلا هو نفسه يمكن يرفضني ااذا درى اني موظفة .... |
اقتباس:
مطلق مو مشكلة تعليمه اقل مني مو مشكلة تدخين مو مشكلة في الأربعينات عز الطلب بس هو ما يبي موظفة لأن له مزارع منتشرة ويبي زوجته تروح وتجي معه .... واصلا ما فتحت موضوع السفر |
اقتباس:
والله يكفيني دعائك ... والله المستعان |
الله يرزقك يارب بالزووج الصالح انتي والجميع يااارب ..
وان شاءلله قريب نشووفك بقسم المقبلين على الزوااااج .. دمتي بسعاااااده =) |
اسأل الله ان يعطيكِ زوجا صالحا تقيا نقيا وفوق ماتمنين
|
الله يكتب لك اللي فيه الخير
لا تخافين اختي ما احد يترك الدنيا الا وقد اخذ كل اللي له كان معنا وحده في بريطانيا سعوديه وتدرس اللغه كانت جدا في منتها الاخلاق كانت تصارحني واحد الزملاء بالمزح عندما نتحدث عن الزواج وان هناك الكثير من الشباب يرغبون بالزواج من مبتعثات حتى تسمح لهم الفرصه للاتحاق بالبعثه كانت تقول وينهم ما اشوف احد منهم لانها قبلت في البعثه ولكن ماعندها محرم رفضوها وسافرت لوحدها علها تلتحق كانت تشتغل في المعهد وتصرف على عمرها وتدرس حاولت اقنع زوجتي اني اتزوجتها بس لمن شفت زوجتي بدات تكرهها قلت لها غيرت رايي بس حاولي تكوني صديقتها ومادري عنها الحين بس ابيكم تدعون لها والله حالتها تبكي مطلقه وعندها اطفال وزوجها حارمها عيالها ولانها قليله حيله ما قدرت تجرجره في المحاكم ولا تقدر تصرف عليهم وابوها متوفي الله يردها لعيالها سالمه ويرزقها من حيث لا تعلم تحياتي |
اقتباس:
شكرا لك ... |
اقتباس:
ويرزقك ما تتمنين وأكثر ... شكرا لك توقيعك راااائع :) |
اقتباس:
والله يجزاك خير اللي تعاطفت مع الأخت .... فعلا حالتها تبكي ... بس سؤال عارض ... يعني هي سافرت بدون محرم ؟؟؟ بالنسبة لي يمشي وضعي بتوقيع المحرم بالموافقة ... " تصريح " ، هذا اذا وافق ولي أمري لكن حرام ... الله يغنيني بحلاله عن حرامه الله ييسر أمر الأخت " ماشاء الله عليها مكافحة "... ويجعل لها من كل ضيق فرجا وتخلص على خير ويرزقها الوظيفة اللي تعينها على الحياة ويحقق لك ما تتمنى من خيري الدنيا والآخرة .... شكرا لتفاعلك .... |
اقتباس:
امورك بتكون تمام اذا رضوا اهلك تجلسين لحالك هناك يعني يقص التذاكر معك من الوزارة ويطلع معك ويرجع على حسابه وتاخذين صورة من ختم دخوله اللي في الجواز ويحجز ويرجع على حسابه في بريطانيا وفي امريكا واصاحبي يقولون في كندا بعد فيه الكثير من البنات اللي سوو هالحركه وانا شخصيا اعرف كذا وحدة مسويه هالحركه لدرجه وحده اخوها يدرس الثانويه ويجي اسبوع اسبوعين ويرجع السعوديه وكثير غيرها بس مادري عن وضعك ولا احرضك ان تذهبي بدون محرم واذا حدث وذهبتي نصيحه لك عدم اخبار احد انك بدون محرم يعني تقولين ابوي كبير بالسن ومايدرس لغه بين زملائك موفقه تحياتي |
أختى:
أنا شخصيا بقالى تسع سنين أنتظر .. ليس عن طريق خاطبات بالمعنى المعروف ( يعنى بمقابل مادى) .. لا لكن عن طريق نساء متطوعات لوجه الله بالتوفيق بين إثنين...من سيدات المجتمع .. والمعارف... لاأجد فى الخاطبة اللى بمقابل أى عيب.... لكن عن تجربة معظم الناس تكذب بالمواصفات ... 90% ممن رأيتهم عن طريق واسطة كانوا عكس المواصفات اللى طلبتها تماما... وكأنهم يتحدونى او اننى اعمى!!!! لذلك أبحثى عن الخاطبة الصادقة فعلا .... ولاأنصحك بها إلا لو كنتِ داخلة على 25 سنه مثلا فأكثر... أما لو كنت أصغر من عشرين او فى بدايتها فأنصحك بالإنتظار بشكل طبيعى ولاحاجة للمحفزات :) ولاوجع قلب صدمات الخاطبة.. تحياتى والله يرزقك ويرزقنا ويرزق الجميع. أخوكمm.s |
انا كنت اكلم الخطابات على اني ادور لأختي او صديقتي او لبنات الناس او على اني خطابه عشان اتكلم براحتي
في النهايه جاء نصيبي ونصيب خواتي من الله عن طريق جار او صديقه |
عليكي الدعاااااااااااااااااااااااااء واسغفاااااااااااار والصدقه
كل دقيقه وثانيه خاصة الدعاء واستغفار بكثرة وتلحي على الله الراااااااااازق وبإذن الله قر يبا خطوبتك ولنا جميعا ان شاء الله اللهم آمييييييين |
اقتباس:
وأنا ما راح يوقفوني على المحرم ... مجرد توقيع " ورقة التصريح " من ولي أمري وينتهي الموضوع ... لكن أنا ما أبغى ... لأنه حراااام السفر بدون محرم والله يعوضني خير .... |
اقتباس:
شكرا أخوي .. أسأل الله لك التوفيق في حياتك .. |
اقتباس:
أنا مقتنعة بأنه ما بعد جاء نصيبي .. بس الإنسان يمر بحالات يأس وأنا مريت بها في فترة كتابة للموضوع .. لأني سمعت بزواج قريبات لي أصغر مني بست سنوات ... الله يوفقهم ويرزقنا عاجلا غير آجلا شكرا لك وفعلا الواحد مهما حاول وضاق صدره ماراح يآخذ الا الله كاتبه له ... |
اقتباس:
والله يرزقنا جميعا الرجال الصالحين اللي يخافون الله فينا .... عاجلا غير آجلا ... بإذن الله ... جزاك الله خير ... |
عسى ربي يوفقك قادر ياكريم... لكن
نصيحة نصيحة نصيحة اختي الكريمة.... ابتعدي عن الخطابات... ابتعدي عن الخطابات... ابتعدي عن الخطابات... نصيحة اقولها لك وانا رجل ومجرب الخطابات (إلا من رحم الله منهم وهن نادرااات) همها الاول والأخير القرشين إللي بتاخذهم منك , لكن بالله عليك كيف بتجيب لك زوج وتمدحه لك وهي ماتعرف عنه اي شي؟؟ |
اطرقي باب الله وتفنني في نفسك ولا تبالغين في التفكير ربك يرزقك
قبل اسبوع تزوجت وحده من قرايبي عمرها قريب الخمسين اول زواج لها ومررررررررررررررررررررره مبسوطة كانت اذا سألها احد عن الزواج تقول ربي ادخر لي زوجي في الجنة احسن من رجال الدنيا وتزوجت رجال مطلق وعياله كلهم عند امهم يعني مو ناقصها عن البنات شي شفتي ربك كيف كريم |
تصدقون بنات اغريتوني احترف واصير خطابه خخخخخخ
سبحان الله حتى مع الخطابات ترا فيه ناس نصيبهم حلوو وفيه ناس موحلوو اعرف وحده واخواتها وربي تزوجو شخصيات يجننو عن طريق خطابه ووحده منهم صارت تطلع حتى في الاعلام بعد ماكانت متزوجه واحد سكير وتطلقت منه. هو في الاول ولاخير نصيب بس انا احس انو الدخان مو سبب مقنع انو الوحده ترفض اذا كانت صفات الشخص الباقيه حلوه ا "لله يوفقك قولي امين" |
اقتباس:
وانت الصادق إلا من رحم ربي ..... وبإذن الله ربي بيغنيني عنهم ... الخطابة دقت علينا ومن هنا نشأت فكرة الإتصال عليها ... والله يجزى خيرر من عطتها رقمي .... شكرا لك |
اقتباس:
مجتمعي .... وضعي المهني وارتباط سفري للدراسة بالزوج المقبل ..... طموحي .... آمالي المهنية .... كلها مرتبطة بالزواج ... ما أقدر ما أفكر .... الله يوفقها ويرزقها تستاهل يا حياتي عليها .... ويرزقنا ويعوضنا خير ... يارب |
اقتباس:
وين هالخطااااااااابة اللي تجيب رجال ما ينردون ؟؟؟ مسرع غيرت رآآآآآآآآآآيي ... بصراحة بعد موضوعي غسلت مخي من هالفكرة ... وبإذن الله ربي يغنيني ..... عنهم وجميع بنات المنتدى .....والمسلمين |
اختى غدا افضل الله يرزقك ويقر عينك بالزوج الصالح يارب والذرية الصالحة ايضا الاثنييين مهمين
وبالنسبة للخطابات كنسليهم و اجعلي ممن يعزون عليك ان يدلو عليك لمن يبحثوا لابنائهم او اخوانهم وانا منهم دائما اسال من تعجبنى باخلاقها وصفاتها هل عندكم بنات في سن زواج : لا مافي ، طيب اللى حوالينكم وهكذا سرت خطابة وصيت بعض صديقاتي اللى يعزون علي وفيهم خير يدورن معاي بنت الحلال لاخوي والى الان لم يحصل النصيب ترى حتى احنا نتعب في البحث عن بنت الحلال في حالة ياس سجلت كذا رقم خطابة لكنى تراجعت واعتمدت على صديقاتى والذهاب الى كل حفلة فيها تجمعات للبنات مرة ثانية اقولك الله يرزقك الزوج والذرية الصالحة |
| الساعة الآن 10:50 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©