بعد اربع شهور من فسخ خطوبتنا يرسل لي رسايل ؟!
 

يااخوان عندي مشكلة ولد خالي تقدم لي وخطبني ولنا سنتين وبعدين تمت فسخ الخطوبة من ابوي لانة مايشتغل وعطانا نصف المهر المهم بعد فسخ الخطوبة اتصلت علية وقلتلة مو مني السبب واهنت نفسي وترجيتة واللهشهرين وانا اترجاة واقولة مو بيدي فسخ الخطوبة هو يكلمنى يسب فيني ويهيني وكمان راح اتصل على ابوي يقولة بنتك تكلمنى وابوي هاوشني من بعدها مرت 4 شهور ماعاد اكلمة ولا ارسلة شي الحين بدا يرسل لي كلام شعر عتاب وانتى خاينة ومقطع اغاني فقط شعر ومقاطع بدون كلام ولاحاجة انا ماكلمتة ولا سبيتة ولاقلت لابوي يهاوشة مثل الي عمل في داخلي محروق لما اهنت نفسي والحمد لله بدات انساة بس لما يرسل مقاطع اتذكرة وش اسوي اتركة يرسل مااعطية وجة او ارسلة رسالة اهينة او كلم ابوي او كلم امة تقولة لاعاد ترسلة شي او اكلم شيخ يكلمة او اية الحل تكفوووووووووووون ؟؟؟؟؟


أختي الفاضله أرجوا منك الأنتباه للطريقه الصحيحه لكتابة لفظ الجلاله ((الله))

وليس كما تكتبيها أنتي بالتاء بارك الله فيك

ارى اختي انك تغيرين الشريحه وتنهين كل شي
بارك الله فيك

شفتي رقمه

سويه له حظر من الإتصالات بحيث ماياصلك لامسج ولا إتصال
عشان بس نفسك لأني أعرف عاطفتك بتتعبك وتميلين له وهو خلاص ماهو من نصيبك...
هو كذا حنا يالحريم نتعلق على غير سنع يعني مو بشكل عقلاني وإنه خلاص مرفوض من أبوك وأنتهى
ولا تنبهين أبوك عنه ولا شي عشان بس ماتكبر بينهم لكن ضروري يفهم من أي طرف ممكن يتدخل إن رسايله مرفوضه ومالها لزمه..
ووسعي صدرك لعل اللي صار خيره واحمدي ربك وأشكريه على كل حال...

مشكورين على مروركم بس مو رسايل بالجوال للا عبر المسن البريد وشكرا

لا يااختى مو مضاف بس يقدر يرسل على البريد الالكتروني هو يبي يلعب بمشاعري عارف انى احبة عشان كذا لو انة يبيني كان تزوجنى وكلم ابوي ويشد حيلة بشغلة انا هذا الي فهمت من رسايلة

هلا اختي
المشكله بيدك انتي عطي ابوك الرسائل والمقاطع وقوليله يفكك منه خلاص انتي مو مخطوبه له واللي يسويه حرام وانتهت المشكله تقدرين توقفينه عند حده
وربي يوفقك ويهديك
ادعولي ربي يستر علي

نفس الحركةحبيبتي سوي حظر لإيميله وبلوك له وريحي راسك
ولو خفتي يزعجك باي إيميل ثاني غيري الإيميل والسلام

للحين أعيد ماله داعي تكبر وتصير مشاكل ويعرف أبوك
راس ماله إيميل يتغير وتنقلين اللي تبين معك لإيميل ثاني والسلام..

عزيزتي..

بداية الحل هو التجاهل التام .. لا تردي على أي رسالة منه بأي شكل من الأشكال .. وحددي فترة زمنية معينة كأسبوعين أو ثلاثة مثلاً.

إن لم يتراجع خلال هذه الفترة فتحدثي مع والدتكِ أو أختكِ الكبيرة واستشيريها في التصرف السليم .. فربما تتحدث هي مع والدته لكي تتصرف مع ابنها بطريقتها.

فإن لم يرتدع فنعم أخبري والدكِ ـ رغم أنني شخصياً سألجأ لهذه الخطوة مباشرةً لو كنت مكانكِ ـ لأنه بالفعل يجب أن يتعلم الأدب.

مشكورين يعطيكم الف عافية بس سوال محيرني وش قصدة من هالشي يبي يثيرني ويلفت الانتباة او نة يبيني ولاكيف مين قد مر بتجربتي؟؟؟؟؟؟؟؟؟؟؟!!!!!!!!!!!

أولاً .. حركات المقاطع والأشعار تدل على عقلية غير ناضجة.

ثانياً .. لو كان يريدكِ لكان ذهب مباشرة إلى أهلكِ .. أو على الأقل كتبها لكِ بصراحة في الإيميل بدون لف ودوران وبدون محاولة الضحك عليكِ بحركات المراهقين تلك.

ثالثاً وهو الأهم .. حتى لو كان يريدكِ .. هل بالفعل ترضينها على نفسكِ بعد أن أهانكِ وسبكِ وأحرجكِ أمام والدكِ؟!!!!

غيري الايميل و قولي لابوك يتصرف معاه وبسسسسسسسسسسسس

احتفظي بالرسايل والاغاني اللي يرسلها
ووريهـا امه او ابوه
ردي الصاع صاعين واخذي حقك بأيدك
عشان ترتاحين

احذري احذري احذري

تبلغين اي شخص عن هذي الايميلات لانها راح تكبر الخصومات بين العائلتين
يكفي انكم فاسخين الخطبة بعد تزيدي الهم هم وتسوي سوالف وقضايا يمكن تتفرق العوائل بسببها

حبيبتي الايميل سوي له حضر وتنتهي السالفه

او غيري الايميل ولاترسلي حرف واحد له

خذيه على قد عقله وكبري عقلك

مشكورين يااخوان انا فكرت اكلم امة وتقولة مايرسلي شي واذا رجع بكلم ابوي وش رايكم؟؟؟؟؟؟؟؟؟؟

^
^
صح عليك
اذا هو عملها فيك بالبدايه هذي الطريقه الوحيده اللي تردين فيها كرامتك وتعيشين براحه باقي عمرك

كم عمرك
و
كم عمره


لاتبلغين امه او اي احد غيري ايميلك و ايميلك القديم غيري الرقم السري لرقم صعب عشان ماترجعين تفتحينه
خطيبك السابق تصرفاته مراهقة
لاتصير تعاملينه بالمثل هو تصرفع غبي ترجعين انتي تكررين تصرفه
طنشيه و لو يبيك صدق بيعرف كيف يرجع يخطبك مع انو اقولك احمدي ربك انو ابوك خلصك من و احد مثل تفكيره

الله يكون في عونك ياارب