|
زوجي يتجاهلني
السلام عليكم ورحمه الله وبركاتة هذي قصتي اللي كتبت في المنتدى قبل خمس سنوات اللي تحتكتبت لكم قصتي التي بين الاقواس قبل خمس سنوات وصبرت على زوجي وتحملت والوضع كماهو لم يتغير شي حتى مليت منة وطلبت الطلاق بعدين قالي ان شالله بيتعدل الوضع وكان الكلام هذا وانا كنت عندة في جدة ورجعت للرياض وانا تعبانة جدااااا من وضعي وكنت ناوية خلاص بتركة واقول لأهلي لانهم مايدرون بعدها طلعت حامل ولله الحمد وطول مدة الحمل وانا في بيت اهلي زارني بس مرة وانا في سبعة شهور ولمن ولدت جاني في المستشفى وسلم علي وجلس يومين لمن طلعت من المستشفى جاني بيت اهلي وقالي بجلس حتى اسوي العقيقة واسمي الولد ولمن ذبح العقيقة رجع جدة كان لطيف معي سوالف ومزح لكن قهرني بتصرفاتة مادفع ولا ريال للمستشفى الخاص اللي ولدت فية كل شي انا دافعتة ولا اعطاني فلوس اجهز للمولود وبعد ماولدت ماعطاني مصروف للولد اااااااااااية وربي قهرني تصرفة مع اني متعودة لانة ماعمرة اعطاني مصروف لي وانا ماعمري طلبتة ابد كل مرة يجي للرياض كان يعطيني مصروف للبيت بس للاكل والشرب اذا جاء للرياض مع انة مايجي الا كل خمسة او سبعة شهور ويجلس اسبوع بس المهم انة طاح من عيني خلاص عفتة صرت بس اجاملة في كل شي ماعدت احبة مثل اول بعد ولادتي انتظرت وقلت بشوف بيجي يسلم على ولدة ومر شهرين بس بتصل وماعندة نية يجي بعدين اتصلت فية كنت طول المدة اللي فاتت ساكتة بعدين قلت شوف انا بصراحة مليت منك خلااااص اندبلت كبدي منك انت ماتستحي على وجهك دخلت المستشفى ومادفعت ولا ريال وولدت ماجبت شي لولدك انت وش بلاك ووووووووووووو المهم ماخليت شي شين الا ماقلتة وهو ساكت قالي خير خير بجيك ونتفاهم بعدها بسبوع جاني للرياض وجاب معة هدية وثلاثة الاف ريال وجلس اسبوع وسافر وجلس اربعة شهور يسئل فقط عن ولدة لكن لا مصروف ولا شي كل شي علي انا والله العظيم انة ماهمني الفلوس وانا الحمد لله قادرة وماهمني بس ابي احس ان عندي زوج وانة ابو ولدي ااااااااااه حسبي الله ونعم الوكيل المهم جاني بعد اربعة شهور من الزيارة الاخيرة وانا في البيت مجهزتة بكل شي بعدين جلس اسبوع وسافر ولا عطاني ولا ريال بس سوالف ومزح ولعب مع ولدة وخلاص وانا ساكتة ومشية الموضوع الحين انا محتارة مرة اقول يابنت طنشية وعيشي لولدك واهتمي فية وفي صحتك واعتبري نفسك مطلقة ولا تهتمي ومرررررررررررررات اقول ليش اصبر ليش ماوقفة عند حدة يمشي مثل الناس ولا ماعلية حسوفة يطلقني لاني مثل المطلقة دلوني على الطريق الصحيح (((((((( تزوجت وعمري37 سنة ومر على زواجنا سنة وستة شهور تزوجت من رجل متزوج يسكن في جدة وانا في الرياض طبعا لظروف عملي وعملة لابد ان نعيش على الاقل 5 سنوات كل واحد بديرتة حتى تزين الظروف ونجتمع مع بعض طبعا مسوي لي بيت في الرياض وكل شهر او شهرين يزورني من 10 الى 15 يوم ومكالمات بالتلفون كل يوم وعايشة معة احلى عيشة حب ورومنسية وحنان ومعاملتة راقية جدااا ومحترم جدااا واحبة بقوة لكن فية مشكلة ذبحتني انا للحين ماحملت ولمن جات اجازة عيد الاضحى قلت لة راح اجيك بجدة واتعالج عند مستشفى حتى احمل قالي معليش خليها في الاجازة وراح اوفر لك شقة مفروشة وتجلسين طول العطلة وتتعالجين براحتك قلت ماشي ولمن جات الاجازة جاني وجلس حوالي20 يوم وقالي مقدر اخذك معي عندي شغل قلت ماااااااشي مع اني ميتة قهر بس مابي ازعلة وطول الاجازة وانا جالسة عند اهلي واشوف زميلاتي كل وحدة مع زوجها وسفريات وانا جالسة لحالي وابكي على حظي اللي صبرت طول السنين اللي فاتت بدون زوج ولمن تزوجت صار بديرة وانا بالثانية المهم هذا مو المهم عندي المهم اني ابي احمل وبس العمر رررررررراح وانا كبرت والله العالم احمل ولالا المهم على اخر العطلة اتصل فيني وقالي تعالي نقضي اسبوع بجدة وعلى طول جيتة وانا ماكان قصدي اتمشى كنت اقصد امر على دكتور واتعالج وبعدين قضيت معة احلى اسبوع وقلت لة لازم امر دكتور وافتح عندة ملف واكشف قالي اوكي ورحت للدكتور وقالي لازم تجين بعد 15 يوم وبعدين سافرت وبعد15 يوم قلت لزوجي راح اجيك لجدة قالي خليها بعدين انا مشغول ومادري ايش حسيت انة مايبي اني اجي واصريت علية وقالي طيب تعالي وياليتني ماجيت تغيررررررررررت نظرتي فية استقبلني في المطار في الصالة برى عند المواقف ولمن ركبت معة حسيت انة زعلانومو زوجي اللي اعرفة تغيرت معاملتة لي بالمرة انا انسانة حساسة ومابي احس اني ثقيلة على احد نزلني بالشقة وصار يغيب عني بالساعات واذا جاء اخر الليل جاني ومرة من المرات جاء اخر الليل وماوصل اتصلت علية مايرد وخفت يكون حصل لة حاجة ومانمت طول الليل ولمن جات الساعة9 الصبح اتصل علي وقالي معليش نام عند زوجتة طيب ليش مارد على الجوال او قالي انة بينام هناك مافيها شئ بصراحة انقهرت من تصرفة وحسيت بحالة نفسية رهيبة عشت معة20 يوم من اخس الايام اللي مرت علي بحياتي وبعدها رجعت للرياض وقررت اتعالج في الرياض وهو اللي يجيني احسن لكن انا خايفة انة يقهرني ومايجي على الموعد اللي راح يحددة الدكتور على الرغم اللي سواة فيني زوجي الا انني صامدة مابي اظغط علية ثم اخسرة ماصدقت اني اتزوج على شان اجيب عيال انا اكتشفت ان زوجي يبيني في الرياض وبس ويبيني وقت راحتة وفضاوتة ماعلية مني اهم شئ نفسة وبس ويبي سوالف على التلفون بالساعات احس اني عشيقة مو زوجة ااااااااه بس انا ابي احمل مادري كيف الطريقة الايام تمر وانا اكبر والامل راح يكون ضعيف وزوجي مايبي يساعدني .هذة مشكلتي عايشة بين نارين اخاف اواجهة بالموضوع ثم تحصل مشاكل ثم يطلقني وفي نفس الوقت مقدر اصبر وانا جالسة لحالي ذبحتني الهواجيس والافكار .وش اسوي اصبر واخلي الامور على الله مثل ماتجي تجي ولا اواجهه حتى لو اتطلق دلوني ارجوكم.)))))ا |
معقولة 105 مشاهد وماحد رد ؟؟؟؟؟
|
عزيزتي..
بدايةً أتفهم تماماً حاجتكِ للأمومة وسعيكِ الحثيث لتحملي وتنجبي .. ولكنني في نفس الوقت أدرك أن التصرفات والسلوكيات هي مقدمات لما بعدها .. لذلك لا أفهم كيف أمكنكِ أن تتجاهلي كل المقدمات التي عبرت عنها تصرفات زوجكِ منذ بداية طرحكِ موضوع العلاج والإنجاب!! الوضع الحالي هو حلقة متوقعة بعد سلسلة الحلقات الماضية .. ورجلٌ كان يتهرب من فكرة العلاج وزيارة الطبيب لا يمكن أن نتوقع منه اهتماماً مفاجئاً الآن بكِ وبابنكِ .. ورجلٌ اعتاد منكِ التكفل مادياً بنفسكِ لن نتوقع منه أن إدراكاً مفاجئاً لواجبه في الإنفاق عليكِ .... لأنه ببساطة يدرك هذا الواجب منذ البداية عندما قرر أن يتزوج بكِ سواءً أنجبت أم لم تنجبي. الآن الأمر بين يديكِ .. والقرار لكِ. ولا تنسي الاستخارة. |
بنت الرياض...خلي واحد من اهلج يكلمــه ويناقشه
إما احسان بعروف أو تسريح بإحســـان الله يكتب لج الخير ويرزقج من اوسع الأبواب |
والله محتارة مرة اقول بقولة يطلقني وارتاح ومرة اقول ماعلي منة اهم شي عندني ولدي وخير ياطير اذا طلقني وش بسوي اصلا زواج مافكر اني اتزوج احسن شي اطنشة وبس واعيش حياتي كانة مو موجود ومرات اقول لا وربي محتارة
|
اقتباس:
غريبة صراحه وضعك... صدق ماكانك متزوجه... طيب زوجتة الاولى تدري عنك..؟؟ والله زوجك كانة متزوجك مسيار.. اعذريني بس هذا اللي اتضح لي... |
ايوة زوجتة تدري عني بس ماعمري قابلتها ولا قابلتني ياناس انا ابي احد يشوفلي حل مو بس يستغرب وبس
|
الحل يا أختي أنتِ فعلتيه بالفعل عندما تحدثتِ معه وقلتِ ما في نفسكِ .. والنتيجة أنه (اصطلب) مرة وجاءكِ بهدية وفلوس .. ثم غطس أربعة شهور حسب كلامكِ .. ثم عاد لمدة أسبوع بسلوكه المعتاد ولا كأنج تكلمتي معاه!!!!
الآن ليس أمامكِ سوى أن تخبري أهلكِ ليتدخل ((رجل)) منهم ويتفاهم معه ... فإما إمساك بمعروف ويقوم بواجبه كزوج وأب كما يرضي الله .. وإما تسريح بإحسان. |
اشكرك اختي مهرة على اهتمامك بموضوعي وعسى الله يفرجها
|
اقتباس:
|
اقتباس:
|
ياغالية والله محد مرتاح بهالدنيا
وإذا أنت ما اقنعت نفسك وريحتي نفسك محد مريحك عيشي حياتك لولدك ولك,,, أسعدي نفسك مع طفلك وراح يملا حياتك كثيرات يتمنون أزواجهم يبعدون عنهم شوي بس عشان يلتفتون لعلاقاتهم الاجتماعية ولنفسهم وحال جميع الموظفات إلا من رحم ربي ... هي اللي تصرف على نفسها وعلى عيالها مو جديدة أبد تذكري دايم إنه فيه من هو أسوأ من وضعك وإنك بنعمة وعافية ورزقك ربي الذرية الصالحة, وزوجك مع انه مبتعد إلا إنه محترمك الكلام لي ولغيرك: الدنيا ماتستاهل نضيعها في حزن على ناس ماكنا أحد اهتماماتهم بيوم من الأيام اتأقلمي مع وضعك وصدقيني من القصص اللي نقراها هنا الرجل مايحب الزن وصارت الوحدة منا ماتبي منهم غير الضنى, ويكفون شرهم, ومو قصدي أكسر مجاديفك وإلا أحطمك... بس تعبيرهم عن حبهم جد غريب, أو إنهم أغبياء بما فيه الكفاية ولاهم راضين يفهمون>>>>>>عذرا لمن أستثني من القاعدة عيشي حياتك وابسطي نفسك وابنك والدنيا ماشية تمنياتي لك بالسعادة |
اقتباس:
|
حسبي الله ونعم الوكيل
|
الله يفرج همي انة على كل ي قدير
|
يارب يسر امري
|
اقتباس:
|
اقتباس:
|
الله يكتب اللي فية خير لي ولكم انة سميع مجيب
|
الله ييسر امري
|
للدرجة هذي مشكلني صعبة461 مشاهد وحد رد علي
|
شوفي حبيبتي راح اتكلم معاك بصراحه من منطلق الاخوة
انت موظفة يعني شايله نفسك وشايله ولدك كذا او كذا انت مو محتاجه لفلوس الرجال معاك انه الاحساس بالزوجية مطلب نفسي والماده شي من هذا المطلب بس هذا قدرك انه زوجك بخيل وشايف انك مو محتاجه خاصه انه عنده بيت ثاني يصرف عليه حبيبتي احمدي ربك انه بخيل ولا يكون يطالبك هو بالصرافه او مرتب شهري ينغنغ فيه زوجته الثانية غيرك على الراتب مشاكلهم يعني يكون بخيل ولا يكون طماع وجشع غيري طريقه تفكيرك معاملته لك قائمة على الاحترام وقلتي الرومانسية بداية الزواج ليش ما تستعيدي هذي الايام بشطارتك لما يجي فاجئه بالحب حبيبتي لا تخسرين حياتك ومتعتك لانك وقفت عند نقطة وحدة ( الصرفيه ) وانت اساسا قادرة يالغلا الحياة لا تطيب ابدا ولا تسوء ابدااا حاولي قدر المستطاع اخذ الفرح الذي تستطيعيه فكري بجدية بطفل ثاني لاتزعلين مني عمرك الان 42 ويامحلاها الحياة في الكبر بوجود الاولاد ربي طفلك وطوري نفسك وكوني له نعم الزوجه غيري تفكيرك غيري تفكيرك راح تتغير حياتك للافضل خصوصا اني شايفه انه زوجك مو ذاك السيء اللي العيشه معاه تقصر العمر اسعي انك تمتلكي بيت ملك في الرياض عند اهلك وعيشي حياتك في بيتك وزوجك كل بعد فتره اغلبي افكارك السلبية وقدمي له هدية لا تنتظري مقابل الا المعامله الحسنة والذريه الصالحه الله يفرج لك ولجميع المسلمين |
اقتباس:
|
اقتباس:
|
اقتباس:
|
وينكم
|
غاليتي بنت الرياض ربي يفرج همك
انا مع بسمة لااشراق بكل كلمة قالتها لو على الصرفية.. الله العالم ايش ظروفه .. قد يكون راتبه كله رايح على بيته الاول وماشاء الله دامك قادرة خلاص . استمري بالصرف ومن وقت للثاني طالبيه ولا تقول عزة نفس .. هذا واجبه و انتي مستحملتيه فامايصير شي اذا طالبتيه مرة كل حين وحين ... بالنسبة للزيارات .. هذه انتي و شطارتك .. باين زوجك يدور الوناسة فا اكسبيه من هالناحية من خلال الرومانسيات و الرسايل الحلوة و الاشواق ولما يجيك خليه يستانس و ينبسط و لحاله راح يدور الجية لعندك غاليتي وازني بينك بقاءك معاه و انفصالك عنه بتلاقي بقاءك معاه له ايجابيات كثيرة جدا يكفي وجوده كاب لابنك ... عشان كدا ياقلبي برمجي تفسك و تفكيريك على العيش وحدك واستقباله متى مايجي بوجه سمح و ابتسامة |
اقتباس:
|
الحمد لله رب العاملين
|
عليك بنقل عملك الى جدة والسكن بجواره ويوم ويوم وبذالك سوف يلتزم بك
|
اقتباس:
|
اخت بنت الرياض
هو اللى مضايقك الخلفه ولا البخل ولا العشره الحسنه اولا هو متزوج وببلد اخر وهذا حتما سيؤثر على علاقته معك وايام التبويض كما انه ببلد اخر مما لايزيد الاشتياق خاصة وهو متزوج وعندنا مثل يقول البعد جفاء وهو متوقع فاضل البخل فان كان اصله كده فمالوش حل وان كان امر مستحدث فيمكن مناقشته فيه خلاصة الامر ان ماتشكى منه يجب ان تكونى توقعتيه عند بداية زواجكما اما الان فانتهى عهد الاستحياء اطلبى حقوقك بجراه وانك تريدى طفل اخر وهذا حقك لايجب ان يحرمك منه دون اسباب مقنعه كما ان من حقك العدل فى المصروف والخروج والنزهه ولاترضى بالقليل او انشاء الله تتصلح كثير من شكوى النساء لانهن يقفن كالعجزه فى المطالبه بحقوقهن وبعدين نقول مجتمع ذكورى |
اقتباس:
|
اذا رجعت من الاجازة شفت زميلاتي كل وحدة منهن رادة من سفرية برى المملكة وبسطة ووناسة وانا جالسة في البيت الله يرحم حالي
|
ربي سخرلي زوجي ويسرلي امري انك سميع مجيب
|
الله يفرج كربتك يارب ويرزقك
|
السلااااام عليكم ورحمه الله
شوفي ياأختي أناوالله توي طحت ع موضوعك ربي يفرج لك أنابنصحك نصيحه لوجه لله تبين تعتبريني أخت وتستمعين لي اولا؟؟؟ بنصحك لوجه الله اللي فهمته من وضعك وظيفتك انك معلمه ومعلمه قديمه تبين الاطفال شوفي يأختي إذا جاءءءزوجك لاتكلمين معه صرف وماصرف انتي اللي عندك يعيشك انتي وولدك ولاتستمعين للي ناقشيه وماناقشيه لين يمل ويطلقك أسمحي لي يأأختي أنتي تقولين انو بخيل ولي أشوفه أنك انتي البخيله بتقولي كيف؟؟؟؟ اسمعي مطالبتك بصرف هذا البخل وغيره والاهم ليش يأأختي أذأ بدت الاجازة ماتسافرين له لجده من الى ٣أو٤شهوروانتي عنده تكفلين بالشقه وكل شي عليك بتقولووون هو وش فايدته ياناس ياعااااالم هي المستفيده والخسرانه بنفس الوقت بتستفيد لي صارت عنده ويجيهاويمشيهاوعند ولده وغيررررره امسكي فلوسك اللي مجمعتهن وقطيهن أذا منتي مونسه نفسك بهن وبولدك عيشي عنده وراجعي هناك يمكن ربي يكتب لك حمل الله يارب يرزقك يابنت العمر راح أكسبي منه طفل لاتقولين هو مو راضي يمكن الزوج عليه ضغط ديون شي وتجي الشقه تتعبه انتي تكفلي هذا انتي عايشه لحالك بالرياض شالمشكله أذا عشتي عنده هناك او إذا تحسين أنو بيرفض ويمكن إذا هو رجل شهم بيرفض دقي ع مكتب عقاري هناك وفاجئه واستأجري وعيشه معاه ع الاقل أذا ماجأك يوميابيجيك بعد ايام الله يفرج لك والله أني حزنت حييييل ع حالك وع تصرفاتك وأموررررك ربي يفرجهاعليك ترا والله عندي قصه معلمه لي نفس حكايتك برجع أكتبهالك عرفت كيف تصتاد الاسدوتكسب منه طمنيني عن امورك" |
اقتباس:
|
اقتباس:
|
الله يفرجها عليك
اسمعي أختي لا لا غلط تقولي اذاجاءءءحياه الله واذاراح بكيفه لاحبيبتي شغلي مخك وين كيد النساءودهائهن وين تفكيرك وتخطيطك؟؟؟ شوفي قلبو انتي صح انك فكرتي تستأجري وخلك من امورشراءشقه بعدين فكري فيهالاكسبتي الطفل الأخر شوفي قلبو سمي وتوكلي ع ربك وتوجهي لجده واستاجري وخبريه برساله رومنسيه ومن هالامور وفاجئه بقصه بصبغه بحركات بأكلات واجلسي عنده بهالرمضان وطلبي منه تروحون عمرة مكه ماشاءءءالله موبعيده عنكم وهناك انطرحي بين يدي رب العالمين وابكي واسأليه صلاح حالك واحوالك والذريه ربي انك تعلم لم اتزوج الالستروالذريه فأغنني بغناك عمن سواك اصلحي علاقتك مع الله والله تصلح امورك تصدقي تصدقي تصدقي بنيه صلاح زوجك وحالك الصدقه امرهاعجيب ولكن نغفل عن هذا انار الله قلوبنا بعدين احزمي امورك هناك والحمدلله دام لك احد هناك ع بالي لايوجد صدقيني بعد العمرة والصدقه وتكفلك بالشقه راح تصلح امورك بإذن الله الان لاتجلسين هناوسافري اليه ولاتقولين اشوف خاطره متضايق من جيتي له دعي عنك هذه التفاكير واعرفي من اين تؤكل الكتف وكيف تكسبيييين ضعي امام عينك هدف ولابدالوصول اليه بشريني ماذا قررررتي؟؟؟وطمنيني عن امووورك اسعدك الله وغيرحالك من حال لحال"" |
| الساعة الآن 06:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©